2 Pedro 1:8 - Triqui de San Juan Copala

⁸ Dan me se sese doj a̱ doj a̱ nari̱ꞌ soj quiꞌya̱j soj nu̱ꞌ da̱nj da̱j a̱ güii, ga̱a ne̱ se̱ caꞌvee gu̱un soj síí niꞌyo̱n síí ne neꞌen quiꞌya̱j se‑su̱u̱n Yaꞌanj a̱ maꞌ. Tana̱nj sa̱ꞌ uxrá doj queneꞌe̱n soj man Jesucristó Si̱j ꞌNi̱j Raꞌa man níꞌ ado̱nj.

2 Pedro 1:8 Referans Kwoze

Tito 3:14

Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

Colosenses 3:16

Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.

San Juan 15:2

Ne̱ a̱ me maꞌa̱n ꞌo̱ raꞌa chruun yoꞌ ne rii chruj uvá, ne̱ aꞌnéj soꞌ man raꞌa yoꞌ na̱nj ado̱nj. Tza̱j ne̱ raꞌa chruun ma̱n chruj uvá raa̱ me se veꞌé aꞌneꞌ soꞌ man yoꞌ, ga̱a ne̱ cuma̱n doj chruj uvá raa̱ yoꞌ na̱nj ado̱nj.

Hebreos 6:12

Ne̱ se̱ gaa rmi̱i̱ soj maꞌ. Ma̱an se veꞌé xca̱j soj cuentá da̱j ꞌyaj nij síí amán sa̱ꞌ rá niꞌya̱j man Yaꞌanj, ne̱ ase vaa ꞌyaj nij soꞌ roꞌ, da̱nj quiꞌya̱j uún soj chugua̱nj. Dan me se nij síí amán sa̱ꞌ rá me se ne aꞌneꞌ rá nij soꞌ maꞌ. ꞌO̱ se ꞌo̱ nocoꞌ nij soꞌ man Cristó, ga̱a ne̱ vaa güii naca̱j nij soꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ Yaꞌanj man níꞌ si̱j noco̱ꞌ man Yaꞌanj ado̱nj.

Filipenses 1:9

Ne̱ achíín ni̱ꞌyáj rihaan Yaꞌanj se vaa cunu̱u ꞌe̱e̱ doj rá soj tuviꞌ soj ꞌo̱ ꞌo̱ güii, ne̱ sa̱ꞌ doj xca̱j soj cuentá da̱j vaa ꞌo̱ ꞌo̱ rasu̱u̱n,

1 Tesalonicenses 4:1

Ya̱j me se cheꞌé se si̱j a̱j noco̱ꞌ man Jesús Si̱j ꞌNi̱j Raꞌa man níꞌ me nu̱ꞌ níꞌ roꞌ, cheꞌé dan cuano̱ nihánj me cata̱j xnaꞌanj núj rihaan soj se vaa doj a̱ doj a̱ canoco̱ꞌ soj nu̱ꞌ tucuáán cuchruj núj rihaan soj ga̱a cataj núj da̱j quiꞌya̱j soj ga̱a mán soj rihaan chumii̱ nihánj ga̱a ne̱ cara̱nꞌ rá Yaꞌanj ni̱ꞌyaj Yaꞌanj man soj, tinu̱j, nocoj.

1 Corintios 15:58

Neꞌen soj se vaa ꞌe̱e̱ raj man soj, tinu̱j, nocoj. Cheꞌé se vaa cataj ꞌu̱nj rihaan soj roꞌ, cheꞌé dan xraan canoco̱ꞌ soj man Cristó á. Se̱ caꞌneꞌ rá soj maꞌ. ꞌO̱ se niga̱nj quiꞌya̱j ndoꞌo soj se‑su̱u̱n Síí ꞌNi̱j Raꞌa man níꞌ á. Neꞌen soj se vaa suun ꞌyaj soj cheꞌé Síí ꞌNi̱j Raꞌa man níꞌ roꞌ, né su̱u̱n snúú rmaꞌa̱n me yoꞌ maꞌ.

2 Pedro 1:2

Me rá ꞌu̱nj ya̱ queneꞌe̱n soj man Yaꞌanj do̱ꞌ, man Jesús Si̱j ꞌNi̱j Raꞌa man níꞌ do̱ꞌ, ga̱a ne̱ caꞌve̱e quiri̱ꞌ ndoꞌo soj se lu̱j ne̱ ga̱a̱ xe̱j nimán soj, quiꞌya̱j ro̱j soꞌ ado̱nj.

Filemón 1:6

Dan me se cheꞌé se a̱j canocóꞌ so̱ꞌ stucua̱nj Jesús ga̱ ꞌó nij tinúú níꞌ, ne̱ cheꞌé dan achíín ni̱ꞌyáá ꞌu̱nj se vaa caꞌve̱e xca̱j ꞌó nij soꞌ cuentá cheꞌé nu̱ꞌ se sa̱ꞌ nica̱j nij tinu̱j nij soj qui̱ꞌyáá so̱ꞌ, ga̱a ne̱ doj a̱ caꞌve̱e cara̱a̱ cochro̱j nij soꞌ man Cristó a.

2 Tesalonicenses 1:3

Doj a̱ doj a̱ amán rá soj niꞌya̱j soj man Yaꞌanj, ne̱ nuu ꞌe̱e̱ doj rá ꞌo̱ ꞌo̱ soj tinúú soj da̱j a̱ güii, ne̱ cheꞌé dan no̱ xcúún núj ꞌo̱ cata̱j núj guun niꞌya̱j níꞌ rihaan Yaꞌanj cheꞌé soj, tinu̱j, nocoj.

Filipenses 2:5

Ase vaa rá maꞌa̱n Cristó Jesús roꞌ, da̱nj ga̱a̱ rá maꞌa̱n soj uún á.

2 Corintios 13:5

Xca̱j maꞌa̱n soj cuentá sese ya̱ ya̱ amán rá soj niꞌya̱j soj man Cristó á. Neꞌen soj se vaa ya̱nj Cristó ga̱ soj naꞌ. Ase ne neꞌen soj xa̱ꞌ. Ya̱ ne Cristó ga̱ soj, sese né si̱j tihaꞌ yuꞌunj me soj chugua̱nj.

Colosenses 2:7

Dan me se ꞌo̱ gu̱un xe̱j soj rihaan soꞌ, ne̱ ꞌo̱ canicu̱nꞌ xraan soj rihaan soꞌ, ne̱ ꞌo̱ cuno̱ soj rihaan soꞌ, ne̱ ꞌo̱ ca̱yáán soj nda̱a vaa taj tucuáán tucuꞌyón núj man soj, ne̱ o̱rúnꞌ soꞌ cuchuma̱n rá soj ni̱ꞌyaj soj, ne̱ cata̱j uxrá soj guun niꞌya̱j níꞌ rihaan Yaꞌanj á.

2 Corintios 9:14

Ne̱ cunu̱u ꞌe̱e̱ rá maꞌa̱n nij tinúú níꞌ ma̱n chumanꞌ Jerusalén man soj, ne̱ cachi̱nj niꞌya̱j nij soꞌ rihaan Yaꞌanj cheꞌé soj, cheꞌé se uxrá racuíj Yaꞌanj man soj ra̱cuíj soj man nij soꞌ na̱nj á.

2 Corintios 8:2

Dan me se quiranꞌ uxrá nij soꞌ sayuun, tza̱j ne̱ guun niha̱ꞌ uxrá rá nimán nij soꞌ, ne̱ nda̱ꞌ se síí nique̱ ndoꞌo me nij soꞌ, tza̱j ne̱ guun niha̱ꞌ rá nij soꞌ rque̱ nij soꞌ saꞌanj rihaan tinúú nij soꞌ síí nique̱ a. Nda̱ꞌ rá se ꞌyaj síí ruꞌvee ꞌyaj nij soꞌ na̱nj ado̱nj.

1 Timoteo 5:13

Da̱nj na̱nj uún, ne̱ ne yáán xe̱j nij noꞌ veꞌ, ne̱ chéé rmaꞌa̱n nij noꞌ da̱j a̱ veꞌ, ne̱ uun rmi̱i̱ nij noꞌ, ne̱ achén u̱u̱n tiempó, ꞌyaj nij noꞌ, ne̱ nanó nij noꞌ cuentó ne̱ uún, ne̱ tiguíj nij noꞌ se‑cuento̱ nij noꞌ rihaan se‑cuento̱ ꞌó nij yuvii̱, ne̱ aꞌmii nij noꞌ náá guun rasu̱u̱n ne nó xcúún nij noꞌ caꞌmi̱i̱ nij noꞌ a.

1 Tesalonicenses 3:12

Ne̱ ase vaa ꞌe̱e̱ rá núj man soj roꞌ, da̱nj ga̱a̱ cunu̱u ꞌe̱e̱ ndoꞌo rá soj ni̱ꞌyaj soj tinúú soj do̱ꞌ, cunuda̱nj yuvii̱ do̱ꞌ, quiꞌya̱j Síí ꞌNi̱j Raꞌa man níꞌ, rá núj a.

2 Corintios 8:7

Dan me se ꞌyaj ndoꞌo nij soj nu̱ꞌ suun sa̱ꞌ ado̱nj. ꞌO̱ se veé da̱nj síí nucua̱j ndoꞌo rá man Cristó do̱ꞌ, síí aꞌmii sa̱ꞌ do̱ꞌ, síí avii raa̱ do̱ꞌ, síí niha̱ꞌ rá quiꞌya̱j suun do̱ꞌ, síí ꞌe̱e̱ rá man núj do̱ꞌ, me soj ado̱nj. Ne̱ ase vaa ꞌyaj ndoꞌo nij soj nu̱ꞌ suun sa̱ꞌ yoꞌ roꞌ, taꞌngaꞌ da̱nj quiꞌya̱j soj ga̱ suun rque̱ ndoꞌo saꞌanj rihaan tinúú á.

Romanos 12:11

Se̱ gaa rmi̱i̱ soj maꞌ. Tana̱nj ga̱a̱ niha̱ꞌ rá nimán soj quiꞌya̱j soj se‑su̱u̱n Yaꞌanj Si̱j ꞌNi̱j Raꞌa man níꞌ na̱nj á.

San Juan 5:42

Tza̱j ne̱ neꞌén ꞌu̱nj da̱j vaa rá soj, se vaa ne aráj cochro̱j soj niꞌya̱j soj Yaꞌanj maꞌ.

San Mateo 25:26

Ne̱ cataj ruꞌvee yoꞌ rihaan mozó a: “Mozó chiꞌi̱i̱ nimán do̱ꞌ, mozó rmi̱i̱ do̱ꞌ, mé so̱ꞌ na̱nj á. Sese da̱nj neꞌén so̱ꞌ se vaa ꞌó yuvii̱ unô ꞌnúú, ne̱ ma̱ꞌanj rii naa̱, ne̱ sese neꞌén so̱ꞌ se vaa ꞌó yuvii̱ tixꞌnuu̱ ꞌnúú trigó, ne̱ ꞌu̱nj naranꞌ ꞌnúú trigó yoꞌ,

San Mateo 20:6

’Ga̱a ne̱ agaꞌ ꞌu̱nꞌ curiha̱nj uún síí toꞌo̱j yoꞌ, ne̱ nariꞌ soꞌ doj síí nicu̱nꞌ maꞌa̱n rihaan yuꞌvee, ne̱ cataj soꞌ a: “Me cheꞌé nicunꞌ maꞌa̱n soj nu̱ꞌ güii nihánj ga̱. Taj va̱j suun quiꞌyaj suun soj naꞌ”, taj soꞌ, xnáꞌanj soꞌ man nij soꞌ a.

San Mateo 20:3

’Ga̱a ne̱ agaꞌ u̱u̱n curiha̱nj uún síí toꞌo̱j yoꞌ, caꞌanj soꞌ rihaan yuꞌvee, ga̱a ne̱ queneꞌen soꞌ doj snóꞌo nicu̱nꞌ maꞌa̱n u̱u̱n rihaan yuꞌvee, ne̱ taj va̱j suun rihaan nij soꞌ a.

San Mateo 13:22

Ne̱ ꞌnúú trigó cayuu scaꞌnúj coj tanj roꞌ, ase vaa síí uno snana̱ Yaꞌanj vaa yoꞌ, tza̱j ne̱ nanó ndoꞌo rá soꞌ cheꞌé rasu̱u̱n ma̱n rihaan chumii̱ nihánj, ne̱ me ndoꞌo rá soꞌ quiꞌya̱j canaán soꞌ saꞌanj, ne̱ cheꞌé dan tihaꞌ yuꞌunj soꞌ man maꞌa̱n soꞌ cheꞌé saꞌanj a. Cheꞌé dan me taj se ꞌyáꞌ canoco̱ꞌ sa̱ꞌ soꞌ nana̱ nariꞌ soꞌ, ne̱ ne nuu sa̱ꞌ nimán soꞌ rihaan Yaꞌanj maꞌ.

San Juan 17:3

Ne̱ síí ga̱a̱ iꞌna̱ꞌ nu̱ꞌ cavii nu̱ꞌ caꞌanj me se soꞌ me síí neꞌen mán so̱ꞌ do̱ꞌ, mán ꞌu̱nj do̱ꞌ a. Dan me se o̱rúnꞌ so̱ꞌ me Yaꞌanj ya̱, ne̱ ꞌu̱nj Jesús Si̱j Ti̱nanii man Yuvii̱ rihaan Sayuun me síí caꞌnéé so̱ꞌ ado̱nj.

Filipenses 3:8

Dan me se cheꞌé se me ndoꞌo raj xca̱j sa̱ꞌ ꞌu̱nj cuentá cheꞌé Cristó Jesús Si̱j ꞌNi̱j Raꞌa manj roꞌ, cheꞌé dan nu̱ꞌ se vaa quiꞌyáj ga̱a rque̱ roꞌ, da̱j se me raj neꞌenj siguiꞌ riꞌyuj roꞌ, da̱nj me raj neꞌenj man yoꞌ cuano̱, ne̱ cheꞌé se niꞌya u̱u̱n me yoꞌ rihanj cuano̱ roꞌ, cheꞌé dan caꞌve̱e ca̱nocóꞌ ꞌu̱nj man Cristó ado̱nj.

Colosenses 1:10

cheꞌé rej quiꞌya̱j soj nu̱ꞌ se vaa no̱ xcúún níꞌ si̱j noco̱ꞌ man Síí ꞌNi̱j Raꞌa man níꞌ quiꞌya̱j níꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man soj á. Ne̱ cunuda̱nj suun sa̱ꞌ quiꞌya̱j ndoꞌo soj, ga̱a ne̱ doj a̱ sa̱ꞌ xca̱j soj cuentá da̱j vaa maꞌa̱n Yaꞌanj a.

2 Pedro 1:3

Dan me se niꞌndaj ya̱ veꞌé vaa Yaꞌanj ne̱ niꞌndaj ya̱ sa̱ꞌ rá soꞌ, ne̱ cheꞌé dan canacúún ya̱ soꞌ man níꞌ canoco̱ꞌ níꞌ man soꞌ a. Ne̱ cheꞌé se neꞌen ya̱ níꞌ man soꞌ, ne̱ racuíj snucua̱j soꞌ man níꞌ ca̱yáán sa̱ꞌ níꞌ ga̱ soꞌ, ne̱ veꞌé canoco̱ꞌ níꞌ man soꞌ ado̱nj.

2 Pedro 2:20

ꞌO̱ se ga̱a rque̱ me se xcaj nij soꞌ cuentá cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, ne̱ nanii nij soꞌ rihaan cunuda̱nj chrej chiꞌi̱i̱ ma̱n rihaan chumii̱ nihánj, quiꞌyaj Jesucristó a. Ne̱ ya̱j nanica̱j nij soꞌ quiꞌyaj uún nij soꞌ se chiꞌi̱i̱, ne̱ nda̱a quiꞌyaj canaán chrej chiꞌi̱i̱ yoꞌ rihaan nij soꞌ a. Dan me se asino ya̱a̱n me se ma̱an taꞌngaꞌ nij vaa nij soꞌ, tza̱j ne̱ ya̱j me se chiꞌi̱i̱ doj vaa nij soꞌ ado̱nj.

2 Pedro 3:18

Cheꞌé dan ꞌo̱ gu̱un rá soj ni̱ꞌyaj soj se lu̱j quiꞌyaj Yaꞌanj ga̱ soj, ne̱ ꞌo̱ gu̱un rá soj xca̱j soj cuentá sa̱ꞌ doj cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun ado̱nj. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ cuano̱ do̱ꞌ, nu̱ꞌ cavii nu̱ꞌ caꞌanj do̱ꞌ á. Veé da̱nj ga̱a̱ ya̱ ado̱nj.