Apocalipsis 14:16 - Triqui de San Juan Copala

¹⁶ Ga̱a ne̱ síí ta̱j xráá ngaa yoꞌ roꞌ, tacuachén soꞌ saga̱ꞌ soꞌ tacóó nij rasu̱u̱n ma̱n rihaan yoꞌóó, ne̱ dan me se cuta soꞌ nu̱ꞌ rasu̱u̱n cachij ma̱n rihaan yoꞌóó yoꞌ a.

Apocalipsis 14:16 Referans Kwoze

Apocalipsis 14:19

Ga̱a ne̱ tacuachén se‑mo̱zó Yaꞌanj yoꞌ saga̱ꞌ soꞌ agaꞌ sera̱a̱ tacóó nij rasu̱u̱n ma̱n rihaan yoꞌóó, ga̱a ne̱ naquiꞌyaj chre̱ꞌ soꞌ nij chruj uvá cachij ma̱n rihaan yoꞌóó a. Ga̱a ne̱ caraa sa̱ꞌ soꞌ nij chruj uvá yoꞌ rque ꞌo̱ xruj xi̱j rej rii nii na man nij chruj uvá a. Dan me se rej yoꞌ me rej quira̱nꞌ uxrá nij chruj uvá yoꞌ sayuun quiꞌya̱j Yaꞌanj vaa na̱nj ado̱nj.

Apocalipsis 14:14

Ga̱a ne̱ niꞌya̱j ꞌu̱nj, ne̱ dan me se curuviꞌ ꞌo̱ ngaa catzi̱i̱ rej xta̱ꞌ, ne̱ táá ꞌo̱ síí ruviꞌ ase vaa Síí Caꞌnéé Yaꞌanj Ni̱caj Yuꞌunj man Yuvii̱ xráá ngaa, ne̱ nu̱u̱ raa̱ soꞌ ꞌo̱ cachriin agaꞌ oró míí, ne̱ noco̱ꞌ raꞌa soꞌ ꞌo̱ agaꞌ sera̱a̱ cuyu̱u̱ aꞌneꞌ coj, ne̱ siha̱a̱ uxrá sera̱a̱ yoꞌ a.

San Mateo 16:27

’ꞌO̱ se ya̱ ya̱ caꞌna̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ niꞌndaj ya̱ sa̱ꞌ veꞌé ga̱a̱ ꞌu̱nj, quiꞌya̱j Réé ꞌu̱nj, ne̱ caꞌna̱ꞌ nij se‑mo̱zó soꞌ ga̱ ꞌu̱nj na̱nj ado̱nj. Ga̱a ne̱ na̱ruꞌvee ꞌu̱nj rihaan ꞌo̱ ꞌo̱ soꞌ cheꞌé se vaa quiꞌyaj ꞌo̱ ꞌo̱ soꞌ na̱nj ado̱nj.

Apocalipsis 14:15

Ga̱a ne̱ ꞌó se‑mo̱zó Yaꞌanj curiha̱nj rque nuvií noco̱o, ne̱ nucua̱j ndoꞌo caguáj soꞌ rihaan síí ta̱j xráá ngaa yoꞌ a. Dan me se cataj soꞌ a: ―Ta̱cuachén so̱ꞌ sa̱gáꞌ so̱ꞌ agaꞌ siha̱a̱ tacóó nij rasu̱u̱n ma̱n rihaan yoꞌóó, ne̱ cu̱tá so̱ꞌ se ma̱n rihaan yoꞌóó cuaj á. ꞌO̱ se quisíj orá cuta̱ níꞌ se ma̱n rihaan yoꞌóó na̱nj ado̱nj. ꞌO̱ se a̱j cachij nu̱ꞌ yoꞌ na̱nj á ―taj se‑mo̱zó Yaꞌanj rihaan síí ta̱j xráá ngaa yoꞌ a.

Apocalipsis 14:17

Ga̱a ne̱ curiha̱nj ꞌó se‑mo̱zó Yaꞌanj uún rque nuvií noco̱o ya̱nj rej xta̱ꞌ, ne̱ maꞌa̱n soꞌ nica̱j ꞌó agaꞌ sera̱a̱ cuyu̱u̱ siha̱a̱ uún a.