2 Juan 1:12 - Triqui de San Juan Copala

¹² Vaa ndoꞌo nana̱ me rá ꞌu̱nj cata̱j xnaꞌanj ꞌu̱nj rihaan soj, tza̱j ne̱ naꞌvej rá ꞌu̱nj cachro̱n ꞌu̱nj cunuda̱nj nij nana̱ rihaan yanj maꞌ. Tza̱j ne̱ me raj cuchi̱j rihaan soj, ga̱a ne̱ caꞌve̱e caꞌmi̱i̱ rihaan tuviꞌ ya̱ níꞌ, ga̱a ne̱ gu̱un niha̱ꞌ uxrá rá nimán níꞌ ga̱a nari̱ꞌ tuviꞌ níꞌ chugua̱nj.

2 Juan 1:12 Referans Kwoze

San Juan 16:12

’Dan me se vaa uxrá doj chrej me raj cata̱j xnaꞌanj ꞌu̱nj rihaan soj, tza̱j ne̱ se̱ guun nucua̱j soj cuno̱ soj chrej yoꞌ cuano̱ a̱ maꞌ.

San Juan 15:11

’Nu̱ꞌ nana̱ nihánj cataj xnaꞌanj ꞌu̱nj rihaan soj cheꞌé se me raj ga̱a̱ niha̱ꞌ uxrá rá nimanj ni̱ꞌyaj ꞌu̱nj man soj, ne̱ me raj ga̱a̱ niha̱ꞌ uxrá rá nimán maꞌa̱n soj uún a.

1 Juan 1:4

Ne̱ achrón núj nana̱ nihánj rihaan yanj naya̱a̱ soj, cheꞌé rej caꞌve̱e gu̱un niha̱ꞌ uxrá ya̱ rá nimán ta̱ranꞌ níꞌ ado̱nj.

Hebreos 13:19

Ne̱ cuano̱ nihánj me se uxrá doj cata̱j xnaꞌanj ꞌu̱nj rihaan soj se vaa cachi̱nj niꞌya̱j soj se vaa caꞌve̱j rá Yaꞌanj raꞌya̱nj cuchi̱ꞌ uún ꞌu̱nj rihaan soj á.

Romanos 15:24

ne̱ cheꞌé dan me que̱neꞌén ꞌu̱nj man soj ga̱a caꞌa̱nj ꞌu̱nj yoꞌóó noco̱o cuꞌna̱j España, raj a. Me rá ꞌu̱nj ca̱ránꞌ ꞌu̱nj chiháán soj do̱j güii, ne̱ gu̱un niha̱ꞌ raj ca̱yánj ga̱ soj, ne̱ nano̱ níꞌ cuentó, ga̱a ne̱ ra̱cuíj soj mán ꞌu̱nj caꞌa̱nj ꞌu̱nj nda̱a yoꞌóó noco̱o cuꞌna̱j España, raj a.

San Juan 17:13

’Nihánj me se quina̱nꞌ ꞌu̱nj rej ya̱nj so̱ꞌ, ne̱ aꞌmii ꞌu̱nj nu̱ꞌ nana̱ nihánj ga̱a va̱j ꞌu̱nj rihaan chumii̱ nihánj, cheꞌé se me raj ga̱a̱ niha̱ꞌ ya̱ rá nimán nij soꞌ nda̱a se vaa niha̱ꞌ ya̱ rá nimán ma̱ꞌanj ado̱nj.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

Hebreos 13:23

Xca̱j soj cuentá se vaa curiha̱nj tinúꞌ Timoteo tagaꞌ, ne̱ sese raꞌya̱nj caꞌna̱ꞌ soꞌ rihanj, ne̱ cuchi̱ꞌ rój rihaan soj raꞌya̱nj na̱nj á.

Filemón 1:22

Ne̱ me rá ꞌu̱nj naquiꞌya̱j chu̱vií so̱ꞌ veꞌ ca̱ránꞌ ꞌu̱nj do̱j ga̱ so̱ꞌ á. ꞌO̱ se guun ya̱ raj se vaa cheꞌé se achíín niꞌya̱j soj rihaan Yaꞌanj cheꞌej roꞌ, cheꞌé dan ra̱cuíj Yaꞌanj manj cuchi̱j rihaan soj, raj ado̱nj.

2 Timoteo 1:4

Ne̱ nanuj rá ꞌu̱nj se vaa taꞌveé so̱ꞌ ga̱a tanáj ꞌu̱nj mán so̱ꞌ, ne̱ cheꞌé dan me ndoꞌo rá ꞌu̱nj queneꞌe̱n uún ꞌu̱nj mán so̱ꞌ, ga̱a ne̱ cunu̱u cui̱j nimanj qui̱ꞌyáá so̱ꞌ, raj a.

San Juan 3:29

Ase vaa síí xcaj man chana̱ ne̱ naraꞌa̱a roꞌ, vaa soꞌ, ne̱ ase vaa tuviꞌ síí naraꞌa̱a roꞌ, da̱nj vaa ꞌu̱nj a. Ne̱ nicúnꞌ ꞌu̱nj unó ꞌu̱nj se vaa aꞌmii soꞌ, ne̱ uun niha̱ꞌ uxrá raj, ꞌyaj nana̱ aꞌmii síí naraꞌa̱a, ne̱ cheꞌé dan me uun niha̱ꞌ uxrá raj ado̱nj.

3 Juan 1:10

Cheꞌé dan, sese cuchi̱ꞌ uún ꞌu̱nj, ne̱ cata̱j xnaꞌanj ꞌu̱nj cheꞌé se nij ꞌyaj Diótrefes ga̱a aꞌmii soꞌ nana̱ nij cheꞌé núj ado̱nj. Ne̱ né ina̱nj nana̱ nij aꞌmii soꞌ maꞌ. Dan me se ga̱a uchiꞌ nij tinúú níꞌ, ne̱ ne aꞌmii soꞌ ga̱ nij tinúú níꞌ maꞌ. Da̱nj na̱nj uún, ne̱ me maꞌa̱n síí me rá veꞌé caꞌmi̱i̱ ga̱ tinúú níꞌ, ne̱ aráán soꞌ chrej rihaan nij yuvii̱ se̱ gaa na̱nj veꞌé caꞌmi̱i̱ nij yuvii̱ ga̱ tinúú níꞌ, ne̱ nda̱a rii soꞌ man nij yuvii̱ scaꞌnúj xꞌneꞌ nij síí noco̱ꞌ man Cristó chugua̱nj.