2 Corintios 3:4 - Triqui de San Juan Copala

⁴ ꞌO̱ nucua̱j rá núj man Yaꞌanj cheꞌé Cristó se vaa ya̱ racuíj Yaꞌanj man núj ado̱nj.

2 Corintios 3:4 Referans Kwoze

Efesios 3:12

Ne̱ cheꞌé se amán rá níꞌ niꞌya̱j níꞌ Cristó roꞌ, cheꞌé dan caꞌve̱e cachi̱nj niꞌya̱j maꞌa̱n níꞌ rihaan Yaꞌanj, ne̱ taj cheꞌé cuchuꞌvi̱ꞌ níꞌ caꞌmi̱i̱ níꞌ ga̱ Yaꞌanj maꞌ.

Filipenses 1:6

Guun ya̱ raj se vaa ya̱ uxrá guun cheꞌe̱ ya̱ Yaꞌanj quiꞌyaj suun maꞌa̱n Yaꞌanj nimán soj, ne̱ ꞌo̱ da̱nj quiꞌya̱j Yaꞌanj nimán soj nda̱a quisi̱j güii caꞌna̱ꞌ uún Cristó Jesús rihaan chumii̱ nihánj ado̱nj.

1 Tesalonicenses 1:8

Dan me se a̱j cuno ndoꞌo yuvii̱ snana̱ Síí ꞌNi̱j Raꞌa man níꞌ, quiꞌyaj soj, ne̱ dan me se né ina̱nj nij yuvii̱ ma̱n estadó Macedonia ga̱ estadó Acaya cuno nana̱ se vaa amán rá soj niꞌya̱j soj man Yaꞌanj maꞌ. ꞌO̱ se yuvii̱ ma̱n nu̱ꞌ canó ya̱ rej cuno nana̱ yoꞌ na̱nj ado̱nj. Cheꞌé dan me taj cheꞌé cata̱j xnaꞌanj núj rihaan nij yuvii̱ cheꞌé se vaa quiꞌyaj soj maꞌ.

2 Corintios 2:14

Tza̱j ne̱ taj níꞌ guun niꞌya̱j níꞌ rihaan Yaꞌanj, cheꞌé se Yaꞌanj me síí ꞌyaj se vaa ꞌyaj canaán uxrá núj rihaan Síí Chre̱e cheꞌé Cristó a. Ne̱ Yaꞌanj me síí ꞌyaj uno yuvii̱ ma̱n cunuda̱nj nij chumanꞌ nana̱ sa̱ꞌ aꞌmii núj cheꞌé Cristó, ne̱ ꞌo̱ chaꞌnuu̱ nana̱ sa̱ꞌ yoꞌ rihaan nu̱ꞌ cachra̱ꞌ chumii̱, nda̱ꞌ rá se vaa avii se gunꞌ da̱j man yâj ga̱a naxraꞌ yoꞌ roꞌ, da̱nj vaa chaꞌnuu̱ snana̱ Yaꞌanj chugua̱nj.