Hebreos 2:3 - Triqui de San Juan Copala

³ Cheꞌé dan, asa̱ꞌ caꞌve̱e nani̱i̱ maꞌa̱n níꞌ rihaan sayuun ne̱ cavi̱i̱ sa̱ꞌ níꞌ, sese se̱ xcaj sa̱ꞌ níꞌ cuentá cheꞌé chrej sa̱ꞌ chrej quiꞌyaj naca̱ Yaꞌanj nani̱i̱ níꞌ rihaan sayuun, rá soj ga̱. Dan me se asino maꞌa̱n Síí ꞌNi̱j Raꞌa man níꞌ me síí cuchruj chrej sa̱ꞌ yoꞌ, ga̱a ne̱ nij síí cuno nana̱ caꞌmii soꞌ roꞌ, cataj xnaꞌanj nij soꞌ snana̱ soꞌ nana̱ sa̱ꞌ yoꞌ rihaan níꞌ, ne̱ nariꞌ sa̱ꞌ níꞌ nana̱ yoꞌ, quiꞌyaj nij soꞌ ado̱nj.

Hebreos 2:3 Referans Kwoze

Hebreos 12:25

Ta̱dó uxrá soj se̱ nachriꞌ soj ni̱ꞌyaj soj man Yaꞌanj si̱j narqué chrej sa̱ꞌ man soj maꞌ. ꞌO̱ se nij síí ne caꞌve̱j rá cuno̱ rihaan síí cataj xnaꞌanj snana̱ Yaꞌanj rihaan nij soꞌ rihaan chumii̱ nihánj ga̱a naá me se ne nani̱i̱ nij soꞌ maꞌ. Táá a̱ níꞌ si̱j ma̱n cuano̱, ne̱ aꞌmii síí nicu̱nꞌ rej xta̱ꞌ rihaan níꞌ, ne̱ sese nachri̱ꞌ níꞌ ni̱ꞌyaj níꞌ síí narqué chrej man níꞌ, ne̱ daj chiha̱a̱ míj se̱ nanii níꞌ a̱ maꞌ.

Romanos 2:3

Dan me se utáꞌ so̱ꞌ cacunꞌ xráá tuvíꞌ so̱ꞌ, tza̱j ne̱ ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ uún a. Asa̱ꞌ caꞌve̱e nani̱i̱ so̱ꞌ rihaan sayuun asa̱ꞌ caꞌneꞌ Yaꞌanj cacunꞌ cheꞌé cunuda̱nj yuvii̱, rá so̱ꞌ ga̱.

Hebreos 5:9

Dan me se guun soꞌ síí uno nu̱ꞌ snana̱ rej, ne̱ cheꞌé dan guun soꞌ síí tinanii man ta̱ranꞌ níꞌ si̱j uno rihaan soꞌ rihaan sayuun, ne̱ dan me se cavi̱i̱ sa̱ꞌ níꞌ nu̱ꞌ cavii nu̱ꞌ caꞌanj, quiꞌya̱j soꞌ ado̱nj.

Hechos 4:12

Taj va̱j a̱ ꞌó síí gu̱un nucua̱j ti̱nanii man níꞌ rihaan sayuun, cheꞌé se rihaan chumii̱ nihánj roꞌ, o̱rúnꞌ se‑chuvi̱i soꞌ me se rqué Yaꞌanj man níꞌ cheꞌé yan nani̱i̱ níꞌ rihaan sayuun ne̱ cavi̱i̱ sa̱ꞌ níꞌ na̱nj ado̱nj ―taj Pedró rihaan nij síí uun chij yoꞌ a.

Hebreos 4:11

Nano̱ꞌ uxrá níꞌ da̱j quiꞌya̱j níꞌ nara̱a̱n rá níꞌ ga̱ Yaꞌanj, ga̱a ne̱ se̱ guun tu̱mé a̱ ꞌó tuviꞌ níꞌ cacunꞌ tumé nij síí cumán ga̱a naá maꞌ.

Hebreos 1:2

Tza̱j ne̱ ya̱j ga̱a nichrunꞌ caꞌa̱nj niꞌya̱ chumii̱ nihánj me se cataj xnaꞌanj maꞌa̱n ya̱ Taꞌníí Yaꞌanj snana̱ Yaꞌanj rihaan níꞌ, quiꞌyaj Yaꞌanj, ne̱ Taꞌníí Yaꞌanj me síí cuneꞌ Yaꞌanj man se vaa gu̱un siꞌya̱j soꞌ man cunuda̱nj rasu̱u̱n vaa güii, ne̱ soꞌ me síí quiꞌyaj nu̱ꞌ chumii̱ ga̱ xta̱ꞌ, quiꞌyaj Yaꞌanj ado̱nj.

San Lucas 1:2

Dan me se cachrón nij soꞌ nana̱ cataj xnaꞌanj nij síí queneꞌen cunuda̱nj se vaa guun asi̱j guun cheꞌe̱ Jesús cayáán soꞌ rihaan chumii̱ nihánj, ne̱ nij síí queneꞌen roꞌ, me síí ata̱ suun nata̱ꞌ nana̱ yoꞌ rihaan nu̱ꞌ yuvii̱ a.

Apocalipsis 7:10

Ne̱ nucua̱j ndoꞌo caguáj nij soꞌ, cataj nij soꞌ a: Nanii núj rihaan sayuun ne̱ avii sa̱ꞌ núj, ꞌyaj Taꞌanj núj síí ta̱j rihaan chruun xlá sa̱ꞌ do̱ꞌ, Matzinj Leꞌe̱j do̱ꞌ ado̱nj, taj nij soꞌ a.

Tito 2:11

Dan me se a̱j xcaj níꞌ cuentá se vaa quiꞌyaj ndoꞌo Yaꞌanj se lu̱j cheꞌé cunuda̱nj yuvii̱, se vaa caꞌve̱e nani̱i̱ cunuda̱nj nij yuvii̱ rihaan chrej chiꞌi̱i̱ do̱ꞌ, rihaan sayuun do̱ꞌ,

1 Timoteo 1:15

Dan me se ya̱ uxrá vaa nana̱ nihánj, ne̱ ta̱ranꞌ níꞌ no̱ xcúún cuno̱ nana̱ nihánj se vaa me rá Cristó Jesús ti̱nanii soꞌ man nij síí tumé cacunꞌ rihaan chrej chiꞌi̱i̱ do̱ꞌ, rihaan sayuun do̱ꞌ na̱nj ado̱nj. Cheꞌé dan caꞌnaꞌ soꞌ rihaan chumii̱ nihánj ado̱nj. Dan me se noco̱o doj cacunꞌ quiꞌyáá ꞌu̱nj rihaan cacunꞌ quiꞌyaj ta̱ranꞌ ꞌó nij yuvii̱ a.

San Mateo 23:33

’Ase vaa xcuáá yuva̱a̱ vaa soj, ne̱ taj se qui̱ꞌyáꞌ nani̱i̱ soj rihaan sayuun quiꞌya̱j Yaꞌanj man soj maꞌ. Caca̱a̱ soj rihaan yaꞌan ado̱nj.

Hebreos 4:1

Ga̱a rque̱ me se cataꞌ tuꞌva Yaꞌanj se vaa caꞌve̱e catu̱u̱ níꞌ rej caꞌa̱nj níꞌ nara̱a̱n rá níꞌ ga̱ Yaꞌanj, ne̱ veé da̱nj vaa yaꞌnúj rihaan níꞌ nda̱a cuano̱ ado̱nj. Cheꞌé dan tu̱mé uxrá níꞌ man níꞌ, ne̱ ta̱dó níꞌ se̱ gaa na̱nj ca̱ráán níꞌ xréé níꞌ rihaan nana̱ yoꞌ na̱nj á.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

Hechos 1:22

ꞌO̱ se ꞌo̱ síí chéé ga̱ núj asi̱j cutaꞌ ne Juan man Jesús nda̱a güii cavii soꞌ quinanꞌ soꞌ xta̱ꞌ roꞌ, nari̱i̱ núj ne̱ ca̱ta̱ soꞌ suun ga̱ núj se vaa caꞌa̱nj nata̱ꞌ soꞌ rihaan yuvii̱ se vaa cunuu iꞌna̱ꞌ uún Jesús á ―taj Pedró rihaan cunuda̱nj nij síí cunuu chre̱ꞌ a.

San Juan 15:27

Ne̱ cata̱j xnaꞌanj maꞌa̱n soj cheꞌej, cheꞌé se asi̱j tacoo cachéé soj ga̱j ado̱nj.

San Lucas 24:19

Ga̱a ne̱ cataj Jesús a: ―Da̱j guun chumanꞌ Jerusalén ga̱ ―taj Jesús, xnáꞌanj soꞌ man ro̱j soꞌ a. Ga̱a ne̱ cataj ro̱j soꞌ rihaan Jesús a: ―Nu̱ꞌ se vaa quiranꞌ Jesús síí cavii chumanꞌ Nazaret a. Ne̱ soꞌ me síí guun síí nataꞌ snana̱ Yaꞌanj rihaan nij yuvii̱ a. Ne̱ síí uun nucua̱j ndoꞌo quiꞌyaj suun sa̱ꞌ noco̱o me soꞌ, ne̱ síí cavii ndoꞌo nana̱ sa̱ꞌ tuꞌva cheꞌé Yaꞌanj me soꞌ rihaan cunuda̱nj nij yuvii̱ a.

San Marcos 1:14

Dan me se ga̱a quisíj caxríj nij tanuu tagaꞌ man síí cuꞌna̱j Juan, ne̱ caꞌanj Jesús estadó cuꞌna̱j Galilea, ne̱ caꞌmii natáj soꞌ snana̱ Yaꞌanj nana̱ sa̱ꞌ,

1 Tesalonicenses 5:3

Dan me se vaa güii cata̱j yuvii̱ a: “Ya̱j me se dínj vaa rihaan chumii̱, ne̱ taj cheꞌé cuchuꞌvi̱ꞌ níꞌ maꞌ”, cata̱j nij yuvii̱ a. ꞌO̱ se güii yoꞌ me se ta̱j niꞌyo̱n ne̱ ase vaa ranꞌ chana̱ cuchru̱j neꞌej roꞌ, da̱nj ga̱a̱ quira̱nꞌ ndoꞌo nij yuvii̱ sayuun, ne̱ se̱ nanii nij soꞌ maꞌ.

San Lucas 1:69

Caꞌnaꞌ ꞌo̱ síí nucua̱j gu̱un soꞌ Síí Ti̱nanii man níꞌ rihaan sayuun, quiꞌyaj Yaꞌanj a. ꞌO̱ taꞌníí taꞌnij siꞌno̱ rey cuꞌna̱j David síí cayáán ga̱a naá me soꞌ,

San Mateo 4:17

Ga̱a ne̱ guun cheꞌe̱ Jesús caꞌmii natáj soꞌ rihaan yuvii̱, ne̱ cataj soꞌ a: ―Nuchra̱nꞌ nimán soj ne̱ ta̱náj soj chrej chiꞌi̱i̱ á. ꞌO̱ se a̱j nichrunꞌ se vaa gu̱un chij Yaꞌanj ado̱nj ―da̱nj caꞌmii natáj Jesús rihaan nij yuvii̱ a.

Romanos 11:14

ꞌO̱ se me raj gu̱un xco̱j rá nij soꞌ ni̱ꞌyaj nij soꞌ man soj si̱j yaníj, ga̱a ne̱ canoco̱ꞌ taꞌa̱j nij soꞌ nana̱ noco̱ꞌ soj, ga̱a ne̱ nani̱i̱ nij soꞌ rihaan sayuun ne̱ cavi̱i̱ sa̱ꞌ nij soꞌ, raj a.

1 Corintios 1:21

ꞌO̱ se nij síí ma̱n rihaan chumii̱ nihánj roꞌ, ne cavi̱i̱ raa̱ nij soꞌ da̱j vaa Yaꞌanj maꞌ. Tza̱j ne̱ síí cu̱u raa̱ me Yaꞌanj, ne̱ maꞌa̱n Yaꞌanj caráán chrej rihaan nij soꞌ se̱ gaa na̱nj xca̱j nij soꞌ cuentá cheꞌé soꞌ ado̱nj. ꞌO̱ se me rá Yaꞌanj cuno̱ nij yuvii̱ nana̱ aꞌmii natáj núj, ne̱ sese cuno̱ nij yuvii̱, ne̱ ti̱nanii Yaꞌanj man nij yuvii̱ rihaan sayuun, ne̱ dan me se nda̱ꞌ se nana̱ snúú rmaꞌa̱n me nana̱ aꞌmii núj, rá taꞌa̱j nij yuvii̱, tza̱j ne̱ o̱rúnꞌ nana̱ yoꞌ me nana̱ ti̱nanii man yuvii̱ rihaan sayuun na̱nj ado̱nj.

Hebreos 1:1

Nataꞌ uxrá Yaꞌanj snana̱ soꞌ rihaan nij síí nataꞌ snana̱ Yaꞌanj ga̱a naá, ne̱ nataꞌ nij soꞌ nana̱ yoꞌ rihaan nij xi̱i níꞌ nij síí cumán ga̱a naá a. Dan me se do̱ꞌ do̱ꞌ cataj xnaꞌanj Yaꞌanj snana̱ soꞌ rihaan nij síí nataꞌ yoꞌ, ne̱ ino̱ vaa tihaa̱n ꞌo̱ ꞌo̱ nij soꞌ rihaan nij xi̱i níꞌ da̱j taj Yaꞌanj a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Hebreos 9:28

Ne̱ dan me se cheꞌé se o̱rúnꞌ yu̱u̱n caviꞌ Cristó, ne̱ tinavij soꞌ cacunꞌ tumé queꞌe̱e̱ uxrá yuvii̱ roꞌ, vaa güii caꞌna̱ꞌ uún soꞌ rihaan chumii̱ nihánj ado̱nj. Tza̱j ne̱ né cheꞌe̱ rej cavi̱ꞌ uún soꞌ cheꞌé cacunꞌ tumé yuvii̱ me caꞌna̱ꞌ soꞌ maꞌ. ꞌO̱ se caꞌna̱ꞌ soꞌ, ne̱ níꞌ si̱j naꞌvi̱j ndoꞌo man soꞌ roꞌ, nani̱i̱ níꞌ ne̱ cavi̱i̱ sa̱ꞌ níꞌ rihaan Yaꞌanj, quiꞌya̱j soꞌ ado̱nj.

1 Juan 1:1

Dan me se núj me se cata̱j xnaꞌanj núj rihaan nij soj cheꞌé ꞌo̱ síí cayáán ga̱a naá asi̱j guun cheꞌe̱ Yaꞌanj quiꞌyaj Yaꞌanj chumii̱, ne̱ ina̱nj se vaa cuno maꞌa̱n núj do̱ꞌ, se vaa queneꞌen rihaan maꞌa̱n núj do̱ꞌ, se vaa cutaꞌ núj raꞌa núj xráá do̱ꞌ, cheꞌé ina̱nj rasu̱u̱n vaa da̱nj cata̱j xnaꞌanj núj rihaan soj a. Dan me se cata̱j xnaꞌanj núj cheꞌé síí me Snana̱ Yaꞌanj, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Judas 1:17

Tza̱j ne̱ soj roꞌ, ꞌo̱ cu̱nuû rá soj nana̱ cataj xnaꞌanj nij síí cuneꞌ Jesucristó Si̱j ꞌNi̱j Raꞌa man níꞌ caꞌa̱nj nata̱ꞌ rihaan yuvii̱ cheꞌé soꞌ, tinu̱j, nocoj.