Hebreos 12:3 - Triqui de San Juan Copala3 Cheꞌé dan me nuchru̱j ra̱a̱ soj se vaa ase vaa ta̱j riꞌyunj yuvii̱ tumé cacunꞌ man soj roꞌ, da̱nj táá riꞌyunj yuvii̱ tumé cacunꞌ man Jesucristó, tza̱j ne̱ ne caꞌne̱ꞌ rá soꞌ maꞌ. Ne̱ veé da̱nj quiꞌya̱j gue̱e̱ soj, ne̱ nuchru̱j ra̱a̱ soj, ne̱ se̱ ninaj nimán soj maꞌ. Gade chapit la |
Hebreos 12:3
46 Referans Kwoze
Neꞌen soj se vaa ꞌe̱e̱ raj man soj, tinu̱j, nocoj. Cheꞌé se vaa cataj ꞌu̱nj rihaan soj roꞌ, cheꞌé dan xraan canoco̱ꞌ soj man Cristó á. Se̱ caꞌneꞌ rá soj maꞌ. ꞌO̱ se niga̱nj quiꞌya̱j ndoꞌo soj se‑su̱u̱n Síí ꞌNi̱j Raꞌa man níꞌ á. Neꞌen soj se vaa suun ꞌyaj soj cheꞌé Síí ꞌNi̱j Raꞌa man níꞌ roꞌ, né su̱u̱n snúú rmaꞌa̱n me yoꞌ maꞌ.
Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.
Dan me se guun tuvi̱ꞌ soj ga̱ nij síí nacúún Yaꞌanj cheꞌé yan canoco̱ꞌ nij soj man Cristó, tinu̱j, nocoj. Cheꞌé dan xca̱j soj cuentá cheꞌé Jesús, ne̱ si̱j caꞌnéé Yaꞌanj rihaan níꞌ cataj xnaꞌanj soꞌ rihaan níꞌ nana̱ ya̱ cheꞌé Yaꞌanj, ne̱ ase vaa xrej ata̱ suun noco̱o doj vaa uún soꞌ, tinavij ya̱ soꞌ cacunꞌ tumé níꞌ rihaan Yaꞌanj ado̱nj. Ina̱nj da̱nj vaa nana̱ noco̱ꞌ níꞌ na̱nj á.
Ne̱ a̱j niꞌyón soj chrej nucua̱j no̱ rihaan Danj Yaꞌanj, raj a. Dan me se ase vaa taꞌníí Yaꞌanj vaa soj, taj nana̱ yoꞌ chugua̱nj. Ne̱ nihánj me taj nana̱ yoꞌ a: Taꞌníj neꞌej, cu̱nó so̱ꞌ caꞌmi̱j á. Se̱ guun nachri̱ꞌ so̱ꞌ chrej nucua̱j tucuꞌyón Yaꞌanj Si̱j ꞌNi̱j Raꞌa man níꞌ mán so̱ꞌ maꞌ. Ne̱ se̱ quiriꞌ rá so̱ꞌ asa̱ꞌ caxríj yuva̱a̱ soꞌ mán so̱ꞌ maꞌ.
Cheꞌé dan nij síí uun chij rihaan nij yuvii̱ israelitá cataj rihaan soꞌ a: ―Cuano̱ nihánj me se neꞌen ya̱ núj se vaa nu̱u̱ nana̱ chre̱e nimán so̱ꞌ á. ꞌO̱ se caviꞌ síí cuꞌna̱j Abraham caviꞌ nij síí nataꞌ snana̱ Yaꞌanj ga̱a naá caviꞌ, ne̱ nihánj me taj so̱ꞌ se vaa sese cuno̱ núj snana̱ so̱ꞌ, ne̱ daj chiha̱a̱ míj se̱ caviꞌ núj, taj so̱ꞌ maan asânj.
Ne̱ ri̱i̱ ndoꞌo yuvii̱ man chaꞌanj ne̱ nanó yuve̱ ndoꞌo nij yuvii̱ cuentó cheꞌé Jesús a. Dan me se taꞌa̱j nij yuvii̱ cataj a: ―Síí sa̱ꞌ me soꞌ á ―taj taꞌa̱j nij yuvii̱ a. Tza̱j ne̱ ꞌó taꞌa̱j nij yuvii̱ cataj a: ―Taj maꞌ. Síí tihaꞌ yuꞌunj man nij yuvii̱ me soꞌ na̱nj ado̱nj ―taj ꞌó taꞌa̱j nij yuvii̱ yoꞌ a.
ne̱ cachíín niꞌya̱j Simeón rihaan Yaꞌanj se vaa quiꞌya̱j Yaꞌanj se lu̱j ga̱ ro̱j ni̱ca̱ José a. Ga̱a ne̱ cataj soꞌ rihaan Mariá a: ―Ni̱ꞌyaj so̱ꞌ á. Cuneꞌ Yaꞌanj man neꞌej nihánj cheꞌé rej cavi̱i̱ sa̱ꞌ uxrá queꞌe̱e̱ tuviꞌ níꞌ si̱j israelitá, quiꞌya̱j soꞌ, tza̱j ne̱ queꞌe̱e̱ tuviꞌ níꞌ tuna̱, quiꞌya̱j uún soꞌ ado̱nj. Dan me se caꞌnéé Yaꞌanj man soꞌ cheꞌé rej xca̱j yuvii̱ cuentá cheꞌé Yaꞌanj, tza̱j ne̱ caꞌmi̱i̱ chiꞌi̱i̱ nii ni̱ꞌyaj nii man soꞌ ado̱nj.
Ga̱a ne̱ catúj Jesús rej ya̱nj nuvií noco̱o, ne̱ tucuꞌyón soꞌ nana̱ man nij síí ma̱n rej ya̱nj nuvií yoꞌ a. Ga̱a ne̱ cuchiꞌ nij xrej ata̱ suun noco̱o do̱ꞌ, nij síí uun chij rihaan nij yuvii̱ do̱ꞌ, rihaan soꞌ, ne̱ xnáꞌanj nij soꞌ man soꞌ, cataj nij soꞌ a: ―Me síí caꞌneꞌ suun rihaan so̱ꞌ qui̱ꞌyáá so̱ꞌ nda̱a vaa ꞌyáá so̱ꞌ ga̱ ―taj nij soꞌ a.
Tza̱j ne̱ cuno nij síí fariseo da̱j caꞌmii nij yuvii̱ cheꞌé Jesús, ne̱ cataj nij soꞌ a: ―Né maꞌa̱n síí nihánj rii nana̱ chre̱e maꞌ. Ma̱an se aꞌmii soꞌ ga̱ nana̱ chre̱e uun chij doj, síí cuꞌna̱j Beelzebú, ne̱ cheꞌé dan rii soꞌ nij nana̱ chre̱e nimán yuvii̱ ado̱nj ―taj nij síí fariseo cheꞌé Jesús, caꞌmii ne̱ nij soꞌ a.
Ne̱ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ga̱a ne̱ niha̱ꞌ rá ꞌu̱nj chá ꞌu̱nj do̱ꞌ, coꞌo ꞌu̱nj do̱ꞌ, ga̱a ne̱ cheꞌé dan taj uún nij yuvii̱ se vaa síí cachén chá do̱ꞌ, síí cachén coꞌo do̱ꞌ, mé ꞌu̱nj a. Ne̱ taj uún nij soꞌ se vaa tuvíꞌ ꞌu̱nj me síí aꞌnéj impuestó man yuvii̱ do̱ꞌ, ꞌó nij síí tumé cacunꞌ do̱ꞌ, taj nii a. Da̱nj tuꞌva nij soꞌ, tza̱j ne̱ ne neꞌen uxrá nij soꞌ maꞌ. Sese xca̱j yuvii̱ cuentá da̱j vaa ꞌyaj rój, ne̱ gu̱un ya̱ rá nij yuvii̱ se vaa si̱j cu̱u raa̱ me rój ga̱ síí cuꞌna̱j Juan yoꞌ ado̱nj ―taj Jesús rihaan nij yuvii̱ a.
Piblisite