2 Timoteo 2:2 - Triqui de San Juan Copala

² Dan me se ma̱n ndoꞌo síí cuno tucuáán cataj xnaꞌanj ꞌu̱nj rihaan so̱ꞌ, ne̱ me rá ꞌu̱nj naꞌnga̱a̱ suun so̱ꞌ man snóꞌo caꞌve̱e ga̱a̱ nucua̱j rá níꞌ ga̱a̱ cui̱j raa̱ tu̱cuꞌyón tucuáán yoꞌ man ꞌó yuvii̱ a.

2 Timoteo 2:2 Referans Kwoze

1 Timoteo 4:6

Sese tu̱cuꞌyón so̱ꞌ tucuáán nihánj rihaan ꞌó nij tinúú níꞌ síí noco̱ꞌ man Cristó, ne̱ síí veꞌé ꞌyaj se‑su̱u̱n Cristó Jesús mé so̱ꞌ chugua̱nj. ꞌO̱ se tucuꞌyón nii tucuáán sa̱ꞌ yoꞌ rihaan so̱ꞌ, ne̱ cuchumán rá so̱ꞌ, ne̱ canocóꞌ so̱ꞌ tucuáán yoꞌ a.

1 Timoteo 6:12

Quiꞌya̱j uxrá so̱ꞌ suun sca̱ꞌ sa̱ꞌ caꞌneꞌ Yaꞌanj rihaan níꞌ si̱j noco̱ꞌ man soꞌ, ga̱a ne̱ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj a. Cheꞌé dan cuneꞌ Yaꞌanj mán so̱ꞌ qui̱ꞌyáá so̱ꞌ se‑su̱u̱n soꞌ, ne̱ cataj yá so̱ꞌ cuno queꞌe̱e̱ tinúú níꞌ se vaa ya̱ qui̱ꞌyáá so̱ꞌ se‑su̱u̱n Yaꞌanj ca̱nocóꞌ so̱ꞌ man soꞌ á.

2 Timoteo 3:10

Ne̱ xa̱ꞌ ma̱ꞌán so̱ꞌ, tza̱j ne̱ xcaj ndoꞌo so̱ꞌ cuentá cheꞌé tucuáán tucuꞌyón ꞌu̱nj man yuvii̱ do̱ꞌ, cheꞌé da̱j nocóꞌ ꞌu̱nj tucuáán yoꞌ do̱ꞌ, cheꞌé se vaa guun raj qui̱ꞌyáj rej rihaan níꞌ do̱ꞌ á. Neꞌén so̱ꞌ se vaa nucua̱j ndoꞌo raj man Yaꞌanj do̱ꞌ, se vaa na̱j rá ꞌu̱nj caxri̱i̱ yuva̱a̱ ꞌu̱nj man yuvii̱ do̱ꞌ, se vaa ꞌe̱e̱ raj man tinúj do̱ꞌ, se vaa ꞌo̱ nucua̱j rá ꞌu̱nj rihaan sayuun do̱ꞌ ado̱nj.

San Lucas 12:42

Ga̱a ne̱ cataj Jesús Si̱j ꞌNi̱j Raꞌa man níꞌ a: ―Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

1 Timoteo 1:18

Timoteo, ase vaa taꞌníí ya̱ ma̱ꞌanj vaa yá so̱ꞌ ado̱nj. Dan me se aꞌneꞌ yá ꞌu̱nj suun rihaan so̱ꞌ ꞌo̱ caꞌmi̱i̱ cunu̱ꞌ sa̱ꞌ yá so̱ꞌ cheꞌé tucuáán sa̱ꞌ ya̱ nihánj á. ꞌO̱ ga̱a̱ nica̱ nimán so̱ꞌ, ne̱ ꞌo̱ ga̱a̱ nucua̱j rá so̱ꞌ cuchuma̱n rá so̱ꞌ, ga̱a ne̱ quisi̱j ya̱ nda̱a vaa ya̱ nataꞌ nij síí caꞌmii Yaꞌanj rihaan cheꞌé so̱ꞌ na̱nj á. Dan me se vaa taꞌa̱j nij síí quiriꞌ rá, ne̱ ne cuchuma̱n ya̱ rá nij soꞌ maꞌ.

1 Timoteo 1:12

Taj ꞌu̱nj guun niꞌya̱j níꞌ rihaan Cristó Jesús Si̱j ꞌNi̱j Raꞌa man níꞌ cheꞌé se nariꞌ nucuáá ꞌu̱nj, quiꞌyaj soꞌ a. Dan me se uxrá ya̱ cataj Yaꞌanj se vaa xraan canocóꞌ ꞌu̱nj man soꞌ, ne̱ cuneꞌ soꞌ mán ꞌu̱nj qui̱ꞌyáá ꞌu̱nj se‑su̱u̱n soꞌ ado̱nj.

1 Timoteo 4:14

Se̱ niꞌyón so̱ꞌ suun sa̱ꞌ caꞌneꞌ Yaꞌanj rihaan so̱ꞌ güii cutaꞌ nij síí tumé sa̱ꞌ rihaan Yaꞌanj man nij yuvii̱ noco̱ꞌ man Cristó raꞌa nij soꞌ raá so̱ꞌ, ne̱ tihaa̱n naca̱ Yaꞌanj ꞌo̱ nana̱ cheꞌé se‑su̱u̱n so̱ꞌ maꞌ.

1 Corintios 4:2

Dan me se no̱ xcúún núj quiꞌya̱j núj nu̱ꞌ suun caꞌneꞌ Yaꞌanj rihaan núj, ne̱ se̱ caꞌvee caꞌne̱ꞌ rá ꞌo̱ ꞌo̱ núj ga̱ suun yoꞌ a̱ maꞌ.

2 Timoteo 3:14

Ne̱ ma̱ꞌán so̱ꞌ, tza̱j ne̱ ꞌo̱ ca̱nocóꞌ so̱ꞌ nana̱ cuchumán rá so̱ꞌ nana̱ naríꞌ so̱ꞌ á. ꞌO̱ se a̱j neꞌén so̱ꞌ me yuvii̱ tucuꞌyón nana̱ yoꞌ mán so̱ꞌ na̱nj á.

Colosenses 1:7

Ne̱ síí cuꞌna̱j Epafras me síí tucuꞌyón nana̱ yoꞌ man soj, ne̱ dan me se síí ꞌyaj se‑su̱u̱n Yaꞌanj ga̱ núj me soꞌ, ne̱ ꞌe̱e̱ rá núj man soꞌ, ne̱ ꞌo̱ ꞌyaj soꞌ se‑su̱u̱n Cristó cheꞌé soj ado̱nj.

Hebreos 2:17

Cheꞌé dan me naquiꞌyaj soꞌ man soꞌ nda̱a rá se vaa gue̱e̱ nij tinúú ya̱ soꞌ ado̱nj. Da̱nj quiꞌyaj soꞌ cheꞌé rej caꞌve̱e cunu̱u ꞌe̱e̱ rá soꞌ man níꞌ, ne̱ gu̱un soꞌ xrej sa̱ꞌ rá ata̱ suun noco̱o doj rihaan Yaꞌanj cheꞌé níꞌ, ne̱ gu̱un nucua̱j rá níꞌ ni̱ꞌyaj níꞌ man soꞌ, ne̱ tinavi̱j soꞌ cacunꞌ tumé níꞌ si̱j noco̱ꞌ man Yaꞌanj ado̱nj.

1 Timoteo 5:22

Se̱ gaa raꞌya̱nj rá so̱ꞌ cuta̱ꞌ raꞌá so̱ꞌ raa̱ me maꞌa̱n ꞌo̱ soꞌ cheꞌé yan gu̱un soꞌ síí ca̱ta̱ suun cheꞌé Yaꞌanj maꞌ. ꞌO̱ se sese si̱j tumé cacunꞌ me soꞌ, ne̱ taj cheꞌé ra̱cuíj so̱ꞌ man soꞌ gu̱un chij soꞌ maꞌ. Da̱nj ina̱nj qui̱ꞌyáá so̱ꞌ, ga̱a ne̱ se̱ gaa na̱nj tu̱mé so̱ꞌ se‑cacu̱nꞌ soꞌ a. Dan me se ꞌo̱ ina̱nj se̱ caꞌvej so̱ꞌ catu̱u̱ a̱ ꞌó se chiꞌi̱i̱ maꞌ.

San Mateo 24:25

Nihánj me se cataj xnaꞌanj ꞌu̱nj rihaan soj da̱j gu̱un rihaan chumii̱ nihánj na̱nj á.

San Mateo 13:52

Ne̱ cataj Jesús rihaan nij soꞌ a: ―Cheꞌé dan cata̱j xnaꞌanj ꞌu̱nj rihaan soj se vaa nij síí naquiꞌyaj cu̱u stucua̱nj Moisés me se sese nari̱ꞌ uún nij soꞌ nana̱ cheꞌé da̱j vaa uun chij Yaꞌanj, ne̱ síí neꞌen nu̱ꞌ nana̱ me nij soꞌ, ne̱ síí cu̱u raa̱ gu̱un nij soꞌ, quiꞌya̱j nu̱ꞌ nana̱ nariꞌ nij soꞌ ado̱nj. Dan me se ase vaa síí ruꞌvee ne̱ ma̱n rasu̱u̱n nga̱ do̱ꞌ, rasu̱u̱n naca̱ do̱ꞌ, rihaan roꞌ, da̱nj ga̱a̱ nij soꞌ, ne̱ cavi̱i̱ sa̱ꞌ uxrá nij soꞌ na̱nj ado̱nj ―taj Jesús rihaan nij síí tucuꞌyón snana̱ soꞌ a.

2 Corintios 2:14

Tza̱j ne̱ taj níꞌ guun niꞌya̱j níꞌ rihaan Yaꞌanj, cheꞌé se Yaꞌanj me síí ꞌyaj se vaa ꞌyaj canaán uxrá núj rihaan Síí Chre̱e cheꞌé Cristó a. Ne̱ Yaꞌanj me síí ꞌyaj uno yuvii̱ ma̱n cunuda̱nj nij chumanꞌ nana̱ sa̱ꞌ aꞌmii núj cheꞌé Cristó, ne̱ ꞌo̱ chaꞌnuu̱ nana̱ sa̱ꞌ yoꞌ rihaan nu̱ꞌ cachra̱ꞌ chumii̱, nda̱ꞌ rá se vaa avii se gunꞌ da̱j man yâj ga̱a naxraꞌ yoꞌ roꞌ, da̱nj vaa chaꞌnuu̱ snana̱ Yaꞌanj chugua̱nj.

2 Corintios 3:5

Dan me se ne nó xcúún núj cata̱j núj se vaa uun nucua̱j núj quiꞌya̱j núj se‑su̱u̱n Yaꞌanj maꞌ. ꞌO̱ se maꞌa̱n Yaꞌanj me síí ꞌyaj uun nucua̱j núj quiꞌya̱j núj se‑su̱u̱n soꞌ ado̱nj.