Filipenses 1:8 - Triqui de San Juan Copala

⁸ Ne̱ Yaꞌanj me síí neꞌen ya̱ se vaa ase vaa ꞌe̱e̱ rá Cristó Jesús man nij soj roꞌ, veé da̱nj ꞌe̱e̱ gue̱e̱ rá ma̱ꞌanj man cunuda̱nj nij soj chugua̱nj.

Filipenses 1:8 Referans Kwoze

Filipenses 4:1

Dan me se ꞌe̱e̱ ndoꞌo raj man soj, ne̱ me uxrá raj ni̱ꞌyaj ꞌu̱nj man soj, tinu̱j, nocoj. Niha̱ꞌ ndoꞌo raj, ꞌyaj soj, ne̱ vaa güii cata̱j Yaꞌanj se vaa sa̱ꞌ uxrá quiꞌyáj, tucuꞌyón ꞌu̱nj man soj, ne̱ cheꞌé dan vaa cheꞌé cuno̱ soj nu̱ꞌ nana̱ nihánj, ne̱ xraan canoco̱ꞌ soj man Síí ꞌNi̱j Raꞌa man níꞌ, tinu̱j, nocoj.

Romanos 1:9

Dan me se nda̱a nimán yá ꞌu̱nj ꞌyáá ꞌu̱nj suun rihaan Yaꞌanj natáꞌ ꞌu̱nj nana̱ sa̱ꞌ cheꞌé Taꞌníí soꞌ, ne̱ neꞌen Yaꞌanj se vaa ya̱ ya̱ niga̱nj achíín ni̱ꞌyáj cheꞌé soj ado̱nj.

2 Timoteo 1:4

Ne̱ nanuj rá ꞌu̱nj se vaa taꞌveé so̱ꞌ ga̱a tanáj ꞌu̱nj mán so̱ꞌ, ne̱ cheꞌé dan me ndoꞌo rá ꞌu̱nj queneꞌe̱n uún ꞌu̱nj mán so̱ꞌ, ga̱a ne̱ cunu̱u cui̱j nimanj qui̱ꞌyáá so̱ꞌ, raj a.

1 Tesalonicenses 2:8

Dan me se cunuu ꞌe̱e̱ rá núj niꞌya̱j núj man soj, ne̱ cheꞌé dan né ina̱nj snana̱ Yaꞌanj me se vaa rqué núj man soj maꞌ. Tza̱j ne̱ ꞌo̱ caꞌnéé nimán núj ra̱cuíj núj man soj uún ado̱nj.

Romanos 9:1

Cheꞌé se síí noco̱ꞌ man Cristó mé ꞌu̱nj, ne̱ se̱ caꞌmii ne̱ ꞌu̱nj rihaan nij soj maꞌ. ꞌO̱ se ya̱nj Nimán Yaꞌanj ga̱ ꞌu̱nj, ne̱ maꞌa̱n Nimán Yaꞌanj cataj rihanj se vaa nana̱ ya̱ caꞌmij á.

Filemón 1:12

Dan me se a̱j caꞌnéé ꞌu̱nj man soꞌ cuchi̱ꞌ uún soꞌ rihaan so̱ꞌ, ne̱ neꞌén so̱ꞌ se vaa ꞌe̱e̱ uxrá raj man soꞌ ado̱nj.

Colosenses 2:1

Me rá ꞌu̱nj queneꞌe̱n nij soj se vaa ꞌyaj ndoꞌoj se‑su̱u̱n Cristó cheꞌé soj do̱ꞌ, cheꞌé nij síí noco̱ꞌ man Cristó ya̱nj chumanꞌ Laodicea do̱ꞌ, cheꞌé ꞌó nij yuvii̱ noco̱ꞌ man Cristó yuvii̱ ataa queneꞌe̱n manj do̱ꞌ a.

Gálatas 4:19

Dan me se ase vaa taꞌníí ꞌu̱nj neꞌej roꞌ, da̱nj vaa nij soj, tinu̱j, nocoj. Cuano̱ nihánj me se uun cheꞌe̱ uún ꞌu̱nj nanó ndoꞌo rá ꞌu̱nj cheꞌé soj nda̱a vaa nanó rá ꞌu̱nj ga̱a rque̱ a. Dan me se ase vaa nanó rá chana̱ nichrunꞌ cuchru̱j neꞌej roꞌ, da̱nj vaa nanó rá ꞌu̱nj cheꞌé soj cuano̱ chugua̱nj. Ne̱ veé ina̱nj da̱nj nanó ndoꞌo rá uún ꞌu̱nj cheꞌé nij soj nda̱a nari̱ꞌ ya̱ ya̱ soj nda̱a vaa quiꞌyaj maꞌa̱n ya̱ Cristó na̱nj á.

Gálatas 1:20

Neꞌen ya̱ Yaꞌanj se vaa ya̱ vaa nana̱ nihánj nana̱ cachrón ꞌu̱nj rihaan yanj nihánj ado̱nj.

2 Corintios 7:15

Ne̱ nu̱u̱ rá Titó se vaa veꞌé uxrá cuno soj nana̱ cataj xnaꞌanj soꞌ rihaan soj, ne̱ uxrá caráj cochro̱j soj rihaan soꞌ asi̱j cuchiꞌ soꞌ rihaan soj, ne̱ cuchuꞌviꞌ soj caxri̱i̱ yuva̱a̱ soꞌ man soj a. Cheꞌé dan uxrá doj ꞌe̱e̱ rá soꞌ man soj chugua̱nj.

2 Corintios 6:12

Nda̱ꞌ se ꞌe̱e̱ rá núj man soj, tza̱j ne̱ ne ꞌe̱e̱ rá soj man núj maꞌ.

San Lucas 1:78

Da̱nj quiꞌya̱j Taꞌanj níꞌ cheꞌé nij soꞌ cheꞌé se ꞌe̱e̱ uxrá rá Yaꞌanj man nij soꞌ, ne̱ cheꞌé dan caꞌne̱j soꞌ man Síí Qui̱ꞌnij Raꞌa man nij soꞌ asa̱ꞌ quisíj güii caꞌve̱e cavi̱i̱ sa̱ꞌ níꞌ quiꞌya̱j Yaꞌanj ado̱nj.

1 Juan 3:17

Dan me se sese vaa ndoꞌo rasu̱u̱n ma̱n rihaan chumii̱ nihánj ni̱caj ꞌo̱ soꞌ, ne̱ nda̱ꞌ se neꞌen soꞌ se vaa achiin ndoꞌo rasu̱u̱n man tinúú soꞌ tza̱j ne̱ naꞌvej rá soꞌ ra̱cuíj soꞌ man tinúú soꞌ, ne̱ né si̱j ꞌe̱e̱ rá man tuviꞌ nda̱a vaa ꞌe̱e̱ rá Yaꞌanj man níꞌ me soꞌ a̱ maan ado̱nj.

Filemón 1:20

Dan me se me ina̱nj rá ꞌu̱nj qui̱ꞌyáá so̱ꞌ se ndoꞌo cheꞌej, cheꞌé se si̱j noco̱ꞌ man Síí ꞌNi̱j Raꞌa man níꞌ me níꞌ, tinu̱j. ꞌO̱ se nda̱a cunu̱u cui̱j rá ꞌu̱nj, qui̱ꞌyáá so̱ꞌ cheꞌé Cristó ado̱nj.

1 Tesalonicenses 2:5

Neꞌen soj do̱ꞌ, neꞌen maꞌa̱n Yaꞌanj do̱ꞌ, se vaa ne caꞌmi̱i̱ yaꞌa̱nj ndoꞌo núj ga̱ soj, ne̱ ne gu̱un rá núj caꞌne̱e̱ núj saꞌanj man soj maꞌ.

Colosenses 3:12

Dan me se narii Yaꞌanj man soj canoco̱ꞌ soj man soꞌ, ne̱ cunuu sa̱ꞌ nimán soj rihaan Yaꞌanj, ne̱ ꞌe̱e̱ rá Yaꞌanj man soj, ne̱ cheꞌé dan cunu̱u ꞌe̱e̱ rá soj tuviꞌ soj chugua̱nj. Dan me se ga̱a̱ sa̱ꞌ nimán soj, ne̱ ga̱a̱ nica̱ꞌ nimán soj, ne̱ se̱ guun yuva̱a̱ soj man tuviꞌ soj maꞌ. Tana̱nj ga̱a̱ ina̱j nimán soj na̱nj á.

Filipenses 2:26

ne̱ me ndoꞌo rá soꞌ queneꞌe̱n uún soꞌ man nij soj na̱nj ado̱nj. Dan me se nanó rá soꞌ se vaa cuno soj nana̱ cheꞌé soꞌ se vaa canó chiꞌii̱ man soꞌ ado̱nj.

Filipenses 2:1

Ya̱ ya̱ nariꞌ nucuaj nimán níꞌ, ꞌyaj Cristó, rá soj naꞌ. Ya̱ ya̱ uun niha̱ꞌ nimán níꞌ, ꞌyaj tinúú níꞌ síí ꞌe̱e̱ rá man níꞌ, rá soj naꞌ. Ya̱ ya̱ veꞌé mán nu̱ꞌ nij tinu̱j níꞌ, ꞌyaj Nimán Yaꞌanj, rá soj naꞌ. Ya̱ ya̱ nuu ꞌe̱e̱ rá níꞌ si̱j noco̱ꞌ man Cristó man tinúú níꞌ síí quiranꞌ sayuun, rá soj naꞌ. Dan me se nana̱ nihánj roꞌ, me nana̱ ya̱ uxrá vaa na̱nj ado̱nj.

2 Corintios 13:9

Ne̱ caꞌve̱e se né si̱j nucua̱j me núj, tza̱j ne̱ uun niha̱ꞌ rá núj cheꞌé se si̱j nucua̱j me soj, ne̱ achíín niꞌya̱j núj rihaan Yaꞌanj se vaa rque̱ Yaꞌanj nu̱ꞌ se vaa achiin man nimán soj, ga̱a ne̱ quiꞌya̱j soj se‑su̱u̱n soꞌ a.

Gálatas 3:26

Cheꞌé se amán rá nij soj niꞌya̱j soj man Cristó Jesús roꞌ, cheꞌé dan taꞌníí Yaꞌanj me ta̱ranꞌ soj cuano̱ na̱nj ado̱nj.