Apocalipsis 19:8 - Triqui de San Juan Copala

⁸ Ne̱ rqué nii yatzíj linó sa̱ꞌ ina̱nj cu̱nuû noꞌ, ne̱ nda̱a too chuguu̱n maꞌa̱n yatzéj yoꞌ, ne̱ naruvii sa̱ꞌ ndoꞌo yatzéj yoꞌ a. Da̱nj taj nij yuvii̱ yoꞌ a. Ne̱ yatzéj yoꞌ roꞌ, me nu̱ꞌ se sa̱ꞌ quiꞌyaj nij síí noco̱ꞌ man Yaꞌanj ado̱nj.

Apocalipsis 19:8 Referans Kwoze

Apocalipsis 3:18

’Cheꞌé dan narque̱j chrej nucua̱j man soj se vaa quira̱a̱n soj agaꞌ oró míí rihanj agaꞌ cachén yaꞌan ne̱ cunuu sa̱ꞌ ina̱nj, ga̱a ne̱ caꞌve̱e cunu̱u ruꞌve̱e̱ ya̱ ya̱ soj rihanj á. Ne̱ quira̱a̱n soj yatzíj catzi̱i̱ rihanj, ne̱ caꞌve̱e cu̱nuû soj, ne̱ se̱ queneꞌen yuvii̱ se vaa nuviꞌ saga̱nꞌ soj ne̱ se̱ guun naꞌa̱j soj se vaa nuviꞌ saga̱nꞌ soj maꞌ. Ne̱ quira̱a̱n soj rmedió sa̱ꞌ rihanj, ne̱ caxri̱i̱ soj rlij rihaan soj, ga̱a ne̱ caꞌve̱e queneꞌe̱n soj, ne̱ xca̱j sa̱ꞌ soj cuentá ado̱nj.

Romanos 13:14

Se̱ guun rá níꞌ quiꞌya̱j níꞌ nda̱a vaa me rá nee̱ man níꞌ maꞌ. Tana̱nj tu̱cuꞌyón níꞌ nda̱a vaa quiꞌyaj Jesucristó Si̱j ꞌNi̱j Raꞌa man níꞌ, ne̱ ase vaa quiꞌyaj soꞌ roꞌ, da̱nj ga̱a̱ quiꞌya̱j gue̱e̱ níꞌ na̱nj ado̱nj.

San Marcos 9:3

Ne̱ cunuu catzi̱i̱ ndoꞌo saga̱nꞌ soꞌ, ne̱ nda̱a raa̱n la maꞌa̱n saga̱nꞌ soꞌ niꞌya̱j nij soꞌ a. Ne̱ taj va̱j a̱ ꞌó síí ma̱n rihaan chumii̱ nihánj caꞌve̱e quiꞌya̱j catzi̱i̱ yatzíj nda̱a rá se vaa saga̱nꞌ Jesús a̱ maꞌ.

San Mateo 22:12

Ga̱a ne̱ cataj síí nica̱j suun rey rihaan soꞌ a: “Me cheꞌé catúj so̱ꞌ rá veꞌ nihánj veꞌ anuû chaꞌanj, ne̱ nuviꞌ yatzíj naraꞌa̱a nuû so̱ꞌ, ga̱ tinu̱ꞌ”, taj soꞌ a. Ne̱ guun naꞌa̱j soꞌ, ne̱ ne caꞌmi̱i̱ soꞌ maꞌ.

Apocalipsis 15:4

Señor, me síí se̱ caꞌvej rá cara̱a̱ cochro̱j rihaan so̱ꞌ ga̱. Veꞌé caꞌmi̱i̱ cunuda̱nj yuvii̱ ni̱ꞌyaj nij yuvii̱ mán so̱ꞌ a. ꞌO̱ se o̱rúnꞌ so̱ꞌ me síí sa̱ꞌ ina̱nj, ne̱ caꞌna̱ꞌ cunuda̱nj nij yuvii̱ ma̱n rihaan chumii̱, ne̱ cara̱a̱ gue̱e̱ nij yuvii̱ rihaan so̱ꞌ na̱nj á. ꞌO̱ se queneꞌen nij soꞌ nu̱ꞌ nij suun nica̱ quiꞌyáá so̱ꞌ ado̱nj. Na̱nj taj chraꞌ cachráá nij síí quiꞌyaj canaán yoꞌ a.

Hechos 1:10

Dan me se niꞌya̱j uxrá nij síí cuneꞌ Jesús rej xta̱ꞌ rej va̱j Jesús, ne̱ curuviꞌ vi̱j síí nu̱u̱ yatzíj catzi̱i̱ xꞌnúú nij soꞌ na̱nj ado̱nj.

San Lucas 24:4

Dan me se caráyaꞌa̱nj ndoꞌo nij chana̱, ne̱ ta̱j niꞌyo̱n canicunꞌ vi̱j snóꞌo xꞌnúú nij chana̱, ne̱ ro̱j snóꞌo yoꞌ me se yatzíj chuguu̱n uxrá nuû ro̱j soꞌ a.

Romanos 3:22

cuchuma̱n rá yuvii̱ ni̱ꞌyaj yuvii̱ Jesucristó, ga̱a ne̱ tinavi̱j Yaꞌanj cacunꞌ tumé nij yuvii̱, ne̱ cunu̱u sa̱ꞌ nimán nij yuvii̱ rihaan Yaꞌanj a. Taj a̱ ꞌó yuvii̱ ino̱ vaa rihaan Yaꞌanj maꞌ.

San Mateo 17:2

Ga̱a ne̱ ꞌo̱ cunuu ino̱ cunuda̱nj man Jesús niꞌya̱j nij síí tucuꞌyón snana̱ soꞌ, ne̱ dan me se chuguu̱n ndoꞌo rihaan soꞌ ase vaa chuguu̱n güii na̱nj á. Ne̱ nuu catzi̱i̱ ndoꞌo saga̱nꞌ soꞌ, ne̱ ase vaa yaꞌan chuguu̱n vaa saga̱nꞌ soꞌ a.

Apocalipsis 15:6

Ga̱a ne̱ curiha̱nj chi̱j nij se‑mo̱zó Yaꞌanj nij síí nica̱j sayuun rque nuvií noco̱o yoꞌ, ne̱ nu̱u̱ nij soꞌ yatzíj linó sa̱ꞌ ina̱nj naruvii chuguu̱n, ne̱ ꞌni̱j catuu̱n nij soꞌ marque̱ caxra̱ꞌ anó nda̱a rucua̱a̱ nij soꞌ, ne̱ marque̱ agaꞌ oró míí ina̱nj me nij marque̱ yoꞌ a.

Apocalipsis 19:14

Ne̱ canocoꞌ nij tanuu ma̱n rej xta̱ꞌ xcó soꞌ, ne̱ táá nij soꞌ xráá cuayó catzi̱i̱, ne̱ nu̱u̱ ta̱ranꞌ nij soꞌ yatzíj linó sa̱ꞌ catzi̱i̱ naruvii sa̱ꞌ a.