1 Timoteo 2:10 - Triqui de San Juan Copala

¹⁰ Tana̱nj quiꞌya̱j noꞌ suun sa̱ꞌ ra̱cuíj noꞌ man yuvii̱, ne̱ ase vaa yatzíj veꞌé vaa roꞌ, da̱nj ga̱a̱ suun sa̱ꞌ yoꞌ a. Da̱nj quiꞌya̱j chana̱, ne̱ queneꞌe̱n yuvii̱ se vaa ya̱ vaa nana̱ aꞌmii noꞌ se vaa níí noco̱ꞌ man Yaꞌanj me noꞌ ado̱nj.

1 Timoteo 2:10 Referans Kwoze

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

Apocalipsis 2:19

Neꞌén ꞌu̱nj da̱j ꞌyaj nij soj se vaa ꞌe̱e̱ rá soj tinúú soj ne̱ ꞌo̱ amán rá soj niꞌya̱j soj manj ne̱ racuíj soj man tinúú soj ne̱ ꞌo̱ nucua̱j vaa nimán soj rihaan sayuun a. Dan me se doj a̱ ꞌyaj soj suun sa̱ꞌ ya̱j ado̱nj. Ga̱a guun cheꞌe̱ soj canocoꞌ soj manj me se do̱j doj ꞌyaj soj suun sa̱ꞌ nda̱ꞌ rá se ꞌyaj soj ya̱j ado̱nj.

Hechos 9:36

Dan me se chumanꞌ Jope yáán ꞌo̱ chana̱ tucuꞌyón snana̱ Jesús, ne̱ Tabita cuꞌna̱j noꞌ xnaꞌánj hebreo, ne̱ Dorcas me se‑chuvi̱i noꞌ xnaꞌánj griego a. Ne̱ chana̱ quiꞌyaj ina̱nj se sa̱ꞌ me noꞌ, ne̱ rqué ndoꞌo noꞌ rasu̱u̱n man nij síí nique̱ a.

2 Pedro 3:11

Cheꞌé se caꞌa̱nj niꞌya̱ chumii̱, cheꞌé dan se̱ guun nano̱ rá soj cheꞌé rasu̱u̱n ma̱n rihaan chumii̱ nihánj maꞌ. Tana̱nj xca̱j soj cuentá cheꞌé da̱j quiꞌya̱j soj canoco̱ꞌ xraan soj man Yaꞌanj á.

Tito 3:8

Ya̱ uxrá vaa nu̱ꞌ nana̱ nihánj ado̱nj. Ne̱ me rá ꞌu̱nj sca̱ꞌ caꞌmi̱i̱ so̱ꞌ nu̱ꞌ nana̱ nihánj rihaan nij yuvii̱ amán rá niꞌya̱j man Yaꞌanj, cheꞌé rej xca̱j nij soꞌ cuentá se vaa no̱ xcúún nij soꞌ quiꞌya̱j nij soꞌ suun sa̱ꞌ ina̱nj á. Sese da̱nj quiꞌya̱j nij soꞌ, ne̱ si̱j vaa sa̱ꞌ me nij soꞌ, ne̱ cavi̱i̱ sa̱ꞌ doj yuvii̱, quiꞌya̱j nij soꞌ ado̱nj.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

Hechos 9:39

Ga̱a ne̱ naxuma̱a̱n Pedró, ne̱ caꞌanj soꞌ cuaj ga̱ ro̱j soꞌ a. Ne̱ ga̱a cuchiꞌ nij soꞌ chumanꞌ Jope, ne̱ caꞌanj nica̱j nij soꞌ man Pedró rá veꞌ nataꞌ na̱j chana̱ caviꞌ cuꞌna̱j Dorcas a. Ne̱ caꞌnaꞌ cunuda̱nj nij chana̱ caviꞌ nica̱ rihaan Pedró, ne̱ taꞌvee nij noꞌ, ne̱ tihaa̱n nij chana̱ rihaan Pedró cunuda̱nj nij yatzíj quiꞌyaj Dorcas ga̱a vaa iꞌna̱ꞌ noꞌ a.

1 Timoteo 2:9

Ne̱ xa̱ꞌ chana̱, tza̱j ne̱ cu̱nuû chana̱ yatzíj veꞌé aráán nee̱ man chana̱ á. Se̱ caráyaꞌa̱nj ndoꞌo chana̱ cheꞌé yuvé raa̱ noꞌ maꞌ. Se̱ rásuun noꞌ agaꞌ oró do̱ꞌ, chruj perlá do̱ꞌ, se cunuû noꞌ yatzíj tuꞌve̱e̱ ndoꞌo maꞌ.

1 Timoteo 2:11

Ga̱a tucuꞌyón nii snana̱ Yaꞌanj, ne̱ ga̱a̱ dínj tuꞌva nij chana̱ veꞌé cuno̱ nij noꞌ á.