Gálatas 1:10 - Triqui de San Juan Copala

¹⁰ Me rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ mán ꞌu̱nj, rá soj naꞌ. Taj maꞌ. ꞌO̱ se ina̱nj me rá ꞌu̱nj ga̱a̱ niha̱ꞌ rá Yaꞌanj ni̱ꞌyaj Yaꞌanj manj ado̱nj. Dan me se ga̱a rque̱ me se ina̱nj me rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ manj, tza̱j ne̱ ya̱j roꞌ, taj maꞌ. Sese ina̱nj gu̱un rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ mán ꞌu̱nj, ne̱ né si̱j ꞌyaj se‑su̱u̱n Cristó mé ꞌu̱nj a̱ maan chugua̱nj.

Gálatas 1:10 Referans Kwoze

1 Tesalonicenses 2:4

ꞌO̱ se guun nucua̱j rá Yaꞌanj man núj, ne̱ caꞌneꞌ soꞌ suun rihaan núj nata̱ꞌ núj nana̱ sa̱ꞌ cheꞌé Cristó, ne̱ da̱nj ꞌyaj gue̱e̱ núj ado̱nj. Ne uun rá núj cata̱j yuvii̱ se vaa veꞌé ꞌyaj núj maꞌ. Ma̱an se me rá núj gu̱un niha̱ꞌ rá Yaꞌanj ni̱ꞌyaj Yaꞌanj man núj, ne̱ Yaꞌanj me síí acaj cuentá da̱j vaa nimán núj ado̱nj.

Hechos 5:29

Ga̱a ne̱ cataj Pedró do̱ꞌ, ꞌó nij síí cuneꞌ Jesús do̱ꞌ a: ―Tza̱j ne̱ ꞌo̱ se no̱ xcúún níꞌ cuno̱ níꞌ asino ya̱a̱n nana̱ aꞌmii Yaꞌanj rihaan nana̱ aꞌmii yuvii̱ a.

Efesios 6:6

Ne̱ se̱ quiꞌyaj mozó yoꞌ se vaa ꞌyaj nij síí vaa qui̱j nimán maꞌ. Dan me se nij síí vaa qui̱j nimán roꞌ, me rá nij soꞌ cara̱nꞌ rá se‑ruꞌve̱e̱ nij soꞌ ni̱ꞌyaj soꞌ man nij soꞌ, tza̱j ne̱ ina̱nj ga̱a niꞌya̱j ruꞌvee man nij soꞌ ꞌyaj suun nij soꞌ, tza̱j ne̱ se̱ guun quiꞌya̱j soj da̱nj maꞌ. Tana̱nj ꞌo̱ caꞌne̱j nimán soj quiꞌya̱j suun soj, ne̱ gu̱un rá soj se vaa se‑mo̱zó Cristó me soj, ne̱ quiꞌya̱j soj nu̱ꞌ se vaa me rá Yaꞌanj quiꞌya̱j soj á.

Santiago 4:4

Ne̱ ase vaa chana̱ otoj ga̱ ꞌó snóꞌo roꞌ, da̱nj vaa soj, ne̱ ne nocoꞌ ya̱ nimán soj man Yaꞌanj a̱ maꞌ. Xca̱j soj cuentá se vaa síí me rá cavi̱i̱ sa̱ꞌ ina̱nj rihaan chumii̱ nihánj roꞌ, soꞌ me síí ta̱j riꞌyunj man Yaꞌanj ado̱nj. Ya̱ uxrá á.

San Mateo 22:16

Ga̱a ne̱ caꞌnéé nij soꞌ man nij síí tucuꞌyón snana̱ maꞌa̱n nij soꞌ do̱ꞌ, man nij síí noco̱ꞌ man síí cuꞌna̱j Herodes do̱ꞌ, cuchi̱ꞌ nij soꞌ rihaan Jesús a. Ne̱ cataj nij soꞌ rihaan Jesús a: ―Neꞌen núj se vaa nana̱ ya̱ ina̱nj aꞌmii so̱ꞌ, ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro. Ne̱ ne chuꞌvíꞌ so̱ꞌ niꞌya̱j so̱ꞌ man yuvii̱ da̱j cata̱j yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj.

Colosenses 3:22

Cuno̱ sa̱ꞌ mozó rihaan se‑ruꞌve̱e̱ mozó á. Se̱ naquiꞌyaj rmi̱i̱ mozó man mozó rihaan se‑ruꞌve̱e̱ mozó maꞌ. Nda̱ꞌ se ne niꞌya̱j se‑ruꞌve̱e̱ mozó, tza̱j ne̱ ꞌo̱ quiꞌya̱j suun mozó á. Síí ꞌNi̱j Raꞌa man níꞌ roꞌ, niꞌya̱j soꞌ man mozó yoꞌ, ne̱ cheꞌé dan cuchuꞌvi̱ꞌ mozó ne̱ veꞌé quiꞌya̱j suun soꞌ a.

Romanos 2:29

Caꞌve̱e se nu̱ꞌ nana̱ no̱ rihaan yanj nocoꞌ ꞌo̱ soꞌ, tza̱j ne̱ né si̱j israelitá veꞌé noco̱ꞌ man Yaꞌanj me soꞌ, quiꞌya̱j yanj yoꞌ, ni̱ꞌyaj Yaꞌanj maꞌ. Tza̱j ne̱ me maꞌa̱n síí noco̱ꞌ ya̱ man Yaꞌanj ne̱ nahuun sa̱ꞌ nimán, ne̱ ase vaa ꞌo̱ yuvii̱ israelitá roꞌ, da̱nj ga̱a̱ soꞌ rihaan Yaꞌanj, ne̱ caꞌve̱e se caꞌmi̱i̱ yuvii̱ nana̱ chiꞌi̱i̱ cheꞌé soꞌ, tza̱j ne̱ ne rihuun rá soꞌ maꞌ. ꞌO̱ se maꞌa̱n Yaꞌanj cata̱j se vaa sa̱ꞌ ndoꞌo quiꞌyaj soꞌ ado̱nj.

1 Juan 3:9

Ne̱ ta̱ranꞌ nij síí caꞌngaa naca̱ nimán quiꞌyaj Yaꞌanj roꞌ, né ꞌo̱ ꞌyaj nij soꞌ cacunꞌ a̱ maꞌ. ꞌO̱ se Yaꞌanj me síí quiꞌyaj caꞌngaa naca̱ nimán nij soꞌ, ne̱ se̱ caꞌvee ꞌo̱ quiꞌya̱j nij soꞌ cacunꞌ, ese maꞌa̱n Yaꞌanj quiꞌyaj caꞌngaa naca̱ nimán nij soꞌ na̱nj ado̱nj.

2 Corintios 12:19

Dan me se cheꞌé se chuꞌviꞌ ndoꞌo núj se vaa cuta̱ꞌ soj cacunꞌ xráá núj me se caꞌmii ndoꞌo núj nu̱ꞌ nana̱ nihánj, rá soj naꞌ. Taj maꞌ. ꞌO̱ se neꞌen Yaꞌanj da̱j aꞌmii núj, ne̱ cheꞌé se si̱j noco̱ꞌ man Cristó me núj, ne̱ caꞌmii núj nu̱ꞌ nana̱ nihánj cheꞌé se ꞌe̱e̱ rá núj man soj, ne̱ me rá núj nari̱ꞌ sa̱ꞌ soj canoco̱ꞌ soj man Yaꞌanj, tinu̱j, nocoj.

Romanos 2:8

Xco̱j ruva̱a̱ ndoꞌo rá ꞌó taꞌa̱j yuvii̱, ne̱ ne uno nij soꞌ nana̱ ya̱ maꞌ. Tana̱nj tucuáán chiꞌi̱i̱ ina̱nj nocoꞌ nij soꞌ, ne̱ cheꞌé dan cuya̱nj rá Yaꞌanj ni̱ꞌyaj Yaꞌanj man nij soꞌ a.

Romanos 1:1

ꞌU̱nj me síí cuꞌna̱j Pabló nu̱u̱ rihaan Cristó Jesús a. Dan me se canacúún soꞌ mán ꞌu̱nj guún ꞌu̱nj síí caꞌa̱nj nata̱ꞌ snana̱ soꞌ, ne̱ cuneꞌ soꞌ mán ꞌu̱nj ꞌo̱ nata̱ꞌ ꞌu̱nj snana̱ Yaꞌanj nana̱ sa̱ꞌ rihaan yuvii̱ a.

1 Corintios 10:33

Ina̱nj da̱nj ꞌyaj ma̱ꞌanj, ne̱ nu̱ꞌ se vaa me rá ꞌo̱ ꞌo̱ taꞌa̱j yuvii̱ qui̱ꞌyáá ꞌu̱nj roꞌ, ꞌyáá ꞌu̱nj, ne̱ ne ꞌyáá ꞌu̱nj ina̱nj se me raj ma̱ꞌanj qui̱ꞌyáj maꞌ. ꞌO̱ se ꞌyáá ꞌu̱nj nda̱a vaa me rá nij yuvii̱ na̱nj ado̱nj. ꞌO̱ se nanóꞌ ꞌu̱nj chrej cavi̱i̱ sa̱ꞌ cunuda̱nj nij yuvii̱ doj, ga̱a ne̱ nani̱i̱ nij soꞌ rihaan sayuun cheꞌé se sa̱ꞌ yoꞌ ado̱nj. Ina̱nj da̱nj quiꞌya̱j soj á.

San Mateo 28:14

Ne̱ sese cuchi̱ꞌ nana̱ yoꞌ rihaan síí nica̱j suun gobernador, ne̱ sese me rá soꞌ quiꞌya̱j soꞌ sayuun man soj, ne̱ maꞌa̱n núj ca̱ráán raꞌa sayuun xráá soj na̱nj á ―taj nij soꞌ rihaan nij tanuu a.

Hechos 12:20

Dan me se caꞌmaan rá síí cuꞌna̱j Herodes niꞌya̱j soꞌ man nij síí ma̱n chumanꞌ Tiro do̱ꞌ, chumanꞌ Sidón do̱ꞌ a. Cheꞌé dan ꞌo̱ cuniha̱a̱n caꞌanj síí ma̱n ro̱j chumanꞌ yoꞌ nda̱a rej ya̱nj Herodes a. Ne̱ caꞌmii nij soꞌ ga̱ síí cuꞌna̱j Blasto síí tumé nu̱ꞌ veꞌ tucuá Herodes, ne̱ dan me se caꞌvej rá Blasto ra̱cuíj soꞌ man nij soꞌ cunu̱u rcuaꞌa̱a̱n nij soꞌ ga̱ Herodes, cheꞌé se caxríj yuve̱ nij soꞌ do̱j saꞌanj ston Blasto a. ꞌO̱ se nucua̱j rá nij soꞌ man Herodes se vaa cuchi̱ꞌ se chá avii rej uun chij soꞌ nda̱a chiháán nij soꞌ cha̱ nij soꞌ a.

San Mateo 6:24

’Taj va̱j síí gu̱un nucua̱j quiꞌya̱j suun sa̱ꞌ rihaan vi̱j ruꞌvee maꞌ. Sese quiꞌya̱j suun ꞌo̱ soꞌ rihaan vi̱j ruꞌvee, ne̱ nachri̱ꞌ soꞌ ni̱ꞌyaj soꞌ man ꞌo̱ ruꞌvee yoꞌ, ne̱ cara̱nꞌ rá soꞌ ni̱ꞌyaj soꞌ man ꞌó ruꞌvee yoꞌ a. Se̱ guun nucua̱j soꞌ cara̱nꞌ rá soꞌ ni̱ꞌyaj soꞌ man vi̱j ruꞌvee maꞌ. Ne̱ xa̱ꞌ soj, tza̱j ne̱ se̱ caꞌvee quiꞌya̱j soj se‑su̱u̱n Yaꞌanj ne̱ quiꞌya̱j suun soj cheꞌé rej gu̱un ruꞌvee soj rihaan chumii̱ nihánj a̱ maꞌ.

Filipenses 1:1

Síí cuꞌna̱j Pabló ga̱ síí cuꞌna̱j Timoteo me rój, ne̱ síí nu̱u̱ rihaan Cristó Jesús me rój, ne̱ nihánj me se ꞌyaj rój yanj cartá nihánj caꞌne̱j rój rihaan cunuda̱nj nij soj xꞌneꞌ yuvii̱ noco̱ꞌ man Cristó Jesús soj si̱j ya̱nj chumanꞌ Filipos a. Me rá rój naya̱a̱ nij soj do̱ꞌ, nij síí tumé sa̱ꞌ rihaan Yaꞌanj man soj do̱ꞌ, nij síí nica̱j suun rihaan Yaꞌanj ra̱cuíj man soj do̱ꞌ, yanj cartá nihánj a.