Gálatas 1:7 - Triqui de San Juan Copala

⁷ Taj va̱j ꞌó nana̱ sa̱ꞌ maꞌ. Ma̱an se vaa do̱j síí me rá naquiꞌya̱j ino̱ nana̱ sa̱ꞌ cheꞌé Cristó cheꞌé yan gu̱un vi̱j rá soj chugua̱nj.

Gálatas 1:7 Referans Kwoze

Hechos 15:24

Dan me se caꞌnaꞌ nana̱ rihaan núj se vaa do̱j tuviꞌ núj me síí caꞌmii nana̱ quiꞌyaj sayuun rihaan soj, ne̱ quiriꞌ rá nimán soj, quiꞌyaj nij síí caꞌmii nana̱ yoꞌ a. Tza̱j ne̱ né núj caꞌnéé man nij soꞌ maꞌ.

Gálatas 5:10

Dan me se ꞌu̱nj me se ꞌo̱ amán raj niꞌya̱j ꞌu̱nj man Síí ꞌNi̱j Raꞌa man níꞌ se vaa ꞌo̱ cuya̱a̱n ga̱a̱ rá soj ga̱ ꞌu̱nj chugua̱nj. Ne̱ síí aꞌmii ꞌó nana̱ roꞌ, tza̱j ne̱ naquiꞌyaj chru̱j soꞌ rihaan soj se vaa se̱ canocoꞌ sa̱ꞌ soj man Yaꞌanj chugua̱nj. Cheꞌé se ꞌyaj soꞌ da̱nj roꞌ, cheꞌé dan quira̱nꞌ soꞌ sayuun, quiꞌya̱j Yaꞌanj na̱nj ado̱nj. A̱ me maꞌa̱n si̱j me soꞌ, tza̱j ne̱ ya̱ quira̱nꞌ soꞌ sayuun, quiꞌya̱j Yaꞌanj á.

2 Corintios 11:13

Dan me se taj nij soꞌ se vaa me nij soꞌ síí cuneꞌ Cristó caꞌa̱nj nata̱ꞌ snana̱ soꞌ, tza̱j ne̱ aꞌmii ne̱ nij soꞌ, ne̱ tihaꞌ yuꞌunj nij soꞌ man soj na̱nj ado̱nj. Ne̱ ase vaa síí cuneꞌ Cristó roꞌ, da̱nj vaa nij soꞌ rá soj a.

Gálatas 5:12

Dan me se vaa cheꞌé cata̱j níꞌ se vaa nij síí ꞌyaj sayuun man soj roꞌ, ꞌo̱ se aꞌvee, ne̱ vaa cheꞌé caꞌne̱ꞌ nij soꞌ nu̱ꞌ nee̱ man maꞌa̱n nij soꞌ vaa tza̱j ado̱nj.

2 Corintios 2:17

ꞌO̱ se núj me se ne ꞌyaj núj nda̱a vaa ꞌyaj taꞌa̱j nij síí aꞌmii natáj snana̱ Yaꞌanj a̱ maꞌ. ꞌO̱ se taꞌa̱j nij soꞌ me síí me ina̱nj rá quiꞌya̱j canaán saꞌanj cheꞌé snana̱ Yaꞌanj, ne̱ xa̱ꞌ núj, tza̱j ne̱ ina̱nj nana̱ ya̱ me rá núj caꞌmi̱i̱ núj, ne̱ naꞌvej rá núj caꞌne̱e̱ núj saꞌanj cheꞌé snana̱ Yaꞌanj rihaan yuvii̱ maꞌ. ꞌO̱ se Yaꞌanj me síí caꞌneꞌ suun rihaan núj caꞌmi̱i̱ natáj núj, ne̱ tumé Yaꞌanj man núj da̱j caꞌmi̱i̱ núj, ne̱ síí noco̱ꞌ man Cristó me núj ado̱nj.

Apocalipsis 20:3

Ga̱a ne̱ quiriꞌíj se‑mo̱zó Yaꞌanj man soꞌ rque yuꞌuj cunu̱u̱ rmi̱ꞌ ndoꞌo, ne̱ caxríj soꞌ ragaꞌ, ne̱ cachrón soꞌ ꞌo̱ taꞌngaꞌ selló ya̱ tuꞌva yuꞌuj cunu̱u̱ rmi̱ꞌ ndoꞌo yoꞌ, cheꞌé rej ꞌo̱ qui̱ꞌnij yuve̱ xcuáá yoꞌ, ga̱a ne̱ se̱ gaa na̱nj tiha̱ꞌ yuꞌunj uún xcuáá tuꞌvi̱i yoꞌ doj man nij yuvii̱ ma̱n rihaan chumii̱ rque ꞌo̱ míj ya̱ yoꞌ maꞌ. Dan me se ga̱a quisi̱j míj nij yoꞌ yoꞌ, ga̱a ne̱ nache̱ uún xcuáá tuꞌvi̱i yoꞌ do̱j tzínꞌ a.

2 Juan 1:10

Ne̱ sese caꞌna̱ꞌ ꞌo̱ síí tucuꞌyón ꞌó tucuáán rej ya̱nj soj, ne̱ se̱ caꞌvej rá soj catu̱u̱ soꞌ rihaan soj, ne̱ se̱ caꞌmii sa̱ꞌ soj ga̱ soꞌ maꞌ.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

Apocalipsis 19:20

Tza̱j ne̱ taꞌaa nii man xcuu yuva̱a̱ yoꞌ do̱ꞌ, man síí nataꞌ nana̱ ne̱ síí quiꞌyaj suun noco̱o rihaan xcuu yuva̱a̱ do̱ꞌ a. Ne̱ suun noco̱o quiꞌyaj soꞌ me se veé da̱nj tihaꞌ yuꞌunj ndoꞌo soꞌ man nij síí caꞌneꞌ rá quino̱ se‑taꞌnga̱ꞌ xcuu yuva̱a̱ yoꞌ man do̱ꞌ, síí caráj gue̱e̱ man se tinanga̱ꞌ xcuu yuva̱a̱ cheꞌé suun noco̱o queneꞌen nij soꞌ do̱ꞌ a. Dan me se quiriꞌíj nii man ro̱j soꞌ rque laguaná rej acaa ndoꞌo yoꞌóó azufré, ne̱ veé da̱nj vaa iꞌna̱ꞌ ro̱j soꞌ a.

Apocalipsis 13:14

Dan me se quiꞌyaj xoꞌ suun noco̱o rihaan xcuu yuva̱a̱ cavii rque na yaꞌa̱nj yoꞌ, quiꞌyaj maꞌa̱n xoꞌ, ne̱ cheꞌé suun noco̱o yoꞌ me se tihaꞌ yuꞌunj ndoꞌo xoꞌ man nij síí ma̱n rihaan chumii̱ a. Ne̱ cataj xoꞌ rihaan nij soꞌ se vaa quiꞌya̱j nij soꞌ ꞌo̱ se tinanga̱ꞌ xcuu cavii rque na yaꞌa̱nj yoꞌ xcuu quiranꞌ chiꞌii̱ quiꞌyaj neê espadá ne̱ cunuu iꞌna̱ꞌ uún a.

Apocalipsis 12:9

Ne̱ xcuáá tuꞌvi̱i yoꞌ roꞌ, xcuáá cayáán asi̱j naá tiempó me soꞌ, ne̱ Síí Chre̱e do̱ꞌ, Satanás do̱ꞌ, cuꞌna̱j soꞌ, ne̱ síí tihaꞌ yuꞌunj man cunuda̱nj nij yuvii̱ ma̱n rihaan chumii̱ me uún soꞌ na̱nj ado̱nj. Ne̱ tagüéj nii man xcuáá tuꞌvi̱i xi̱j yoꞌ rihaan chumii̱ ga̱ nij se‑mo̱zó soꞌ a.

Apocalipsis 2:20

Tza̱j ne̱ vaa do̱j cacunꞌ tumé soj rihanj se vaa aꞌvej rá soj ca̱yáán chana̱ cuꞌna̱j Jezabel ga̱ soj a. Ne̱ noꞌ me níí taj se vaa chana̱ nataꞌ snana̱ Yaꞌanj me noꞌ, ne̱ tucuꞌyón noꞌ man yuvii̱, ne̱ tihaꞌ yuꞌunj noꞌ man nij síí nu̱u̱ rihaan ma̱ꞌanj na̱nj á. Síj ga̱a ne̱ ꞌyaj nij soꞌ cacunꞌ ga̱ chana̱ ne̱ chá nij soꞌ rasu̱u̱n rqué nii rihaan yaꞌanj quiꞌyaj nii uún ado̱nj.

Apocalipsis 2:6

Tza̱j ne̱ nihánj me se sa̱ꞌ ꞌyaj soj, se vaa nachriꞌ uxrá rá soj niꞌya̱j soj se vaa ꞌyaj nij síí nicolaíta, ne̱ veé da̱nj nachriꞌ rá ma̱ꞌanj niꞌya̱j ꞌu̱nj se vaa ꞌyaj nij soꞌ uún na̱nj ado̱nj.

Apocalipsis 2:2

A̱j neꞌén ꞌu̱nj da̱j ꞌyaj soj se vaa ꞌyaj uxrá soj se‑su̱u̱n ꞌu̱nj ne̱ nucua̱j ndoꞌo vaa nimán soj rihaan sayuun ado̱nj. Ne̱ a̱j neꞌenj se vaa naꞌvej uxrá rá soj ni̱ꞌyaj soj man nij síí chiꞌi̱i̱ maꞌ. Ne̱ xa̱ꞌ nij síí tihaꞌ yuꞌunj tuꞌva rmaꞌa̱n se vaa si̱j ata̱ suun caꞌa̱nj nata̱ꞌ snana̱ Jesucristó me nij soꞌ, tza̱j ne̱ a̱j nuchruj ra̱a̱ soj cheꞌé nij soꞌ, ne̱ a̱j xcaj soj cuentá se vaa né si̱j aꞌmii ya̱ me nij soꞌ a̱ maan ado̱nj.

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.

2 Juan 1:7

ꞌO̱ se ya̱j me se curiha̱nj ndoꞌo nij síí tihaꞌ yuꞌunj rihaan chumii̱ nihánj, ne̱ cataj nij soꞌ se vaa né si̱j guun yuvii̱ me Jesucristó a. Síí aꞌmii da̱nj me se síí tihaꞌ yuꞌunj aꞌmii nana̱ ne̱ do̱ꞌ, síí ta̱j riꞌyunj man Cristó do̱ꞌ, me soꞌ a.

1 Juan 2:26

Dan me se cachrón ꞌu̱nj nu̱ꞌ nana̱ nihánj naya̱a̱ soj cheꞌé rej xca̱j soj cuentá cheꞌé nij síí me rá tiha̱ꞌ yuꞌunj man soj ado̱nj.

2 Timoteo 2:18

Dan me se cataj ro̱j soꞌ se vaa a̱j quisíj cunuu iꞌna̱ꞌ uún nij síí caviꞌ, ne̱ se̱ cunuu iꞌna̱ꞌ uún doj yuvii̱, taj ro̱j soꞌ a. Da̱nj tuꞌva ro̱j soꞌ, tza̱j ne̱ ne neꞌen uxrá ro̱j soꞌ a̱ doj a̱ maꞌ. Tza̱j ne̱ vaa taꞌa̱j yuvii̱ cuchumán rá nana̱ caꞌmii ro̱j soꞌ, ne̱ cheꞌé dan caꞌneꞌ rá nij yuvii̱ ga̱ suun nucua̱j rá man Yaꞌanj, quiꞌyaj ro̱j soꞌ a.

Gálatas 6:17

Dan me se a̱j ta̱j ndoꞌo yaa̱n mán ꞌu̱nj cheꞌé se quiranꞌ ndoꞌo ꞌu̱nj sayuun cheꞌé se natáꞌ ꞌu̱nj rihaan yuvii̱ cheꞌé Jesús, ne̱ cheꞌé dan naꞌvej rá ꞌu̱nj quiꞌya̱j soj doj sayuun mán ꞌu̱nj a̱ maꞌ.

Gálatas 4:17

Dan me se aráyaꞌa̱nj uxrá ꞌó nij soꞌ man soj, tza̱j ne̱ ne cuna̱j daj chiha̱a̱ míj ꞌyaj nij soꞌ maꞌ. Ma̱an se me rá nij soꞌ ta̱náj xco̱ soj nana̱ noco̱ꞌ níꞌ si̱j amán rá niꞌya̱j man Cristó, ne̱ ina̱nj man maꞌa̱n nij soꞌ canoco̱ꞌ soj, rá nij soꞌ na̱nj ado̱nj.

Gálatas 2:4

Tza̱j ne̱ do̱j nij síí tihaꞌ yuꞌunj taj se vaa tinúú níꞌ me nij soꞌ, tza̱j ne̱ taj maꞌ. Dan me se catúj yuve̱ nij soꞌ rej nuu chre̱ꞌ núj cheꞌé rej xca̱j nij soꞌ cuentá da̱j ꞌyaj núj a. ꞌO̱ se vaa yaꞌnúj rihaan níꞌ canoco̱ꞌ níꞌ man Cristó Jesús, ne̱ taj cheꞌé canoco̱ꞌ níꞌ nu̱ꞌ stucua̱nj Moisés nda̱a vaa guun rá nij síí tihaꞌ yuꞌunj quiꞌya̱j níꞌ a̱ maꞌ.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

Hechos 20:30

Ne̱ nda̱a tuviꞌ maꞌa̱n ya̱ soj me síí gu̱un cheꞌe̱ tuguáj nij soꞌ nana̱ ya̱, cheꞌé se gu̱un rá nij soꞌ canoco̱ꞌ nij síí tucuꞌyón snana̱ Jesucristó man maꞌa̱n nij soꞌ a.

Hechos 13:10

ne̱ cataj soꞌ a: ―So̱ꞌ roꞌ, me síí nu̱u̱ nana̱ tihaꞌ yuꞌunj nimán, ne̱ si̱j ꞌyaj ina̱nj se chiꞌi̱i̱ mé so̱ꞌ na̱nj á. Taꞌníí ya̱ Síí Chre̱e mé so̱ꞌ á. Si̱j nachriꞌ niꞌya̱j cunuda̱nj se sa̱ꞌ mé so̱ꞌ á. Vaa güii ta̱náj tiꞌíín so̱ꞌ suun tanachej nana̱ ya̱ aꞌmii Yaꞌanj Si̱j ꞌNi̱j Raꞌa man níꞌ naꞌ.

San Mateo 24:24

ꞌO̱ se caꞌna̱ꞌ uxrá síí ne̱ síí cata̱j se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me nij soꞌ, ne̱ caꞌna̱ꞌ uxrá síí ne̱ síí cata̱j se vaa nataꞌ nij soꞌ snana̱ Yaꞌanj, ne̱ quiꞌya̱j nij soꞌ da̱j a̱ suun noco̱o, ne̱ tiha̱ꞌ yuꞌunj nij soꞌ man cunuda̱nj nij yuvii̱ ma̱n rihaan chumii̱ na̱nj ado̱nj. Nda̱a nij síí narii Yaꞌanj man roꞌ, sese taj va̱j Yaꞌanj tu̱mé man nij soꞌ, ne̱ cuchuma̱n rá nij soꞌ ni̱ꞌyaj nij soꞌ man nij síí tihaꞌ yuꞌunj yoꞌ na̱nj ado̱nj.

Gálatas 1:6

Caꞌanj rá ꞌu̱nj cheꞌé se raꞌya̱nj tanáj nij soj man Yaꞌanj si̱j canacúún man soj ga̱ se lu̱j quiꞌyaj Cristó cheꞌé soj, ne̱ canocoꞌ soj ꞌó nana̱ taj nii se vaa me nana̱ sa̱ꞌ a.