2 Corintios 11:7 - Triqui de San Juan Copala

⁷ Neꞌen soj se vaa ne caꞌne̱e̱ ꞌu̱nj saꞌanj man soj ga̱a caꞌmii natáj ꞌu̱nj snana̱ Yaꞌanj nana̱ sa̱ꞌ cheꞌé Cristó rihaan soj maꞌ. Ne̱ dan me se nuu ni̱qué ꞌu̱nj doj, tza̱j ne̱ cavii sa̱ꞌ soj doj ado̱nj. Cheꞌé dan nij quiꞌyáá ꞌu̱nj, rá soj naꞌ.

2 Corintios 11:7 Referans Kwoze

2 Corintios 12:13

Ga̱a caꞌanj ꞌu̱nj ꞌó nij chumanꞌ nata̱ꞌ ꞌu̱nj snana̱ Yaꞌanj, ne̱ racuíj nij xꞌneꞌ nij síí noco̱ꞌ man Cristó mán ꞌu̱nj ga̱ rasu̱u̱n cachiin rihaan ꞌu̱nj a. O̱rúnꞌ rihaan soj ne cachi̱nj ꞌu̱nj ra̱cuíj mán ꞌu̱nj maꞌ. Tza̱j ne̱ sese nij quiꞌyáj ne cachi̱nj ꞌu̱nj rasu̱u̱n rihaan soj, rá soj, ne̱ cara̱a̱ xꞌnaa soj á.

1 Tesalonicenses 2:9

Dan me se neꞌen soj se vaa nuvi̱i niga̱nꞌ ꞌyaj suun núj, ga̱a ne̱ riꞌ núj saꞌanj, ne̱ ránj maꞌa̱n núj rasu̱u̱n achiin rihaan núj, cheꞌé se ne caꞌve̱j rá núj rquee̱ núj rque̱ soj rasu̱u̱n man núj, maan tinu̱j, maan nocoj. Da̱nj ina̱nj quiꞌyaj núj ga̱a caꞌmii natáj núj snana̱ Yaꞌanj nana̱ sa̱ꞌ rihaan soj ado̱nj.

2 Corintios 10:1

Xa̱ꞌ ꞌu̱nj si̱j cuꞌna̱j Pabló, tza̱j ne̱ me rá ꞌu̱nj ga̱a̱ ꞌu̱nj nda̱a rá se vaa maꞌa̱n Cristó ado̱nj. Dan me se naꞌvej rá ꞌu̱nj caxri̱i̱ yuva̱a̱ ꞌu̱nj man soj maꞌ. Ma̱an se veꞌé ina̱nj caꞌmi̱j ga̱ soj, raj a. Neꞌen soj se vaa vaa yuvii̱ ꞌni̱j scaꞌnúj soj taj se vaa veꞌé uxrá aꞌmii ꞌu̱nj rihaan soj ga̱a nicúnꞌ ꞌu̱nj rihaan soj, tza̱j ne̱ axríj yuva̱a̱ ꞌu̱nj man soj ga̱a nicunꞌ yaníj ꞌu̱nj a. Da̱nj tuꞌva nij yuvii̱ yoꞌ, tza̱j ne̱ cuano̱ nihánj me rqueé ꞌu̱nj man soj

1 Corintios 9:6

Me cheꞌé o̱rúnꞌ vi̱j ranꞌ gue̱e̱ rój ga̱ síí cuꞌna̱j Bernabé me síí ꞌyaj suun cheꞌé rej quiri̱ꞌ rój saꞌanj cha̱ rój ga̱.

2 Tesalonicenses 3:8

Ne̱ ne cha̱ u̱u̱n núj rihaan soj maꞌ. ꞌO̱ se nu̱ꞌ se chá núj naruꞌvee núj saꞌanj rihaan soj ado̱nj. Tza̱j ne̱ ꞌo̱ se nuvi̱i niga̱nꞌ quiꞌyaj suun uxrá núj quiri̱ꞌ núj cha̱ núj, ne̱ ne quiꞌya̱j suun soj cheꞌé núj, quiꞌyaj núj maꞌ.

Hechos 20:34

Ne̱ a̱j neꞌen maꞌa̱n soj se vaa ma̱ꞌanj raꞌaj nihánj quiꞌyaj suun cheꞌé rej caꞌvee quiri̱ꞌ ꞌu̱nj nij rasu̱u̱n achiin manj do̱ꞌ, achiin man nij síí chéé ga̱j do̱ꞌ a.

1 Corintios 9:12

Sese no̱ xcúún ꞌó yuvii̱ cha̱ nij soꞌ se vaa rqué soj rihaan nij soꞌ, ne̱ táá a̱ núj, ne̱ doj a̱ no̱ xcúún núj cha̱ núj se vaa rqué soj rihaan núj, raj a. Tza̱j ne̱ ne achíín núj se chá rihaan soj maꞌ. ꞌO̱ se chuꞌviꞌ núj se vaa gu̱un rá yuvii̱ se vaa aꞌmii natáj núj nana̱ sa̱ꞌ cheꞌé Cristó cheꞌé saꞌanj do̱ꞌ, cheꞌé se chá do̱ꞌ, ne̱ se̱ cuchumán rá nij yuvii̱ cuno̱ nij yuvii̱ nana̱ sa̱ꞌ yoꞌ, rá núj maꞌ. ꞌO̱ se aꞌvej rá núj quira̱nꞌ núj me maꞌa̱n sayuun cheꞌé nana̱ sa̱ꞌ yoꞌ na̱nj ado̱nj.

Hechos 20:33

’Dan me se né si̱j uun ne̱ rá niꞌya̱j se‑aga̱ꞌ yuvii̱ agaꞌ platá catzi̱i̱ do̱ꞌ, se‑aga̱ꞌ yuvii̱ agaꞌ oró míí do̱ꞌ, saga̱nꞌ yuvii̱ yatzíj sa̱ꞌ do̱ꞌ, mé ꞌu̱nj maꞌ.

Romanos 1:1

ꞌU̱nj me síí cuꞌna̱j Pabló nu̱u̱ rihaan Cristó Jesús a. Dan me se canacúún soꞌ mán ꞌu̱nj guún ꞌu̱nj síí caꞌa̱nj nata̱ꞌ snana̱ soꞌ, ne̱ cuneꞌ soꞌ mán ꞌu̱nj ꞌo̱ nata̱ꞌ ꞌu̱nj snana̱ Yaꞌanj nana̱ sa̱ꞌ rihaan yuvii̱ a.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,

2 Corintios 10:16

Ga̱a ne̱ nda̱a gu̱un nucua̱j núj cata̱j xnaꞌanj núj nana̱ sa̱ꞌ cheꞌé Cristó rihaan nij yuvii̱ ma̱n ꞌó chumanꞌ ga̱nꞌ doj uún a. Tza̱j ne̱ taj cheꞌé caꞌa̱nj núj rej a̱j ꞌyaj ꞌó yuvii̱ se‑su̱u̱n Yaꞌanj ne̱ cata̱j núj se vaa maꞌa̱n núj me síí quiꞌyaj se vaa quiꞌyaj ꞌó soꞌ a̱ maꞌ.