Hebreos 13:4 - Triqui de San Juan Copala

⁴ Ne̱ veꞌé uxrá sese xca̱j soj ꞌo̱ chana̱ ado̱nj. Né se naꞌa̱j me yoꞌ maꞌ. Ne̱ né cacu̱nꞌ me sese otoj soj ga̱ nica̱ maꞌa̱n soj maꞌ. Tza̱j ne̱ síí otoj ga̱ ꞌó chana̱ do̱ꞌ, síí otoj ga̱ nica̱ tuviꞌ do̱ꞌ, me se quiꞌya̱j Yaꞌanj sayuun man soꞌ ado̱nj.

Hebreos 13:4 Referans Kwoze

Gálatas 5:19

Dan me se a̱j neꞌen soj da̱j ꞌyaj yuvii̱ ꞌyaj nda̱a vaa me rá nee̱ man maꞌa̱n nij soꞌ quiꞌya̱j yoꞌ ado̱nj. Otoj nij soꞌ ga̱ ꞌó yuvii̱ né ni̱ca̱ nij soꞌ me do̱ꞌ, otoj nij soꞌ ga̱ yuvii̱ ne nó xcúún coto̱j ga̱ nij soꞌ do̱ꞌ, ꞌyaj nij soꞌ se nij ndoꞌo do̱ꞌ, ꞌyaj nij soꞌ se naꞌa̱j ndoꞌo do̱ꞌ,

Gálatas 5:21

uun xco̱j ruva̱a̱ rá nij soꞌ niꞌya̱j nij soꞌ tuviꞌ nij soꞌ do̱ꞌ, uun xno̱ nij soꞌ do̱ꞌ, ꞌyaj nij soꞌ chaꞌanj ne̱ uun xno̱ nij soꞌ ne̱ otoj nij soꞌ ga̱ náguun yuvii̱ do̱ꞌ, ne̱ dan me se queꞌe̱e̱ doj cacunꞌ ase vaa nij cacunꞌ nihánj ꞌyaj uún nij soꞌ ado̱nj. A̱j cataj xnaꞌanj ꞌu̱nj rihaan soj, ne̱ cuano̱ nihánj me se cata̱j xnaꞌanj uún ꞌu̱nj rihaan soj se vaa yuvii̱ ꞌyaj da̱nj roꞌ, daj chiha̱a̱ míj se̱ cayáán nij soꞌ ga̱ Yaꞌanj asa̱ꞌ guun chij Yaꞌanj a̱ maꞌ.

1 Corintios 6:9

Ne neꞌen soj se vaa nij síí chiꞌi̱i̱ roꞌ, se̱ cayáán nij soꞌ rej uun chij Yaꞌanj a̱ naꞌ. Se̱ guun tiha̱ꞌ yuꞌunj soj man maꞌa̱n soj maꞌ. ꞌO̱ se síí otoj ga̱ ꞌó yuvii̱ né ni̱ca̱ me do̱ꞌ, síí aráj gue̱e̱ rihaan yaꞌanj ne vaa iꞌna̱ꞌ do̱ꞌ, síí otoj ga̱ nica̱ tuviꞌ do̱ꞌ, chii cha̱na̱ do̱ꞌ, síí otoj ga̱ chii cha̱na̱ do̱ꞌ,

Efesios 5:5

Dan me se síí ꞌyaj cacunꞌ ga̱ ꞌó yuvii̱ né ni̱ca̱ me roꞌ, quira̱nꞌ soꞌ sayuun, ne̱ síí niha̱ꞌ rá quiri̱ꞌ ndoꞌo rasu̱u̱n roꞌ, quira̱nꞌ soꞌ sayuun ado̱nj. (ꞌO̱ se ase vaa síí aráj gue̱e̱ rihaan yaꞌanj quiꞌyaj maꞌa̱n yuvii̱ roꞌ, da̱nj vaa uún síí niha̱ꞌ rá quiri̱ꞌ ndoꞌo rasu̱u̱n ado̱nj.) Xca̱j ya̱ soj cuentá se vaa a̱ ꞌó síí ꞌyaj cacunꞌ yoꞌ se̱ cayáán ga̱ Yaꞌanj asa̱ꞌ quisíj güii gu̱un chij Cristó do̱ꞌ, gu̱un chij Yaꞌanj do̱ꞌ a̱ maꞌ.

1 Timoteo 3:12

Xa̱ꞌ nij yuvii̱ gu̱un síí nica̱j suun rihaan Yaꞌanj ra̱cuíj man nij yuvii̱, tza̱j ne̱ o̱rúnꞌ nica̱ nij soꞌ ni̱caj nij soꞌ do̱ꞌ, sa̱ꞌ tu̱mé nij soꞌ man taꞌníí nij soꞌ do̱ꞌ, sa̱ꞌ tu̱mé nij soꞌ man nu̱ꞌ nij tucua̱ nij soꞌ do̱ꞌ na̱nj á.

1 Timoteo 3:4

Ma̱an se yan ga̱a̱ soꞌ me se sa̱ꞌ uxrá tu̱mé soꞌ tucuá soꞌ ne̱ gu̱un chij soꞌ do̱ꞌ, veꞌé uxrá cuno̱ taꞌníí soꞌ rihaan soꞌ do̱ꞌ, veꞌé cara̱j cochro̱j taꞌníí soꞌ rihaan soꞌ do̱ꞌ ado̱nj.

1 Corintios 7:38

Cheꞌé dan me, síí rqué taꞌnij cha̱na̱ man snóꞌo roꞌ, sa̱ꞌ ꞌyaj soꞌ, ne̱ síí naꞌvej rá rque̱ taꞌnij cha̱na̱ man snóꞌo roꞌ, sa̱ꞌ doj ꞌyaj soꞌ ado̱nj.

Apocalipsis 22:15

Tza̱j ne̱ xeꞌ quina̱j nij síí ꞌyaj nda̱a vaa ꞌyaj chuvee do̱ꞌ, nij síí ꞌyaj chre̱e do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ticaviꞌ man tuviꞌ do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, nij síí niha̱ꞌ rá caꞌmi̱i̱ nana̱ ne̱ do̱ꞌ a.

Tito 1:6

Xa̱ꞌ nij síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé cune̱ꞌ so̱ꞌ ina̱nj síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ á. Da̱nj na̱nj uún, ne̱ amán rá nij taꞌníí soꞌ niꞌya̱j nij soꞌ man Yaꞌanj, ne̱ taj cacunꞌ caꞌve̱e cuta̱ꞌ nii xráá nij soꞌ se vaa síí niha̱ꞌ rá quiꞌya̱j se nij do̱ꞌ, síí tucuáá do̱ꞌ, me nij soꞌ maꞌ.

1 Timoteo 5:14

Ma̱an cheꞌé dan me rá ꞌu̱nj xca̱j nij chana̱ taꞌa̱j yoꞌ ꞌó snóꞌo, ne̱ cuchru̱j nij noꞌ neꞌej, ne̱ tu̱mé nij noꞌ veꞌ tucuá nij noꞌ, ne̱ da̱nj ga̱a̱, ga̱a ne̱ se̱ caꞌvee caꞌmi̱i̱ nij síí ta̱j riꞌyunj man níꞌ nana̱ chiꞌi̱i̱ cheꞌé níꞌ maꞌ.

1 Timoteo 4:3

Ne̱ tucuꞌyón nij síí ne̱ rihaan yuvii̱ se vaa ne no xcúún yuvii̱ xca̱j yuvii̱ chana̱, ne̱ cacunꞌ me yoꞌ, taj nij soꞌ a. Ne̱ tucuꞌyón nij soꞌ se vaa ne no xcúún yuvii̱ cha̱ yuvii̱ taꞌa̱j se chá uún a. Tza̱j ne̱ ꞌo̱ se nu̱ꞌ nij rasu̱u̱n ma̱n rihaan yoꞌóó me se rasu̱u̱n chá níꞌ taj níꞌ guun niꞌya̱j níꞌ rihaan Yaꞌanj me yoꞌ, rá Yaꞌanj, dan araa soꞌ rasu̱u̱n yoꞌ rihaan yoꞌóó cheꞌé nij síí amán rá nana̱ ya̱ ado̱nj.

2 Corintios 5:10

Neꞌen núj se vaa vaa güii no̱ xcúún ta̱ranꞌ níꞌ canicu̱nꞌ ta̱ranꞌ níꞌ rihaan Cristó, ne̱ naquiꞌya̱j cu̱u soꞌ cheꞌé níꞌ a. Ga̱a ne̱ na̱ruꞌvee Cristó rihaan níꞌ cheꞌé se vaa quiꞌyaj níꞌ ga̱a vaa iꞌna̱ꞌ níꞌ rihaan chumii̱ nihánj, ne̱ sese sa̱ꞌ quiꞌyaj níꞌ, ne̱ se sa̱ꞌ na̱ruꞌvee Cristó rihaan níꞌ, ne̱ sese nij quiꞌyaj níꞌ, ne̱ se nij ni̱caj níꞌ na̱nj ado̱nj.

1 Corintios 9:5

No̱ xcúún núj xca̱j núj man ꞌo̱ raꞌvij núj níí noco̱ꞌ man Cristó, caꞌa̱nj noꞌ me rej maꞌa̱n caꞌa̱nj núj á. Neꞌen soj se vaa nij tinúú Jesucristó Si̱j ꞌNi̱j Raꞌa man níꞌ do̱ꞌ, Cefas do̱ꞌ, ꞌó nij síí ata̱ suun caꞌa̱nj nata̱ꞌ snana̱ Jesucristó do̱ꞌ, vaa nica̱ ꞌo̱ ꞌo̱ nij soꞌ a.

1 Timoteo 3:2

Xa̱ꞌ síí gu̱un síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé gu̱un soꞌ síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ, síí chij nimán do̱ꞌ, síí veꞌé acaj cuentá do̱ꞌ, síí niꞌya̱nj rá do̱ꞌ, síí niha̱ꞌ rá cara̱nꞌ yuvii̱ avii ꞌó chumanꞌ tucuá do̱ꞌ, síí ya̱nj tu̱cuꞌyón man yuvii̱ do̱ꞌ ado̱nj.

Hebreos 12:16

Ne̱ se̱ gaa síí otoj ga̱ ꞌó yuvii̱ né ni̱ca̱ nij soꞌ me do̱ꞌ, síí taj se vaa taj se uun snana̱ Yaꞌanj do̱ꞌ maꞌ. ꞌO̱ se ase vaa síí cuꞌna̱j Esaú síí cayáán ga̱a naá vaa síí ꞌyaj da̱nj chugua̱nj. Dan me se síí chava̱ꞌ me síí cuꞌna̱j Esaú, tza̱j ne̱ nu̱ꞌ rasu̱u̱n sa̱ꞌ ta̱náj rej soꞌ rihaan soꞌ me se cutuꞌvéj soꞌ nu̱ꞌ rasu̱u̱n sa̱ꞌ yoꞌ rihaan tinúú soꞌ, cheꞌé se guun rá soꞌ rque̱ tinúú soꞌ do̱j se chá cha̱ soꞌ chugua̱nj.

1 Corintios 6:18

Tu̱mé uxrá soj man soj se̱ gaa na̱nj coto̱j soj ga̱ ꞌó yuvii̱ né ni̱ca̱ soj me á. Na̱j guun cacunꞌ quiꞌya̱j maꞌa̱n yuvii̱ roꞌ, né cacu̱nꞌ quiꞌya̱j yuvii̱ man maꞌa̱n nee̱ man yuvii̱ me cacunꞌ yoꞌ maꞌ. Tza̱j ne̱ sese quiꞌya̱j ꞌo̱ yuvii̱ cacunꞌ ga̱ ꞌó yuvii̱ sese né ni̱ca̱ yuvii̱ me, ne̱ yoꞌ me cacunꞌ quiꞌya̱j yuvii̱ man maꞌa̱n nee̱ man yuvii̱ ado̱nj.

1 Tesalonicenses 4:6

Sese cuno̱ soj nana̱ nihánj, ne̱ se̱ guun soj síí tihaꞌ yuꞌunj man tinúú níꞌ cheꞌé chana̱ maꞌ. ꞌO̱ se a̱j cataj ya̱ núj rihaan soj se vaa quiꞌya̱j Síí ꞌNi̱j Raꞌa man níꞌ sayuun man yuvii̱ tihaꞌ yuꞌunj man tinúú na̱nj ado̱nj.