ꞌU̱nj me síí cuꞌna̱j Pabló si̱j cuneꞌ Cristó Jesús caꞌa̱nj nata̱ꞌ snana̱ soꞌ rihaan yuvii̱, nda̱a vaa me rá maꞌa̱n Yaꞌanj qui̱ꞌyáj a. Ya̱nj tinúꞌ Timoteo ga̱j, ne̱ ꞌyaj rój yanj nihánj caꞌne̱j rój rihaan soj xꞌneꞌ nij síí noco̱ꞌ man Cristó ya̱nj chumanꞌ cuꞌna̱j Corinto, ga̱ cunuda̱nj ꞌó nij soj si̱j noco̱ꞌ man Cristó ya̱nj nu̱ꞌ estadó cuꞌna̱j Acaya uún a.
Filipenses 1:1 - Triqui de San Juan Copala1 Síí cuꞌna̱j Pabló ga̱ síí cuꞌna̱j Timoteo me rój, ne̱ síí nu̱u̱ rihaan Cristó Jesús me rój, ne̱ nihánj me se ꞌyaj rój yanj cartá nihánj caꞌne̱j rój rihaan cunuda̱nj nij soj xꞌneꞌ yuvii̱ noco̱ꞌ man Cristó Jesús soj si̱j ya̱nj chumanꞌ Filipos a. Me rá rój naya̱a̱ nij soj do̱ꞌ, nij síí tumé sa̱ꞌ rihaan Yaꞌanj man soj do̱ꞌ, nij síí nica̱j suun rihaan Yaꞌanj ra̱cuíj man soj do̱ꞌ, yanj cartá nihánj a. Gade chapit la |
Filipenses 1:1
48 Referans Kwoze
Ne̱ veé da̱nj ga̱a̱ gue̱e̱ nij yuvii̱ gu̱un síí nica̱j suun rihaan Yaꞌanj ra̱cuíj man xꞌneꞌ nij síí noco̱ꞌ man Cristó uún, ne̱ síí niꞌya̱nj gu̱un nij soꞌ á. Se̱ caꞌmii nij soꞌ nana̱ tihaꞌ yuꞌunj maꞌ. Se̱ gaa niha̱ꞌ rá nij soꞌ coꞌo̱ ndoꞌo nij soꞌ na vinó maꞌ. Se̱ tihaꞌ yuꞌunj nij soꞌ man yuvii̱ caꞌne̱e̱ u̱u̱n nij soꞌ saꞌanj maꞌ.
Síí cuꞌna̱j Pabló do̱ꞌ, Silvano do̱ꞌ, Timoteo do̱ꞌ, me núj, ne̱ ꞌyaj núj yanj nihánj caꞌne̱j núj rihaan nij soj xꞌneꞌ yuvii̱ ya̱nj chumanꞌ Tesalónica noco̱ꞌ man Rej níꞌ Yaꞌanj do̱ꞌ, man Jesucristó Si̱j ꞌNi̱j Raꞌa man níꞌ do̱ꞌ a. Me rá núj quiꞌya̱j ndoꞌo Rej níꞌ Yaꞌanj ga̱ Jesucristó Si̱j ꞌNi̱j Raꞌa man níꞌ se lu̱j cheꞌé soj, ne̱ ga̱a̱ xe̱j nimán soj a.
Síí cuꞌna̱j Pabló mej, ne̱ cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan nij yuvii̱, cheꞌé se da̱nj me rá Yaꞌanj qui̱ꞌyáj a. ꞌYáá ꞌu̱nj yanj cartá nihánj caꞌne̱j ꞌu̱nj rihaan nij soj xꞌneꞌ yuvii̱ noco̱ꞌ man Yaꞌanj ya̱nj chumanꞌ Éfeso si̱j ꞌo̱ amán rá niꞌya̱j man Cristó Jesús a.
Dan me se ꞌyáá ꞌu̱nj yanj nihánj caꞌne̱j ꞌu̱nj rihaan nij soj xꞌneꞌ yuvii̱ ya̱nj chumanꞌ Romá si̱j ꞌe̱e̱ ndoꞌo rá Yaꞌanj man, ne̱ dan me se canacúún Yaꞌanj man soj gu̱un soj síí nuu sa̱ꞌ nimán, ne̱ me raj quiꞌya̱j Rej níꞌ Yaꞌanj quiꞌya̱j Jesucristó Si̱j ꞌNi̱j Raꞌa man níꞌ quiꞌya̱j se lu̱j cheꞌé soj, ne̱ ga̱a̱ xe̱j nimán soj, quiꞌya̱j uún ro̱j soꞌ ado̱nj.
ꞌU̱nj roꞌ, me síí cuꞌna̱j Simón Pedró, síí nu̱u̱ rihaan Jesucristó, ne̱ síí cuneꞌ soꞌ caꞌa̱nj nata̱ꞌ snana̱ soꞌ rihaan yuvii̱ mej, ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j noco̱ꞌ man Cristó, ne̱ dan me se cuya̱a̱n vaa yuꞌvee nó soj ga̱ núj rihaan Yaꞌanj ado̱nj. Dan me se síí nica̱ nimán me Jesucristó, ne̱ amán rá soj ga̱ núj niꞌya̱j soj man Yaꞌanj, ꞌyaj Jesucristó, ne̱ soꞌ roꞌ, me Taꞌanj níꞌ, ne̱ soꞌ me Síí Tinanii man níꞌ rihaan Sayuun ado̱nj.
ꞌU̱nj roꞌ, me síí cuꞌna̱j Santiagó, síí nu̱u̱ rihaan Yaꞌanj do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, ne̱ ꞌyáá ꞌu̱nj yanj nihánj caꞌne̱j ꞌu̱nj rihaan ta̱ranꞌ soj si̱j noco̱ꞌ man Yaꞌanj nij síí chaꞌnuu̱ rihaan queꞌe̱e̱ chumanꞌ na̱j rihaan chumii̱ a. Dan me se ase vaa chuvi̱j nij xꞌneꞌ yuvii̱ israelitá yuvii̱ noco̱ꞌ man Yaꞌanj ga̱a naá roꞌ, da̱nj vaa gue̱e̱ soj rihaan Yaꞌanj na̱nj á.
ꞌYáá ꞌu̱nj yanj cartá nihánj caꞌne̱j ꞌu̱nj rihaan so̱ꞌ si̱j cuꞌna̱j Timoteo a. Dan me se tihaán ꞌu̱nj snana̱ Yaꞌanj rihaan so̱ꞌ, ne̱ cuchumán rá so̱ꞌ nana̱ yoꞌ, ne̱ cheꞌé dan ase vaa ꞌo̱ taꞌníj roꞌ, da̱nj vaa yá so̱ꞌ rihanj ado̱nj. Me rá ꞌu̱nj se vaa Rej níꞌ Yaꞌanj ga̱ Cristó Jesús Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé so̱ꞌ, ne̱ ga̱a̱ ꞌe̱e̱ rá ro̱j soꞌ mán so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ, raj a.
’Dan me se ase vaa tumé yuvii̱ man daán yuvii̱ matzinj roꞌ, da̱nj quiꞌya̱j soj, tu̱mé soj man maꞌa̱n soj do̱ꞌ, man xꞌneꞌ nij síí noco̱ꞌ man Cristó do̱ꞌ á. Dan me se Nimán Yaꞌanj me síí cuneꞌ man soj gu̱un soj síí tu̱mé sa̱ꞌ rihaan Yaꞌanj man xꞌneꞌ yoꞌ, xꞌneꞌ quiránj Jesús ga̱ ton cavii man maꞌa̱n soꞌ ado̱nj.
Nihánj me nij rasu̱u̱n tihaa̱n naca̱ Jesucristó rihaan nij síí nu̱u̱ rihaan soꞌ, nda̱a vaa cataj xnaꞌanj maꞌa̱n Yaꞌanj rihaan soꞌ, ne̱ rasu̱u̱n gu̱un raꞌya̱nj ya̱ vaa güii me nij rasu̱u̱n yoꞌ ado̱nj. Ne̱ Jesucristó roꞌ, soꞌ me síí caꞌnéé se‑mo̱zó soꞌ rihaan síí cuꞌna̱j Juan síí nu̱u̱ rihaan soꞌ, ne̱ dan me se xcaj Juan cuentá cheꞌé nu̱ꞌ nij rasu̱u̱n nihánj, quiꞌyaj Jesucristó ado̱nj.
ꞌU̱nj roꞌ, me síí cuꞌna̱j Judas nu̱u̱ rihaan Jesucristó, ne̱ tinúú Jacobo mej a. Cachro̱nj nana̱ nihánj rihaan yanj caꞌne̱j ꞌu̱nj rihaan soj si̱j canacúún Yaꞌanj man canoco̱ꞌ man soꞌ a. Dan me se ꞌe̱e̱ rá Rej níꞌ Yaꞌanj man soj, ne̱ nica̱j yuꞌunj Jesucristó man soj se̱ gaa na̱nj ta̱náj soj snana̱ Yaꞌanj a.
Dan me se ase vaa matzinj chaꞌnuu̱ rcoꞌ roꞌ, vaa soj ga̱a naá, ne̱ ne canoco̱ꞌ soj man Yaꞌanj ga̱a naá maꞌ. Tza̱j ne̱ ya̱j roꞌ, canica̱j nimán soj, ne̱ guun cheꞌe̱ soj canocoꞌ soj man Cristó a. Ne̱ ase vaa síí veꞌé ndoꞌo tumé daán matzinj roꞌ, da̱nj vaa soꞌ ga̱ soj cuano̱, ne̱ veꞌé nica̱j yuꞌunj soꞌ man soj cuano̱ ado̱nj. Dan me se soꞌ me síí tumé sa̱ꞌ man nimán soj cuano̱ chugua̱nj.
Cheꞌé se suun nica̱j síí tumé sa̱ꞌ man nij síí noco̱ꞌ man Cristó me se‑su̱u̱n Yaꞌanj roꞌ, vaa cheꞌé nari̱i̱ so̱ꞌ man síí nuviꞌ cacunꞌ tumé do̱ꞌ, síí ne xta̱ꞌ nimán do̱ꞌ, síí ne yaꞌa̱an rá do̱ꞌ, síí ne niha̱ꞌ rá coꞌo̱ na vinó do̱ꞌ, síí ne yuva̱a̱ do̱ꞌ, síí ne niha̱ꞌ rá tiha̱ꞌ tuviꞌ quiri̱ꞌ saꞌanj do̱ꞌ a.
Neꞌen soj se vaa asino ya̱a̱n quiranꞌ núj sayuun chumanꞌ Filipos, ne̱ qui̱j ndoꞌo caꞌmii nij síí ma̱n chumanꞌ yoꞌ niꞌya̱j nij soꞌ man núj a. Ne̱ nda̱ꞌ se sayu̱u̱n ndoꞌo vaa nataꞌ núj snana̱ Yaꞌanj nana̱ sa̱ꞌ rihaan soj quiꞌyaj nij síí ma̱n chiháán soj, tza̱j ne̱ ne cuchuꞌvi̱ꞌ núj maꞌ. Tana̱nj caꞌnéé nimán núj doj a̱ nata̱ꞌ núj nana̱ sa̱ꞌ rihaan soj, quiꞌyaj Taꞌanj núj a.
Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.
Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se síí nu̱u̱ rihaan Yaꞌanj ga̱ so̱ꞌ do̱ꞌ, ga̱ ta̱ranꞌ nij tinúú so̱ꞌ nij síí nataꞌ snana̱ Yaꞌanj do̱ꞌ, ga̱ nij síí ꞌyaj nda̱a vaa taj nu̱ꞌ nana̱ no̱ rihaan yanj nihánj do̱ꞌ, mej na̱nj ado̱nj. Rihaan o̱rúnꞌ Yaꞌanj cara̱a̱ gue̱e̱ so̱ꞌ á ―taj soꞌ rihanj a.
Ga̱a ne̱ cataj uún soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Pérgamo a: “Dan me se nihánj me nana̱ aꞌmii ꞌu̱nj si̱j nica̱j neê espadá siha̱a̱ nu̱ꞌ niha̱ rihaan rihaan soj si̱j ya̱nj chumanꞌ Pérgamo a.
Ga̱a ne̱ cataj uún soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man nij síí noco̱ꞌ manj ya̱nj chumanꞌ Esmirna a: “Dan me se nihánj me nana̱ aꞌmii ꞌu̱nj si̱j nicu̱nꞌ asi̱j rque̱ do̱ꞌ, si̱j canicu̱nꞌ nu̱ꞌ cavii nu̱ꞌ caꞌanj do̱ꞌ, ne̱ si̱j caviꞌ mej, tza̱j ne̱ cunuu iꞌna̱ꞌ ya̱ uún ꞌu̱nj ado̱nj.
Ne̱ nihánj me se cata̱j xnaꞌanj ꞌu̱nj me se me raj cata̱a nana̱ yuve̱ sa̱ꞌ aꞌmii cheꞌé chi̱j nij yatiꞌ ta̱j raꞌaj rej nuva̱ꞌ neꞌén so̱ꞌ do̱ꞌ, cheꞌé chi̱j nij agaꞌ oró míí agaꞌ ta̱j agaꞌ yaꞌan do̱ꞌ a. Dan me se chi̱j nij yatiꞌ roꞌ, nij síí caꞌnéé Yaꞌanj ni̱caj yuꞌunj man chi̱j nij xꞌneꞌ yuvii̱ me nij yatiꞌ, ne̱ nij agaꞌ ta̱j agaꞌ yaꞌan roꞌ, maꞌa̱n chi̱j nij xꞌneꞌ nij síí noco̱ꞌ manj ya̱nj chi̱j nij chumanꞌ me nij agaꞌ yoꞌ a ―taj soꞌ rihanj a.
Me rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ mán ꞌu̱nj, rá soj naꞌ. Taj maꞌ. ꞌO̱ se ina̱nj me rá ꞌu̱nj ga̱a̱ niha̱ꞌ rá Yaꞌanj ni̱ꞌyaj Yaꞌanj manj ado̱nj. Dan me se ga̱a rque̱ me se ina̱nj me rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ manj, tza̱j ne̱ ya̱j roꞌ, taj maꞌ. Sese ina̱nj gu̱un rá ꞌu̱nj ga̱a̱ niha̱ꞌ rá yuvii̱ ni̱ꞌyaj yuvii̱ mán ꞌu̱nj, ne̱ né si̱j ꞌyaj se‑su̱u̱n Cristó mé ꞌu̱nj a̱ maan chugua̱nj.
Ne̱ se̱ cataj soj se vaa taꞌa̱j soj me yuvii̱ israelitá ne̱ ꞌó taꞌa̱j soj me yuvii̱ yaníj maꞌ. Ne̱ se̱ cataj soj se vaa taꞌa̱j soj me mozó ne̱ ꞌó taꞌa̱j soj, né si̱j uun mozó me ꞌó taꞌa̱j soj, cata̱j soj maꞌ. Ne̱ se̱ cataj soj se vaa taꞌa̱j soj me snóꞌo ne̱ ꞌó taꞌa̱j soj me chana̱ maꞌ. ꞌO̱ se tana̱nj ase vaa o̱rúnꞌ yuvii̱ vaa ta̱ranꞌ soj, ne̱ ꞌo̱ cuya̱a̱n vaa ta̱ranꞌ soj cheꞌé se noco̱ꞌ soj man Cristó Jesús na̱nj á.
Ne̱ xa̱ꞌ níꞌ, tza̱j ne̱ ino̱ ꞌyaj níꞌ a. ꞌO̱ se síí ya̱ cunuu sa̱ꞌ rihaan Yaꞌanj me níꞌ, ne̱ ina̱nj Nimán Yaꞌanj nocoꞌ níꞌ ga̱a ꞌyaj níꞌ se‑su̱u̱n Yaꞌanj ado̱nj. Ne nucua̱j rá níꞌ man maꞌa̱n níꞌ se vaa cavi̱i̱ sa̱ꞌ níꞌ cheꞌé se vaa cutaꞌ nii taꞌngaꞌ nee̱ man níꞌ do̱ꞌ, se vaa ꞌyaj maꞌa̱n níꞌ do̱ꞌ maꞌ. Tana̱nj niha̱ꞌ rá níꞌ nataꞌ níꞌ se vaa Cristó Jesús me síí ꞌyaj caꞌve̱e cavi̱i̱ sa̱ꞌ níꞌ ado̱nj.
Dan me se cheꞌé se me ndoꞌo raj xca̱j sa̱ꞌ ꞌu̱nj cuentá cheꞌé Cristó Jesús Si̱j ꞌNi̱j Raꞌa manj roꞌ, cheꞌé dan nu̱ꞌ se vaa quiꞌyáj ga̱a rque̱ roꞌ, da̱j se me raj neꞌenj siguiꞌ riꞌyuj roꞌ, da̱nj me raj neꞌenj man yoꞌ cuano̱, ne̱ cheꞌé se niꞌya u̱u̱n me yoꞌ rihanj cuano̱ roꞌ, cheꞌé dan caꞌve̱e ca̱nocóꞌ ꞌu̱nj man Cristó ado̱nj.
ꞌU̱nj roꞌ, me síí cuꞌna̱j Pabló síí ꞌni̱j tagaꞌ cuano̱ cheꞌé se nocóꞌ ꞌu̱nj man Cristó Jesús, ne̱ nicu̱nꞌ tinúú níꞌ Timoteo ga̱ ꞌu̱nj cuano̱, ne̱ dan me se ꞌyáá ꞌu̱nj yanj nihánj caꞌne̱j ꞌu̱nj rihaan so̱ꞌ si̱j cuꞌna̱j Filemoó a. ꞌE̱e̱ rá ꞌu̱nj mán so̱ꞌ, ne̱ tuviꞌ níꞌ síí ꞌyaj se‑su̱u̱n Cristó ga̱ ꞌu̱nj mé so̱ꞌ,
Piblisite