Efesios 3:5 - Triqui de San Juan Copala

⁵ Ga̱a rque̱ roꞌ, ne cata̱j xnaꞌanj Yaꞌanj nana̱ sa̱ꞌ yuve̱ yoꞌ rihaan yuvii̱ maꞌ. Tza̱j ne̱ nda̱a ya̱j roꞌ, me tihaa̱n Nimán Yaꞌanj nana̱ yoꞌ rihaan núj si̱j cunuu sa̱ꞌ nimán rihaan Yaꞌanj, si̱j cuneꞌ Jesucristó caꞌa̱nj nata̱ꞌ snana̱ soꞌ do̱ꞌ, rihaan ꞌó nij síí nataꞌ snana̱ Yaꞌanj rihaan yuvii̱ do̱ꞌ a.

Efesios 3:5 Referans Kwoze

Judas 1:17

Tza̱j ne̱ soj roꞌ, ꞌo̱ cu̱nuû rá soj nana̱ cataj xnaꞌanj nij síí cuneꞌ Jesucristó Si̱j ꞌNi̱j Raꞌa man níꞌ caꞌa̱nj nata̱ꞌ rihaan yuvii̱ cheꞌé soꞌ, tinu̱j, nocoj.

2 Pedro 3:2

Me raj ninu̱j rá soj nana̱ caꞌmii nij síí sa̱ꞌ síí nataꞌ snana̱ Yaꞌanj ga̱a naá, ne̱ me raj ninu̱j rá soj suun caꞌneꞌ Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, suun narqué núj si̱j cuneꞌ soꞌ caꞌa̱nj nata̱ꞌ snana̱ soꞌ rihaan soj a.

Efesios 2:20

Xa̱ꞌ tucuáán noco̱ꞌ ta̱ranꞌ níꞌ cuano̱ roꞌ, ase vaa ꞌo̱ veꞌ sa̱ꞌ ꞌyaj nii xráá yuvej sa̱ꞌ ina̱nj roꞌ, da̱nj vaa níꞌ a. Ne̱ nij yuvej sa̱ꞌ yoꞌ me nana̱ caꞌmii natáj núj si̱j cuneꞌ Jesucristó do̱ꞌ, nana̱ caꞌmii natáj nij síí nataꞌ snana̱ Yaꞌanj do̱ꞌ, ne̱ yuvej sa̱ꞌ doj rihaan ta̱ranꞌ nij yuvej na̱j tacóó veꞌ yoꞌ me se maꞌa̱n ya̱ Cristó Jesús me yoꞌ vaa na̱nj chugua̱nj.

Efesios 3:9

Ne̱ me rá Yaꞌanj nata̱ꞌ yá ꞌu̱nj rihaan yuvii̱ nu̱ꞌ nana̱ sa̱ꞌ yuve̱ cheꞌé se vaa quiꞌya̱j soꞌ cheꞌé nij yuvii̱ a. Dan me se Yaꞌanj me síí quiꞌyaj nu̱ꞌ rasu̱u̱n, tza̱j ne̱ ne nata̱ꞌ ya̱ soꞌ nana̱ sa̱ꞌ yuve̱ yoꞌ rihaan yuvii̱ nu̱ꞌ cavii nu̱ꞌ caꞌnaꞌ maꞌ.

Hechos 10:28

Ga̱a ne̱ cataj Pedró rihaan nij yuvii̱ a: ―A̱j neꞌen nij soj stucua̱nj núj si̱j israelitá se vaa a̱ doj ne nó xcúún núj catu̱u̱ núj rej ma̱n soj si̱j yaníj, ne̱ ne nó xcúún núj cunu̱u chre̱ꞌ núj ga̱ soj maꞌ. Tza̱j ne̱ Yaꞌanj tihaa̱n rihaan ma̱ꞌanj se vaa se̱ caꞌvee cata̱j ꞌu̱nj se vaa nij vaa taꞌa̱j yuvii̱ rihaan soꞌ maꞌ.

San Lucas 10:24

ꞌO̱ se cata̱j xnaꞌanj ꞌu̱nj rihaan soj cuano̱ se vaa ma̱n ndoꞌo síí ma̱n ga̱a naá síí nataꞌ snana̱ Yaꞌanj do̱ꞌ, síí nica̱j suun rey do̱ꞌ, guun rá queneꞌe̱n se vaa queneꞌen nij soj, tza̱j ne̱ ne queneꞌe̱n nij soꞌ maꞌ. Ne̱ guun rá nij soꞌ cuno̱ nij soꞌ se vaa cuno nij soj, tza̱j ne̱ ne cuno̱ nij soꞌ a̱ maan ado̱nj ―taj Jesús rihaan nij síí tucuꞌyón snana̱ soꞌ a.

San Juan 14:26

Tza̱j ne̱ vaa güii caꞌne̱j Réj Yaꞌanj man Nimán soꞌ cuchi̱ꞌ Nimán soꞌ rihaan soj cheꞌé se‑chu̱vií ꞌu̱nj a. Ne̱ ra̱cuíj ndoꞌo Nimán soꞌ man soj, ga̱a ne̱ tu̱cuꞌyón Nimán soꞌ nu̱ꞌ nana̱ man soj a. Ne̱ ninu̱j rá soj nu̱ꞌ nana̱ caꞌmij rihaan soj, quiꞌya̱j Nimán Yaꞌanj yoꞌ na̱nj ado̱nj.

San Mateo 13:17

Ya̱ ya̱ cata̱j xnaꞌanj ꞌu̱nj rihaan soj se vaa cumán ndoꞌo síí ma̱n ga̱a naá síí nataꞌ snana̱ Yaꞌanj do̱ꞌ, síí sa̱ꞌ nimán do̱ꞌ, guun rá queneꞌe̱n se vaa queneꞌen nij soj, tza̱j ne̱ ne queneꞌe̱n nij soꞌ maꞌ. Ne̱ guun rá nij soꞌ cuno̱ nij soꞌ se vaa uno soj, tza̱j ne̱ ne cuno̱ nij soꞌ maan ado̱nj ―taj Jesús rihaan nij síí tucuꞌyón snana̱ soꞌ a.

Romanos 16:25

Uun nucua̱j Yaꞌanj ra̱cuíj Yaꞌanj man soj nari̱ꞌ soj nu̱ꞌ nana̱ sa̱ꞌ caꞌmij rihaan soj a. Nana̱ sa̱ꞌ yuve̱ cheꞌé Jesucristó me nana̱ yoꞌ a. Ga̱a naá me se ne caꞌve̱e xca̱j yuvii̱ cuentá cheꞌé snana̱ Yaꞌanj maꞌ. Tza̱j ne̱ ya̱j roꞌ, tihaa̱n Yaꞌanj snana̱ Yaꞌanj rihaan níꞌ a.

San Juan 16:13

Tza̱j ne̱ asa̱ꞌ caꞌnaꞌ Nimán Yaꞌanj yoꞌ, ne̱ tu̱cuꞌyón soꞌ nu̱ꞌ nana̱ ya̱ rihaan soj na̱nj ado̱nj. ꞌO̱ se si̱j aꞌmii ina̱nj nana̱ ya̱ me soꞌ ado̱nj. ꞌO̱ se se̱ caꞌmii soꞌ nana̱ cavi̱i̱ raa̱ soꞌ maꞌ. Tana̱nj caꞌmi̱i̱ soꞌ ina̱nj nana̱ cata̱j xnaꞌanj Yaꞌanj cuno̱ soꞌ, ne̱ dan me se cata̱j xnaꞌanj soꞌ cheꞌé se vaa caꞌna̱ꞌ rihaan soj rej rihaan soj na̱nj ado̱nj.

San Mateo 23:34

Cheꞌé dan xa̱ꞌ soj, tza̱j ne̱ caꞌne̱j ꞌu̱nj síí nata̱ꞌ snana̱ Yaꞌanj caꞌne̱j ꞌu̱nj síí caꞌmi̱i̱ nana̱ cu̱u caꞌne̱j ꞌu̱nj síí tu̱cuꞌyón snana̱ Yaꞌanj caꞌne̱j ꞌu̱nj rihaan soj a. Ga̱a ne̱ ticavi̱ꞌ soj man taꞌa̱j nij soꞌ, ne̱ cachro̱n soj man taꞌa̱j nij soꞌ rihaan rcutze̱, ne̱ go̱ꞌ soj cuartá xráá taꞌa̱j nij soꞌ rque veꞌ tucuꞌyón soj stucua̱nj Moisés, ne̱ cuna̱nj nij soꞌ rihaan soj, cu̱riha̱nj nij soꞌ ꞌo̱ chumanꞌ, ne̱ canoco̱ꞌ uxrá soj man nij soꞌ nda̱a ꞌó chumanꞌ uún, quiꞌya̱j soj vaa güii na̱nj ado̱nj.

San Lucas 11:49

’Cheꞌé dan cavii ꞌo̱ nana̱ cu̱u raa̱ Yaꞌanj, cataj Yaꞌanj a: “Xa̱ꞌ yuvii̱ nihánj, tza̱j ne̱ caꞌne̱j ꞌu̱nj síí nata̱ꞌ snana̱j rihaan nij soꞌ a. Dan me se ticavi̱ꞌ nij soꞌ man taꞌa̱j nij síí caꞌne̱j ꞌu̱nj, ne̱ ꞌó taꞌa̱j nij soꞌ me se me rej maꞌa̱n vaj nij soꞌ, ne̱ quita̱j riꞌyunj uxrá nij soꞌ man nij síí caꞌne̱j a”, taj Yaꞌanj a.

1 Corintios 2:10

Tza̱j ne̱ quiꞌyaj Yaꞌanj se vaa tihaa̱n Nimán Yaꞌanj man núj cheꞌé nij rasu̱u̱n quiꞌyaj Yaꞌanj cheꞌé níꞌ si̱j aráj cochro̱j rihaan Yaꞌanj a. Dan me se nuchruj ra̱a̱ Nimán Yaꞌanj cunuda̱nj rasu̱u̱n, ne̱ sa̱ꞌ uxrá nuchruj ra̱a̱ Nimán Yaꞌanj da̱j vaa maꞌa̱n Yaꞌanj ado̱nj.

San Mateo 20:7

Ga̱a ne̱ cataj nij soꞌ a: “Ma̱an se taj síí rqué suun man núj quiꞌya̱j suun núj maꞌ”, taj nij soꞌ a. Ga̱a ne̱ cataj síí toꞌo̱j yoꞌ a: “Caꞌa̱nj soj quiꞌya̱j suun soj rihaan toꞌój á”, taj soꞌ rihaan nij soꞌ a.