Gálatas 2:6 - Triqui de San Juan Copala

⁶ Dan me se ase vaa síí uun chij vaa taꞌa̱j nij síí ma̱n Jerusalén, rá nii, tza̱j ne̱ taj va̱j síí sa̱ꞌ doj rihaan tuviꞌ, rá ꞌu̱nj a̱ maꞌ. Ma̱an se ꞌo̱ cuya̱a̱n vaa cunuda̱nj yuvii̱ rihaan Yaꞌanj na̱nj ado̱nj. Dan me se nij síí uun chij yoꞌ roꞌ, taj ꞌó me cataj nij soꞌ rihaan ꞌu̱nj maꞌ. Ma̱an se cuna̱j vaa nana̱ caꞌmii natáj ꞌu̱nj, taj nij soꞌ a.

Gálatas 2:6 Referans Kwoze

Gálatas 2:2

Dan me se caꞌanj ꞌu̱nj chumanꞌ Jerusalén, cheꞌé se queneꞌén ꞌu̱nj quiꞌyaj Yaꞌanj se vaa me rá Yaꞌanj caꞌa̱nj ꞌu̱nj chumanꞌ Jerusalén a. Ne̱ quirii yaníj ꞌu̱nj man nij síí uun chij doj rihaan tinúú níꞌ síí israelitá, ne̱ natáꞌ ꞌu̱nj rihaan maꞌa̱n ina̱nj nij soꞌ cheꞌé snana̱ Yaꞌanj nana̱ sa̱ꞌ aꞌmii natáj ꞌu̱nj rihaan nij soj si̱j yaníj, cheꞌé rej cata̱j nij soꞌ se vaa cuna̱j ꞌyáá ꞌu̱nj, ne̱ se̱ quiriꞌ suun a̱j quiꞌyáj do̱ꞌ, suun ꞌyáj cuano̱ do̱ꞌ maꞌ.

Hechos 10:34

Ga̱a ne̱ guun cheꞌe̱ Pedró caꞌmii soꞌ rihaan nij soꞌ a: ―Nda̱a ya̱j me se xcaj ꞌu̱nj cuentá se vaa ya̱ ꞌo̱ cuya̱a̱n vaa cunuda̱nj yuvii̱ rihaan Yaꞌanj á.

2 Corintios 12:11

Dan me se nda̱ꞌ rá se tuꞌva ꞌo̱ síí snúú tuꞌvaj, tza̱j ne̱ maꞌa̱n soj quiꞌyaj dan tuꞌvaj da̱nj caꞌmii snu̱j ꞌu̱nj do̱j ado̱nj. ꞌO̱ se maꞌa̱n soj me síí no̱ xcúún cata̱j se vaa sa̱ꞌ ꞌyáj na̱nj ado̱nj. Nda̱ꞌ se taj yuꞌvee nó ꞌu̱nj, tza̱j ne̱ né si̱j sa̱ꞌ doj me ꞌó nij soꞌ rihanj maꞌ. Dan me se si̱j sa̱ꞌ uxrá me nij soꞌ, ne̱ maꞌa̱n nij síí cuneꞌ ya̱ maꞌa̱n Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihanj maꞌ.

Gálatas 6:3

Ne̱ sese vaa síí guun rá se vaa síí sa̱ꞌ doj me maꞌa̱n soꞌ, ne̱ síí ne neꞌen uxrá me soꞌ, ne̱ síí tihaꞌ yuꞌunj man maꞌa̱n me soꞌ na̱nj ado̱nj.

2 Corintios 11:5

Taj cheꞌé tiha̱ꞌ yuꞌunj nij síí caꞌnaꞌ man soj maꞌ. ꞌO̱ se si̱j sa̱ꞌ ndoꞌo me nij soꞌ, rá soj, ne̱ síí cuneꞌ Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihaan ꞌu̱nj, rá ꞌu̱nj a̱ maꞌ.

Romanos 2:11

ꞌO̱ se ꞌo̱ cuya̱a̱n vaa cunuda̱nj níꞌ rihaan Yaꞌanj ado̱nj.

1 Pedro 1:17

Yaꞌanj roꞌ, me síí nica̱ ina̱nj aꞌneꞌ cacunꞌ cheꞌé ꞌo̱ ꞌo̱ níꞌ nda̱a vaa ꞌyaj ꞌo̱ ꞌo̱ níꞌ, ne̱ cheꞌé se “Ata̱j Chij” taj soj rihaan Yaꞌanj ga̱a achíín niꞌya̱j soj rihaan soꞌ roꞌ, cheꞌé dan ꞌo̱ cara̱a̱ cochro̱j soj rihaan soꞌ do̱j nij güii ca̱yáán soj rihaan yoꞌóó nihánj á.

Hebreos 13:17

Veꞌé cuno̱ soj rihaan nij síí tumé sa̱ꞌ rihaan Yaꞌanj man soj á. ꞌO̱ se síí tumé nimán soj me nij soꞌ, ne̱ vaa güii xna̱ꞌanj Yaꞌanj man nij soꞌ da̱j quiꞌyaj nij soꞌ cheꞌé soj ado̱nj. Ne̱ veꞌé cuno̱ soj, cheꞌé yan gu̱un niha̱ꞌ rá nij soꞌ nago̱ꞌ nij soꞌ cuentá cheꞌé soj chugua̱nj. Ne̱ se̱ rnúj soj rihaan nij síí uun chij maꞌ. ꞌO̱ se sese rnu̱j soj rihaan nij soꞌ, ne̱ se̱ cavii sa̱ꞌ soj maꞌ.

Hebreos 13:7

Nuchru̱j ra̱a̱ soj da̱j ꞌyaj nij síí tumé sa̱ꞌ rihaan Yaꞌanj man soj, nij síí cataj xnaꞌanj snana̱ Yaꞌanj rihaan soj á. Xca̱j uxrá soj cuentá da̱j ꞌyaj nij soꞌ ga̱a cayáán nij soꞌ rihaan chumii̱ nihánj, ne̱ xca̱j uxrá soj cuentá da̱j guun cheꞌé nda̱a vaa cayáán nij soꞌ a. Ne̱ ase vaa nucua̱j uxrá rá nij soꞌ niꞌya̱j nij soꞌ Yaꞌanj roꞌ, da̱nj ga̱a̱ quiꞌya̱j soj uún á.

2 Corintios 5:16

Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.

San Lucas 20:21

Dan me se xnáꞌanj nij síí tihaꞌ yuꞌunj yoꞌ man Jesús a: ―Neꞌen núj se vaa nana̱ nica̱ ina̱nj aꞌmii so̱ꞌ ne̱ tucuꞌyón so̱ꞌ do̱ꞌ, maestro. Ne̱ ꞌo̱ cuya̱a̱n vaa cunuda̱nj yuvii̱ rihaan so̱ꞌ chugua̱nj. Ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro.

San Marcos 12:14

Dan me se cuchiꞌ nij síí tihaꞌ yuꞌunj yoꞌ rihaan Jesús, ne̱ cataj nij soꞌ rihaan soꞌ a: ―Neꞌen núj se vaa nana̱ ya̱ ina̱nj aꞌmii so̱ꞌ, maestro. Ne̱ ne chuꞌvíꞌ so̱ꞌ niꞌya̱j so̱ꞌ man nij yuvii̱ da̱j cata̱j nij yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj. Ma̱an se ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj ado̱nj. Ne̱ no̱ xcúún yuvii̱ rque̱ yuvii̱ impuestó rihaan síí nica̱j suun emperador César naꞌ. Ase se̱ rqué yuvii̱ xa̱ꞌ. Dan me se rque̱ núj naꞌ. Se̱ rqué núj xa̱ꞌ ―taj nij soꞌ a.

San Mateo 22:16

Ga̱a ne̱ caꞌnéé nij soꞌ man nij síí tucuꞌyón snana̱ maꞌa̱n nij soꞌ do̱ꞌ, man nij síí noco̱ꞌ man síí cuꞌna̱j Herodes do̱ꞌ, cuchi̱ꞌ nij soꞌ rihaan Jesús a. Ne̱ cataj nij soꞌ rihaan Jesús a: ―Neꞌen núj se vaa nana̱ ya̱ ina̱nj aꞌmii so̱ꞌ, ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro. Ne̱ ne chuꞌvíꞌ so̱ꞌ niꞌya̱j so̱ꞌ man yuvii̱ da̱j cata̱j yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj.

Hechos 5:36

ꞌO̱ se asi̱j rque̱ doj me se nachuma̱a̱n ꞌo̱ síí cuꞌna̱j Teudas, ne̱ soꞌ roꞌ, me síí cataj se vaa si̱j sa̱ꞌ uxrá me maꞌa̱n soꞌ, ne̱ canocoꞌ ꞌo̱ caꞌa̱nj cientó yuvii̱ xcó soꞌ ta̱ꞌ asuun a. Ga̱a ne̱ ticaviꞌ nii man soꞌ, ne̱ chaꞌnuu̱ cunuda̱nj nij síí cuno snana̱ soꞌ, ne̱ navij nu̱ꞌ snana̱ soꞌ na̱nj ado̱nj.