Apocalipsis 20:1 - Triqui de San Juan Copala

¹ Ga̱a ne̱ queneꞌén ꞌu̱nj ꞌo̱ se‑mo̱zó Yaꞌanj cavii rej xta̱ꞌ, ne̱ nanij soꞌ ꞌnaꞌ soꞌ, ne̱ oro̱ꞌ soꞌ agaꞌ ne̱ꞌ ga̱ ragaꞌ yavé ꞌni̱j tuꞌva yuꞌuj cunu̱u̱ rmi̱ꞌ ndoꞌo yoꞌ a.

Apocalipsis 20:1 Referans Kwoze

Apocalipsis 1:18

Ne̱ síí vaa iꞌna̱ꞌ mej a. Dan me se cavíꞌ ꞌu̱nj, tza̱j ne̱ cuano̱ nihánj me se vaa iꞌna̱ꞌ uún ꞌu̱nj, ne̱ dan me se ꞌo̱ ga̱a̱ iꞌna̱ꞌ ꞌu̱nj nu̱ꞌ cavii nu̱ꞌ caꞌanj ado̱nj. Ne̱ ꞌu̱nj roꞌ, me síí ata̱ suun cata̱j me síí cavi̱ꞌ ne̱ me síí caꞌa̱nj rej ma̱n nimán nij síí caviꞌ ado̱nj.

2 Pedro 2:4

Dan me se a̱j neꞌen soj se vaa ne cara̱a̱ xꞌnaa Yaꞌanj a̱ rihaan maꞌa̱n nij se‑mo̱zó soꞌ ga̱a quiꞌyaj nij soꞌ cacunꞌ a̱ maꞌ. Tana̱nj ya̱ caꞌnéé Yaꞌanj man nij soꞌ rej cunu̱u̱ ndoꞌo quira̱nꞌ nij soꞌ sayuun, ne̱ numíj Yaꞌanj agaꞌ ne̱ꞌ man nij soꞌ, nagoꞌ Yaꞌanj man nij soꞌ rej rmi̱ꞌ quira̱nꞌ nij soꞌ sayuun, ne̱ dan me se da̱nj ga̱a̱ cuma̱n nij soꞌ nda̱a güii caꞌne̱ꞌ Yaꞌanj cacunꞌ cheꞌé nij soꞌ ado̱nj.

Judas 1:6

Ne̱ a̱j neꞌen soj se vaa taꞌa̱j nij se‑mo̱zó Yaꞌanj roꞌ, ne caꞌve̱j rá nij soꞌ ca̱ta̱ nij soꞌ suun caꞌneꞌ Yaꞌanj rihaan nij soꞌ a. Tana̱nj curiha̱nj nij soꞌ rej guun rá Yaꞌanj cuma̱n nij soꞌ, ne̱ cheꞌé dan numíj nii man nij soꞌ, ne̱ ꞌo̱ veé da̱nj ga̱a̱ numi̱i nij soꞌ ca̱yáán nij soꞌ rej rmi̱ꞌ nda̱a se quisi̱j güii gue̱e̱ güii caꞌne̱ꞌ Yaꞌanj cacunꞌ cheꞌé nij soꞌ, ne̱ daj chiha̱a̱ míj se̱ caꞌvee nani̱i̱ nij soꞌ maꞌ.

Apocalipsis 18:1

Veé dan, ga̱a ne̱ queneꞌén ꞌu̱nj ꞌó se‑mo̱zó Yaꞌanj cavii rej xta̱ꞌ nanij rihaan yoꞌóó, ne̱ síí nica̱j ndoꞌo se nucua̱j me soꞌ a. Niꞌndaj ya̱ veꞌé curuviꞌ soꞌ, ne̱ chuguu̱n rihaan yoꞌóó, quiꞌyaj soꞌ a.

Apocalipsis 10:1

Ga̱a ne̱ queneꞌén ꞌu̱nj ꞌó se‑mo̱zó Yaꞌanj síí nucua̱j ndoꞌo nanij rej xta̱ꞌ, ne̱ nu̱ꞌ anica̱j man soꞌ nique̱e̱ soꞌ ngaa, ne̱ táá xcuáá cuꞌlúú raa̱ soꞌ, ne̱ chuguu̱n rihaan soꞌ nda̱a vaa chuguu̱n güii a. Ne̱ ase vaa chraan acaa vaa tacóó soꞌ a.

San Lucas 8:31

Ga̱a ne̱ rquee̱ ndoꞌo nij nana̱ chre̱e rihaan Jesús se̱ gaa na̱nj caꞌne̱j soꞌ man nij soꞌ rej cunu̱u̱ rej nu̱u̱ yaꞌan a.

Apocalipsis 20:3

Ga̱a ne̱ quiriꞌíj se‑mo̱zó Yaꞌanj man soꞌ rque yuꞌuj cunu̱u̱ rmi̱ꞌ ndoꞌo, ne̱ caxríj soꞌ ragaꞌ, ne̱ cachrón soꞌ ꞌo̱ taꞌngaꞌ selló ya̱ tuꞌva yuꞌuj cunu̱u̱ rmi̱ꞌ ndoꞌo yoꞌ, cheꞌé rej ꞌo̱ qui̱ꞌnij yuve̱ xcuáá yoꞌ, ga̱a ne̱ se̱ gaa na̱nj tiha̱ꞌ yuꞌunj uún xcuáá tuꞌvi̱i yoꞌ doj man nij yuvii̱ ma̱n rihaan chumii̱ rque ꞌo̱ míj ya̱ yoꞌ maꞌ. Dan me se ga̱a quisi̱j míj nij yoꞌ yoꞌ, ga̱a ne̱ nache̱ uún xcuáá tuꞌvi̱i yoꞌ do̱j tzínꞌ a.