Hebreos 13:21 - Triqui de San Juan Copala

²¹ gu̱un nucua̱j soj quiꞌya̱j soj nu̱ꞌ suun sa̱ꞌ, ne̱ quiꞌya̱j soj nu̱ꞌ se vaa me rá Yaꞌanj quiꞌya̱j soj, quiꞌya̱j maꞌa̱n Yaꞌanj chugua̱nj. Ne̱ dan me se gu̱un níꞌ se niha̱ꞌ rihaan Yaꞌanj, quiꞌya̱j maꞌa̱n Yaꞌanj cheꞌé Jesucristó ado̱nj. Ne̱ nu̱ꞌ cavii nu̱ꞌ caꞌanj cata̱j níꞌ se vaa niꞌndaj ya̱ sa̱ꞌ veꞌé vaa soꞌ ado̱nj. Veé da̱nj ga̱a̱ ya̱ ado̱nj.

Hebreos 13:21 Referans Kwoze

Filipenses 2:13

Yaꞌanj me síí ꞌyaj suun nimán soj yan gu̱un rá soj cuno̱ soj snana̱ soꞌ, ne̱ soꞌ me síí quiꞌya̱j gu̱un nucua̱j soj quiꞌya̱j soj nu̱ꞌ se vaa me rá soꞌ quiꞌya̱j soj ado̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

1 Pedro 2:5

Ne̱ ase vaa nij yuvej leꞌe̱j nii nataꞌ xráá yuvej xi̱j roꞌ, da̱nj vaa ta̱ranꞌ soj, sese canoco̱ꞌ xraan soj man Jesucristó, ne̱ veꞌé cuma̱n rcuaꞌa̱a̱n soj, quiꞌya̱j Jesucristó a. Ga̱a ne̱ cunu̱u sa̱ꞌ nimán soj, ga̱a ne̱ ase vaa xrej narii Yaꞌanj cu̱nuû rihaan soꞌ roꞌ, da̱nj ga̱a̱ soj rihaan Yaꞌanj a. Ne̱ ase vaa se sa̱ꞌ rqué nij xrej rihaan Yaꞌanj roꞌ, da̱nj ga̱a̱ se sa̱ꞌ quiꞌya̱j soj cheꞌé Jesucristó, ga̱a ne̱ cara̱nꞌ rá Yaꞌanj se vaa ꞌyaj soj ado̱nj.

2 Timoteo 4:18

Ne̱ Síí ꞌNi̱j Raꞌa man níꞌ me síí ti̱nanii manj rihaan da̱j a̱ se nij me rá nii quiꞌya̱j nii manj, ne̱ soꞌ me síí quiꞌya̱j cavi̱i̱ sa̱ꞌ ꞌu̱nj ca̱yáán ꞌu̱nj ga̱ soꞌ rej xta̱ꞌ rej uun chij soꞌ a. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ nu̱ꞌ cavii nu̱ꞌ caꞌanj á. Veé da̱nj ga̱a̱ ya̱ ado̱nj.

Filipenses 1:11

Dan me se ya̱ gu̱un soj yuvii̱ cunuu sa̱ꞌ nimán quiꞌya̱j Jesucristó, cheꞌé rej xca̱j nii cuentá se vaa niꞌndaj ya̱ veꞌé vaa Yaꞌanj ne̱ cata̱j nii se vaa sa̱ꞌ uxrá vaa soꞌ ado̱nj.

2 Corintios 9:8

Ne̱ gu̱un nucua̱j Yaꞌanj quiꞌya̱j ndoꞌo Yaꞌanj nu̱ꞌ se lu̱j ga̱ soj, ne̱ niga̱nj ga̱a̱ nu̱ꞌ se cachi̱in man soj, cheꞌé yan gu̱un nucua̱j soj quiꞌya̱j soj nu̱ꞌ suun sa̱ꞌ caꞌne̱ꞌ Yaꞌanj rihaan soj chugua̱nj.

1 Pedro 4:2

Dan me se ga̱a yáán soꞌ do̱j rihaan chumii̱ nihánj me se se̱ quiꞌyaj uún soꞌ me maꞌa̱n se nij me rá nee̱ man soꞌ quiꞌya̱j soꞌ maꞌ. Tana̱nj quiꞌya̱j soꞌ nda̱a vaa me rá Yaꞌanj quiꞌya̱j soꞌ ado̱nj.

Hebreos 10:36

ꞌO̱ se vaa cheꞌé ga̱a̱ ina̱j nimán soj, ne̱ ꞌo̱ quiꞌya̱j soj se vaa me rá Yaꞌanj quiꞌya̱j soj, ne̱ vaa güii naca̱j soj nu̱ꞌ se vaa cataꞌ tuꞌva Yaꞌanj naca̱j soj chugua̱nj.

1 Tesalonicenses 5:23

Yaꞌanj roꞌ, me síí naquiꞌyaj xe̱j nimán níꞌ, ne̱ me rá núj cunu̱u sa̱ꞌ ina̱nj nimán soj rihaan soꞌ, quiꞌya̱j maꞌa̱n soꞌ, ne̱ tu̱mé Yaꞌanj man maꞌa̱n soj nda̱a se quisi̱j güii caꞌna̱ꞌ uún Jesucristó Si̱j ꞌNi̱j Raꞌa man níꞌ a. Ne̱ dan me se me rá núj tu̱mé Yaꞌanj man nimán soj do̱ꞌ, man nee̱ man soj do̱ꞌ, ne̱ a̱ ꞌó cacunꞌ se̱ tumé soj a̱ maꞌ.

Judas 1:25

Dan me se o̱rúnꞌ Yaꞌanj Si̱j Tinanii man níꞌ rihaan Sayuun me soꞌ chugua̱nj. Cheꞌé Jesucristó Si̱j ꞌNi̱j Raꞌa man níꞌ roꞌ, cata̱j níꞌ se vaa niꞌndaj ya̱ sa̱ꞌ veꞌé ga̱a̱ Yaꞌanj do̱ꞌ, se vaa gu̱un chij soꞌ do̱ꞌ, se vaa ni̱caj soꞌ se nucua̱j do̱ꞌ, se vaa ni̱caj soꞌ suun noco̱o do̱ꞌ á. Nu̱ꞌ nihánj me se nó xcúún soꞌ ni̱caj soꞌ nu̱ꞌ cavii nu̱ꞌ caꞌnaꞌ do̱ꞌ, yoꞌ ya̱j do̱ꞌ, nu̱ꞌ cavii nu̱ꞌ caꞌanj do̱ꞌ á. Veé da̱nj ga̱a̱ ya̱ ado̱nj.

1 Juan 2:17

Ne̱ va̱j navi̱j chumii̱ nihánj ado̱nj. Ne̱ va̱j navi̱j nu̱ꞌ se vaa me rá nij yuvii̱ ma̱n rihaan chumii̱ nihánj quiꞌya̱j nij soꞌ na̱nj ado̱nj. Tza̱j ne̱ síí ꞌyaj nda̱a vaa me rá Yaꞌanj me se ca̱yáán soꞌ nu̱ꞌ cavii nu̱ꞌ caꞌanj ga̱ Yaꞌanj chugua̱nj.

1 Timoteo 1:17

Nu̱ꞌ cavii nu̱ꞌ caꞌanj cata̱j níꞌ se vaa niꞌndaj ya̱ sa̱ꞌ vaa Yaꞌanj, ne̱ soꞌ me Rey gu̱un chij nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ caviꞌ soꞌ maꞌ. Ne ruviꞌ soꞌ niꞌya̱j yuvii̱ maꞌ. Taj va̱j ꞌó Yaꞌanj maꞌ. O̱rúnꞌ soꞌ me Yaꞌanj ya̱ ado̱nj. Veé da̱nj ga̱a̱ ya̱ ado̱nj.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.

Apocalipsis 5:9

Ga̱a ne̱ achráá nij soꞌ chraꞌ naca̱ rihaan Matzinj Leꞌe̱j, cataj nij soꞌ a: No̱ xcúún so̱ꞌ ni̱caj so̱ꞌ yanj ne̱ caꞌne̱e̱ so̱ꞌ nij selló yánj aráán tuꞌva yanj yoꞌ á. ꞌO̱ se ticaviꞌ nii mán so̱ꞌ, ne̱ dan me se nica̱j so̱ꞌ ton mán so̱ꞌ quiránj so̱ꞌ yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ yoꞌóó noco̱o do̱ꞌ, cheꞌé Yaꞌanj ado̱nj.

1 Juan 3:22

Dan me se me maꞌa̱n rasu̱u̱n cachi̱nj níꞌ rihaan Yaꞌanj, ne̱ rque̱ Yaꞌanj cunuda̱nj se vaa cachi̱nj niꞌya̱j níꞌ rihaan soꞌ, cheꞌé se si̱j uno suun caꞌneꞌ soꞌ me níꞌ, ne̱ uun niha̱ꞌ rá soꞌ niꞌya̱j soꞌ se sa̱ꞌ ꞌyaj níꞌ ado̱nj.

Hebreos 13:16

Ne̱ se̱ tanáj soj suun sa̱ꞌ ꞌyaj soj do̱ꞌ, suun racuíj soj man tinúú soj síí nique̱ do̱ꞌ maꞌ. ꞌO̱ se ꞌó se sa̱ꞌ rqué níꞌ man Yaꞌanj me uún yoꞌ, ne̱ aranꞌ rá Yaꞌanj niꞌya̱j Yaꞌanj man síí ꞌyaj da̱nj ado̱nj.

1 Timoteo 6:16

O̱rúnꞌ soꞌ me síí vaa iꞌna̱ꞌ nu̱ꞌ cavii nu̱ꞌ caꞌanj, ne̱ ya̱nj soꞌ rej acoꞌ yaꞌan chuguu̱n rej naꞌvee nichru̱nꞌ yuvii̱ á. A̱ ꞌó yuvii̱ ne queneꞌe̱n man soꞌ, ne̱ daj chiha̱a̱ míj se̱ caꞌvee queneꞌe̱n yuvii̱ man soꞌ maꞌ. Cheꞌé dan cara̱a̱ cochro̱j níꞌ rihaan soꞌ, ne̱ ga̱a̱ nucua̱j ndoꞌo soꞌ nu̱ꞌ cavii nu̱ꞌ caꞌanj rugua̱nj. Veé da̱nj ga̱a̱ ya̱ ado̱nj.

1 Timoteo 5:10

Ne̱ queneꞌe̱n cunuda̱nj nii man nij noꞌ se vaa veꞌé ꞌyaj nij noꞌ suun sa̱ꞌ cheꞌé tuviꞌ nij noꞌ do̱ꞌ, se vaa veꞌé tucuachij nij noꞌ taꞌníí nij noꞌ do̱ꞌ, se vaa rqué nij noꞌ se chá chá yuvii̱ aranꞌ tucuá nij noꞌ do̱ꞌ, se vaa naꞌnuꞌ nij noꞌ tacóó nij síí noco̱ꞌ man Cristó do̱ꞌ, se vaa racuíj nij noꞌ man nij síí quiranꞌ sayuun do̱ꞌ, ne̱ nij noꞌ me caꞌve̱e cachro̱n so̱ꞌ se‑chuvi̱i rihaan yanj no̱ se‑chuvi̱i nij chana̱ caviꞌ nica̱ a.

1 Tesalonicenses 3:13

Nda̱a síj, ga̱a ne̱ ꞌo̱ cunu̱u sa̱ꞌ nimán soj rihaan Rej níꞌ Yaꞌanj asa̱ꞌ quisíj güii caꞌna̱ꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj ga̱ cunuda̱nj nij síí sa̱ꞌ noco̱ꞌ man soꞌ, ne̱ a̱ ꞌó cacunꞌ se̱ tumé soj ga̱a a̱ maꞌ.

Colosenses 4:12

Ne̱ veꞌé cuma̱n soj, rá síí cuꞌna̱j Epafras uún a. Síí cavii chiháán soj me soꞌ, ne̱ ꞌyaj uxrá soꞌ se‑su̱u̱n Cristó a. Ne̱ nu̱ꞌ güii achíín niꞌya̱j uxrá ya̱ soꞌ rihaan Yaꞌanj cheꞌé soj, ne̱ me rá soꞌ ga̱a̱ chij rá soj, ne̱ gu̱un ya̱ rá soj se vaa neꞌen soj da̱j me rá Yaꞌanj quiꞌya̱j soj a.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.

Filipenses 4:18

Dan me se nacaj ꞌu̱nj cunuda̱nj se vaa caꞌnéé soj rihanj, ne̱ a̱ ꞌó rasu̱u̱n ne achiin manj a̱ maꞌ. Ne̱ saꞌanj caꞌnéé soj rihanj ga̱ Epafrodito me se narqué soꞌ nu̱ꞌ saꞌanj yoꞌ rihanj, ne̱ guun niha̱ꞌ rá Yaꞌanj niꞌya̱j Yaꞌanj se vaa rqué soj saꞌanj yoꞌ manj, ne̱ ase vaa se acaa rihaan chraan altar, ne̱ da̱j ndoꞌo gunꞌ yoꞌ roꞌ, da̱nj vaa saꞌanj yoꞌ niꞌya̱j Yaꞌanj ado̱nj.

Efesios 2:18

ꞌO̱ se cheꞌé Cristó me se racuíj Nimán Yaꞌanj man níꞌ, ne̱ cheꞌé dan vaa yaꞌnúj rihaan ta̱ranꞌ níꞌ cachi̱nj niꞌya̱j maꞌa̱n níꞌ rihaan Rej níꞌ Yaꞌanj ado̱nj.

San Mateo 28:20

Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

Apocalipsis 5:13

Ga̱a ne̱ cunó ꞌu̱nj se vaa caꞌmii da̱j a̱ nij rasu̱u̱n quiꞌyaj Yaꞌanj, rasu̱u̱n ma̱n rej xta̱ꞌ do̱ꞌ, rasu̱u̱n ma̱n rihaan yoꞌóó do̱ꞌ, rasu̱u̱n ma̱n rque yoꞌóó do̱ꞌ, rasu̱u̱n ma̱n rihaan na yaꞌa̱nj do̱ꞌ a. Ne̱ cataj cunuda̱nj nij rasu̱u̱n yoꞌ a: Cheꞌé síí ta̱j rihaan chruun xlá sa̱ꞌ do̱ꞌ, cheꞌé Matzinj Leꞌe̱j do̱ꞌ, cata̱j níꞌ se vaa ina̱nj sa̱ꞌ ꞌyaj ro̱j soꞌ do̱ꞌ, cara̱a̱ cochro̱j níꞌ rihaan ro̱j soꞌ do̱ꞌ, niꞌndaj ya̱ sa̱ꞌ veꞌé ga̱a̱ ro̱j soꞌ do̱ꞌ, gu̱un chij ro̱j soꞌ do̱ꞌ, nu̱ꞌ cavii nu̱ꞌ caꞌanj ado̱nj taj nij rasu̱u̱n yoꞌ a.

Apocalipsis 4:6

Ne̱ rej rihaan chruun xlá sa̱ꞌ yoꞌ roꞌ, nu̱u̱ ꞌo̱ na yaꞌa̱nj, tza̱j ne̱ né na ya̱ me yoꞌ maꞌ. Ma̱an scura̱a̱n ina̱nj me yoꞌ, ne̱ ase vaa yahij cristal da̱nj vaa yoꞌ a. Ne̱ nu̱ꞌ anica̱j chruun xlá sa̱ꞌ yoꞌ ne̱ tanu̱u̱ ꞌó nij chruun xlá me se nicunꞌ caꞌa̱nj xcuu, ne̱ nu̱ꞌ anica̱j man nij xcuu mán rlij rihaan nij xoꞌ a.

Hebreos 12:23

Ne̱ dan me se cunu̱u chre̱ꞌ soj ga̱ ta̱ranꞌ nij taꞌníí Yaꞌanj, ne̱ ase vaa síí chava̱ꞌ vaa cunuda̱nj nij taꞌníí Yaꞌanj yoꞌ, ne̱ ya̱nj nij soꞌ ga̱ maꞌa̱n ya̱ Yaꞌanj rej xta̱ꞌ yoꞌ, ne̱ no̱ se‑chuvi̱i nij soꞌ rihaan yanj ta̱j rej xta̱ꞌ yoꞌ ado̱nj. Ne̱ caꞌve̱e cuchi̱ꞌ soj rihaan maꞌa̱n ya̱ Yaꞌanj si̱j aꞌneꞌ cacunꞌ cheꞌé cunuda̱nj yuvii̱ ado̱nj. Ne̱ caꞌve̱e cuchi̱ꞌ soj rej ya̱nj nimán nij síí a̱j cunuu sa̱ꞌ ina̱nj rihaan Yaꞌanj na̱nj á.

1 Tesalonicenses 4:3

ꞌO̱ se nihánj me se vaa me rá Yaꞌanj quiꞌya̱j soj, ne̱ dan me se me rá Yaꞌanj cunu̱u sa̱ꞌ nimán soj rihaan soꞌ, ne̱ a̱ doj naꞌvej rá Yaꞌanj coto̱j ꞌo̱ yuvii̱ ga̱ ꞌó yuvii̱ sese né ni̱ca̱ yuvii̱ yoꞌ me maꞌ.

Colosenses 3:20

Veꞌé cuno̱ nij xnii nu̱ꞌ nana̱ aꞌmii rej xnii ga̱ nii xnii uún, ne̱ gu̱un niha̱ꞌ rá Yaꞌanj Si̱j ꞌNi̱j Raꞌa man níꞌ ni̱ꞌyaj soꞌ man xnii veꞌé uno a.

Filipenses 2:11

ne̱ cata̱j ya̱ cunuda̱nj nij soꞌ se vaa maꞌa̱n Jesucristó me Síí ꞌNi̱j Raꞌa man níꞌ, ga̱a ne̱ queneꞌe̱n ya̱ nij soꞌ se vaa sa̱ꞌ uxrá quiꞌyaj Rej níꞌ Yaꞌanj ado̱nj.

Gálatas 1:5

Sa̱ꞌ uxrá vaa ꞌyaj Rej níꞌ Yaꞌanj, cata̱j níꞌ nu̱ꞌ cavii nu̱ꞌ caꞌanj á. Veé da̱nj ga̱a̱ ya̱ ado̱nj.

Romanos 11:36

Dan me se maꞌa̱n Yaꞌanj quiꞌyaj cunuda̱nj rasu̱u̱n, ne̱ cheꞌé maꞌa̱n Yaꞌanj mán rasu̱u̱n rihaan chumii̱, ne̱ se rásuun Yaꞌanj me cunuda̱nj rasu̱u̱n a. Veꞌé uxrá caꞌmi̱i̱ cunuda̱nj yuvii̱ cheꞌé Yaꞌanj nu̱ꞌ cavii nu̱ꞌ caꞌanj ado̱nj. Veé da̱nj ga̱a̱ ya̱ ado̱nj.

2 Pedro 3:18

Cheꞌé dan ꞌo̱ gu̱un rá soj ni̱ꞌyaj soj se lu̱j quiꞌyaj Yaꞌanj ga̱ soj, ne̱ ꞌo̱ gu̱un rá soj xca̱j soj cuentá sa̱ꞌ doj cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun ado̱nj. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ cuano̱ do̱ꞌ, nu̱ꞌ cavii nu̱ꞌ caꞌanj do̱ꞌ á. Veé da̱nj ga̱a̱ ya̱ ado̱nj.

Romanos 16:27

Ne̱ Yaꞌanj me se o̱rúnꞌ Yaꞌanj, ne̱ raa̱ o̱rúnꞌ soꞌ avii cunuda̱nj nana̱ cu̱u sa̱ꞌ a. Sa̱ꞌ uxrá quiꞌyaj Jesucristó cheꞌé níꞌ, ne̱ cheꞌé dan niꞌndaj ya̱ sa̱ꞌ veꞌé vaa Yaꞌanj cata̱j níꞌ nu̱ꞌ cavii nu̱ꞌ caꞌanj a. Veé da̱nj ga̱a̱ ya̱ ado̱nj.

San Juan 17:23

Dan me se ca̱yáán ꞌu̱nj ga̱ nij soꞌ nda̱a vaa yáán so̱ꞌ ga̱ ꞌu̱nj, cheꞌé rej ga̱a̱ cuya̱a̱n nu̱ꞌ nimán ta̱ranꞌ nij soꞌ á. Nda̱a síj, ga̱a ne̱ queneꞌe̱n nij síí noco̱ꞌ se‑chre̱j chumii̱ nihánj se vaa ma̱ꞌán so̱ꞌ caꞌnéé mán ꞌu̱nj, ne̱ queneꞌe̱n nij soꞌ se vaa ꞌe̱e̱ rá so̱ꞌ man nij síí rqué so̱ꞌ mán ꞌu̱nj da̱j se vaa ꞌe̱e̱ rá so̱ꞌ mán ꞌu̱nj ado̱nj.

San Juan 7:17

Dan me se sese me rá ꞌo̱ soꞌ cuno̱ soꞌ rihaan Yaꞌanj, ne̱ xca̱j soꞌ cuentá ase tucuáán avii raá ꞌu̱nj me tucuáán tucuꞌyón ꞌu̱nj naꞌ, ase stucua̱nj Yaꞌanj me tucuáán yoꞌ xa̱ꞌ.

San Mateo 21:31

Ne̱ me taꞌníí snóꞌo yoꞌ cuno sa̱ꞌ rihaan soꞌ, rá soj ga̱ ―taj Jesús, xnáꞌanj Jesús man nij soꞌ a. ―Xnii caꞌanj quiꞌya̱j suun roꞌ, cuno ya̱ soꞌ rihaan rej soꞌ a ―taj nij soꞌ rihaan Jesús a. Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan nij soj cuano̱ se vaa nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, táá ya̱a̱n rihaan soj aꞌvej rá nij soꞌ gu̱un chij Yaꞌanj nimán nij soꞌ, ne̱ náj xco̱ nij soj ado̱nj.

San Mateo 7:21

’Neꞌen soj se vaa ma̱n ndoꞌo yuvii̱ taj rihanj se vaa ꞌu̱nj me Síí ꞌNi̱j Raꞌa man nij soꞌ, tza̱j ne̱ tuꞌva rmaꞌa̱n taꞌa̱j nij soꞌ na̱nj ado̱nj. Né cunuda̱nj nij síí taj neꞌen manj caꞌa̱nj ca̱yáán ga̱ Yaꞌanj asa̱ꞌ guun chij Yaꞌanj maꞌ. Tana̱nj ina̱nj nij síí uno rihaan Réé ꞌu̱nj síí nicu̱nꞌ xta̱ꞌ me síí ca̱yáán ga̱ soꞌ na̱nj ado̱nj.

San Mateo 12:50

ꞌO̱ se yuvii̱ uno rihaan Réé ꞌu̱nj síí nicu̱nꞌ xta̱ꞌ roꞌ, ase vaa tinúú ꞌu̱nj do̱ꞌ, ase vaa raꞌvij ꞌu̱nj do̱ꞌ, ase vaa nií ꞌu̱nj do̱ꞌ, vaa nij soꞌ rihanj ado̱nj ―taj Jesús a.

2 Timoteo 3:17

ꞌO̱ se níꞌ si̱j noco̱ꞌ man Yaꞌanj me se da̱nj ga̱a̱ ya̱ níꞌ, ga̱a ne̱ ꞌo̱ caꞌve̱e cu̱nuû nana̱ sa̱ꞌ nimán níꞌ, ne̱ ꞌo̱ quiꞌya̱j níꞌ da̱j a̱ suun sa̱ꞌ ado̱nj.

Hebreos 12:28

Dan me se gu̱un níꞌ si̱j chiha̱nj rej sa̱ꞌ ndoꞌo rej gu̱un chij níꞌ ga̱ Yaꞌanj, ne̱ daj chiha̱a̱ míj se̱ quinaa̱n chumanꞌ yoꞌ a̱ maꞌ. Cheꞌé dan guun niꞌya̱j uxrá níꞌ rihaan Yaꞌanj, ne̱ cheꞌé dan ꞌo̱ quiꞌya̱j níꞌ se‑su̱u̱n Yaꞌanj, ne̱ cara̱nꞌ rá Yaꞌanj, quiꞌya̱j níꞌ á. Ne̱ cara̱a̱ gue̱e̱ uxrá níꞌ rihaan Yaꞌanj na̱nj á.