Gálatas 6:9 - Triqui de San Juan Copala

⁹ Se̱ guun rmi̱i̱ níꞌ quiꞌya̱j sa̱ꞌ níꞌ maꞌ. Sese se̱ quiriꞌ rá níꞌ, ne̱ quisi̱j güii cachrón Yaꞌanj, ne̱ sa̱ꞌ uxrá doj cavi̱i̱ níꞌ, quiꞌya̱j Yaꞌanj ado̱nj.

Gálatas 6:9 Referans Kwoze

1 Corintios 15:58

Neꞌen soj se vaa ꞌe̱e̱ raj man soj, tinu̱j, nocoj. Cheꞌé se vaa cataj ꞌu̱nj rihaan soj roꞌ, cheꞌé dan xraan canoco̱ꞌ soj man Cristó á. Se̱ caꞌneꞌ rá soj maꞌ. ꞌO̱ se niga̱nj quiꞌya̱j ndoꞌo soj se‑su̱u̱n Síí ꞌNi̱j Raꞌa man níꞌ á. Neꞌen soj se vaa suun ꞌyaj soj cheꞌé Síí ꞌNi̱j Raꞌa man níꞌ roꞌ, né su̱u̱n snúú rmaꞌa̱n me yoꞌ maꞌ.

2 Tesalonicenses 3:13

Ne̱ xa̱ꞌ maꞌa̱n soj, tza̱j ne̱ se̱ caꞌneꞌ rá soj quiꞌya̱j soj suun sa̱ꞌ, maan tinu̱j, maan nocoj.

Hebreos 12:3

Cheꞌé dan me nuchru̱j ra̱a̱ soj se vaa ase vaa ta̱j riꞌyunj yuvii̱ tumé cacunꞌ man soj roꞌ, da̱nj táá riꞌyunj yuvii̱ tumé cacunꞌ man Jesucristó, tza̱j ne̱ ne caꞌne̱ꞌ rá soꞌ maꞌ. Ne̱ veé da̱nj quiꞌya̱j gue̱e̱ soj, ne̱ nuchru̱j ra̱a̱ soj, ne̱ se̱ ninaj nimán soj maꞌ.

1 Pedro 2:15

Ne̱ me rá Yaꞌanj quiꞌya̱j níꞌ se sa̱ꞌ, ga̱a ne̱ cunu̱u dínj tuꞌva nij síí ne acaj cuentá nij síí tuꞌva rmaꞌa̱n nana̱ nij cheꞌé Cristó chugua̱nj.

Santiago 5:7

Cheꞌé dan ga̱a̱ ina̱j nimán soj na̱ꞌvi̱j soj nda̱a se quisi̱j güii caꞌna̱ꞌ uún Síí ꞌNi̱j Raꞌa man níꞌ, tinu̱j, nocoj. Xca̱j soj cuentá da̱j ꞌyaj síí unô naa̱ á. Na̱j vaa nimán soꞌ naꞌvi̱j soꞌ maa̱n cheꞌé rej cachi̱j sa̱ꞌ veꞌé xnaa̱ soꞌ, ga̱a ne̱ quiri̱i̱ soꞌ xnaa̱ soꞌ ado̱nj.

1 Pedro 3:17

Ne̱ sese caꞌve̱j rá Yaꞌanj quira̱nꞌ níꞌ sayuun cheꞌé se quiꞌyaj níꞌ se sa̱ꞌ, ne̱ cuna̱j quira̱nꞌ níꞌ sayuun ado̱nj. Tza̱j ne̱ sese ma̱an cheꞌé se quiꞌyaj níꞌ cacunꞌ ne̱ quira̱nꞌ níꞌ sayuun, ne̱ nij uxrá vaa quira̱nꞌ níꞌ sayuun ga̱a na̱nj ado̱nj.

2 Corintios 4:16

Cheꞌé dan se̱ caꞌneꞌ rá núj maꞌ. Dan me se núj me se da̱j doj cavi̱ꞌ nee̱ man núj, tza̱j ne̱ da̱j a̱ güii tana̱nj a̱ nahuun sca̱ꞌ doj nimán núj na̱nj ado̱nj.

Apocalipsis 2:3

Ne̱ nucua̱j ndoꞌo vaa nimán soj rihaan sayuun quiranꞌ soj cheꞌé se si̱j noco̱ꞌ manj me soj, ne̱ ne caꞌne̱ꞌ a̱ doj rá soj a̱ maꞌ.

1 Pedro 4:19

Cheꞌé dan xa̱ꞌ nij síí ranꞌ sayuun nda̱a vaa me rá Yaꞌanj quira̱nꞌ nij soꞌ, tza̱j ne̱ ꞌo̱ ina̱nj quiꞌya̱j sa̱ꞌ nij soꞌ, ne̱ dan me se caꞌve̱j rá nij soꞌ ni̱caj yuꞌunj Yaꞌanj man nimán nij soꞌ á. ꞌO̱ se Yaꞌanj me síí quiꞌyaj man nij soꞌ, ne̱ vaa cheꞌé ga̱a̱ nucua̱j rá nij soꞌ man soꞌ ado̱nj.

San Lucas 18:1

Ne̱ nanó Jesús cuentó nihánj rihaan nij síí tucuꞌyón snana̱ soꞌ, cheꞌé se guun rá soꞌ xca̱j nij síí tucuꞌyón snana̱ soꞌ cuentá se vaa no̱ xcúún nij soꞌ niga̱nj cachi̱nj niꞌya̱j nij soꞌ rihaan Yaꞌanj, ne̱ se̱ guun rmi̱i̱ nij soꞌ maꞌ.

San Mateo 10:22

Ne̱ nachri̱ꞌ cunuda̱nj yuvii̱ man soj cheꞌé se me soj síí noco̱ꞌ manj a. Tza̱j ne̱ síí noco̱ꞌ xraan manj nda̱a se cavi̱ꞌ soꞌ roꞌ, soꞌ me síí nani̱i̱ rihaan sayuun nu̱ꞌ cavii nu̱ꞌ caꞌanj ado̱nj.

2 Corintios 4:1

Dan me se cunuu ꞌe̱e̱ rá Yaꞌanj man núj, ne̱ caꞌneꞌ soꞌ suun rihaan núj caꞌmi̱i̱ natáj núj, ne̱ cheꞌé dan ne riꞌ rá núj caꞌmi̱i̱ natáj núj snana̱ Yaꞌanj maꞌ.

San Mateo 24:13

Tza̱j ne̱ síí noco̱ꞌ xraan manj nda̱a se cavi̱ꞌ soꞌ roꞌ, soꞌ me síí nani̱i̱ rihaan sayuun nu̱ꞌ cavii nu̱ꞌ caꞌanj ado̱nj.

Apocalipsis 2:7

Dan me se sese ta̱j yuꞌuj xréé soj, ne̱ no̱ xcúún soj cuno̱ soj nana̱ nihánj nana̱ taj xnaꞌanj Nimán Yaꞌanj rihaan nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ a. Dan me se rihaan síí ꞌyaj canaán rihaan nu̱ꞌ sayuun me se rque̱ ꞌu̱nj chruj ma̱n raa̱ chruun quiꞌya̱j ga̱a̱ iꞌna̱ꞌ yuvii̱ nu̱ꞌ cavii nu̱ꞌ caꞌanj ga̱ Yaꞌanj cha̱ soꞌ, ne̱ chruun yoꞌ roꞌ, nicunꞌ tanu̱u̱ rej sa̱ꞌ ndoꞌo rej rihaan maꞌa̱n Yaꞌanj ado̱nj.” Veé da̱nj síj nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Éfeso a ―taj soꞌ rihanj a.

Romanos 2:7

Dan me se taꞌa̱j yuvii̱ racuíj man tuviꞌ nij soꞌ, ne̱ ina̱nj ꞌyaj nij soꞌ se sa̱ꞌ cheꞌé tuviꞌ nij soꞌ, cheꞌé rej niꞌndaj ya̱ sa̱ꞌ quiꞌya̱j Yaꞌanj ga̱ nij soꞌ ne̱ caꞌmi̱i̱ cochro̱j Yaꞌanj cheꞌé nij soꞌ a. Me rá nij soꞌ ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ ya̱ uxrá da̱nj ga̱a̱ quiꞌya̱j Yaꞌanj á.

Apocalipsis 2:17

Sese ta̱j yuꞌuj xréé soj, ne̱ no̱ xcúún soj cuno̱ soj nana̱ nihánj nana̱ taj xnaꞌanj Nimán Yaꞌanj rihaan nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ a. Rihaan síí ꞌyaj canaán roꞌ, rque̱ ꞌu̱nj se cuꞌna̱j maná se ꞌni̱j yuve̱ cha̱ soꞌ, ne̱ caxri̱i̱ ꞌu̱nj ꞌo̱ yahij catzi̱i̱ ston soꞌ, ne̱ quino̱ naca̱ ꞌo̱ se‑chuvi̱i ꞌo̱ soꞌ ni̱caj síí quiꞌyaj canaán, ne̱ dan me se taj a̱ ꞌó síí caꞌve̱e naya̱a̱ nana̱ yoꞌ a̱ maꞌ. Ma̱an se o̱rúnꞌ síí ni̱caj yahij catzi̱i̱ yoꞌ me síí queneꞌe̱n me taj yoꞌ na̱nj ado̱nj.” Veé da̱nj síj nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Pérgamo a ―taj soꞌ rihanj a.

Hebreos 3:6

Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

Efesios 3:13

Cheꞌé dan achíín ni̱ꞌyáá ꞌu̱nj se vaa se̱ quiriꞌ rá nimán soj queneꞌe̱n soj sayuun ránꞌ ꞌu̱nj cheꞌé soj maꞌ. ꞌO̱ se tana̱nj a̱ veꞌé uxrá cavi̱i̱ sa̱ꞌ soj doj cheꞌé sayuun ránꞌ ꞌu̱nj nihánj na̱nj ado̱nj.

Hebreos 12:5

Ne̱ a̱j niꞌyón soj chrej nucua̱j no̱ rihaan Danj Yaꞌanj, raj a. Dan me se ase vaa taꞌníí Yaꞌanj vaa soj, taj nana̱ yoꞌ chugua̱nj. Ne̱ nihánj me taj nana̱ yoꞌ a: Taꞌníj neꞌej, cu̱nó so̱ꞌ caꞌmi̱j á. Se̱ guun nachri̱ꞌ so̱ꞌ chrej nucua̱j tucuꞌyón Yaꞌanj Si̱j ꞌNi̱j Raꞌa man níꞌ mán so̱ꞌ maꞌ. Ne̱ se̱ quiriꞌ rá so̱ꞌ asa̱ꞌ caxríj yuva̱a̱ soꞌ mán so̱ꞌ maꞌ.

2 Corintios 9:6

Dan me se neꞌen soj se vaa síí unô do̱j tzínꞌ ꞌnúú roꞌ, do̱j ꞌnúú quiri̱i̱ soꞌ, ne̱ síí unô noco̱o uxrá ꞌnúú roꞌ, noco̱o uxrá ꞌnúú quiri̱i̱ soꞌ, ne̱ ase vaa ranꞌ síí unô ꞌnúú roꞌ, da̱nj quira̱nꞌ soj cheꞌé saꞌanj rque̱ soj vaa ado̱nj.

San Mateo 9:19

Ga̱a ne̱ naxuma̱a̱n Jesús, ne̱ canocoꞌ soꞌ do̱ꞌ, nij síí tucuꞌyón snana̱ soꞌ do̱ꞌ, man síí nica̱j suun yoꞌ a.

San Mateo 25:17

Ne̱ ase vaa quiꞌyaj soꞌ roꞌ, da̱nj vaa quiꞌyaj síí nica̱j vi̱j nanj saꞌanj uún, ne̱ quiꞌyaj canaán soꞌ yavíj nanj saꞌanj uún a.

San Marcos 3:3

Ga̱a ne̱ cataj Jesús rihaan síí nacoo̱ raꞌa a: ―Na̱xuma̱a̱n so̱ꞌ canicu̱nꞌ ca̱yá so̱ꞌ scaꞌnúj núj á ―taj Jesús a.