Hebreos 1:13 - Triqui de San Juan Copala

¹³ Ne̱ caꞌmii uún Yaꞌanj rihaan Taꞌníí Yaꞌanj, cataj soꞌ a: Ca̱yáán so̱ꞌ rej xꞌnúú ꞌu̱nj rej nuva̱ꞌ ꞌu̱nj rej sa̱ꞌ doj, ne̱ quiꞌya̱j canaán ꞌu̱nj rihaan nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ a, cataj Yaꞌanj rihaan Taꞌníí Yaꞌanj a. Tza̱j ne̱ rihaan a̱ ꞌó se‑mo̱zó soꞌ ne caꞌmi̱i̱ soꞌ da̱nj maꞌ.

Hebreos 1:13 Referans Kwoze

San Marcos 12:36

ꞌO̱ se nuû Nimán Yaꞌanj nimán David, ne̱ cataj soꞌ a: Caꞌmii Yaꞌanj Si̱j ꞌNi̱j Raꞌa man níꞌ rihaan Síí ꞌNi̱j Raꞌa manj a: “Caꞌa̱nj ca̱yáán so̱ꞌ xꞌnúú ꞌu̱nj rej nuva̱ꞌ ꞌu̱nj, nda̱a se quisi̱j quiꞌya̱j canaán ꞌu̱nj rihaan ta̱ranꞌ nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ ado̱nj”, taj David a.

San Mateo 22:44

Caꞌmii Yaꞌanj Si̱j ꞌNi̱j Raꞌa man níꞌ rihaan Síí ꞌNi̱j Raꞌa manj a: “Caꞌa̱nj ca̱yáán so̱ꞌ xꞌnúú ꞌu̱nj rej nuva̱ꞌ ꞌu̱nj, nda̱a se quisi̱j quiꞌya̱j canaán ꞌu̱nj rihaan ta̱ranꞌ nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ ado̱nj”, taj David  a.

Hebreos 1:3

Ne̱ ase vaa maꞌa̱n Yaꞌanj roꞌ, da̱nj vaa soꞌ chugua̱nj. Dan me se ga̱a niꞌya̱j níꞌ man soꞌ, ne̱ xcaj níꞌ cuentá se vaa niꞌndaj ya̱ sa̱ꞌ veꞌé vaa Yaꞌanj, ne̱ xcaj ya̱ níꞌ cuentá da̱j vaa maꞌa̱n Yaꞌanj ado̱nj. Ne̱ cheꞌé se si̱j nucua̱j ndoꞌo me soꞌ roꞌ, cheꞌé dan ma̱an nana̱ avii u̱u̱n tuꞌva soꞌ, ne̱ ꞌo̱ mán chre̱ꞌ nu̱ꞌ rasu̱u̱n ꞌyaj soꞌ a. Ga̱a quisíj tinavij soꞌ cacunꞌ tumé níꞌ, ga̱a ne̱ caꞌanj ca̱yáán soꞌ rej xta̱ꞌ ndoꞌo rej xꞌnu̱j Yaꞌanj, ne̱ rej nuva̱ꞌ Yaꞌanj rej sa̱ꞌ doj yáán soꞌ cuano̱ ado̱nj.

Hechos 7:55

Tza̱j ne̱ Esteban roꞌ, nu̱u̱ ndoꞌo Nimán Yaꞌanj nimán soꞌ, ne̱ dan me se niꞌya̱j soꞌ rej xta̱ꞌ, ne̱ queneꞌen soꞌ se vaa niꞌndaj ya̱ sa̱ꞌ veꞌé vaa Yaꞌanj, ne̱ queneꞌen soꞌ se vaa nicu̱nꞌ Jesús rej xꞌnúú Yaꞌanj rej nuva̱ꞌ Yaꞌanj a.

San Lucas 20:42

ꞌO̱ se nó snana̱ maꞌa̱n David rihaan yanj cuꞌna̱j Nij Chraꞌ Salmó, se vaa cataj soꞌ a: Caꞌmii Yaꞌanj Si̱j ꞌNi̱j Raꞌa man níꞌ rihaan Síí ꞌNi̱j Raꞌa manj a: “Caꞌa̱nj ca̱yáán so̱ꞌ xꞌnúú ꞌu̱nj rej nuva̱ꞌ ꞌu̱nj,

Apocalipsis 20:15

Ne̱ ta̱ranꞌ nij síí nuviꞌ se‑chuvi̱i rihaan yanj no̱ se‑chuvi̱i nij síí ga̱a̱ iꞌna̱ꞌ nu̱ꞌ cavii nu̱ꞌ caꞌanj roꞌ, quiriꞌíj nii man nij soꞌ rque na laguaná acaa yoꞌ, ne̱ ꞌo̱ caca̱a̱ nij soꞌ ado̱nj.

San Lucas 19:27

Ga̱a ne̱ cataj uún soꞌ a: “Tza̱j ne̱ xa̱ꞌ nij síí ta̱j riꞌyunj manj síí ne caꞌve̱j rá gu̱un chij ꞌu̱nj rihaan, tza̱j ne̱ ni̱caj soj man nij soꞌ caꞌna̱ꞌ soj rihanj, ga̱a ne̱ ticavi̱ꞌ soj man nij soꞌ rihanj nihánj á”, taj uún soꞌ a ―taj Jesús a.