Efesios 5:24 - Triqui de San Juan Copala

²⁴ Ne̱ ase vaa uno xꞌneꞌ níꞌ si̱j noco̱ꞌ man Cristó rihaan Cristó roꞌ, taꞌngaꞌ da̱nj quiꞌya̱j nij chana̱ cuno̱ nij noꞌ nu̱ꞌ nana̱ sa̱ꞌ aꞌmii nica̱ nij noꞌ rihaan nij noꞌ á.

Efesios 5:24 Referans Kwoze

Efesios 5:33

Dan me se sese snóꞌo me soj, ne̱ no̱ xcúún ꞌo̱ ꞌo̱ soj ga̱a̱ ꞌe̱e̱ rá soj man nica̱ soj, ne̱ ase vaa ꞌe̱e̱ rá soj man maꞌa̱n soj roꞌ, da̱nj ga̱a̱ ꞌe̱e̱ rá soj man nica̱ soj á. Ne̱ chana̱ roꞌ, no̱ xcúún chana̱ cara̱a̱ cochro̱j chana̱ rihaan nica̱ chana̱ uún ado̱nj.

Tito 2:7

Ne̱ ma̱ꞌán so̱ꞌ roꞌ, veꞌé qui̱ꞌyáá so̱ꞌ nu̱ꞌ suun sa̱ꞌ, ne̱ queneꞌe̱n nij tinúú níꞌ da̱j ꞌyáá so̱ꞌ, ga̱a ne̱ cuya̱a̱n quiꞌya̱j nij soꞌ ga̱ so̱ꞌ á. Ina̱nj tucuáán ya̱ tu̱cuꞌyón so̱ꞌ á. Ne̱ guún so̱ꞌ ꞌo̱ síí niꞌya̱nj aꞌmii a.

Colosenses 3:20

Veꞌé cuno̱ nij xnii nu̱ꞌ nana̱ aꞌmii rej xnii ga̱ nii xnii uún, ne̱ gu̱un niha̱ꞌ rá Yaꞌanj Si̱j ꞌNi̱j Raꞌa man níꞌ ni̱ꞌyaj soꞌ man xnii veꞌé uno a.

Tito 2:9

Ne̱ narque̱ so̱ꞌ chrej nucua̱j man nij mozó se vaa veꞌé cuno̱ nij mozó rihaan se‑ruꞌve̱e̱ mozó, ne̱ quiꞌya̱j suun nij mozó nu̱ꞌ suun caꞌne̱ꞌ nij ruꞌvee rihaan nij soꞌ á. Ne̱ quiꞌya̱j mozó cara̱nꞌ rá se‑ruꞌve̱e̱ mozó ni̱ꞌyaj soꞌ man mozó yoꞌ á. Se̱ caꞌmii tuꞌva̱ mozó rihaan se‑ruꞌve̱e̱ mozó maꞌ.

Colosenses 3:22

Cuno̱ sa̱ꞌ mozó rihaan se‑ruꞌve̱e̱ mozó á. Se̱ naquiꞌyaj rmi̱i̱ mozó man mozó rihaan se‑ruꞌve̱e̱ mozó maꞌ. Nda̱ꞌ se ne niꞌya̱j se‑ruꞌve̱e̱ mozó, tza̱j ne̱ ꞌo̱ quiꞌya̱j suun mozó á. Síí ꞌNi̱j Raꞌa man níꞌ roꞌ, niꞌya̱j soꞌ man mozó yoꞌ, ne̱ cheꞌé dan cuchuꞌvi̱ꞌ mozó ne̱ veꞌé quiꞌya̱j suun soꞌ a.

San Lucas 10:17

Quisíj quiꞌyaj vaꞌnu̱j chiha̱a̱ chuvi̱j (72) nij soꞌ nda̱a vaa cataj Jesús, ga̱a ne̱ namán uún nij soꞌ a. Guun niha̱ꞌ rá nij soꞌ, ne̱ cataj nij soꞌ rihaan Jesús a: ―Nda̱a nij nana̱ chre̱e uno rihaan núj, Señor. Cheꞌé se se‑chu̱vií so̱ꞌ ataꞌ tuꞌva núj, ne̱ uriha̱nj nij soꞌ nimán yuvii̱ na̱nj á ―taj nij soꞌ rihaan Jesús a.

Efesios 5:23

Dan me se Cristó me Síí Tinanii rihaan Sayuun man xꞌneꞌ níꞌ si̱j noco̱ꞌ man soꞌ, ne̱ uun chij soꞌ rihaan níꞌ, ne̱ cheꞌé dan da̱j se uun rá níꞌ niꞌya̱j níꞌ man soꞌ roꞌ, da̱nj ina̱nj gu̱un rá chana̱ ni̱ꞌyaj noꞌ man nica̱ noꞌ á.

Efesios 5:25

Ne̱ nij snóꞌo roꞌ, ga̱a̱ ꞌe̱e̱ uxrá rá nij soꞌ man nica̱ nij soꞌ á. Dan me se ase vaa ꞌe̱e̱ rá Cristó man xꞌneꞌ níꞌ si̱j noco̱ꞌ man soꞌ roꞌ, da̱nj ga̱a̱ ꞌe̱e̱ rá nij snóꞌo man nica̱ nij soꞌ uún ado̱nj. Neꞌen soj se vaa caꞌnéé nimán Cristó cavi̱ꞌ soꞌ cheꞌé níꞌ si̱j noco̱ꞌ man soꞌ,