Efesios 5:21 - Triqui de San Juan Copala

²¹ Veꞌé quiꞌya̱j cunuda̱nj soj nda̱a vaa me rá tuviꞌ soj cheꞌé se aráj cochro̱j uxrá soj rihaan Cristó á.

Efesios 5:21 Referans Kwoze

Filipenses 2:3

Se̱ guun xco̱j ruva̱a̱ rá soj ni̱ꞌyaj soj tinúú soj maꞌ. Se̱ guun rá soj se vaa cata̱j tinúú soj se vaa sa̱ꞌ uxrá vaa maꞌa̱n soj maꞌ. Tza̱j ne̱ ga̱a̱ nica̱ꞌ nimán soj, cata̱j soj se vaa sa̱ꞌ doj vaa tinúú soj rihaan maꞌa̱n soj á.

Efesios 5:24

Ne̱ ase vaa uno xꞌneꞌ níꞌ si̱j noco̱ꞌ man Cristó rihaan Cristó roꞌ, taꞌngaꞌ da̱nj quiꞌya̱j nij chana̱ cuno̱ nij noꞌ nu̱ꞌ nana̱ sa̱ꞌ aꞌmii nica̱ nij noꞌ rihaan nij noꞌ á.

Efesios 5:22

Dan me se veꞌé quiꞌya̱j nij chana̱ nda̱a vaa me rá nica̱ noꞌ á. Dan me se da̱j se uun rá níꞌ niꞌya̱j níꞌ man Síí ꞌNi̱j Raꞌa man níꞌ roꞌ, da̱nj gu̱un rá chana̱ ni̱ꞌyaj chana̱ nica̱ noꞌ á.

1 Pedro 5:5

Da̱nj na̱nj soj si̱j tachru̱u̱, ne̱ cuno̱ soj rihaan nij síí chij, ne̱ ta̱ranꞌ soj me se naquiꞌya̱j nica̱ꞌ soj nimán soj rihaan tuviꞌ soj á. ꞌO̱ se nana̱ nihánj nó rihaan Danj Yaꞌanj, taj yoꞌ a: Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j ga̱ nij síí nica̱ꞌ nimán a, taj nana̱ yoꞌ a.

Hebreos 13:17

Veꞌé cuno̱ soj rihaan nij síí tumé sa̱ꞌ rihaan Yaꞌanj man soj á. ꞌO̱ se síí tumé nimán soj me nij soꞌ, ne̱ vaa güii xna̱ꞌanj Yaꞌanj man nij soꞌ da̱j quiꞌyaj nij soꞌ cheꞌé soj ado̱nj. Ne̱ veꞌé cuno̱ soj, cheꞌé yan gu̱un niha̱ꞌ rá nij soꞌ nago̱ꞌ nij soꞌ cuentá cheꞌé soj chugua̱nj. Ne̱ se̱ rnúj soj rihaan nij síí uun chij maꞌ. ꞌO̱ se sese rnu̱j soj rihaan nij soꞌ, ne̱ se̱ cavii sa̱ꞌ soj maꞌ.

1 Pedro 2:17

Dan me se veꞌé caꞌmi̱i̱ soj ga̱ da̱j a̱ yuvii̱, ne̱ ga̱a̱ ꞌe̱e̱ rá soj man nu̱ꞌ nij síí noco̱ꞌ man Cristó, ne̱ cuno̱ soj rihaan Yaꞌanj, ne̱ veꞌé cara̱a̱ cochro̱j soj rihaan síí nica̱j suun emperador na̱nj á.

1 Timoteo 3:4

Ma̱an se yan ga̱a̱ soꞌ me se sa̱ꞌ uxrá tu̱mé soꞌ tucuá soꞌ ne̱ gu̱un chij soꞌ do̱ꞌ, veꞌé uxrá cuno̱ taꞌníí soꞌ rihaan soꞌ do̱ꞌ, veꞌé cara̱j cochro̱j taꞌníí soꞌ rihaan soꞌ do̱ꞌ ado̱nj.

Gálatas 5:13

Dan me se canacúún Yaꞌanj man nij soj ga̱a̱ yaꞌnúj rihaan nij soj da̱j quiꞌya̱j nij soj, tinu̱j, nocoj. Tza̱j ne̱ se̱ guun rá soj se vaa caꞌve̱e quiꞌya̱j soj náá guun se me rá nee̱ man maꞌa̱n soj quiꞌya̱j soj maꞌ. Tana̱nj ga̱a̱ ꞌe̱e̱ rá soj tinúú soj, ne̱ ꞌo̱ ra̱cuíj soj tinúú soj á.

1 Timoteo 2:11

Ga̱a tucuꞌyón nii snana̱ Yaꞌanj, ne̱ ga̱a̱ dínj tuꞌva nij chana̱ veꞌé cuno̱ nij noꞌ á.

1 Pedro 2:13

Cheꞌé se si̱j noco̱ꞌ man Síí ꞌNi̱j Raꞌa man níꞌ me soj roꞌ, cheꞌé dan cuno̱ soj rihaan ta̱ranꞌ nij síí nica̱j suun á. Dan me se cuno̱ soj rihaan síí nica̱j suun noco̱o emperador, cheꞌé se si̱j uun chij doj me soꞌ ado̱nj.

2 Corintios 7:1

Dan me se nu̱ꞌ nana̱ nihánj nana̱ caꞌmii ya̱ Yaꞌanj ga̱a naá roꞌ, caꞌmii Yaꞌanj nana̱ yoꞌ rihaan níꞌ, tinu̱j, nocoj. Cheꞌé dan quiri̱i̱ yaníj níꞌ man cunuda̱nj se chiꞌi̱i̱ quiꞌyaj níꞌ asi̱j rque̱ do̱ꞌ, man cunuda̱nj se chiꞌi̱i̱ ma̱n nimán níꞌ do̱ꞌ, ne̱ ga̱a̱ cu̱j nimán níꞌ á. Ne̱ rquee̱ níꞌ cunu̱u sa̱ꞌ nimán níꞌ, cheꞌé se uxrá aráj cochro̱j níꞌ rihaan Yaꞌanj á.

2 Corintios 5:11

Chuꞌviꞌ núj cheꞌé se neꞌen núj se vaa quiꞌya̱j Síí ꞌNi̱j Raꞌa man níꞌ sayuun man nij síí tumé cacunꞌ, ne̱ cheꞌé dan nagoꞌ núj chrej nucua̱j man yuvii̱ canoco̱ꞌ nij yuvii̱ man soꞌ, ne̱ a̱j neꞌen Yaꞌanj da̱j vaa nimán núj a. Ne̱ guun ya̱ rá ꞌu̱nj se vaa xca̱j maꞌa̱n nij soj cuentá da̱j vaa nimán núj na̱nj ado̱nj.