2 Corintios 3:13 - Triqui de San Juan Copala

¹³ Ne ꞌyaj núj nda̱a vaa quiꞌyaj Moisés ga̱a naá maꞌ. Dan me se caráán soꞌ yatzéj rihaan soꞌ, se̱ gaa na̱nj ni̱ꞌyaj nij yuvii̱ israelitá rihaan soꞌ da̱j gu̱un canicunꞌ se chuguu̱n rihaan soꞌ a.

2 Corintios 3:13 Referans Kwoze

2 Corintios 3:7

Nana̱ cataj xnaꞌanj Yaꞌanj rihaan Moisés ga̱a naá roꞌ, cachrón Yaꞌanj nana̱ yoꞌ rihaan yahij caxra̱ꞌ, ne̱ cataj soꞌ se vaa síí se̱ cuno nu̱ꞌ nana̱ yoꞌ roꞌ, yu̱u̱n cheꞌe̱ cavi̱ꞌ soꞌ, taj soꞌ a. Dan me se ga̱a tacuachén Moisés tucuáán yoꞌ rihaan nij yuvii̱, ne̱ cuchuguu̱n uxrá rihaan soꞌ, ne̱ ne gu̱un nucua̱j nij yuvii̱ israelitá ni̱ꞌyaj nij soꞌ rihaan Moisés maꞌ. Tza̱j ne̱ do̱ꞌ do̱ꞌ navij se chuguu̱n yoꞌ rihaan Moisés a.

Colosenses 2:17

Tucuáán tucuꞌyón nij yuvii̱ rihaan soj me tucuáán canocoꞌ nij yuvii̱ israelitá ga̱a naá a. Ne̱ a̱j tihaa̱n tucuáán yoꞌ do̱j tzínꞌ cheꞌé da̱j ga̱a̱ gu̱un vaa güii, tza̱j ne̱ ya̱j roꞌ, cheꞌé Cristó me se xcaj níꞌ cuentá sa̱ꞌ doj, se vaa maꞌa̱n soꞌ canoco̱ꞌ níꞌ a.

Romanos 10:4

Ga̱a naá, ne̱ canocoꞌ yuvii̱ stucua̱nj Moisés, ne̱ veé dan me se cunu̱u sa̱ꞌ nij soꞌ rihaan Yaꞌanj, rá nij soꞌ, tza̱j ne̱ ya̱j nihánj me se a̱j quisíj stucua̱nj Moisés, quiꞌyaj Cristó, ne̱ ꞌo̱ se ꞌo̱ cuchuma̱n rá níꞌ ni̱ꞌyaj níꞌ man Cristó, ga̱a ne̱ cunu̱u sa̱ꞌ níꞌ rihaan Yaꞌanj na̱nj ado̱nj.

San Marcos 8:25

Ga̱a ne̱ cutaꞌ raꞌa uún Jesús rihaan síí tuchri̱i yoꞌ, ga̱a ne̱ niꞌya̱j niꞌya̱j síí tuchri̱i, ne̱ dan me se nahuun sa̱ꞌ nu̱ꞌ rlij rihaan soꞌ, ne̱ curuviꞌ sa̱ꞌ cunuda̱nj rasu̱u̱n niꞌya̱j soꞌ na̱nj ado̱nj.