Hebreos 2:15 - Triqui de San Juan Copala

¹⁵ Ne̱ guun nucua̱j soꞌ nacaj soꞌ man níꞌ si̱j chéé rihaan cacunꞌ, ne̱ ga̱a rque̱ me se nda̱a chéé chuꞌviꞌ cavi̱ꞌ rmaꞌa̱n níꞌ cheꞌé se ina̱nj cacunꞌ quiꞌyaj níꞌ chugua̱nj. Tza̱j ne̱ cheꞌé se vaa caviꞌ Jesús cheꞌé níꞌ, cheꞌé dan güéj sayuun yoꞌ xráá níꞌ ne̱ navij cacunꞌ tumé níꞌ ado̱nj.

Hebreos 2:15 Referans Kwoze

Romanos 8:15

Neꞌen soj se vaa chuꞌviꞌ mozó niꞌya̱j soꞌ se‑ruꞌve̱e̱ soꞌ, tza̱j ne̱ naꞌvej rá Yaꞌanj quiꞌya̱j soj da̱nj rihaan Yaꞌanj maꞌ. Se̱ cuchuꞌviꞌ nimán soj ni̱ꞌyaj soj Yaꞌanj maꞌ. ꞌO̱ se nica̱j yuꞌunj Yaꞌanj man soj, ne̱ guun taꞌni̱j Yaꞌanj man soj, ne̱ cheꞌé dan me ga̱a̱ niha̱ꞌ rá soj cata̱j soj “Ata̱j” rihaan Yaꞌanj á.

2 Timoteo 1:7

ꞌO̱ se né si̱j chuꞌviꞌ nimán me níꞌ, quiꞌyaj Yaꞌanj maꞌ. Tana̱nj nariꞌ nucuaj nimán níꞌ, ne̱ nuu ꞌe̱e̱ rá níꞌ tuviꞌ níꞌ, ne̱ tumé níꞌ man níꞌ me da̱j ꞌyaj níꞌ, ꞌyaj Yaꞌanj ado̱nj.

2 Corintios 1:10

Dan me se da̱j doj se caviꞌ núj, tza̱j ne̱ Yaꞌanj me síí tinanii man núj rihaan sayuun yoꞌ, ne̱ soꞌ me síí ti̱nanii man núj rihaan sayuun quira̱nꞌ núj rej riha̱a̱n, ne̱ nucua̱j rá núj man soꞌ, ne̱ ya̱ ya̱ ti̱nanii soꞌ man núj rihaan sayuun na̱nj ado̱nj.

Romanos 8:21

se vaa vaa güii cunu̱u sa̱ꞌ cunuda̱nj nij rasu̱u̱n yoꞌ rihaan chumii̱ ga̱ xta̱ꞌ, ne̱ asa̱ꞌ quisíj güii yoꞌ, ne̱ taj rasu̱u̱n quiri̱ꞌ ne̱ taj rasu̱u̱n cuchru̱u̱ maꞌ. ꞌO̱ se veꞌé ndoꞌo ga̱a̱ nu̱ꞌ nij rasu̱u̱n yoꞌ na̱nj ado̱nj. Dan me se ase vaa maꞌa̱n nij taꞌníí Yaꞌanj roꞌ, da̱nj ga̱a̱ uún nij rasu̱u̱n uún, ne̱ niꞌndaj ya̱ veꞌé ga̱a̱ nij yoꞌ ado̱nj.

Gálatas 4:21

Me rá ꞌu̱nj cata̱j ya̱ soj ꞌo̱ nana̱ rihanj á: Me rá nij soj canoco̱ꞌ soj stucua̱nj Moisés, tza̱j ne̱ neꞌen soj da̱j taj nana̱ cachrón Moisés rihaan yanj yoꞌ naꞌ.

Hebreos 2:16

ꞌO̱ se ne caꞌna̱ꞌ Jesús ti̱nanii soꞌ man nij se‑mo̱zó Yaꞌanj rihaan sayuun maꞌ. Ma̱an se caꞌnaꞌ soꞌ ti̱nanii soꞌ man níꞌ taꞌni̱j taꞌnij siꞌno̱ síí cuꞌna̱j Abraham síí cayáán ga̱a naá rihaan sayuun ado̱nj.