2 Corintios 4:13 - Triqui de San Juan Copala

¹³ No̱ nana̱ caꞌmii ꞌo̱ síí cayáán ga̱a naá rihaan Danj Yaꞌanj se vaa cataj soꞌ a: “Cuchumán raj niꞌya̱j ꞌu̱nj man Yaꞌanj, ne̱ cheꞌé dan caꞌmij cheꞌé soꞌ a”, taj ꞌo̱ síí cayáán ga̱a naá yoꞌ a. Ne̱ ase vaa cuchumán rá síí cayáán ga̱a naá yoꞌ roꞌ, da̱nj vaa amán rá núj, ne̱ cheꞌé dan aꞌmii núj cheꞌé Yaꞌanj,

2 Corintios 4:13 Referans Kwoze

2 Corintios 3:12

Cheꞌé se uun ya̱ rá núj se vaa ga̱a̱ iꞌna̱ꞌ núj nu̱ꞌ cavii nu̱ꞌ caꞌanj, cheꞌé dan niha̱ꞌ rá núj, ne̱ ne naꞌa̱j núj a̱ maꞌ.

1 Corintios 12:9

ne̱ ꞌó tinúú níꞌ me síí nucua̱j ndoꞌo rá man Yaꞌanj se vaa ra̱cuíj ndoꞌo Yaꞌanj man níꞌ, ꞌyaj uún maꞌa̱n Nimán Yaꞌanj, ne̱ uun nucua̱j ꞌó tinúú níꞌ tinahuun sa̱ꞌ soꞌ man síí ranꞌ, ꞌyaj uún maꞌa̱n Nimán Yaꞌanj, tza̱j ne̱ veé o̱rúnꞌ Nimán Yaꞌanj ꞌyaj na̱nj ado̱nj.

Romanos 1:12

Dan me se nucua̱j ndoꞌo rá cunuda̱nj níꞌ man tuviꞌ níꞌ, ne̱ cheꞌé dan me asa̱ꞌ nariꞌ tuviꞌ níꞌ, ne̱ narque̱ níꞌ chrej nucua̱j man tuviꞌ níꞌ á.

2 Pedro 1:1

ꞌU̱nj roꞌ, me síí cuꞌna̱j Simón Pedró, síí nu̱u̱ rihaan Jesucristó, ne̱ síí cuneꞌ soꞌ caꞌa̱nj nata̱ꞌ snana̱ soꞌ rihaan yuvii̱ mej, ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j noco̱ꞌ man Cristó, ne̱ dan me se cuya̱a̱n vaa yuꞌvee nó soj ga̱ núj rihaan Yaꞌanj ado̱nj. Dan me se síí nica̱ nimán me Jesucristó, ne̱ amán rá soj ga̱ núj niꞌya̱j soj man Yaꞌanj, ꞌyaj Jesucristó, ne̱ soꞌ roꞌ, me Taꞌanj níꞌ, ne̱ soꞌ me Síí Tinanii man níꞌ rihaan Sayuun ado̱nj.

Hechos 15:11

Tza̱j ne̱ amán rá níꞌ se vaa cheꞌé ina̱nj se lu̱j quiꞌyaj Jesús Si̱j ꞌNi̱j Raꞌa man níꞌ roꞌ, cheꞌé dan nanii níꞌ rihaan sayuun ne̱ avii sa̱ꞌ níꞌ na̱nj ado̱nj. Ne̱ ase vaa níꞌ roꞌ, da̱nj vaa nij tinúú níꞌ síí yaníj uún ado̱nj ―taj Pedró rihaan cunuda̱nj nij soꞌ a.

2 Corintios 4:12

Dan me se núj me se si̱j da̱j doj cavi̱ꞌ me núj, tza̱j ne̱ soj roꞌ, tana̱nj a̱ ꞌo̱ ga̱a̱ iꞌna̱ꞌ nimán nij soj á.