Apocalipsis 5:9 - Triqui de San Juan Copala9 Ga̱a ne̱ achráá nij soꞌ chraꞌ naca̱ rihaan Matzinj Leꞌe̱j, cataj nij soꞌ a: No̱ xcúún so̱ꞌ ni̱caj so̱ꞌ yanj ne̱ caꞌne̱e̱ so̱ꞌ nij selló yánj aráán tuꞌva yanj yoꞌ á. ꞌO̱ se ticaviꞌ nii mán so̱ꞌ, ne̱ dan me se nica̱j so̱ꞌ ton mán so̱ꞌ quiránj so̱ꞌ yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ yoꞌóó noco̱o do̱ꞌ, cheꞌé Yaꞌanj ado̱nj. Gade chapit la |
Apocalipsis 5:9
41 Referans Kwoze
Ga̱a ne̱ queneꞌén ꞌu̱nj ꞌó se‑mo̱zó Yaꞌanj va̱j tanu̱u̱ rihaan riscaꞌ xta̱ꞌ, ne̱ nica̱j soꞌ snana̱ Yaꞌanj nana̱ sa̱ꞌ se vaa ꞌo̱ ga̱a̱ nu̱ꞌ cavii nu̱ꞌ caꞌanj nata̱ꞌ soꞌ rihaan nij yuvii̱ man rihaan chumii̱ a. Caꞌanj nata̱ꞌ soꞌ rihaan yuvii̱ ma̱n da̱j a̱ yoꞌóó noco̱o do̱ꞌ, rihaan da̱j a̱ xꞌneꞌ yuvii̱ ino̱ vaa stucua̱nj do̱ꞌ, rihaan da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, rihaan yuvii̱ ma̱n da̱j a̱ chumanꞌ do̱ꞌ a.
Ne̱ nucua̱j ndoꞌo caꞌmii nij se‑mo̱zó Yaꞌanj yoꞌ, cataj nij soꞌ a: No̱ xcúún ndoꞌo Matzinj Leꞌe̱j ticaviꞌ nii man gu̱un nucua̱j ndoꞌo soꞌ do̱ꞌ, ni̱caj soꞌ nu̱ꞌ rasu̱u̱n sa̱ꞌ do̱ꞌ, ni̱caj ndoꞌo soꞌ cuentá do̱ꞌ, gu̱un chij ndoꞌo soꞌ do̱ꞌ, caꞌmi̱i̱ cochro̱j ta̱ranꞌ níꞌ cheꞌé soꞌ do̱ꞌ, cata̱j níꞌ se vaa niꞌndaj ya̱ sa̱ꞌ vaa soꞌ do̱ꞌ, veꞌé uxrá caꞌmi̱i̱ níꞌ cheꞌé soꞌ do̱ꞌ ado̱nj taj nij se‑mo̱zó Yaꞌanj niꞌya̱j nij soꞌ Matzinj Leꞌe̱j yoꞌ a.
No̱ xcúún ndoꞌo so̱ꞌ Yaꞌa̱nj Si̱j ꞌNi̱j Raꞌa man núj cata̱j núj se vaa niꞌndaj ya̱ sa̱ꞌ veꞌé vaa so̱ꞌ do̱ꞌ, cara̱a̱ cochro̱j núj mán so̱ꞌ do̱ꞌ, gu̱un chij ndoꞌo so̱ꞌ do̱ꞌ á. ꞌO̱ se so̱ꞌ me síí quiꞌyaj cunuda̱nj rasu̱u̱n, ne̱ ma̱an cheꞌé se guun rá so̱ꞌ cuma̱n nij rasu̱u̱n yoꞌ roꞌ, cheꞌé dan guun cunuda̱nj nij rasu̱u̱n, quiꞌyáá so̱ꞌ ado̱nj taj ico̱ caꞌa̱nj nij síí uun chij yoꞌ rihaan Yaꞌanj a.
’Dan me se ase vaa tumé yuvii̱ man daán yuvii̱ matzinj roꞌ, da̱nj quiꞌya̱j soj, tu̱mé soj man maꞌa̱n soj do̱ꞌ, man xꞌneꞌ nij síí noco̱ꞌ man Cristó do̱ꞌ á. Dan me se Nimán Yaꞌanj me síí cuneꞌ man soj gu̱un soj síí tu̱mé sa̱ꞌ rihaan Yaꞌanj man xꞌneꞌ yoꞌ, xꞌneꞌ quiránj Jesús ga̱ ton cavii man maꞌa̱n soꞌ ado̱nj.
Dan me se nda̱ꞌ se Si̱j Caꞌnéé Yaꞌanj Ni̱caj Yuꞌunj man Yuvii̱ mej, tza̱j ne̱ ne caꞌna̱ꞌ ꞌu̱nj ne̱ gu̱un nij yuvii̱ mozó rihanj maꞌ. ꞌO̱ se caꞌnáꞌ ꞌu̱nj ra̱cuíj man nij yuvii̱ na̱nj ado̱nj. Ne̱ caꞌnáꞌ ꞌu̱nj nayo̱n ma̱ꞌanj rihaan yuvii̱ ne̱ cavi̱ꞌ ꞌu̱nj cheꞌé cacunꞌ ata̱ nij soꞌ, ga̱a ne̱ nani̱i̱ nij soꞌ rihaan sayuun, qui̱ꞌyáj na̱nj ado̱nj ―taj Jesús a.
Ga̱a ne̱ queneꞌén ꞌu̱nj se vaa tanu̱u̱ nij chruun xlá sa̱ꞌ do̱ꞌ, tanu̱u̱ caꞌa̱nj nij xcuu do̱ꞌ, tanu̱u̱ nij síí uun chij do̱ꞌ, nicunꞌ ꞌo̱ soꞌ, ne̱ Matzinj Leꞌe̱j me soꞌ, ne̱ ruviꞌ soꞌ ase vaa matzinj a̱j ticaviꞌ nii man asi̱j rque̱ a. Ne̱ chi̱j cúú ta̱j raa̱ soꞌ, ne̱ chi̱j nij rlij rihaan soꞌ, ne̱ nij rlij rihaan soꞌ roꞌ, nij yoꞌ me Nimán Yaꞌanj síí nica̱j chi̱j ya̱ se nucua̱j síí a̱j caꞌnéé Yaꞌanj rihaan nu̱ꞌ chumii̱ a.
Tza̱j ne̱ cumán uxrá nij síí ne̱ nataꞌ snana̱ Yaꞌanj ga̱a naá rihaan nij síí israelitá, ne̱ nda̱a rá se vaa nij síí ne̱ ga̱a naá roꞌ, taꞌngaꞌ da̱nj vaa nij síí ne̱ cuchi̱ꞌ rihaan soj narque̱ yuve̱ tucuáán ne̱ rihaan soj ado̱nj. Ne̱ sese cuchuma̱n rá soj, ne̱ quiri̱ꞌ nimán soj a. Dan me se Síí ꞌNi̱j Raꞌa man níꞌ roꞌ, caviꞌ soꞌ cheꞌé rej caꞌve̱e nani̱i̱ nij soꞌ rihaan sayuun, tza̱j ne̱ maꞌa̱n nij soꞌ me se ina̱nj nana̱ ne̱ aꞌmii nij soꞌ cheꞌé Cristó, ne̱ cheꞌé dan quira̱nꞌ raꞌya̱nj ya̱ nij soꞌ sayuun, quiꞌya̱j Yaꞌanj a.
Ne̱ caráj gue̱e̱ cunuda̱nj nij yuvii̱ ma̱n rihaan chumii̱ man soꞌ a. Ne̱ nij síí caráj gue̱e̱ man soꞌ me se nuviꞌ se‑chuvi̱i nij soꞌ nó rihaan danj Matzinj Leꞌe̱j ticaviꞌ nii man a. Ne̱ danj Matzinj Leꞌe̱j roꞌ, me yanj taj me síí ca̱yáán ga̱ Yaꞌanj nu̱ꞌ cavii nu̱ꞌ caꞌanj, ne̱ no̱ se‑chuvi̱i nij soꞌ rihaan yanj asi̱j ataa quiꞌya̱j Yaꞌanj chumii̱ na̱nj ado̱nj.
Ne̱ yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, yuvii̱ ma̱n da̱j a̱ yoꞌóó noco̱o do̱ꞌ, niꞌya̱j man ro̱j síí caviꞌ vaꞌnu̱j güii táá néé yoꞌ a. Ne̱ a̱ doj se̱ caꞌvej rá nij yuvii̱ yoꞌ cachi̱nꞌ nii man ro̱j soꞌ rihaan yoꞌóó santó maꞌ.
Dan me se cavi̱i̱ sa̱ꞌ soj, sese ꞌo̱ canoco̱ꞌ soj stucua̱nj Cristó na̱nj ado̱nj. Raan canoco̱ꞌ soj man soꞌ á. A̱j cuno soj nana̱ sa̱ꞌ cheꞌé Cristó, ne̱ cheꞌé dan uun ya̱ rá soj se vaa cavi̱i̱ sa̱ꞌ soj, ne̱ se̱ guun cata̱j soj se vaa ne ya̱ vaa nana̱ sa̱ꞌ cuno soj maꞌ. ꞌO̱ se nana̱ caꞌmii natáj nii rihaan cunuda̱nj nij yuvii̱ ma̱n rihaan chumii̱ me nana̱ sa̱ꞌ yoꞌ, ne̱ ꞌu̱nj nihánj guun ꞌo̱ síí aꞌmii natáj snana̱ Yaꞌanj nana̱ sa̱ꞌ yoꞌ rihaan yuvii̱ na̱nj ado̱nj.
Ne̱ caꞌvej rá Yaꞌanj cunu̱ꞌ soꞌ ga̱ nij síí noco̱ꞌ man Yaꞌanj, ne̱ dan me se quiꞌya̱j canaán ya̱ soꞌ man nij soꞌ a. Ne̱ caꞌvej rá Yaꞌanj gu̱un chij soꞌ rihaan da̱j a̱ xꞌneꞌ yuvii̱ ino̱ vaa stucua̱nj do̱ꞌ, rihaan yuvii̱ ma̱n da̱j a̱ chumanꞌ do̱ꞌ, rihaan da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, rihaan yuvii̱ ma̱n da̱j a̱ yoꞌóó noco̱o do̱ꞌ a.
Ne̱ achráá nij soꞌ chraꞌ quiꞌyaj síí cuꞌna̱j Moisés síí nu̱u̱ rihaan Yaꞌanj ga̱a naá, ne̱ se‑chra̱ꞌ Matzinj Leꞌe̱j me chraꞌ yoꞌ a. Ne̱ nihánj me nana̱ cachráá nij soꞌ a: Xi̱j ndoꞌo ne̱ yaꞌa̱nj ndoꞌo vaa nu̱ꞌ suun quiꞌyáá so̱ꞌ, Yaꞌanj Si̱j ꞌNi̱j Raꞌa man núj, Síí Uun Nucua̱j ꞌYaj Cunuda̱nj a. Tucuáán nica̱ ne̱ tucuáán ya̱ me nu̱ꞌ tucuáán cuchruj so̱ꞌ, ne̱ síí nica̱j suun rey uun chij rihaan cunuda̱nj yuvii̱ mé so̱ꞌ ado̱nj.
Piblisite