Apocalipsis 12:10 - Triqui de San Juan Copala

¹⁰ Ga̱a ne̱ cunó ꞌu̱nj nana̱ nucua̱j caꞌmii ꞌo̱ soꞌ rej xta̱ꞌ, ne̱ cataj soꞌ a: Nihánj me se a̱j tinanii Yaꞌanj man yuvii̱ rihaan sayuun, ne̱ uun nucua̱j ndoꞌo soꞌ, ne̱ uun chij ndoꞌo soꞌ ado̱nj. Ne̱ uun chij Síí Caꞌnéé Soꞌ Ti̱nanii man Yuvii̱ rihaan Sayuun a. ꞌO̱ se síí utaꞌ cacunꞌ xráá tinúú níꞌ nuvi̱i niga̱nꞌ rihaan Yaꞌanj roꞌ, quirii yaníj nii man soꞌ na̱nj ado̱nj.

Apocalipsis 12:10 Referans Kwoze

San Lucas 22:31

Ga̱a ne̱ cataj Jesús rihaan síí cuꞌna̱j Simón Pedró a: ―Cu̱nó so̱ꞌ nana̱ nihánj caꞌmi̱j rihaan so̱ꞌ, Simón. ꞌO̱ se a̱j cachíín niꞌya̱j Síí Chre̱e rihaan Yaꞌanj se vaa caꞌve̱j rá Yaꞌanj quiꞌya̱j soꞌ sayuun man nij soj a. Dan me se ase vaa ꞌyaj nii man ꞌnúú trigó ga̱a tichinꞌ nii ꞌnúú trigó rihaan rcuaa roꞌ, da̱nj quiꞌya̱j Síí Chre̱e man soj, cheꞌé se guun rá soꞌ quiri̱ꞌ soj ado̱nj.

Apocalipsis 11:15

Ga̱a ne̱ dan me se caꞌyánj se‑mo̱zó Yaꞌanj mozó chi̱j chruun aꞌyánj, ga̱a ne̱ nucua̱j ndoꞌo caꞌmii síí ma̱n rej xta̱ꞌ, cataj nij soꞌ a: Nihánj me a̱j uun chij Yaꞌanj Si̱j ꞌNi̱j Raꞌa man níꞌ do̱ꞌ, Síí Caꞌnéé Soꞌ Ti̱nanii man Yuvii̱ rihaan Sayuun do̱ꞌ, rihaan chumii̱ nihánj, ne̱ dan me se ꞌo̱ gu̱un chij Yaꞌanj nu̱ꞌ cavii nu̱ꞌ caꞌanj na̱nj ado̱nj, taj nij síí ma̱n rej xta̱ꞌ a.

San Mateo 28:18

Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

Apocalipsis 2:26

Ne̱ síí ꞌyaj canaán ꞌo̱ ꞌyaj nij suun caꞌnéꞌ ꞌu̱nj rihaan nda̱a se cuchi̱ꞌ ꞌu̱nj rihaan soj roꞌ, gu̱un chij soꞌ rihaan nij xꞌneꞌ yuvii̱ naꞌvej rá canoco̱ꞌ manj, qui̱ꞌyáj ado̱nj.

2 Corintios 12:9

Tza̱j ne̱ ꞌo̱ se cataj soꞌ rihanj a: “Ma̱ꞌanj ra̱cuíj mán so̱ꞌ, ne̱ cavi̱i̱ sa̱ꞌ so̱ꞌ á. Cheꞌé dan se̱ caꞌnéj ꞌu̱nj sayuun yoꞌ rihaan so̱ꞌ maꞌ. ꞌO̱ se cheꞌé se vaa ninaj nee̱ mán so̱ꞌ roꞌ, cheꞌé dan gu̱un nu̱cuáá ꞌu̱nj ra̱cuíj ꞌu̱nj mán so̱ꞌ qui̱ꞌyáá so̱ꞌ se‑su̱u̱n ꞌu̱nj ado̱nj.” Da̱nj taj Síí ꞌNi̱j Raꞌa man níꞌ rihanj a. Cheꞌé dan gu̱un niha̱ꞌ rá ꞌu̱nj cata̱j xnaꞌanj ꞌu̱nj se vaa ninaj ꞌu̱nj, ne̱ gu̱un nucua̱j Cristó ra̱cuíj soꞌ manj a.

San Lucas 11:2

Ga̱a ne̱ caꞌmii Jesús nana̱ nihánj rihaan nij soꞌ a: ―Na̱nj cata̱j soj ga̱a cachi̱nj niꞌya̱j soj rihaan Yaꞌanj á: Ata̱j Chij, síí nicu̱nꞌ xta̱ꞌ, me rá nimán núj cara̱a̱ cochro̱j yuvii̱ mán so̱ꞌ ado̱nj. Ne̱ me rá nimán núj gu̱un chij so̱ꞌ a. Ne̱ me rá nimán núj quiꞌya̱j yuvii̱ nu̱ꞌ se vaa me rá so̱ꞌ a. Ase vaa ꞌyaj nij síí ma̱n rej xta̱ꞌ nu̱ꞌ se vaa me rá so̱ꞌ roꞌ, da̱nj ga̱a̱ quiꞌya̱j núj si̱j ma̱n rihaan chumii̱ nihánj uún á.

San Mateo 26:64

Ga̱a ne̱ cataj Jesús rihaan soꞌ a: ―Ya̱ vaa nana̱ caꞌmii ma̱ꞌán so̱ꞌ ado̱nj. Ne̱ vaj a̱ doj cata̱j xnaꞌanj ꞌu̱nj rihaan so̱ꞌ se vaa nda̱a ya̱j queneꞌe̱n soj manj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ queneꞌe̱n soj se vaa quita̱j ꞌu̱nj rej nuva̱ꞌ Yaꞌanj ne̱ ni̱caj ꞌu̱nj se‑nucua̱j soꞌ gu̱un chij ꞌu̱nj ado̱nj. Ne̱ queneꞌe̱n uún soj se vaa caꞌna̱ꞌ uún ꞌu̱nj rihaan chumii̱ nihánj, ne̱ quita̱j ꞌu̱nj xráá ngaa xta̱ꞌ caꞌna̱j ado̱nj ―taj Jesús rihaan xrej ata̱ suun noco̱o doj yoꞌ a.

San Mateo 6:10

Ne̱ me rá nimán núj gu̱un chij so̱ꞌ a. Ne̱ me rá nimán núj quiꞌya̱j yuvii̱ nu̱ꞌ se vaa me rá so̱ꞌ a. Ase vaa ꞌyaj nij síí ma̱n rej xta̱ꞌ nu̱ꞌ se vaa me rá so̱ꞌ roꞌ, da̱nj ga̱a̱ quiꞌya̱j núj si̱j ma̱n rihaan chumii̱ nihánj uún á.

Tito 2:3

Dan me se veé da̱nj veꞌé ndoꞌo quiꞌya̱j nij chana̱ chij uún, ga̱a ne̱ caꞌve̱e xca̱j yuvii̱ cuentá se vaa chana̱ sa̱ꞌ noco̱ꞌ uxrá man Yaꞌanj me nij noꞌ a. Se̱ nanó nij chana̱ chij cuentó ne̱ cheꞌé tuviꞌ nij noꞌ maꞌ. Se̱ gaa niha̱ꞌ rá nij noꞌ gu̱un xno̱ nij noꞌ maꞌ. Tana̱nj gu̱un nij noꞌ chana̱ veꞌé tucuꞌyón man tuviꞌ,

Apocalipsis 7:10

Ne̱ nucua̱j ndoꞌo caguáj nij soꞌ, cataj nij soꞌ a: Nanii núj rihaan sayuun ne̱ avii sa̱ꞌ núj, ꞌyaj Taꞌanj núj síí ta̱j rihaan chruun xlá sa̱ꞌ do̱ꞌ, Matzinj Leꞌe̱j do̱ꞌ ado̱nj, taj nij soꞌ a.

1 Pedro 5:8

Ga̱a̱ sca̱ꞌ rá soj, ne̱ tu̱mé soj man soj da̱j quiꞌya̱j soj á. ꞌO̱ se vaa síí ta̱j riꞌyunj niꞌya̱j man soj, ne̱ Síí Chre̱e me soꞌ, ne̱ ase ꞌyaj chuvaa̱ aguáj chéé nanoꞌ xcuu cha̱ roꞌ, da̱nj ꞌyaj Síí Chre̱e, chéé soꞌ nanoꞌ soꞌ man síí caꞌve̱e tiri̱ꞌ soꞌ man chugua̱nj.