1 Timoteo 1:9 - Triqui de San Juan Copala

⁹ Neꞌen níꞌ se vaa xa̱ꞌ yuvii̱ nica̱ nimán, tza̱j ne̱ taj tucuáán achiin man nij soꞌ canoco̱ꞌ nij soꞌ Yaꞌanj maꞌ. Tana̱nj cuchruj Yaꞌanj stucua̱nj Moisés cheꞌé yuvii̱ ne uno suun caꞌneꞌ Yaꞌanj do̱ꞌ, yuvii̱ tucuáá do̱ꞌ, yuvii̱ ne nocoꞌ man Yaꞌanj do̱ꞌ, yuvii̱ tumé ndoꞌo cacunꞌ do̱ꞌ, yuvii̱ ne vaa sa̱ꞌ nimán do̱ꞌ, yuvii̱ ne acaj cuentá cheꞌé Yaꞌanj do̱ꞌ, yuvii̱ ticaviꞌ rej do̱ꞌ, yuvii̱ ticaviꞌ nii do̱ꞌ, yuvii̱ ticaviꞌ me maꞌa̱n ꞌó yuvii̱ do̱ꞌ ado̱nj.

1 Timoteo 1:9 Referans Kwoze

Gálatas 3:19

Dan me se sese da̱nj vaa, ga̱a ne̱ me cheꞌé rqué Yaꞌanj stucua̱nj Moisés, rá soj ga̱. Rqué Yaꞌanj tucuáán yoꞌ rihaan Moisés cheꞌé cacunꞌ tumé yuvii̱, ne̱ me rá Yaꞌanj canoco̱ꞌ yuvii̱ tucuáán yoꞌ nda̱a se caꞌna̱ꞌ taꞌníí taꞌnij siꞌno̱ Abraham síí cuꞌna̱j Cristó rihaan chumii̱ nihánj a. Ga̱a ne̱ soꞌ roꞌ, me síí quiꞌya̱j ndoꞌo se lu̱j cheꞌé yuvii̱, nda̱a vaa cataj Yaꞌanj rihaan Abraham ga̱a naá a. Tza̱j ne̱ se‑mo̱zó Yaꞌanj me nij síí cataj xnaꞌanj tucuáán yoꞌ rihaan Moisés, ga̱a ne̱ cataj xnaꞌanj soꞌ tucuáán yoꞌ rihaan nij yuvii̱ a.

1 Pedro 4:18

ꞌO̱ se Danj Yaꞌanj taj a: Na̱nj síí noco̱ꞌ ndoꞌo man Yaꞌanj, tza̱j ne̱ sayu̱u̱n ndoꞌo nani̱i̱ nij soꞌ rihaan sayuun, ne̱ táá a̱ nij síí ne nocoꞌ man Yaꞌanj do̱ꞌ, táá a̱ nij síí chiꞌi̱i̱ do̱ꞌ, sayuun noco̱o quira̱nꞌ nij soꞌ ado̱nj. Da̱nj taj nana̱ no̱ rihaan Danj Yaꞌanj a.

Romanos 5:20

Dan me se cataj xnaꞌanj Yaꞌanj da̱j ga̱a̱ stucua̱nj Moisés rihaan Moisés ga̱a naá, tza̱j ne̱ queneꞌen Yaꞌanj se vaa síí se̱ cuno rihaan Yaꞌanj me yuvii̱ ne̱ tana̱nj a̱ doj a̱ quiꞌya̱j yuvii̱ cacunꞌ cheꞌé stucua̱nj Moisés a. Dan me se quisíj cataj xnaꞌanj Yaꞌanj da̱j ga̱a̱ stucua̱nj Moisés rihaan soꞌ, ga̱a ne̱ doj a̱ guun rá yuvii̱ quiꞌya̱j yuvii̱ se chiꞌi̱i̱ á. Tza̱j ne̱ ga̱a xnaꞌanj uxrá doj cacunꞌ tumé yuvii̱, ne̱ Yaꞌanj me síí quirii nimán doj a̱ quiꞌya̱j se lu̱j cheꞌé nij yuvii̱ rihaan cacunꞌ a.

Gálatas 5:23

síí niꞌya̱nj aꞌmii gu̱un níꞌ do̱ꞌ, síí nica̱j raa̱ gu̱un níꞌ do̱ꞌ, quiꞌya̱j Nimán Yaꞌanj á. Ina̱nj da̱nj ga̱a̱ níꞌ sese veꞌé cuno̱ níꞌ rihaan Nimán Yaꞌanj na̱nj ado̱nj. Ne̱ taj cacunꞌ quita̱j xráá níꞌ quiꞌya̱j nana̱ nihánj a̱ maꞌ.

Tito 3:3

Dan me se asi̱j rque̱, ne̱ síí niꞌyo̱n rmaꞌa̱n me maꞌa̱n níꞌ, ne̱ síí tucuáá me níꞌ, ne̱ canocoꞌ níꞌ tucuáán tihaꞌ yuꞌunj, ne̱ quiꞌyaj níꞌ náá guun se vaa guun rá nee̱ man níꞌ quiꞌya̱j yoꞌ a. Dan me se qui̱j me rá níꞌ niꞌya̱j níꞌ tuviꞌ níꞌ, ne̱ guun xco̱j ruva̱a̱ rá níꞌ niꞌya̱j níꞌ tuviꞌ níꞌ, ne̱ quitáá riꞌyunj tuviꞌ níꞌ niꞌya̱j nij soꞌ man níꞌ, ne̱ nachriꞌ níꞌ man tuviꞌ níꞌ a.

Romanos 6:14

Se̱ guun chij cacunꞌ rihaan soj ya̱j a̱ maꞌ. ꞌO̱ se neꞌen soj se vaa se̱ cutaꞌ Yaꞌanj cacunꞌ xráá soj sese se̱ canocoꞌ soj nu̱ꞌ stucua̱nj Moisés maꞌ. Tza̱j ne̱ me rá Yaꞌanj quiꞌya̱j Yaꞌanj se lu̱j cheꞌé soj, ne̱ navi̱j cacunꞌ tumé soj, ne̱ cavi̱i̱ sa̱ꞌ soj, quiꞌya̱j maꞌa̱n Yaꞌanj ado̱nj.

Romanos 1:30

nanó nij soꞌ cuentó ne̱ do̱ꞌ, nachriꞌ nij soꞌ man Yaꞌanj do̱ꞌ, aꞌmii nij nij soꞌ do̱ꞌ, xta̱ꞌ nimán nij soꞌ do̱ꞌ, aꞌmii xta̱ꞌ nij soꞌ do̱ꞌ a. Nanoꞌ nij soꞌ rej quiꞌya̱j nij soꞌ se chiꞌi̱i̱ a. Ne uno nij soꞌ rihaan rej nij soꞌ do̱ꞌ, rihaan nii nij soꞌ do̱ꞌ maꞌ.

Apocalipsis 22:15

Tza̱j ne̱ xeꞌ quina̱j nij síí ꞌyaj nda̱a vaa ꞌyaj chuvee do̱ꞌ, nij síí ꞌyaj chre̱e do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ticaviꞌ man tuviꞌ do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, nij síí niha̱ꞌ rá caꞌmi̱i̱ nana̱ ne̱ do̱ꞌ a.

Apocalipsis 21:8

Tza̱j ne̱ xa̱ꞌ nij síí cunánj rihaan sayuun do̱ꞌ, nij síí ne nocoꞌ xraan manj do̱ꞌ, nij síí ꞌyaj se chiꞌi̱i̱ do̱ꞌ, nij síí ticaviꞌ tuviꞌ do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ꞌyaj chre̱e do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, ta̱ranꞌ nij síí ne̱ do̱ꞌ, me se vaa laguaná caca̱a̱ nij soꞌ rihaan yaꞌan, ne̱ laguaná acaa ndoꞌo yoꞌóó azufré me yoꞌ ado̱nj. Yoꞌ me rej cavi̱ꞌ uún nij soꞌ nu̱ꞌ cavii nu̱ꞌ caꞌanj na̱nj chugua̱nj ―taj síí ta̱j rihaan chruun xlá sa̱ꞌ yoꞌ a.

Tito 1:16

Neꞌen nij soꞌ man Yaꞌanj, taj maꞌa̱n nij soꞌ, tza̱j ne̱ niꞌya̱j níꞌ se vaa ꞌyaj nij soꞌ, ne̱ xcaj níꞌ cuentá se vaa ne neꞌen uxrá nij soꞌ man Yaꞌanj a̱ maꞌ. Tana̱nj síí nachriꞌ yuvii̱ man do̱ꞌ, síí tucuáá do̱ꞌ, me nij soꞌ, ne̱ taj va̱j a̱ doj suun sa̱ꞌ caꞌve̱e quiꞌya̱j nij soꞌ a̱ maꞌ.

1 Pedro 3:20

Ne̱ nij soꞌ me se ne caꞌve̱j rá nij soꞌ cuno̱ nij soꞌ rihaan Yaꞌanj ga̱a naá ga̱a cayáán síí cuꞌna̱j Noé maꞌ. Dan me se Noé me se ꞌyaj soꞌ rihoo xi̱j chéé rihaan na ne̱ aꞌmii natáj soꞌ snana̱ Yaꞌanj se vaa cama̱nꞌ uxrá, tza̱j ne̱ ne cuchuma̱n rá nij yuvii̱ maꞌ. Tza̱j ne̱ naj uxrá nimán Yaꞌanj naꞌvi̱j ndoꞌo soꞌ nuchra̱nꞌ nimán nij soꞌ, tza̱j ne̱ ne nuchra̱nꞌ nimán nij soꞌ, ne̱ canó xráá nij soꞌ ga̱a caꞌnaꞌ na yaꞌa̱nj a. Ne̱ da̱j ꞌó tu̱nj gue̱e̱ yuvii̱ catúj rque rihoo, ne̱ nanii nij soꞌ rihaan na yaꞌa̱nj, quiꞌyaj na yoꞌ na̱nj ado̱nj.

Hebreos 11:31

Dan me se cheꞌé se amán rá chana̱ niha̱ꞌ rá ga̱ chii, chana̱ cuꞌna̱j Rahab niꞌya̱j noꞌ Yaꞌanj roꞌ, cheꞌé dan ne cavi̱ꞌ noꞌ ga̱ ꞌó nij síí ma̱n chiháán noꞌ síí ne caꞌve̱j rá cuno̱ rihaan Yaꞌanj maꞌ. Ma̱an se veꞌé nacaj noꞌ man ro̱j síí israelitá síí caꞌanj ni̱ꞌyaj yuve̱ da̱j vaa nu̱ꞌ chiháán noꞌ, ne̱ ne quiꞌya̱j noꞌ sayuun man ro̱j soꞌ a.

2 Tesalonicenses 2:8

Ga̱a ne̱ caꞌna̱ꞌ síí chiꞌi̱i̱ yoꞌ síí naꞌvej rá cuno̱ rihaan Yaꞌanj, ga̱a ne̱ queneꞌe̱n níꞌ da̱j gu̱un ado̱nj. Tza̱j ne̱ asa̱ꞌ caꞌnaꞌ Jesús Si̱j ꞌNi̱j Raꞌa man níꞌ, ne̱ niꞌndaj ya̱ veꞌé chugu̱u̱n soꞌ, ne̱ caꞌya̱nj u̱u̱n soꞌ man síí chiꞌi̱i̱ yoꞌ, ne̱ quiri̱ꞌ nu̱ꞌ síí chiꞌi̱i̱ yoꞌ ado̱nj.

Romanos 4:13

Dan me se neꞌen níꞌ se vaa cataꞌ tuꞌva Yaꞌanj rihaan síí cuꞌna̱j Abraham se vaa vaa güii, ne̱ ni̱caj yuꞌunj maꞌa̱n Abraham do̱ꞌ, ni̱caj yuꞌunj nij taꞌníí taꞌnij siꞌno̱ Abraham do̱ꞌ, man nu̱ꞌ chumii̱, ne̱ dan me se ya̱ ya̱ gu̱un yoꞌ toꞌóó nij soꞌ, cataj Yaꞌanj rihaan Abraham, ne̱ né cheꞌe̱ se canocoꞌ Abraham nu̱ꞌ stucua̱nj Moisés me caꞌmii Yaꞌanj da̱nj rihaan Abraham maꞌ. ꞌO̱ se a̱j cuchumán rá soꞌ cuno soꞌ nana̱ caꞌmii Yaꞌanj rihaan soꞌ, ne̱ cheꞌé dan cunuu sa̱ꞌ nimán soꞌ rihaan Yaꞌanj, ne̱ cheꞌé dan me cataj xnaꞌanj Yaꞌanj rihaan soꞌ se vaa ya̱ ya̱ ni̱caj yuꞌunj soꞌ man nu̱ꞌ chumii̱ ado̱nj.

San Mateo 10:21

’Dan me se caꞌa̱nj ni̱caj snóꞌo man tinúú snóꞌo rihaan yuvii̱, ne̱ ticavi̱ꞌ nii man tinúú snóꞌo yoꞌ, quiꞌya̱j maꞌa̱n soꞌ na̱nj ado̱nj. Ne̱ caꞌa̱nj ni̱caj snóꞌo man taꞌníí snóꞌo rihaan yuvii̱, ne̱ ticavi̱ꞌ nii man taꞌníí snóꞌo yoꞌ, quiꞌya̱j soꞌ na̱nj á. Ne̱ cunu̱ꞌ xnii ga̱ rej xnii, ne̱ caꞌa̱nj ni̱caj xnii man rej xnii rihaan yuvii̱, ne̱ ticavi̱ꞌ nii man rej xnii yoꞌ, quiꞌya̱j xnii ado̱nj.

1 Pedro 2:7

Vaa yuꞌvee ndoꞌo nó Cristó rihaan soj si̱j amán rá niꞌya̱j man soꞌ, tza̱j ne̱ xa̱ꞌ nij síí ne amán rá niꞌya̱j man Cristó me se quisi̱j ya̱ nda̱a vaa taj nana̱ nihánj nana̱ no̱ rihaan Danj Yaꞌanj ado̱nj: Yuvej quiriꞌíj nij síí cuneꞌ veꞌ roꞌ, guun yuvej vaa se uun doj rihaan ꞌó da̱nj yuvej na̱nj ado̱nj, taj Danj Yaꞌanj a.

Hebreos 12:16

Ne̱ se̱ gaa síí otoj ga̱ ꞌó yuvii̱ né ni̱ca̱ nij soꞌ me do̱ꞌ, síí taj se vaa taj se uun snana̱ Yaꞌanj do̱ꞌ maꞌ. ꞌO̱ se ase vaa síí cuꞌna̱j Esaú síí cayáán ga̱a naá vaa síí ꞌyaj da̱nj chugua̱nj. Dan me se síí chava̱ꞌ me síí cuꞌna̱j Esaú, tza̱j ne̱ nu̱ꞌ rasu̱u̱n sa̱ꞌ ta̱náj rej soꞌ rihaan soꞌ me se cutuꞌvéj soꞌ nu̱ꞌ rasu̱u̱n sa̱ꞌ yoꞌ rihaan tinúú soꞌ, cheꞌé se guun rá soꞌ rque̱ tinúú soꞌ do̱j se chá cha̱ soꞌ chugua̱nj.

Gálatas 5:21

uun xco̱j ruva̱a̱ rá nij soꞌ niꞌya̱j nij soꞌ tuviꞌ nij soꞌ do̱ꞌ, uun xno̱ nij soꞌ do̱ꞌ, ꞌyaj nij soꞌ chaꞌanj ne̱ uun xno̱ nij soꞌ ne̱ otoj nij soꞌ ga̱ náguun yuvii̱ do̱ꞌ, ne̱ dan me se queꞌe̱e̱ doj cacunꞌ ase vaa nij cacunꞌ nihánj ꞌyaj uún nij soꞌ ado̱nj. A̱j cataj xnaꞌanj ꞌu̱nj rihaan soj, ne̱ cuano̱ nihánj me se cata̱j xnaꞌanj uún ꞌu̱nj rihaan soj se vaa yuvii̱ ꞌyaj da̱nj roꞌ, daj chiha̱a̱ míj se̱ cayáán nij soꞌ ga̱ Yaꞌanj asa̱ꞌ guun chij Yaꞌanj a̱ maꞌ.

Gálatas 5:18

Tza̱j ne̱ sese noco̱ꞌ soj man Nimán Yaꞌanj, ne̱ taj cheꞌé canoco̱ꞌ soj stucua̱nj Moisés a̱ maꞌ.

1 Timoteo 4:7

Se̱ cunó so̱ꞌ cuentó nataꞌ yuvii̱ cuentó snúú rmaꞌa̱n ne aꞌmii ya̱ cheꞌé Yaꞌanj maꞌ. Tu̱cuꞌyón so̱ꞌ da̱j qui̱ꞌyáá so̱ꞌ, ne̱ veꞌé doj ca̱nocóꞌ so̱ꞌ stucua̱nj Yaꞌanj á.

1 Timoteo 6:20

ꞌO̱ tu̱mé so̱ꞌ se‑su̱u̱n Yaꞌanj suun caꞌneꞌ Yaꞌanj rihaan so̱ꞌ, tinu̱j. Se̱ cunó so̱ꞌ ꞌó nana̱ cu̱u tucuꞌyón nii, nana̱ aꞌmii yuvii̱ u̱u̱n maꞌ. ꞌO̱ se avii ndoꞌo raa̱ nij síí noco̱ꞌ ꞌó nana̱, rá nij soꞌ, tza̱j ne̱ ne neꞌen uxrá nij soꞌ a̱ maꞌ.

2 Timoteo 2:16

Se̱ nanó xre̱j so̱ꞌ nana̱ nij do̱ꞌ, nana̱ u̱u̱n do̱ꞌ, aꞌmii aꞌmii rmaꞌa̱n taꞌa̱j yuvii̱ maꞌ. ꞌO̱ se nana̱ vaa da̱nj roꞌ ꞌyaj se vaa uun yaníj doj yuvii̱ ga̱ Yaꞌanj a.

2 Timoteo 3:2

ꞌO̱ se ga̱a̱ ꞌe̱e̱ uxrá rá nij yuvii̱ man maꞌa̱n yuvii̱, ne̱ gu̱un ndoꞌo rá nij yuvii̱ quiꞌya̱j canaán nij soꞌ saꞌanj, ne̱ cata̱j uxrá nij soꞌ se vaa si̱j sa̱ꞌ ndoꞌo me maꞌa̱n nij soꞌ, ne̱ síí xta̱ꞌ nimán gu̱un nij soꞌ, ne̱ qui̱j ndoꞌo caꞌmi̱i̱ nij soꞌ cheꞌé Yaꞌanj uún a. Se̱ cuno nij soꞌ caꞌmi̱i̱ rej nij soꞌ do̱ꞌ, nii nij soꞌ do̱ꞌ, uún a̱ maꞌ. Se̱ cataj nij soꞌ guun niꞌya̱j níꞌ cheꞌé rasu̱u̱n, ne̱ se̱ guun rá nij soꞌ canoco̱ꞌ nij soꞌ man Yaꞌanj maꞌ.

Tito 1:6

Xa̱ꞌ nij síí tumé sa̱ꞌ man yuvii̱ rihaan Yaꞌanj, tza̱j ne̱ vaa cheꞌé cune̱ꞌ so̱ꞌ ina̱nj síí nuviꞌ cacunꞌ tumé do̱ꞌ, síí vaa o̱rúnꞌ chana̱ nica̱ do̱ꞌ á. Da̱nj na̱nj uún, ne̱ amán rá nij taꞌníí soꞌ niꞌya̱j nij soꞌ man Yaꞌanj, ne̱ taj cacunꞌ caꞌve̱e cuta̱ꞌ nii xráá nij soꞌ se vaa síí niha̱ꞌ rá quiꞌya̱j se nij do̱ꞌ, síí tucuáá do̱ꞌ, me nij soꞌ maꞌ.

Tito 1:10

Dan me se ma̱n ndoꞌo síí tucuáá do̱ꞌ, síí tuꞌva rmaꞌa̱n do̱ꞌ, síí tihaꞌ yuꞌunj do̱ꞌ, rej Creta a. Ne̱ síí chiꞌi̱i̱ doj rihaan ꞌó nij soꞌ me nij síí taj se vaa no̱ xcúún nij snóꞌo noco̱ꞌ man Cristó canoco̱ꞌ nij soꞌ nu̱ꞌ tucuáán noco̱ꞌ nij yuvii̱ israelitá a.

Judas 1:15

Ne̱ caꞌne̱ꞌ soꞌ cacunꞌ cheꞌé cunuda̱nj yuvii̱, ne̱ cata̱j soꞌ se vaa tumé nij síí ne nocoꞌ man Yaꞌanj cacunꞌ cheꞌé nu̱ꞌ cacunꞌ quiꞌyaj nij soꞌ do̱ꞌ, cheꞌé nu̱ꞌ nana̱ nij caꞌmii nij soꞌ cheꞌé Yaꞌanj do̱ꞌ a.” Da̱nj caꞌmii Enoc cheꞌé nij síí narqué tucuáán ne̱ rihaan soj nihánj cuano̱ a.