1 Timoteo 6:12 - Triqui de San Juan Copala

¹² Quiꞌya̱j uxrá so̱ꞌ suun sca̱ꞌ sa̱ꞌ caꞌneꞌ Yaꞌanj rihaan níꞌ si̱j noco̱ꞌ man soꞌ, ga̱a ne̱ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj a. Cheꞌé dan cuneꞌ Yaꞌanj mán so̱ꞌ qui̱ꞌyáá so̱ꞌ se‑su̱u̱n soꞌ, ne̱ cataj yá so̱ꞌ cuno queꞌe̱e̱ tinúú níꞌ se vaa ya̱ qui̱ꞌyáá so̱ꞌ se‑su̱u̱n Yaꞌanj ca̱nocóꞌ so̱ꞌ man soꞌ á.

1 Timoteo 6:12 Referans Kwoze

1 Pedro 5:10

Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.

1 Timoteo 1:18

Timoteo, ase vaa taꞌníí ya̱ ma̱ꞌanj vaa yá so̱ꞌ ado̱nj. Dan me se aꞌneꞌ yá ꞌu̱nj suun rihaan so̱ꞌ ꞌo̱ caꞌmi̱i̱ cunu̱ꞌ sa̱ꞌ yá so̱ꞌ cheꞌé tucuáán sa̱ꞌ ya̱ nihánj á. ꞌO̱ ga̱a̱ nica̱ nimán so̱ꞌ, ne̱ ꞌo̱ ga̱a̱ nucua̱j rá so̱ꞌ cuchuma̱n rá so̱ꞌ, ga̱a ne̱ quisi̱j ya̱ nda̱a vaa ya̱ nataꞌ nij síí caꞌmii Yaꞌanj rihaan cheꞌé so̱ꞌ na̱nj á. Dan me se vaa taꞌa̱j nij síí quiriꞌ rá, ne̱ ne cuchuma̱n ya̱ rá nij soꞌ maꞌ.

2 Timoteo 4:7

ꞌU̱nj me se quisíj quiꞌyaj uxrá yá ꞌu̱nj suun caꞌneꞌ Yaꞌanj rihanj, ne̱ ꞌo̱ canocóꞌ ꞌu̱nj stucua̱nj Cristó a.

Apocalipsis 3:3

’Cheꞌé dan nanu̱j rá soj nana̱ sa̱ꞌ tucuꞌyón nii man soj do̱ꞌ, nana̱ sa̱ꞌ cuno soj do̱ꞌ, ne̱ ꞌo̱ quiꞌya̱j soj nda̱a vaa taj nana̱ sa̱ꞌ yoꞌ, ne̱ ca̱nica̱j nimán soj canoco̱ꞌ soj chrej sa̱ꞌ á. Sese se̱ tumé soj man soj, ne̱ ase vaa ꞌnaꞌ síí itu̱u̱ roꞌ, da̱nj ga̱a̱ cuchi̱j rihaan nij soj, ne̱ se̱ queneꞌen uxrá soj me orá me cuchi̱j rihaan soj maan ado̱nj.

1 Timoteo 6:13

Neꞌén so̱ꞌ se vaa Yaꞌanj me síí quiꞌyaj vaa iꞌna̱ꞌ cunuda̱nj rasu̱u̱n, ne̱ neꞌén so̱ꞌ da̱j quiꞌyaj Cristó Jesús ga̱a canicunꞌ soꞌ rihaan síí nica̱j suun Poncio Pilató, se vaa nataꞌ ya̱ soꞌ cheꞌé suun cata̱ soꞌ a. Ne̱ cuno̱ Yaꞌanj cuno̱ Cristó cuno̱ chrej narqué ꞌu̱nj nihánj mán so̱ꞌ á.

1 Juan 2:25

Ne̱ nihánj me nana̱ cataꞌ tuꞌva maꞌa̱n Cristó rihaan níꞌ, se vaa caꞌve̱e ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ya̱ ado̱nj.

Hebreos 6:18

Dan me se asino cataꞌ tuꞌva Yaꞌanj, ga̱a ne̱ cutaꞌ Yaꞌanj raa̱ maꞌa̱n soꞌ a. Dan me se quisíj vi̱j nana̱ caꞌmii soꞌ, ne̱ daj chiha̱a̱ míj se̱ natuná Yaꞌanj snana̱ soꞌ maꞌ. ꞌO̱ se ne uun nucua̱j Yaꞌanj aꞌmii Yaꞌanj nana̱ ne̱ maꞌ. Cheꞌé dan me ndoꞌo rá níꞌ ra̱cuíj Yaꞌanj man níꞌ, ne̱ cheꞌé dan vaa cheꞌé ndoꞌo cuchuma̱n rá níꞌ, ne̱ gu̱un ya̱ rá níꞌ se vaa ya̱ cavi̱i̱ sa̱ꞌ níꞌ, nda̱a vaa cataꞌ tuꞌva Yaꞌanj rihaan níꞌ na̱nj ado̱nj.

2 Timoteo 1:9

Ne̱ Yaꞌanj me síí tinanii man níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ne̱ canacúún soꞌ man níꞌ cunu̱u sa̱ꞌ nimán níꞌ ne̱ canoco̱ꞌ xraan níꞌ man soꞌ a. Né cheꞌe̱ suun quiꞌyaj maꞌa̱n níꞌ me quiꞌyaj Yaꞌanj da̱nj maꞌ. Tana̱nj da̱nj guun rá maꞌa̱n soꞌ quiꞌya̱j soꞌ, ne̱ guun rá soꞌ quiꞌya̱j u̱u̱n soꞌ se lu̱j cheꞌé níꞌ ado̱nj. Asi̱j ataa quiꞌya̱j soꞌ chumii̱, ne̱ quiꞌyaj soꞌ se lu̱j cheꞌé níꞌ cheꞌé se vaa quiꞌyaj Cristó Jesús cheꞌé níꞌ a.

Colosenses 3:15

Ne̱ ga̱a̱ dínj nimán soj quiꞌya̱j Cristó a. Cheꞌé se me rá maꞌa̱n Yaꞌanj ga̱a̱ dínj nimán soj, cheꞌé dan narii Yaꞌanj man soj, ne̱ naquiꞌyaj rcuaꞌa̱a̱n soꞌ man nu̱ꞌ nij tinu̱j soj, ne̱ cheꞌé dan niga̱nj cata̱j soj guun niꞌya̱j níꞌ rihaan Yaꞌanj á.

1 Timoteo 6:19

Da̱nj quiꞌya̱j nij ruꞌvee cheꞌé rej cata̱j Yaꞌanj vaa güii se vaa ya̱ cuno ruꞌvee yoꞌ rihaan Yaꞌanj, ga̱a ne̱ ca̱yáán ruꞌvee yoꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ doj a̱ ya̱ ya̱ ga̱a̱ iꞌna̱ꞌ nij síí ca̱yáán ga̱ Yaꞌanj rihaan nij síí ma̱n rihaan chumii̱ nihánj cuano̱ ado̱nj.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

1 Tesalonicenses 2:12

se vaa quiꞌya̱j soj se vaa no̱ xcúún soj quiꞌya̱j soj cheꞌé se narii Yaꞌanj man soj ca̱yáán soj ga̱ Yaꞌanj güii niꞌndaj ya̱ veꞌé gu̱un chij Yaꞌanj a.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

2 Tesalonicenses 2:14

Dan me se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ canacúún Yaꞌanj man soj se vaa cavi̱i̱ sa̱ꞌ soj ga̱ soꞌ, ne̱ cheꞌé dan da̱j se niꞌndaj ya̱ veꞌé vaa Jesucristó Si̱j ꞌNi̱j Raꞌa man níꞌ roꞌ, da̱nj quisi̱j soj ga̱a̱ soj uún ado̱nj.

2 Corintios 9:13

Ne̱ queneꞌe̱n nij yuvii̱ se vaa ya̱ uno soj nana̱ sa̱ꞌ cheꞌé Cristó nana̱ sa̱ꞌ noco̱ꞌ níꞌ, ne̱ queneꞌe̱n nij yuvii̱ se vaa niha̱ꞌ rá soj rque̱ soj siꞌyaj soj man nij síí noco̱ꞌ man Cristó ya̱nj chumanꞌ Jerusalén do̱ꞌ, man ta̱ranꞌ nij tinúú níꞌ do̱ꞌ, ne̱ cheꞌé dan gu̱un ya̱ rá nij soꞌ se vaa ya̱ ya̱ si̱j noco̱ꞌ man Yaꞌanj me soj, ne̱ veꞌé uxrá caꞌmi̱i̱ nij soꞌ cheꞌé Yaꞌanj a.

Hebreos 13:23

Xca̱j soj cuentá se vaa curiha̱nj tinúꞌ Timoteo tagaꞌ, ne̱ sese raꞌya̱nj caꞌna̱ꞌ soꞌ rihanj, ne̱ cuchi̱ꞌ rój rihaan soj raꞌya̱nj na̱nj á.

2 Corintios 6:7

Nana̱ ya̱ aꞌmii núj, ne̱ rqué Yaꞌanj se nucua̱j man núj, ne̱ cunuu sa̱ꞌ nimán núj rihaan Yaꞌanj, ne̱ cheꞌé dan aꞌvee unuꞌ núj ga̱ Síí Chre̱e, ne̱ tumé núj man núj se vaa se̱ quiꞌyaj canaán Síí Chre̱e man núj a.

Filipenses 1:30

Dan me se cuya̱a̱n vaa sayuun ranꞌ soj ga̱ sayuun ránꞌ ꞌu̱nj na̱nj á. Tza̱j ne̱ a̱j neꞌen soj da̱j vaa canó tuvíꞌ ꞌu̱nj ga̱ sayuun yoꞌ ado̱nj. Ne̱ cuano̱ nihánj me se a̱j cuchiꞌ uún nana̱ nihánj rihaan soj se vaa anó tuviꞌ uún ꞌu̱nj ga̱ sayuun na̱nj ado̱nj.

1 Timoteo 4:14

Se̱ niꞌyón so̱ꞌ suun sa̱ꞌ caꞌneꞌ Yaꞌanj rihaan so̱ꞌ güii cutaꞌ nij síí tumé sa̱ꞌ rihaan Yaꞌanj man nij yuvii̱ noco̱ꞌ man Cristó raꞌa nij soꞌ raá so̱ꞌ, ne̱ tihaa̱n naca̱ Yaꞌanj ꞌo̱ nana̱ cheꞌé se‑su̱u̱n so̱ꞌ maꞌ.

2 Timoteo 2:2

Dan me se ma̱n ndoꞌo síí cuno tucuáán cataj xnaꞌanj ꞌu̱nj rihaan so̱ꞌ, ne̱ me rá ꞌu̱nj naꞌnga̱a̱ suun so̱ꞌ man snóꞌo caꞌve̱e ga̱a̱ nucua̱j rá níꞌ ga̱a̱ cui̱j raa̱ tu̱cuꞌyón tucuáán yoꞌ man ꞌó yuvii̱ a.

Judas 1:3

Tinu̱j, nocoj, guun ndoꞌo raj cachro̱nj nana̱ rihaan yanj caꞌne̱j ꞌu̱nj rihaan soj cheꞌé da̱j vaa nanii ta̱ranꞌ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ꞌyaj Yaꞌanj ado̱nj. Tza̱j ne̱ ya̱j me se no̱ xcúnj cachro̱nj ꞌó nana̱ rihaan yanj, ne̱ cata̱j xnaꞌanj ꞌu̱nj rihaan soj se vaa te̱rquee̱ ndoꞌo soj canoco̱ꞌ xraan soj stucua̱nj Yaꞌanj tucuáán tacuachén nij síí caꞌmii natáj nana̱ sa̱ꞌ cheꞌé Cristó rihaan soj si̱j noco̱ꞌ man Yaꞌanj a.