Apocalipsis 7:10 - Triqui de San Juan Copala

¹⁰ Ne̱ nucua̱j ndoꞌo caguáj nij soꞌ, cataj nij soꞌ a: Nanii núj rihaan sayuun ne̱ avii sa̱ꞌ núj, ꞌyaj Taꞌanj núj síí ta̱j rihaan chruun xlá sa̱ꞌ do̱ꞌ, Matzinj Leꞌe̱j do̱ꞌ ado̱nj, taj nij soꞌ a.

Apocalipsis 7:10 Referans Kwoze

Apocalipsis 19:1

Veé dan, ga̱a ne̱ cunó ꞌu̱nj nana̱ caꞌmii nucua̱j ri̱i̱ uxrá yuvii̱ nicu̱nꞌ rej xta̱ꞌ, ne̱ cataj nij yuvii̱ a: Cara̱a̱ gue̱e̱ níꞌ rihaan Yaꞌanj á. Taꞌanj níꞌ roꞌ, soꞌ me síí tinanii man níꞌ rihaan sayuun, ne̱ cara̱a̱ cochro̱j níꞌ rihaan soꞌ do̱ꞌ, niꞌndaj ya̱ sa̱ꞌ veꞌé ga̱a̱ soꞌ do̱ꞌ, gu̱un chij ndoꞌo soꞌ do̱ꞌ ado̱nj.

Apocalipsis 12:10

Ga̱a ne̱ cunó ꞌu̱nj nana̱ nucua̱j caꞌmii ꞌo̱ soꞌ rej xta̱ꞌ, ne̱ cataj soꞌ a: Nihánj me se a̱j tinanii Yaꞌanj man yuvii̱ rihaan sayuun, ne̱ uun nucua̱j ndoꞌo soꞌ, ne̱ uun chij ndoꞌo soꞌ ado̱nj. Ne̱ uun chij Síí Caꞌnéé Soꞌ Ti̱nanii man Yuvii̱ rihaan Sayuun a. ꞌO̱ se síí utaꞌ cacunꞌ xráá tinúú níꞌ nuvi̱i niga̱nꞌ rihaan Yaꞌanj roꞌ, quirii yaníj nii man soꞌ na̱nj ado̱nj.

Apocalipsis 22:3

Ne̱ rej yoꞌ me se se̱ cuman a̱ ꞌó rasu̱u̱n taj Yaꞌanj se vaa se̱ cavii sa̱ꞌ a̱ maꞌ. Ne̱ chruun xlá sa̱ꞌ xrúún Yaꞌanj do̱ꞌ, xrúún Matzinj Leꞌe̱j do̱ꞌ, canicu̱nꞌ chumanꞌ yoꞌ, ne̱ yoꞌ me rej cuma̱n nij síí nu̱u̱ rihaan soꞌ a.

Efesios 2:8

Dan me se xca̱j nij soj cuentá se vaa ina̱nj cheꞌé se lu̱j quiꞌyaj Yaꞌanj cheꞌé soj me nanii soj rihaan chrej chiꞌi̱i̱ do̱ꞌ, rihaan sayuun do̱ꞌ á. Dan me se ma̱an cheꞌé se amán rá soj niꞌya̱j soj man soꞌ me cavii sa̱ꞌ soj ado̱nj. Né maꞌa̱n soj me síí ꞌyaj aꞌvee avii sa̱ꞌ soj maꞌ. Ma̱an se Yaꞌanj racuíj man soj dan aꞌvee avii sa̱ꞌ soj na̱nj ado̱nj.

San Juan 1:29

Dan me se ꞌó güii, ne̱ queneꞌen síí cuꞌna̱j Juan se vaa caꞌnaꞌ Jesús rihaan soꞌ, ne̱ cataj soꞌ a: ―Ni̱ꞌyaj soj á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj, ne̱ dan me se síí nihánj me síí caꞌne̱e̱ cacunꞌ tumé yuvii̱ ma̱n rihaan chumii̱ ado̱nj.

Apocalipsis 21:5

Ga̱a ne̱ cataj uún soꞌ a: ―Ni̱ꞌyaj soj á. Nihánj me se naquiꞌya̱j naca̱ uún ꞌu̱nj man cunuda̱nj nij rasu̱u̱n na̱nj á ―taj soꞌ a. Ga̱a ne̱ cataj uún soꞌ a: ―Cachro̱n so̱ꞌ nana̱ nihánj rihaan yanj á. ꞌO̱ se nana̱ ya̱ me nana̱ nihánj, ne̱ vaa cheꞌé ga̱a̱ nucua̱j rá soj manj se vaa qui̱ꞌyáj nu̱ꞌ rasu̱u̱n nihánj ado̱nj ―taj soꞌ a.

San Lucas 3:6

Ga̱a ne̱ queneꞌe̱n nu̱ꞌ nij síí ma̱n rihaan chumii̱ se vaa caꞌve̱e ti̱nanii Yaꞌanj man yuvii̱ rihaan sayuun na̱nj á.” Dan me nana̱ cachrón Isaías rihaan yanj ga̱a naá nana̱ taj xnaꞌanj cheꞌé Juan a.

Apocalipsis 5:7

Dan me se cuchiꞌ soꞌ rihaan síí ta̱j rihaan chruun xlá sa̱ꞌ yoꞌ, ne̱ taꞌaa soꞌ yanj oro̱ꞌ raꞌa síí ta̱j rihaan chruun xlá rej nuva̱ꞌ soꞌ a.

Apocalipsis 4:6

Ne̱ rej rihaan chruun xlá sa̱ꞌ yoꞌ roꞌ, nu̱u̱ ꞌo̱ na yaꞌa̱nj, tza̱j ne̱ né na ya̱ me yoꞌ maꞌ. Ma̱an scura̱a̱n ina̱nj me yoꞌ, ne̱ ase vaa yahij cristal da̱nj vaa yoꞌ a. Ne̱ nu̱ꞌ anica̱j chruun xlá sa̱ꞌ yoꞌ ne̱ tanu̱u̱ ꞌó nij chruun xlá me se nicunꞌ caꞌa̱nj xcuu, ne̱ nu̱ꞌ anica̱j man nij xcuu mán rlij rihaan nij xoꞌ a.

San Juan 4:22

Dan me se ne neꞌen nij soj man síí aráj gue̱e̱ soj rihaan maꞌ. Tza̱j ne̱ xa̱ꞌ núj si̱j israelitá, tza̱j ne̱ neꞌen núj man síí aráj gue̱e̱ núj rihaan a. ꞌO̱ se scaꞌnúj núj si̱j israelitá cavi̱i̱ síí ti̱nanii man nij yuvii̱ rihaan sayuun a.

San Juan 1:36

Ne̱ niꞌya̱j uxrá Juan man Jesús ga̱a chéé Jesús, ne̱ cataj Juan a: ―Ni̱ꞌyaj ro̱j so̱j á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj á ―taj Juan a.