Filemón 1:21 - Triqui de San Juan Copala

²¹ Dan me se ga̱a cachrón ꞌu̱nj nana̱ nihánj, ne̱ nucua̱j rá ꞌu̱nj mán so̱ꞌ se vaa qui̱ꞌyáá so̱ꞌ nu̱ꞌ nihánj, ne̱ nda̱a doj a̱ qui̱ꞌyáá so̱ꞌ rihaan se vaa cataj xnaꞌanj ꞌu̱nj rihaan so̱ꞌ chugua̱nj.

Filemón 1:21 Referans Kwoze

2 Tesalonicenses 3:4

Ne̱ nucua̱j rá núj man Síí ꞌNi̱j Raꞌa man níꞌ se vaa ꞌo̱ ꞌyaj ya̱ soj nu̱ꞌ se vaa cataj núj rihaan soj, ne̱ dan me se veé ꞌo̱ da̱nj ya̱ quiꞌya̱j soj á.

2 Corintios 2:3

ꞌO̱ se cheꞌé dan quiꞌyáj yanj cartá yoꞌ, nda̱a vaa me rá ma̱ꞌanj, cheꞌé se ne caꞌve̱j raj cuchi̱j ne̱ nano̱ raj quiꞌya̱j soj ado̱nj. Tza̱j ne̱ ꞌo̱ se no̱ xcúún soj gu̱un niha̱ꞌ raj quiꞌya̱j soj, ne̱ nda̱a maꞌa̱n soj do̱ꞌ, gu̱un niha̱ꞌ rá ga̱a chugua̱nj.

2 Corintios 7:16

Guun niha̱ꞌ rá ꞌu̱nj, cheꞌé se caꞌve̱e ga̱a̱ nucua̱j ya̱ ya̱ rá ꞌu̱nj man soj ado̱nj.

Gálatas 5:10

Dan me se ꞌu̱nj me se ꞌo̱ amán raj niꞌya̱j ꞌu̱nj man Síí ꞌNi̱j Raꞌa man níꞌ se vaa ꞌo̱ cuya̱a̱n ga̱a̱ rá soj ga̱ ꞌu̱nj chugua̱nj. Ne̱ síí aꞌmii ꞌó nana̱ roꞌ, tza̱j ne̱ naquiꞌyaj chru̱j soꞌ rihaan soj se vaa se̱ canocoꞌ sa̱ꞌ soj man Yaꞌanj chugua̱nj. Cheꞌé se ꞌyaj soꞌ da̱nj roꞌ, cheꞌé dan quira̱nꞌ soꞌ sayuun, quiꞌya̱j Yaꞌanj na̱nj ado̱nj. A̱ me maꞌa̱n si̱j me soꞌ, tza̱j ne̱ ya̱ quira̱nꞌ soꞌ sayuun, quiꞌya̱j Yaꞌanj á.

2 Corintios 8:22

Ne̱ caꞌne̱j núj man ꞌó tinúú níꞌ ga̱ ro̱j soꞌ a. Guun queꞌe̱e̱ uxrá queneꞌen núj se vaa si̱j ya̱ ya̱ me rá quiꞌya̱j suun me soꞌ, ne̱ ya̱j roꞌ, guun ya̱ rá soꞌ se vaa ya̱ ya̱ ra̱cuíj soj man nij síí nique̱, ne̱ cheꞌé dan niha̱ꞌ doj rá soꞌ quiꞌya̱j suun soꞌ cheꞌé soj na̱nj ado̱nj.

Romanos 2:19

Neꞌen ma̱ꞌán so̱ꞌ ti̱haán so̱ꞌ chrej man nij yuvii̱ aráán rihaan, rá so̱ꞌ á. Neꞌen ma̱ꞌán so̱ꞌ se vaa ase vaa yaꞌan chuguu̱n rihaan síí chéé rej rmi̱ꞌ mé so̱ꞌ, rá so̱ꞌ á.