Efesios 4:1 - Triqui de San Juan Copala

¹ Síí ꞌni̱j tagaꞌ cheꞌé se nocóꞌ ꞌu̱nj man Síí ꞌNi̱j Raꞌa man níꞌ mé ꞌu̱nj, ne̱ cheꞌé dan rqueé ꞌu̱nj man nij soj se vaa veꞌé canoco̱ꞌ soj man Yaꞌanj ga̱a chéé soj rihaan chumii̱ nihánj á. ꞌO̱ se Yaꞌanj me síí canacúún man soj canoco̱ꞌ soj man soꞌ a.

Efesios 4:1 Referans Kwoze

Colosenses 1:10

cheꞌé rej quiꞌya̱j soj nu̱ꞌ se vaa no̱ xcúún níꞌ si̱j noco̱ꞌ man Síí ꞌNi̱j Raꞌa man níꞌ quiꞌya̱j níꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man soj á. Ne̱ cunuda̱nj suun sa̱ꞌ quiꞌya̱j ndoꞌo soj, ga̱a ne̱ doj a̱ sa̱ꞌ xca̱j soj cuentá da̱j vaa maꞌa̱n Yaꞌanj a.

Filipenses 1:27

Veꞌé quiꞌya̱j soj ca̱yáán soj ga̱ tinúú soj, da̱j se vaa no̱ xcúún níꞌ si̱j noco̱ꞌ nana̱ sa̱ꞌ cheꞌé Cristó quiꞌya̱j níꞌ á. Da̱nj quiꞌya̱j soꞌ cheꞌé yan, caꞌve̱e se cuchi̱ꞌ ꞌu̱nj chiháán soj do̱ꞌ, caꞌve̱e se se̱ cuchíꞌ ꞌu̱nj ne̱ ina̱nj cu̱noj nana̱ cheꞌé soj do̱ꞌ, cu̱nó ꞌu̱nj se vaa xraan uxrá vaa nimán soj ꞌo̱ rcuaꞌa̱a̱n aꞌmii nacaj soj cheꞌé nana̱ sa̱ꞌ noco̱ꞌ níꞌ á.

1 Tesalonicenses 2:12

se vaa quiꞌya̱j soj se vaa no̱ xcúún soj quiꞌya̱j soj cheꞌé se narii Yaꞌanj man soj ca̱yáán soj ga̱ Yaꞌanj güii niꞌndaj ya̱ veꞌé gu̱un chij Yaꞌanj a.

2 Pedro 1:3

Dan me se niꞌndaj ya̱ veꞌé vaa Yaꞌanj ne̱ niꞌndaj ya̱ sa̱ꞌ rá soꞌ, ne̱ cheꞌé dan canacúún ya̱ soꞌ man níꞌ canoco̱ꞌ níꞌ man soꞌ a. Ne̱ cheꞌé se neꞌen ya̱ níꞌ man soꞌ, ne̱ racuíj snucua̱j soꞌ man níꞌ ca̱yáán sa̱ꞌ níꞌ ga̱ soꞌ, ne̱ veꞌé canoco̱ꞌ níꞌ man soꞌ ado̱nj.

2 Timoteo 1:9

Ne̱ Yaꞌanj me síí tinanii man níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ne̱ canacúún soꞌ man níꞌ cunu̱u sa̱ꞌ nimán níꞌ ne̱ canoco̱ꞌ xraan níꞌ man soꞌ a. Né cheꞌe̱ suun quiꞌyaj maꞌa̱n níꞌ me quiꞌyaj Yaꞌanj da̱nj maꞌ. Tana̱nj da̱nj guun rá maꞌa̱n soꞌ quiꞌya̱j soꞌ, ne̱ guun rá soꞌ quiꞌya̱j u̱u̱n soꞌ se lu̱j cheꞌé níꞌ ado̱nj. Asi̱j ataa quiꞌya̱j soꞌ chumii̱, ne̱ quiꞌyaj soꞌ se lu̱j cheꞌé níꞌ cheꞌé se vaa quiꞌyaj Cristó Jesús cheꞌé níꞌ a.

1 Corintios 4:16

Cheꞌé dan me rqueé ꞌu̱nj man soj se vaa ase vaa ꞌyáá ꞌu̱nj roꞌ, da̱nj ga̱a̱ quiꞌya̱j gue̱e̱ soj uún a.

2 Tesalonicenses 1:11

Cheꞌé dan niga̱nj achíín niꞌya̱j núj rihaan Yaꞌanj cheꞌé soj se vaa caꞌve̱e quisi̱j soj gu̱un soj nu̱ꞌ nda̱a vaa me rá Yaꞌanj gu̱un soj ga̱a canacúún Yaꞌanj man soj canoco̱ꞌ soj man soꞌ a. Ne̱ achíín niꞌya̱j núj se vaa ra̱cuíj ndoꞌo Yaꞌanj man soj quiꞌya̱j soj nu̱ꞌ suun sa̱ꞌ me rá soj quiꞌya̱j soj, cheꞌé se si̱j amán rá niꞌya̱j man Cristó me soj a.

Efesios 4:17

Cheꞌé dan me cata̱j xnaꞌanj yá ꞌu̱nj ꞌo̱ nana̱ rihaan soj, cheꞌé se noco̱ꞌ níꞌ man Síí ꞌNi̱j Raꞌa man níꞌ a. Dan me se quisíj quiꞌyaj soj se vaa ꞌyaj ꞌó nij síí yaníj nij síí ne nocoꞌ man Cristó na̱nj á. Nij síí yaníj yoꞌ me se noco̱ꞌ nij soꞌ nana̱ snúú rmaꞌa̱n nana̱ avii raa̱ maꞌa̱n nij soꞌ,

Romanos 12:1

Tinu̱j, nocoj, cheꞌé se nuu ꞌe̱e̱ ndoꞌo rá Yaꞌanj man níꞌ, cheꞌé dan rquee̱ ndoꞌo ꞌu̱nj rihaan soj se vaa rque̱ soj man maꞌa̱n soj rihaan Yaꞌanj ya̱j ga̱a vaa iꞌna̱ꞌ soj, da̱j se vaa ticaviꞌ yuvii̱ xcuu ne̱ rqué yuvii̱ rihaan Yaꞌanj á. Sese da̱nj quiꞌya̱j soj, ne̱ ꞌo̱ rasu̱u̱n gue̱e̱ do̱ꞌ, ꞌo̱ rasu̱u̱n cara̱nꞌ rá Yaꞌanj do̱ꞌ, me yoꞌ, ne̱ suun no̱ xcúún soj quiꞌya̱j soj me yoꞌ uún ado̱nj.

Colosenses 2:6

Dan me se nda̱ꞌ rá se guun rá soj ga̱a guun cheꞌe̱ soj canocoꞌ soj man Cristó Jesús Si̱j ꞌNi̱j Raꞌa man níꞌ roꞌ, da̱nj gu̱un rá soj ꞌo̱ canoco̱ꞌ chre̱ꞌ soj man soꞌ á.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

2 Corintios 6:1

Dan me se ꞌyaj núj suun caꞌneꞌ Yaꞌanj rihaan núj, ne̱ cheꞌé dan rquee̱ núj man soj se vaa se̱ quiriꞌíj yaníj soj se lu̱j quiꞌyaj Yaꞌanj cheꞌé soj maꞌ.

2 Juan 1:5

Ne̱ nihánj me se achíín ni̱ꞌyáá ꞌu̱nj rihaan soj se vaa quiꞌya̱j nij soj nda̱a vaa caꞌneꞌ Yaꞌanj suun rihaan níꞌ a. Ne̱ né su̱u̱n naca̱ me suun nihánj maꞌ. Tana̱nj suun caꞌneꞌ Yaꞌanj rihaan níꞌ asi̱j guun cheꞌe̱ níꞌ canocoꞌ níꞌ man soꞌ me se vaa ga̱a̱ ꞌe̱e̱ rá níꞌ man tuviꞌ níꞌ a.

1 Pedro 5:10

Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.

1 Pedro 2:11

Tinu̱j, nocoj, quiꞌya̱j soj se ndoꞌo uxrá, ne̱ cuno̱ soj á. Né chiha̱nj níꞌ me chumii̱ ma̱n níꞌ cuano̱ maꞌ. Ase vaa ꞌo̱ síí aranꞌ me maꞌa̱n rej roꞌ, da̱nj vaa níꞌ rihaan chumii̱ nihánj cuano̱ ado̱nj. Cheꞌé dan se̱ guun quiꞌya̱j soj rasu̱u̱n chiꞌi̱i̱ me rá nee̱ man soj quiꞌya̱j soj maꞌ. ꞌO̱ se unuꞌ se chiꞌi̱i̱ yoꞌ ga̱ nimán níꞌ ado̱nj.

Hebreos 13:21

gu̱un nucua̱j soj quiꞌya̱j soj nu̱ꞌ suun sa̱ꞌ, ne̱ quiꞌya̱j soj nu̱ꞌ se vaa me rá Yaꞌanj quiꞌya̱j soj, quiꞌya̱j maꞌa̱n Yaꞌanj chugua̱nj. Ne̱ dan me se gu̱un níꞌ se niha̱ꞌ rihaan Yaꞌanj, quiꞌya̱j maꞌa̱n Yaꞌanj cheꞌé Jesucristó ado̱nj. Ne̱ nu̱ꞌ cavii nu̱ꞌ caꞌanj cata̱j níꞌ se vaa niꞌndaj ya̱ sa̱ꞌ veꞌé vaa soꞌ ado̱nj. Veé da̱nj ga̱a̱ ya̱ ado̱nj.

Filipenses 3:14

ꞌO̱ se rquee̱ uxrá ꞌu̱nj ꞌo̱ no̱coj man Cristó Jesús, ne̱ caꞌna̱ꞌ güii quiꞌya̱j canaán ꞌu̱nj, ne̱ cavi̱i̱ sa̱ꞌ ꞌu̱nj, quiꞌya̱j Yaꞌanj, ne̱ nacu̱nj Yaꞌanj manj cavi̱i̱ ꞌu̱nj rej xta̱ꞌ, cheꞌé se ꞌu̱nj me síí noco̱ꞌ man Cristó Jesús ado̱nj.

Efesios 5:2

ꞌO̱ ga̱a̱ ꞌe̱e̱ rá soj man tinúú soj á. Ina̱nj da̱nj quiꞌyaj Cristó, cunuu ꞌe̱e̱ rá soꞌ man níꞌ, ne̱ caꞌvej soꞌ cavi̱ꞌ soꞌ cheꞌé níꞌ, ne̱ ase vaa rasu̱u̱n rqué yuvii̱ rihaan Yaꞌanj roꞌ, taꞌngaꞌ da̱nj vaa Cristó cheꞌé níꞌ na̱nj chugua̱nj.

Efesios 4:4

Dan me se o̱rúnꞌ ya̱ yuvii̱ me níꞌ vaa, ne̱ o̱rúnꞌ ya̱ nimán níꞌ vaa, ne̱ dan me se o̱rúnꞌ ya̱ Nimán Yaꞌanj me nuû nimán ya̱ níꞌ ado̱nj. Ne̱ uun ya̱ rá ta̱ranꞌ níꞌ se vaa canacúún Yaꞌanj man ta̱ranꞌ níꞌ, ne̱ ꞌo̱ cuya̱a̱n cavi̱i̱ sa̱ꞌ ta̱ranꞌ níꞌ, quiꞌya̱j Yaꞌanj ado̱nj.

Efesios 3:1

Neꞌen nij soj se vaa ꞌni̱j ꞌu̱nj tagaꞌ cheꞌé se nocóꞌ ꞌu̱nj man Cristó Jesús, ne̱ aꞌmii natáj ꞌu̱nj rihaan nij soj si̱j yaníj cheꞌé soꞌ,

Gálatas 4:12

Ase vaa ꞌu̱nj roꞌ, da̱nj ga̱a̱ gue̱e̱ soj, ese nda̱a adi̱ꞌ se vaa soj roꞌ, da̱nj gaa gue̱e̱ ꞌu̱nj, tinu̱j, nocoj. Né cheꞌe̱ se quiꞌyaj chiꞌi̱i̱ soj manj aꞌmii ꞌu̱nj da̱nj maꞌ. Tana̱nj a̱ veꞌé ina̱nj quiꞌyaj soj ga̱a cayáán ꞌu̱nj ga̱ soj ado̱nj.

Hebreos 3:1

Dan me se guun tuvi̱ꞌ soj ga̱ nij síí nacúún Yaꞌanj cheꞌé yan canoco̱ꞌ nij soj man Cristó, tinu̱j, nocoj. Cheꞌé dan xca̱j soj cuentá cheꞌé Jesús, ne̱ si̱j caꞌnéé Yaꞌanj rihaan níꞌ cataj xnaꞌanj soꞌ rihaan níꞌ nana̱ ya̱ cheꞌé Yaꞌanj, ne̱ ase vaa xrej ata̱ suun noco̱o doj vaa uún soꞌ, tinavij ya̱ soꞌ cacunꞌ tumé níꞌ rihaan Yaꞌanj ado̱nj. Ina̱nj da̱nj vaa nana̱ noco̱ꞌ níꞌ na̱nj á.

2 Corintios 10:1

Xa̱ꞌ ꞌu̱nj si̱j cuꞌna̱j Pabló, tza̱j ne̱ me rá ꞌu̱nj ga̱a̱ ꞌu̱nj nda̱a rá se vaa maꞌa̱n Cristó ado̱nj. Dan me se naꞌvej rá ꞌu̱nj caxri̱i̱ yuva̱a̱ ꞌu̱nj man soj maꞌ. Ma̱an se veꞌé ina̱nj caꞌmi̱j ga̱ soj, raj a. Neꞌen soj se vaa vaa yuvii̱ ꞌni̱j scaꞌnúj soj taj se vaa veꞌé uxrá aꞌmii ꞌu̱nj rihaan soj ga̱a nicúnꞌ ꞌu̱nj rihaan soj, tza̱j ne̱ axríj yuva̱a̱ ꞌu̱nj man soj ga̱a nicunꞌ yaníj ꞌu̱nj a. Da̱nj tuꞌva nij yuvii̱ yoꞌ, tza̱j ne̱ cuano̱ nihánj me rqueé ꞌu̱nj man soj

Tito 2:10

Se̱ quiꞌyaj itu̱u̱ mozó siꞌyaj se‑ruꞌve̱e̱ mozó maꞌ. Tana̱nj veꞌé ina̱nj quiꞌya̱j mozó á. Dan ga̱a ne̱ queneꞌe̱n cunuda̱nj yuvii̱ da̱j ꞌyaj mozó ne̱ xca̱j yuvii̱ cuentá se vaa veꞌé vaa tucuáán tucuꞌyón níꞌ stucua̱nj Yaꞌanj Si̱j Tinanii man níꞌ rihaan Sayuun ado̱nj.

Colosenses 4:12

Ne̱ veꞌé cuma̱n soj, rá síí cuꞌna̱j Epafras uún a. Síí cavii chiháán soj me soꞌ, ne̱ ꞌyaj uxrá soꞌ se‑su̱u̱n Cristó a. Ne̱ nu̱ꞌ güii achíín niꞌya̱j uxrá ya̱ soꞌ rihaan Yaꞌanj cheꞌé soj, ne̱ me rá soꞌ ga̱a̱ chij rá soj, ne̱ gu̱un ya̱ rá soj se vaa neꞌen soj da̱j me rá Yaꞌanj quiꞌya̱j soj a.

2 Corintios 5:20

Dan me se aꞌmii núj snana̱ Cristó rihaan yuvii̱, ne̱ maꞌa̱n Yaꞌanj rqué snana̱ Yaꞌanj rihaan núj caꞌmi̱i̱ núj cheꞌé maꞌa̱n Yaꞌanj, ne̱ cheꞌé dan rquee̱ ndoꞌo núj rihaan nij yuvii̱, ne̱ taj núj a: “Naꞌmi̱i̱ sa̱ꞌ nij soj ga̱ Yaꞌanj á.”

Hechos 9:31

Veé dan me se dínj yáán cunuda̱nj nij xꞌneꞌ nij síí noco̱ꞌ man Jesús ya̱nj nu̱ꞌ estadó Judea do̱ꞌ, Galilea do̱ꞌ, Samaria do̱ꞌ a. Dan me se caráj cochro̱j ndoꞌo nij soꞌ rihaan Yaꞌanj Si̱j ꞌNi̱j Raꞌa man níꞌ, ne̱ cheꞌé dan nariꞌ nucuaj nij soꞌ, ne̱ guun ri̱i̱ ndoꞌo nij soꞌ doj, quiꞌyaj Nimán Yaꞌanj a.

Romanos 11:29

Daj chiha̱a̱ míj se̱ natuná Yaꞌanj snana̱ Yaꞌanj maꞌ. Se̱ caꞌvee caꞌne̱e̱ uún Yaꞌanj se vaa rqué Yaꞌanj rihaan yuvii̱ maꞌ. ꞌO̱ se asi̱j naá narii Yaꞌanj man nij yuvii̱ israelitá canoco̱ꞌ nij soꞌ man soꞌ, ne̱ se̱ caꞌvee cata̱j uún Yaꞌanj se vaa se̱ caꞌvej rá soꞌ naca̱j soꞌ man nij soꞌ maꞌ.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.