Gálatas 2:20 - Triqui de San Juan Copala

²⁰ Canó rcuaꞌa̱a̱n ꞌu̱nj rihaan rcutze̱ ga̱ Cristó vaa ga̱a na̱nj ado̱nj. Ya̱j me se né ꞌu̱nj me síí ya̱nj cuano̱ maꞌ. ꞌO̱ se Cristó me síí ya̱nj nimanj, ne̱ cheꞌé dan vaa iꞌna̱ꞌ ꞌu̱nj cuano̱ ado̱nj. Cheꞌé se amán rá ꞌu̱nj niꞌya̱j ꞌu̱nj man Taꞌníí Yaꞌanj roꞌ, cheꞌé dan ina̱nj nocóꞌ ꞌu̱nj man soꞌ ga̱a chéé ꞌu̱nj rihaan chumii̱ nihánj ado̱nj. Ne̱ dan me se ma̱an cheꞌé se cunuu ꞌe̱e̱ uxrá rá soꞌ mán ꞌu̱nj roꞌ, cheꞌé dan caꞌneꞌ gue̱e̱ rá soꞌ caviꞌ soꞌ rihaan rcutze̱ cheꞌé ꞌu̱nj na̱nj ado̱nj.

Gálatas 2:20 Referans Kwoze

Gálatas 5:24

Dan me se níꞌ si̱j a̱j noco̱ꞌ man Cristó Jesús roꞌ, me se a̱j ticaviꞌ Cristó man nu̱ꞌ se chiꞌi̱i̱ ma̱n nimán níꞌ, ga̱a caviꞌ soꞌ rihaan rcutze̱, ne̱ dan me se quisíj quiꞌyaj nee̱ man níꞌ cacunꞌ, ne̱ daj chiha̱a̱ míj se̱ guun quiꞌya̱j uún níꞌ se chiꞌi̱i̱ me rá nee̱ man níꞌ quiꞌya̱j yoꞌ a̱ maꞌ.

2 Corintios 5:15

Ne̱ cheꞌé se cunuu sa̱ꞌ nimán nij yuvii̱ roꞌ, cheꞌé dan se̱ guun rá nij yuvii̱ ca̱yáán nij yuvii̱ cheꞌé maꞌa̱n nij yuvii̱ maꞌ. ꞌO̱ se ga̱a̱ iꞌna̱ꞌ nij soꞌ cheꞌé yan canoco̱ꞌ nij soꞌ man Cristó síí caviꞌ cheꞌé nij soꞌ, ne̱ cunuu iꞌna̱ꞌ uún soꞌ cheꞌé yan cavi̱i̱ sa̱ꞌ nij yuvii̱ doj na̱nj ado̱nj.

Romanos 6:8

Dan me se sese caviꞌ níꞌ ga̱ Cristó, ne̱ canocoꞌ níꞌ man soꞌ, ne̱ dan me se caviꞌ se chiꞌi̱i̱ ma̱n nimán níꞌ na̱nj ado̱nj. Ne̱ cunuu iꞌna̱ꞌ uún soꞌ, ne̱ cheꞌé dan amán rá níꞌ se vaa caꞌve̱e ca̱yáán sa̱ꞌ nimán níꞌ ga̱ soꞌ na̱nj ado̱nj.

Gálatas 6:14

Ne̱ xa̱ꞌ ꞌu̱nj, tza̱j ne̱ daj chiha̱a̱ míj se̱ caꞌmii xta̱ꞌ ꞌu̱nj maꞌ. ꞌO̱ se guun niha̱ꞌ rá ꞌu̱nj ina̱nj cheꞌé se caviꞌ Jesucristó Si̱j ꞌNi̱j Raꞌa man níꞌ rihaan rcutze̱ cheꞌé níꞌ ado̱nj. Ne̱ xa̱ꞌ chumii̱ nihánj, tza̱j ne̱ ase vaa se caviꞌ roꞌ, da̱nj vaa chumii̱ nihánj rihaan ꞌu̱nj, ne̱ da̱nj vaa ꞌu̱nj rihaan chumii̱ nihánj ado̱nj.

2 Corintios 13:5

Xca̱j maꞌa̱n soj cuentá sese ya̱ ya̱ amán rá soj niꞌya̱j soj man Cristó á. Neꞌen soj se vaa ya̱nj Cristó ga̱ soj naꞌ. Ase ne neꞌen soj xa̱ꞌ. Ya̱ ne Cristó ga̱ soj, sese né si̱j tihaꞌ yuꞌunj me soj chugua̱nj.

1 Tesalonicenses 5:10

Ne̱ Cristó me síí caviꞌ cheꞌé níꞌ, ne̱ cheꞌé dan asa̱ꞌ caꞌnaꞌ uún soꞌ caꞌve̱e se a̱j cavi̱ꞌ níꞌ, caꞌve̱e se ga̱a̱ iꞌna̱ꞌ níꞌ, tza̱j ne̱ ca̱yáán rcuaꞌa̱a̱n cunuda̱nj níꞌ ga̱ soꞌ ado̱nj.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

Gálatas 1:4

Dan me se chiꞌi̱i̱ vaa nimán yuvii̱ ma̱n rihaan chumii̱ nihánj cuano̱, ne̱ me rá Rej níꞌ Yaꞌanj nani̱i̱ níꞌ rihaan sayuun quira̱nꞌ nij yuvii̱ yoꞌ, ne̱ cheꞌé dan caꞌvej Jesucristó Si̱j ꞌNi̱j Raꞌa man níꞌ cavi̱ꞌ ya̱ maꞌa̱n soꞌ cheꞌé cacunꞌ tumé níꞌ ado̱nj.

San Juan 17:21

Dan me se, yáán so̱ꞌ ga̱ ꞌu̱nj, Ata̱j Chij, ne̱ yáán ꞌu̱nj ga̱ so̱ꞌ a. Ne̱ ꞌo̱ rcuaꞌa̱a̱n vaa ro̱ꞌ, ne̱ dan me se achíín ni̱ꞌyáá ꞌu̱nj cheꞌé ta̱ranꞌ nij soꞌ se vaa cuya̱a̱n ga̱a̱ rá nimán ta̱ranꞌ nij soꞌ uún, cheꞌé rej cuchuma̱n rá nij síí noco̱ꞌ se‑chre̱j chumii̱ nihánj se vaa caꞌnéé so̱ꞌ manj rihaan chumii̱ nihánj a.

Romanos 8:37

Tza̱j ne̱ caꞌve̱e se da̱j a̱ sayuun ranꞌ níꞌ, tza̱j ne̱ Cristó me síí ꞌe̱e̱ rá man níꞌ, ne̱ cheꞌé dan quiꞌya̱j canaán uxrá níꞌ rihaan sayuun ado̱nj.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Efesios 5:2

ꞌO̱ ga̱a̱ ꞌe̱e̱ rá soj man tinúú soj á. Ina̱nj da̱nj quiꞌyaj Cristó, cunuu ꞌe̱e̱ rá soꞌ man níꞌ, ne̱ caꞌvej soꞌ cavi̱ꞌ soꞌ cheꞌé níꞌ, ne̱ ase vaa rasu̱u̱n rqué yuvii̱ rihaan Yaꞌanj roꞌ, taꞌngaꞌ da̱nj vaa Cristó cheꞌé níꞌ na̱nj chugua̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

Efesios 3:17

Ne̱ achíín ni̱ꞌyáj se vaa cuchuma̱n doj rá soj ni̱ꞌyaj soj man Cristó, ne̱ ꞌo̱ natu̱u̱ Cristó nimán soj quiꞌya̱j Yaꞌanj, ga̱a ne̱ ꞌo̱ cunu̱u ꞌe̱e̱ rá soj man ta̱ranꞌ tinúú soj ado̱nj.

Gálatas 3:11

Tza̱j ne̱ taj Danj Yaꞌanj a: “Síí a̱j cunuu sa̱ꞌ nimán rihaan Yaꞌanj roꞌ, ꞌo̱ amán rá soꞌ niꞌya̱j soꞌ Yaꞌanj ga̱a vaa iꞌna̱ꞌ soꞌ ado̱nj”, taj Danj Yaꞌanj uún a. Ne̱ cheꞌé dan me neꞌen níꞌ se vaa ina̱nj nij yuvii̱ amán rá niꞌya̱j man Yaꞌanj me yuvii̱ cunu̱u sa̱ꞌ rihaan Yaꞌanj á. Se̱ cunuu sa̱ꞌ nij yuvii̱ nucua̱j rá man stucua̱nj Moisés maꞌ.

San Juan 3:16

Dan me se ꞌe̱e̱ uxrá rá Yaꞌanj niꞌya̱j Yaꞌanj man níꞌ si̱j ma̱n rihaan chumii̱ nihánj, ne̱ nda̱ꞌ se o̱rúnꞌ Taꞌníí Yaꞌanj, tza̱j ne̱ rqué u̱u̱n Yaꞌanj Taꞌníí soꞌ yoꞌ, caꞌna̱ꞌ Taꞌníí soꞌ rihaan chumii̱ nihánj, ne̱ cataj Yaꞌanj se vaa nij yuvii̱ amán rá niꞌya̱j man Taꞌníí soꞌ roꞌ, se̱ caviꞌ nij soꞌ daj chiha̱a̱ míj maꞌ. Tana̱nj ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

1 Juan 1:7

Tza̱j ne̱ sese chéé níꞌ rej chuguu̱n sa̱ꞌ rej va̱j maꞌa̱n Yaꞌanj, ne̱ veꞌé sa̱ꞌ mán ta̱ranꞌ níꞌ, ne̱ navi̱j nu̱ꞌ cacunꞌ tumé níꞌ, quiꞌya̱j ton cayanj man Jesús Taꞌníí Yaꞌanj ga̱a caviꞌ soꞌ cheꞌé níꞌ, ne̱ ꞌo̱ cunu̱u sa̱ꞌ nimán níꞌ ado̱nj.

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.

Romanos 5:2

Dan me se amán rá níꞌ niꞌya̱j níꞌ man Cristó, ne̱ cheꞌé dan guun cheꞌe̱ níꞌ nacaj níꞌ se lu̱j ꞌyaj Yaꞌanj cheꞌé níꞌ, ne̱ xraan nica̱j níꞌ se lu̱j yoꞌ a. Ne̱ ya̱j roꞌ, uun niha̱ꞌ ndoꞌo rá níꞌ cheꞌé se uun ya̱ rá níꞌ se vaa vaa güii ti̱haa̱n Yaꞌanj rihaan níꞌ nu̱ꞌ se vaa niꞌndaj ya̱ sa̱ꞌ veꞌé vaa soꞌ ado̱nj.

Romanos 1:17

Dan me se cataj snana̱ Yaꞌanj nana̱ sa̱ꞌ rihaan níꞌ se vaa caꞌve̱e cunu̱u sa̱ꞌ nimán níꞌ rihaan Yaꞌanj, quiꞌya̱j Yaꞌanj, sese amán rá níꞌ niꞌya̱j níꞌ Yaꞌanj a. Nda̱a síj, ga̱a ne̱ cuchuma̱n doj rá níꞌ ni̱ꞌyaj níꞌ man Yaꞌanj a. Veé ꞌo̱ cuya̱a̱n vaa nana̱ nihánj ga̱ nana̱ no̱ rihaan Danj Yaꞌanj, taj yoꞌ a: “Síí a̱j cunuu sa̱ꞌ nimán rihaan Yaꞌanj roꞌ, ꞌo̱ amán rá soꞌ niꞌya̱j soꞌ Yaꞌanj ga̱a vaa iꞌna̱ꞌ soꞌ ado̱nj”, taj Danj Yaꞌanj a.

2 Corintios 13:3

ꞌO̱ se sese da̱nj qui̱ꞌyáj, ne̱ gu̱un ya̱ rá soj se vaa ya̱ ya̱ Cristó me síí rqué nana̱ aꞌmii ꞌu̱nj rihaan soj na̱nj á. Xa̱ꞌ Cristó, tza̱j ne̱ né si̱j ninaj me soꞌ rihaan soj maꞌ. ꞌO̱ se si̱j gu̱un nucua̱j ndoꞌo tu̱mé man soj me Cristó ado̱nj.

1 Tesalonicenses 1:10

ne̱ naꞌvi̱j soj caꞌna̱ꞌ uún maꞌa̱n Jesús Taꞌníí Yaꞌanj rej xta̱ꞌ a. Ne̱ soꞌ roꞌ, me síí cunuu iꞌna̱ꞌ ya̱ uún quiꞌyaj Yaꞌanj ga̱a caviꞌ soꞌ, ne̱ ti̱nanii Jesús man níꞌ rihaan sayuun asa̱ꞌ quisíj güii quiꞌya̱j uxrá Yaꞌanj sayuun man nij síí tumé cacunꞌ ado̱nj.

San Juan 10:11

’Ne̱ ꞌu̱nj roꞌ, me síí veꞌé ya̱ ya̱ tumej nij matzinj, ne̱ caꞌne̱j nimanj cavi̱j cheꞌé nij xoꞌ ado̱nj.

San Juan 6:57

Ase vaa vaa iꞌna̱ꞌ Réé ꞌu̱nj síí caꞌnéé mán ꞌu̱nj rihaan chumii̱ nihánj roꞌ, da̱nj vaa vaa iꞌna̱ꞌ ꞌu̱nj, ꞌyaj Réé ꞌu̱nj a. Ne̱ xa̱ꞌ síí chá mán ꞌu̱nj, tza̱j ne̱ ꞌo̱ ga̱a̱ iꞌna̱ꞌ nimán soꞌ, qui̱ꞌyáá ꞌu̱nj a.

Apocalipsis 3:20

Nihánj me se ase vaa ꞌo̱ síí nicu̱nꞌ taꞌyaa ne̱ ticaꞌmii taꞌyaa roꞌ, vaa ꞌu̱nj a. Ne̱ sese vaa ꞌo̱ soꞌ cuno̱ snana̱j, ne̱ sese caꞌnu̱u̱ soꞌ taꞌyaa, ne̱ catu̱u̱ ꞌu̱nj rihaan soꞌ, ne̱ cha̱j ga̱ soꞌ, ne̱ soꞌ cha̱ ga̱ ꞌu̱nj a.

1 Pedro 1:8

Ne̱ Jesucristó me se nda̱ꞌ se ne queneꞌe̱n rihaan soj man soꞌ, tza̱j ne̱ aráj cochro̱j soj rihaan soꞌ ado̱nj. Ne neꞌen rihaan soj man soꞌ nihánj cuano̱, tza̱j ne̱ cheꞌé se cuchumán ya̱ rá soj niꞌya̱j soj man soꞌ roꞌ, cheꞌé dan niꞌndaj ya̱ guun niha̱ꞌ uxrá ya̱ rá nimán soj ado̱nj.

San Mateo 20:28

Dan me se nda̱ꞌ se Si̱j Caꞌnéé Yaꞌanj Ni̱caj Yuꞌunj man Yuvii̱ mej, tza̱j ne̱ ne caꞌna̱ꞌ ꞌu̱nj ne̱ gu̱un nij yuvii̱ mozó rihanj maꞌ. ꞌO̱ se caꞌnáꞌ ꞌu̱nj ra̱cuíj man nij yuvii̱ na̱nj ado̱nj. Ne̱ caꞌnáꞌ ꞌu̱nj nayo̱n ma̱ꞌanj rihaan yuvii̱ ne̱ cavi̱ꞌ ꞌu̱nj cheꞌé cacunꞌ ata̱ nij soꞌ, ga̱a ne̱ nani̱i̱ nij soꞌ rihaan sayuun, qui̱ꞌyáj na̱nj ado̱nj ―taj Jesús a.

San Juan 15:13

Dan me se sese caꞌve̱j rá ꞌo̱ soꞌ nayo̱n soꞌ rihaan tuviꞌ soꞌ cavi̱ꞌ soꞌ cheꞌé tuviꞌ soꞌ, ne̱ si̱j ꞌe̱e̱ ya̱ rá man tuviꞌ me soꞌ a. Taj va̱j a̱ doj síí ꞌe̱e̱ doj rá man tuviꞌ rihaan síí caꞌve̱j cavi̱ꞌ cheꞌé tuviꞌ a̱ maꞌ.

Gálatas 2:16

Tza̱j ne̱ neꞌen níꞌ se vaa nda̱ꞌ se veꞌé nocoꞌ ꞌo̱ soꞌ stucua̱nj Moisés, tza̱j ne̱ se̱ cunuu sa̱ꞌ maꞌa̱n soꞌ rihaan Yaꞌanj maꞌ. ꞌO̱ se cunu̱u sa̱ꞌ ya̱ soꞌ rihaan Yaꞌanj sese cuchuma̱n rá soꞌ ni̱ꞌyaj soꞌ man Cristó ado̱nj. Dan me se cuchumán rá maꞌa̱n níꞌ niꞌya̱j níꞌ man Cristó Jesús, yan cunu̱u sa̱ꞌ níꞌ rihaan Yaꞌanj, tza̱j ne̱ se̱ cunuu sa̱ꞌ níꞌ, quiꞌya̱j stucua̱nj Moisés maꞌ. Ina̱nj da̱nj taj Danj Yaꞌanj á. A̱ ꞌó yuvii̱ se̱ cunuu sa̱ꞌ rihaan Yaꞌanj quiꞌya̱j stucua̱nj Moisés maꞌ, taj uún Danj Yaꞌanj ado̱nj.

2 Corintios 10:3

Dan me se vaa iꞌna̱ꞌ nee̱ man núj cuano̱, tza̱j ne̱ ne unuꞌ núj ase vaa unuꞌ nij síí noco̱ꞌ se‑chre̱j chumii̱ nihánj maꞌ.

San Juan 6:69

Ne̱ cuchumán rá núj ne̱ neꞌen núj se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj Simón Pedró rihaan Jesús a.

San Juan 1:49

Ga̱a ne̱ cataj Natanael a: ―Taꞌni̱j Yaꞌanj mé so̱ꞌ, maestro. Si̱j nica̱j suun rey uun chij rihaan níꞌ si̱j israelitá mé so̱ꞌ á ―taj Natanael a.

2 Corintios 1:24

ꞌO̱ se ne me rá núj quiri̱i̱ taꞌngaꞌ núj rihaan soj da̱j quiꞌya̱j soj canoco̱ꞌ soj man Cristó maꞌ. ꞌO̱ se síí ꞌyaj se‑su̱u̱n Yaꞌanj rcuaꞌa̱a̱n ga̱ soj yan cavi̱i̱ sa̱ꞌ soj ne̱ gu̱un niha̱ꞌ rá soj me núj, ne̱ a̱j nariꞌ sa̱ꞌ soj canoco̱ꞌ maꞌa̱n soj man Cristó na̱nj ado̱nj.

Hechos 9:20

Ne̱ nu̱ꞌ caꞌanj soꞌ nij veꞌ tucuꞌyón nij yuvii̱ israelitá stucua̱nj Moisés, ne̱ caꞌmii natáj soꞌ rihaan nij soꞌ se vaa Jesús roꞌ, Taꞌníí ya̱ Yaꞌanj me soꞌ a.

Efesios 5:25

Ne̱ nij snóꞌo roꞌ, ga̱a̱ ꞌe̱e̱ uxrá rá nij soꞌ man nica̱ nij soꞌ á. Dan me se ase vaa ꞌe̱e̱ rá Cristó man xꞌneꞌ níꞌ si̱j noco̱ꞌ man soꞌ roꞌ, da̱nj ga̱a̱ ꞌe̱e̱ rá nij snóꞌo man nica̱ nij soꞌ uún ado̱nj. Neꞌen soj se vaa caꞌnéé nimán Cristó cavi̱ꞌ soꞌ cheꞌé níꞌ si̱j noco̱ꞌ man soꞌ,

2 Corintios 5:7

ꞌO̱ se ataa queneꞌe̱n núj se vaa rque̱ Yaꞌanj man núj, tza̱j ne̱ amán rá núj niꞌya̱j núj man Yaꞌanj se vaa ya̱ vaa nana̱ cataꞌ tuꞌva soꞌ rihaan núj, ne̱ cheꞌé dan uno núj rihaan soꞌ na̱nj ado̱nj.

San Juan 3:35

ꞌE̱e̱ rá Rej soꞌ man soꞌ, ne̱ rqué Rej soꞌ cunuda̱nj rasu̱u̱n man soꞌ, cheꞌé rej gu̱un chij soꞌ rihaan cunuda̱nj nij rasu̱u̱n yoꞌ ado̱nj.

1 Juan 4:14

Ne̱ a̱j neꞌen núj se vaa caꞌnéé Rej níꞌ Yaꞌanj man Taꞌníí soꞌ rihaan chumii̱ nihánj cheꞌé rej gu̱un soꞌ Síí Ti̱nanii rihaan Sayuun man nij síí ma̱n rihaan chumii̱ nihánj, ne̱ a̱j nataꞌ núj nana̱ yoꞌ rihaan yuvii̱ ado̱nj.

Hechos 8:36

Dan me se ga̱a va̱j ro̱j soꞌ chrej, ne̱ cuchiꞌ ro̱j soꞌ rej nu̱u̱ do̱j na, ga̱a ne̱ cataj síí “eunuco” a: ―Ni̱ꞌyaj so̱ꞌ á. Nihánj me nu̱u̱ na á. Ne̱ caꞌve̱e cata̱ꞌ ne ꞌu̱nj naꞌ ―taj soꞌ, xnáꞌanj soꞌ man Felipé a.

San Mateo 4:3

Dan me se cuchiꞌ Síí Chre̱e rihaan Jesús, ga̱a ne̱ guun rá soꞌ tiha̱ꞌ yuꞌunj soꞌ man Jesús ado̱nj. Cheꞌé dan cataj soꞌ rihaan Jesús a: ―Sese ya̱ ya̱ Taꞌni̱j Yaꞌanj mé so̱ꞌ, ne̱ cata̱j so̱ꞌ rihaan nij yahij nihánj se vaa gu̱un nij yoꞌ rachrúún cha̱ so̱ꞌ á ―taj Síí Chre̱e rihaan Jesús a.

Romanos 3:22

cuchuma̱n rá yuvii̱ ni̱ꞌyaj yuvii̱ Jesucristó, ga̱a ne̱ tinavi̱j Yaꞌanj cacunꞌ tumé nij yuvii̱, ne̱ cunu̱u sa̱ꞌ nimán nij yuvii̱ rihaan Yaꞌanj a. Taj a̱ ꞌó yuvii̱ ino̱ vaa rihaan Yaꞌanj maꞌ.

Romanos 4:25

Dan me se caꞌvej rá Yaꞌanj cavi̱ꞌ Jesús cheꞌé cacunꞌ quiꞌyaj níꞌ, ne̱ cunuu iꞌna̱ꞌ uún soꞌ, quiꞌyaj Yaꞌanj, cheꞌé yan cunu̱u sa̱ꞌ nimán níꞌ rihaan maꞌa̱n Yaꞌanj ado̱nj.

Romanos 5:6

ꞌO̱ se Cristó me se ga̱a ne gu̱un nucua̱j maꞌa̱n níꞌ si̱j ma̱n rihaan chumii̱ nihánj quiꞌya̱j sa̱ꞌ níꞌ do̱ꞌ, ga̱a né si̱j noco̱ꞌ man Yaꞌanj me níꞌ do̱ꞌ, ne̱ caviꞌ Cristó cheꞌé maꞌa̱n níꞌ, ga̱a quisíj güii cachrón maꞌa̱n Yaꞌanj cavi̱ꞌ soꞌ na̱nj ado̱nj.

Romanos 5:8

Xa̱ꞌ Yaꞌanj, tza̱j ne̱ nda̱ꞌ se tumé níꞌ cacunꞌ, tza̱j ne̱ caviꞌ Cristó cheꞌé níꞌ, ne̱ nayón soꞌ rihaan níꞌ, quiꞌyaj Yaꞌanj, ne̱ veé dan me se tihaa̱n Yaꞌanj rihaan níꞌ se vaa ꞌe̱e̱ ndoꞌo rá Yaꞌanj man níꞌ ado̱nj.

Romanos 8:10

Neꞌen soj se vaa cavi̱ꞌ nee̱ man níꞌ cheꞌé cacunꞌ quiꞌyaj nee̱ man níꞌ, tza̱j ne̱ sese ya̱nj Cristó nimán níꞌ, ne̱ ꞌo̱ vaa sa̱ꞌ nimán níꞌ rihaan Yaꞌanj, ne̱ cheꞌé dan ꞌo̱ vaa iꞌna̱ꞌ nimán níꞌ ado̱nj.

Romanos 14:7

ꞌO̱ se né cheꞌe̱ o̱rúnꞌ níꞌ vaa iꞌna̱ꞌ ꞌo̱ ꞌo̱ níꞌ maꞌ. Né cheꞌe̱ o̱rúnꞌ níꞌ cavi̱ꞌ ꞌo̱ ꞌo̱ níꞌ maꞌ.

1 Corintios 6:17

Tza̱j ne̱ sese guun tuvi̱ꞌ níꞌ ga̱ Síí ꞌNi̱j Raꞌa man níꞌ, ne̱ ꞌo̱ vaa nimán níꞌ ga̱ soꞌ ado̱nj.

2 Corintios 5:14

ꞌO̱ se neꞌen núj se vaa ꞌe̱e̱ rá Cristó man cunuda̱nj yuvii̱, ne̱ cheꞌé dan ꞌo̱ me rá núj cata̱j xnaꞌanj núj rihaan yuvii̱ cheꞌé soꞌ a. ꞌO̱ se guun ya̱ rá núj se vaa o̱rúnꞌ Cristó me síí caviꞌ cheꞌé cunuda̱nj yuvii̱, ne̱ cheꞌé dan ase vaa síí caviꞌ roꞌ, da̱nj ꞌyaj cunuda̱nj nij yuvii̱ noco̱ꞌ man soꞌ niꞌya̱j nij soꞌ chrej chiꞌi̱i̱ a.

2 Corintios 11:10

Cheꞌé se ya̱nj Cristó ga̱ ꞌu̱nj, cheꞌé dan neꞌen soj se vaa ya̱ vaa nana̱ aꞌmii ꞌu̱nj rihaan soj, ne̱ cata̱j xnaꞌanj ꞌu̱nj rihaan soj cuano̱ se vaa se̱ guun daj chiha̱a̱ míj cata̱j yuvii̱ ma̱n estadó ma̱n soj se vaa quitaꞌaj se‑saꞌa̱nj soj maꞌ.

Filipenses 1:21

Vaa iꞌna̱ꞌ ꞌu̱nj cheꞌé Cristó, ne̱ sese cavi̱ꞌ ꞌu̱nj cheꞌé Cristó, ne̱ cavi̱i̱ sa̱ꞌ ꞌu̱nj doj, quiꞌya̱j soꞌ ado̱nj.

Hebreos 8:3

ꞌO̱ se ta̱ranꞌ nij xrej ata̱ suun noco̱o doj ma̱n rihaan chumii̱ nihánj roꞌ, no̱ xcúún nij soꞌ rque̱ nij soꞌ rasu̱u̱n do̱ꞌ, xcuu caca̱a̱ do̱ꞌ, rihaan Yaꞌanj ado̱nj. Cheꞌé dan me nij soꞌ xrej ado̱nj. Cheꞌé dan no̱ xcúún Jesús rque̱ uún soꞌ ꞌo̱ rasu̱u̱n rihaan Yaꞌanj na̱nj á.