1 Timoteo 6:6 - Triqui de San Juan Copala

⁶ Dan me se ya̱ uxrá da̱nj vaa, ne̱ si̱j quiri̱ꞌ uxrá ya̱ se sa̱ꞌ me níꞌ, tza̱j ne̱ ꞌo̱ ga̱a̱ xe̱j nimán níꞌ canoco̱ꞌ níꞌ Yaꞌanj, ga̱a ne̱ caꞌve̱e gu̱un níꞌ síí cavi̱i̱ sa̱ꞌ uxrá ado̱nj.

1 Timoteo 6:6 Referans Kwoze

Hebreos 13:5

Se̱ guun soj síí ꞌe̱e̱ rá niꞌya̱j saꞌanj maꞌ. Ma̱an se ga̱a̱ xe̱j nimán soj cheꞌé rasu̱u̱n a̱j vaa rihaan soj na̱nj á. ꞌO̱ se maꞌa̱n Yaꞌanj cataj xnaꞌanj rihaan níꞌ a: “Daj chiha̱a̱ míj se̱ tanáj ꞌu̱nj man soj maꞌ”, taj Yaꞌanj rihaan níꞌ a.

1 Timoteo 6:8

Cheꞌé dan me sese vaa se chá níꞌ do̱ꞌ, sese vaa yatzíj ta̱j xráá níꞌ do̱ꞌ, ne̱ taj cheꞌé gu̱un rá níꞌ ga̱a̱ doj rasu̱u̱n rihaan níꞌ maꞌ.

1 Timoteo 4:8

Nda̱ꞌ se vaa yuꞌvee nó suun ꞌyaj suun nee̱ man níꞌ, tza̱j ne̱ vaa doj yuꞌvee nó nimán níꞌ, canoco̱ꞌ nimán níꞌ man Yaꞌanj na̱nj á. Cheꞌé suun ꞌyaj nimán níꞌ me se cavi̱i̱ sa̱ꞌ níꞌ ga̱a yáán níꞌ rihaan chumii̱ nihánj, ne̱ neꞌen níꞌ se vaa cavi̱i̱ sa̱ꞌ níꞌ ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Filipenses 1:21

Vaa iꞌna̱ꞌ ꞌu̱nj cheꞌé Cristó, ne̱ sese cavi̱ꞌ ꞌu̱nj cheꞌé Cristó, ne̱ cavi̱i̱ sa̱ꞌ ꞌu̱nj doj, quiꞌya̱j soꞌ ado̱nj.

Romanos 8:28

Dan me se neꞌen níꞌ se vaa racuíj ndoꞌo Yaꞌanj man níꞌ si̱j aráj cochro̱j rihaan soꞌ na̱nj á. ꞌO̱ se canacúún Yaꞌanj man níꞌ ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ cheꞌé dan me nu̱ꞌ se ranꞌ níꞌ rihaan chumii̱ nihánj roꞌ, ꞌyaj yoꞌ se vaa sa̱ꞌ doj cavi̱i̱ níꞌ nu̱ꞌ cavii nu̱ꞌ caꞌanj ado̱nj.

San Lucas 3:14

Ga̱a ne̱ xnáꞌanj do̱j tanuu man Juan a: ―Da̱j quiꞌya̱j núj, rá so̱ꞌ ga̱ ―taj nij soꞌ rihaan Juan a. Ne̱ cataj Juan rihaan nij soꞌ a: ―Se̱ rquee̱ soj man yuvii̱ rque̱ yuvii̱ saꞌanj rihaan soj a̱ maꞌ. Se̱ caꞌmii ne̱ soj cheꞌé yuvii̱ ne̱ caꞌne̱e̱ soj saꞌanj man nij yuvii̱ a̱ maꞌ. Veé do̱j saꞌanj vaa tuꞌvee soj roꞌ, gu̱un niha̱ꞌ rá soj ni̱caj soj na̱nj á ―da̱nj cataj Juan rihaan nij tanuu a.

2 Corintios 4:17

Cuano̱ ya̱j me se vaa do̱j sayuun ranꞌ núj, tza̱j ne̱ raꞌya̱nj cache̱n nu̱ꞌ sayuun yoꞌ, ne̱ cheꞌé sayuun roꞌ, cavi̱i̱ sa̱ꞌ uxrá núj nu̱ꞌ cavii nu̱ꞌ caꞌanj na̱nj á.

San Lucas 12:15

Ga̱a ne̱ cataj Jesús rihaan nij yuvii̱ a: ―Tu̱mé uxrá soj man soj rihaan nij rasu̱u̱n xco̱j ruva̱a̱ rá a. Né ra̱su̱u̱n ma̱n rihaan níꞌ quiꞌya̱j cavi̱i̱ sa̱ꞌ nimán níꞌ maꞌ ―taj Jesús rihaan nij yuvii̱ a.