Efesios 4:25 - Triqui de San Juan Copala25 Cheꞌé dan caꞌne̱ꞌ rá soj ga̱ nana̱ ne̱, ne̱ ina̱nj nana̱ ya̱ caꞌmi̱i̱ soj rihaan tinúú soj, cheꞌé se ase vaa nee̱ man maꞌa̱n soj roꞌ, vaa nee̱ man ta̱ranꞌ nij tinu̱j níꞌ ado̱nj. Gade chapit la |
Ma̱an ina̱nj nana̱ ya̱ caꞌmi̱i̱ níꞌ rihaan tinúú níꞌ, cheꞌé se ꞌe̱e̱ rá níꞌ man tinúú níꞌ, ga̱a ne̱ sa̱ꞌ doj queneꞌe̱n níꞌ canoco̱ꞌ níꞌ man Cristó nu̱ꞌ se vaa quiꞌya̱j níꞌ ado̱nj. Dan me se ase vaa rii taꞌngaꞌ cúú yave̱ yuvii̱ rihaan nu̱ꞌ nee̱ man yuvii̱ roꞌ, da̱nj vaa rii taꞌngaꞌ Cristó rihaan níꞌ ado̱nj.
Tza̱j ne̱ xa̱ꞌ nij síí cunánj rihaan sayuun do̱ꞌ, nij síí ne nocoꞌ xraan manj do̱ꞌ, nij síí ꞌyaj se chiꞌi̱i̱ do̱ꞌ, nij síí ticaviꞌ tuviꞌ do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ꞌyaj chre̱e do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, ta̱ranꞌ nij síí ne̱ do̱ꞌ, me se vaa laguaná caca̱a̱ nij soꞌ rihaan yaꞌan, ne̱ laguaná acaa ndoꞌo yoꞌóó azufré me yoꞌ ado̱nj. Yoꞌ me rej cavi̱ꞌ uún nij soꞌ nu̱ꞌ cavii nu̱ꞌ caꞌanj na̱nj chugua̱nj ―taj síí ta̱j rihaan chruun xlá sa̱ꞌ yoꞌ a.
Ne̱ veé da̱nj cuchruj Yaꞌanj stucua̱nj Moisés cheꞌé yuvii̱ otoj ga̱ ꞌó yuvii̱ né ni̱ca̱ me do̱ꞌ, chii cha̱na̱ do̱ꞌ, síí otoj ga̱ chii cha̱na̱ do̱ꞌ, yuvii̱ tuꞌvéj man tuviꞌ do̱ꞌ, yuvii̱ aꞌmii nana̱ ne̱ do̱ꞌ, yuvii̱ ataꞌ tuꞌva aꞌmii ne̱ do̱ꞌ, yuvii̱ ꞌyaj me maꞌa̱n rasu̱u̱n ino̱ vaa ga̱ tucuáán ya̱ do̱ꞌ ado̱nj.
ꞌO̱ se taꞌníí Síí Chre̱e me soj, ne̱ me rá soj quiꞌya̱j soj ina̱nj nda̱a vaa me rá rej soj Síí Chre̱e quiꞌya̱j soj ado̱nj. Ne̱ xa̱ꞌ soꞌ, tza̱j ne̱ síí ticaviꞌ man yuvii̱ me soꞌ asi̱j guun cheꞌe̱ chumii̱ nihánj, ne̱ daj chiha̱a̱ míj ne neꞌen soꞌ caꞌmi̱i̱ nica̱ soꞌ nana̱ ya̱ maꞌ. ꞌO̱ se ne aranꞌ rá soꞌ caꞌmi̱i̱ soꞌ nana̱ ya̱ a̱ maan ado̱nj. Da̱nj ina̱nj vaa soꞌ, aꞌmii ne̱ soꞌ, cheꞌé se síí ne̱ ina̱nj me soꞌ, ne̱ síí tucuꞌyón man yuvii̱ caꞌmi̱i̱ ne̱ yuvii̱ me uún soꞌ ado̱nj.
Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.