1 Pedro 5:10 - Triqui de San Juan Copala

¹⁰ Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.

1 Pedro 5:10 Referans Kwoze

2 Corintios 4:17

Cuano̱ ya̱j me se vaa do̱j sayuun ranꞌ núj, tza̱j ne̱ raꞌya̱nj cache̱n nu̱ꞌ sayuun yoꞌ, ne̱ cheꞌé sayuun roꞌ, cavi̱i̱ sa̱ꞌ uxrá núj nu̱ꞌ cavii nu̱ꞌ caꞌanj na̱nj á.

2 Tesalonicenses 3:3

ꞌO̱ se vaa cheꞌé ndoꞌo ga̱a̱ nucua̱j rá níꞌ man Síí ꞌNi̱j Raꞌa man níꞌ, ne̱ soꞌ me síí quiꞌya̱j nari̱ꞌ nucuaj rá soj, ne̱ tu̱mé soꞌ man soj se vaa se̱ quiꞌyaj canaán Síí Chre̱e man soj ado̱nj.

Judas 1:24

Cara̱a̱ cochro̱j soj rihaan síí uun nucua̱j ca̱ráán rihaan soj se̱ quiꞌyaj soj cacunꞌ do̱ꞌ, síí uun nucua̱j tu̱mé man soj nda̱a güii ca̱yáán soj rihaan soꞌ rej niꞌndaj ya̱ veꞌé vaa do̱ꞌ á. Rej yoꞌ me se ga̱a̱ nica̱ nimán soj, ne̱ ga̱a̱ niha̱ꞌ uxrá rá nimán soj ado̱nj.

1 Timoteo 6:12

Quiꞌya̱j uxrá so̱ꞌ suun sca̱ꞌ sa̱ꞌ caꞌneꞌ Yaꞌanj rihaan níꞌ si̱j noco̱ꞌ man soꞌ, ga̱a ne̱ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj a. Cheꞌé dan cuneꞌ Yaꞌanj mán so̱ꞌ qui̱ꞌyáá so̱ꞌ se‑su̱u̱n soꞌ, ne̱ cataj yá so̱ꞌ cuno queꞌe̱e̱ tinúú níꞌ se vaa ya̱ qui̱ꞌyáá so̱ꞌ se‑su̱u̱n Yaꞌanj ca̱nocóꞌ so̱ꞌ man soꞌ á.

2 Corintios 13:11

Ne̱ vaa do̱j nana̱ me raj cata̱j xnaꞌanj ꞌu̱nj rihaan soj, tinu̱j, nocoj. Dan me se ga̱a̱ niha̱ꞌ ya̱ rá nimán soj á. Rquee̱ soj sa̱ꞌ doj ga̱a̱ nimán soj á. Ga̱a̱ nucua̱j rá soj quiꞌya̱j snana̱ ꞌu̱nj á. ꞌO̱ cuya̱a̱n ga̱a̱ rá nimán soj ga̱ tuviꞌ soj na̱nj á. Ga̱a̱ xe̱j nimán soj á. Ne̱ ca̱yáán Yaꞌanj si̱j ꞌyaj vaa xe̱j nimán níꞌ do̱ꞌ, si̱j ꞌyaj nuu ꞌe̱e̱ rá níꞌ tinúú níꞌ do̱ꞌ, ga̱ soj ado̱nj.

1 Corintios 1:9

Vaa cheꞌé ga̱a̱ nucua̱j rá níꞌ man Yaꞌanj, ne̱ Yaꞌanj me síí canacúún man soj gu̱un tuvi̱ꞌ soj ga̱ Taꞌníí soꞌ Jesucristó Si̱j ꞌNi̱j Raꞌa man níꞌ ado̱nj.

1 Tesalonicenses 2:12

se vaa quiꞌya̱j soj se vaa no̱ xcúún soj quiꞌya̱j soj cheꞌé se narii Yaꞌanj man soj ca̱yáán soj ga̱ Yaꞌanj güii niꞌndaj ya̱ veꞌé gu̱un chij Yaꞌanj a.

Romanos 16:25

Uun nucua̱j Yaꞌanj ra̱cuíj Yaꞌanj man soj nari̱ꞌ soj nu̱ꞌ nana̱ sa̱ꞌ caꞌmij rihaan soj a. Nana̱ sa̱ꞌ yuve̱ cheꞌé Jesucristó me nana̱ yoꞌ a. Ga̱a naá me se ne caꞌve̱e xca̱j yuvii̱ cuentá cheꞌé snana̱ Yaꞌanj maꞌ. Tza̱j ne̱ ya̱j roꞌ, tihaa̱n Yaꞌanj snana̱ Yaꞌanj rihaan níꞌ a.

2 Pedro 1:3

Dan me se niꞌndaj ya̱ veꞌé vaa Yaꞌanj ne̱ niꞌndaj ya̱ sa̱ꞌ rá soꞌ, ne̱ cheꞌé dan canacúún ya̱ soꞌ man níꞌ canoco̱ꞌ níꞌ man soꞌ a. Ne̱ cheꞌé se neꞌen ya̱ níꞌ man soꞌ, ne̱ racuíj snucua̱j soꞌ man níꞌ ca̱yáán sa̱ꞌ níꞌ ga̱ soꞌ, ne̱ veꞌé canoco̱ꞌ níꞌ man soꞌ ado̱nj.

1 Pedro 1:15

Tana̱nj cheꞌé se síí sa̱ꞌ ina̱nj me Yaꞌanj si̱j nacúún man soj canoco̱ꞌ soj man soꞌ, cheꞌé dan no̱ xcúún maꞌa̱n soj gu̱un soj síí sa̱ꞌ ado̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

2 Timoteo 2:10

Cheꞌé dan uun nu̱cuáá ꞌu̱nj rihaan me maꞌa̱n sayuun cheꞌé se ꞌe̱e̱ rá ꞌu̱nj man nij síí narii Yaꞌanj man a. ꞌO̱ se da̱nj ga̱a̱ qui̱ránꞌ ꞌu̱nj, ga̱a ne̱ caꞌve̱e nani̱i̱ nij soꞌ ga̱ ꞌu̱nj rihaan sayuun cheꞌé se vaa quiꞌyaj Cristó Jesús cheꞌé níꞌ, ne̱ niꞌndaj ya̱ veꞌé ga̱a̱ níꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

2 Tesalonicenses 2:14

Dan me se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ canacúún Yaꞌanj man soj se vaa cavi̱i̱ sa̱ꞌ soj ga̱ soꞌ, ne̱ cheꞌé dan da̱j se niꞌndaj ya̱ veꞌé vaa Jesucristó Si̱j ꞌNi̱j Raꞌa man níꞌ roꞌ, da̱nj quisi̱j soj ga̱a̱ soj uún ado̱nj.

San Lucas 22:32

Tza̱j ne̱ a̱j cachíín ni̱ꞌyáá ꞌu̱nj rihaan Yaꞌanj cheꞌé so̱ꞌ, se vaa se̱ caꞌneꞌ rá so̱ꞌ ga̱ suun amán rá niꞌya̱j manj a̱ maꞌ. Ga̱a ne̱ asa̱ꞌ nanica̱j nimán so̱ꞌ canoco̱ꞌ uún so̱ꞌ manj roꞌ, ga̱a ne̱ ra̱cuíj so̱ꞌ man nij tinúú so̱ꞌ se vaa cunu̱u sca̱ꞌ doj nimán nij soꞌ uún na̱nj á ―taj Jesús rihaan Simón Pedró a.

2 Timoteo 1:9

Ne̱ Yaꞌanj me síí tinanii man níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ne̱ canacúún soꞌ man níꞌ cunu̱u sa̱ꞌ nimán níꞌ ne̱ canoco̱ꞌ xraan níꞌ man soꞌ a. Né cheꞌe̱ suun quiꞌyaj maꞌa̱n níꞌ me quiꞌyaj Yaꞌanj da̱nj maꞌ. Tana̱nj da̱nj guun rá maꞌa̱n soꞌ quiꞌya̱j soꞌ, ne̱ guun rá soꞌ quiꞌya̱j u̱u̱n soꞌ se lu̱j cheꞌé níꞌ ado̱nj. Asi̱j ataa quiꞌya̱j soꞌ chumii̱, ne̱ quiꞌyaj soꞌ se lu̱j cheꞌé níꞌ cheꞌé se vaa quiꞌyaj Cristó Jesús cheꞌé níꞌ a.

Colosenses 2:7

Dan me se ꞌo̱ gu̱un xe̱j soj rihaan soꞌ, ne̱ ꞌo̱ canicu̱nꞌ xraan soj rihaan soꞌ, ne̱ ꞌo̱ cuno̱ soj rihaan soꞌ, ne̱ ꞌo̱ ca̱yáán soj nda̱a vaa taj tucuáán tucuꞌyón núj man soj, ne̱ o̱rúnꞌ soꞌ cuchuma̱n rá soj ni̱ꞌyaj soj, ne̱ cata̱j uxrá soj guun niꞌya̱j níꞌ rihaan Yaꞌanj á.

Romanos 15:5

Dan me se Yaꞌanj me síí ꞌyaj uun nucua̱j nimán níꞌ, ne̱ síí noco̱ꞌ man Cristó Jesús me nij soj, ne̱ cheꞌé dan me raj ꞌo̱ cuya̱a̱n ga̱a̱ rá nimán ta̱ranꞌ nij soj, quiꞌya̱j Yaꞌanj a.

1 Juan 2:25

Ne̱ nihánj me nana̱ cataꞌ tuꞌva maꞌa̱n Cristó rihaan níꞌ, se vaa caꞌve̱e ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ya̱ ado̱nj.

Hebreos 9:15

Dan me se Cristó me se caviꞌ soꞌ cheꞌé se queneꞌen soꞌ se vaa ne gu̱un nucua̱j yuvii̱ canoco̱ꞌ nij yuvii̱ nu̱ꞌ tucuáán cuchruj Yaꞌanj asino ya̱a̱n rihaan síí cuꞌna̱j Moisés maꞌ. Cheꞌé dan Cristó me síí narqué tucuáán naca̱ cheꞌé níꞌ da̱j quiꞌya̱j níꞌ cavi̱i̱ sa̱ꞌ níꞌ rihaan Yaꞌanj a. Cheꞌé dan níꞌ si̱j canacúún Yaꞌanj man roꞌ, naca̱j níꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ soꞌ rihaan níꞌ nu̱ꞌ cavii nu̱ꞌ caꞌanj ado̱nj.

Romanos 15:13

Dan me se nucua̱j rá níꞌ niꞌya̱j níꞌ Yaꞌanj, ne̱ neꞌen níꞌ se vaa vaa güii cavi̱i̱ sa̱ꞌ níꞌ, quiꞌya̱j Yaꞌanj á. Dan me se amán rá nij soj niꞌya̱j soj Yaꞌanj, ne̱ cheꞌé dan me raj gu̱un niha̱ꞌ ndoꞌo rá nimán soj, ne̱ ga̱a̱ xe̱j nimán soj, quiꞌya̱j Yaꞌanj, ga̱a ne̱ doj a̱ gu̱un ya̱ rá soj se vaa cavi̱i̱ sa̱ꞌ soj vaa güii, quiꞌya̱j Nimán Yaꞌanj ado̱nj.

Romanos 9:11

Ga̱a ataa caꞌnga̱a̱ ro̱j neꞌej, ne̱ cataj xnaꞌanj Yaꞌanj rihaan noꞌ se vaa gu̱un neꞌej ta̱j ya̱a̱n mozó rihaan neꞌej noco̱ꞌ xco̱, cataj Yaꞌanj a. ꞌO̱ se ataa caꞌnga̱a̱ neꞌej, ne̱ taj a̱ ꞌó ro̱j soꞌ quiꞌyaj sa̱ꞌ do̱ꞌ, quiꞌyaj chiꞌi̱i̱ do̱ꞌ maꞌ. Ma̱an se ina̱nj da̱nj quiꞌyaj Yaꞌanj narii Yaꞌanj man ꞌo̱ soꞌ gu̱un chij soꞌ rihaan tinúú soꞌ, cheꞌé rej a̱j guun rá Yaꞌanj da̱nj ga̱a̱ suun ca̱ta̱ ꞌo̱ ꞌo̱ soꞌ rihaan Yaꞌanj na̱nj ado̱nj.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

Romanos 9:24

Maꞌa̱n níꞌ me nij yuvii̱ gu̱un chij ga̱ Yaꞌanj, ne̱ dan me se taꞌa̱j níꞌ me yuvii̱ israelitá, ne̱ ꞌó taꞌa̱j níꞌ me yuvii̱ yaníj, tza̱j ne̱ canacúún Yaꞌanj man ꞌo̱ ꞌo̱ níꞌ gu̱un chij níꞌ ga̱ soꞌ ado̱nj.

1 Corintios 1:10

Dan me se cuno̱ soj caꞌmi̱j, tinu̱j, nocoj. Ne̱ cheꞌé se‑chuvi̱i ya̱ Jesucristó Si̱j ꞌNi̱j Raꞌa man níꞌ roꞌ, rqueé ꞌu̱nj ya̱j rihaan nij soj se vaa ꞌo̱ cuya̱a̱n ga̱a̱ rá nimán ta̱ranꞌ soj do̱ꞌ, ꞌo̱ cuya̱a̱n caꞌmi̱i̱ soj do̱ꞌ, ꞌo̱ rcuaꞌa̱a̱n ga̱a̱ soj do̱ꞌ, raj chugua̱nj.

1 Pedro 4:10

Dan me se quiꞌyaj Yaꞌanj se lu̱j ga̱ ꞌo̱ ꞌo̱ níꞌ, rqué Yaꞌanj suun rihaan ꞌo̱ ꞌo̱ níꞌ quiꞌya̱j níꞌ cheꞌé tinúú níꞌ, ne̱ ino̱ doj vaa suun ꞌyaj ꞌo̱ ꞌo̱ níꞌ cheꞌé tinúú níꞌ, ne̱ cheꞌé dan no̱ xcúún soj ra̱cuíj soj man tinúú soj, nda̱a vaa uun nucua̱j soj chugua̱nj.