1 Pedro 4:16 - Triqui de San Juan Copala

¹⁶ Tza̱j ne̱ sese quira̱nꞌ ꞌo̱ tuviꞌ soj sayuun cheꞌé se si̱j noco̱ꞌ man Cristó me soꞌ, ne̱ taj cheꞌé gu̱un naꞌa̱j soꞌ maꞌ. Tana̱nj cheꞌé se si̱j noco̱ꞌ man Cristó me soꞌ roꞌ, cheꞌé dan cata̱j soꞌ se vaa sa̱ꞌ uxrá vaa Yaꞌanj a.

1 Pedro 4:16 Referans Kwoze

Filipenses 1:29

Ma̱an cheꞌé Cristó quiꞌyaj ndoꞌo Yaꞌanj se lu̱j rihaan soj se vaa cuchumán rá soj niꞌya̱j soj man Cristó ado̱nj. Tza̱j ne̱ ꞌó se lu̱j me se caꞌvej rá Yaꞌanj quira̱nꞌ soj sayuun cheꞌé Cristó ado̱nj.

1 Pedro 4:19

Cheꞌé dan xa̱ꞌ nij síí ranꞌ sayuun nda̱a vaa me rá Yaꞌanj quira̱nꞌ nij soꞌ, tza̱j ne̱ ꞌo̱ ina̱nj quiꞌya̱j sa̱ꞌ nij soꞌ, ne̱ dan me se caꞌve̱j rá nij soꞌ ni̱caj yuꞌunj Yaꞌanj man nimán nij soꞌ á. ꞌO̱ se Yaꞌanj me síí quiꞌyaj man nij soꞌ, ne̱ vaa cheꞌé ga̱a̱ nucua̱j rá nij soꞌ man soꞌ ado̱nj.

2 Timoteo 1:12

Ma̱an cheꞌé dan ránꞌ ꞌu̱nj sayuun nihánj cuano̱, tza̱j ne̱ ne naꞌa̱j ꞌu̱nj a̱ doj se vaa ránꞌ ꞌu̱nj maꞌ. ꞌO̱ se neꞌén ꞌu̱nj se vaa Yaꞌanj me síí cuchumán raj niꞌya̱j ꞌu̱nj man, ne̱ guun ya̱ raj se vaa uun nucua̱j soꞌ tu̱mé soꞌ manj qui̱ꞌyáj nu̱ꞌ suun caꞌneꞌ soꞌ rihanj a. Ne̱ da̱nj ina̱nj quiꞌya̱j soꞌ, ra̱cuíj soꞌ manj nda̱a güii caꞌna̱ꞌ uún Cristó ado̱nj.

Hechos 5:41

Dan me se curiha̱nj nij síí cuneꞌ Jesús rej nuu chre̱ꞌ xꞌneꞌ nij síí ata̱ suun noco̱o doj rihaan nij yuvii̱ israelitá a. Ne̱ guun niha̱ꞌ uxrá rá nimán nij síí cuneꞌ Jesús cheꞌé se si̱j vaa sa̱ꞌ me nij soꞌ niꞌya̱j Yaꞌanj ne̱ cheꞌé dan caꞌvee quiranꞌ nij soꞌ sayuun cheꞌé se‑chuvi̱i Jesús a.

Filipenses 1:20

Dan me se uun ya̱ raj se vaa se̱ guun naꞌa̱j ꞌu̱nj maꞌ. Dan me se asi̱j rque̱ roꞌ, xcaj ndoꞌo yuvii̱ cuentá se vaa niꞌndaj ya̱ sa̱ꞌ vaa Cristó, quiꞌyáj, ne̱ caꞌve̱e se ga̱a̱ iꞌna̱ꞌ ꞌu̱nj do̱ꞌ, caꞌve̱e se cavi̱ꞌ ꞌu̱nj do̱ꞌ, tza̱j ne̱ da̱nj ina̱nj qui̱ꞌyáj cuano̱ nihánj, rá ꞌu̱nj ado̱nj.

Hechos 26:28

Ga̱a ne̱ cataj Agripa rihaan soꞌ a: ―Caꞌmi̱i̱ so̱ꞌ do̱j rihanj, ga̱a ne̱ cuaj guún ꞌu̱nj síí noco̱ꞌ man Jesucristó, rá so̱ꞌ naꞌ ―taj Agripa rihaan Pabló a.

Hechos 11:26

ne̱ nariꞌ Bernabé man Saulo, ga̱a ne̱ nica̱j Bernabé man Saulo caꞌnaꞌ soꞌ chumanꞌ Antioquía a. Ne̱ dan me se ꞌo̱ yoꞌ roꞌ, yáán ro̱j soꞌ ga̱ xꞌneꞌ nij síí noco̱ꞌ man Jesucristó ya̱nj chumanꞌ Antioquía, ne̱ tucuꞌyón ro̱j soꞌ snana̱ Yaꞌanj man queꞌe̱e̱ ndoꞌo nij yuvii̱ ma̱n yoꞌ a. Ne̱ nij síí ma̱n chumanꞌ Antioquía me nij síí guun cheꞌe̱ tucuꞌnáj “cristiano” man nij síí tucuꞌyón snana̱ Jesucristó a. ꞌO̱ se nana̱ “cristiano” me raj cata̱a nij síí chéé stucua̱nj Cristó a.

Hechos 28:22

Ne̱ vaa cheꞌé cata̱j ma̱ꞌán so̱ꞌ rihaan núj da̱j uun rá so̱ꞌ, rá núj a. ꞌO̱ se tucuáán ino̱ noco̱ꞌ nij tuvi̱ꞌ nij soj me se neꞌen núj se vaa me rej maꞌa̱n aꞌmii chiꞌi̱i̱ yuvii̱ cheꞌé tucuáán yoꞌ na̱nj á ―taj nij soꞌ rihaan Pabló a.

Santiago 2:7

Ne̱ nana̱ qui̱j aꞌmii nij ruꞌvee cheꞌé se‑chuvi̱i Jesucristó síí cataꞌ ne soj cheꞌé a.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

1 Pedro 4:14

Sese nachri̱ꞌ yuvii̱ ni̱ꞌyaj yuvii̱ man soj cheꞌé se si̱j noco̱ꞌ man Cristó me soj, ne̱ vaa cheꞌé gu̱un niha̱ꞌ rá soj ado̱nj. ꞌO̱ se ya̱nj Nimán Yaꞌanj ga̱ soj, ne̱ niꞌndaj ya̱ sa̱ꞌ vaa Nimán Yaꞌanj ado̱nj. Ya̱ aꞌmii qui̱j yuvii̱ cheꞌé Nimán Yaꞌanj, tza̱j ne̱ soj me se aꞌmii sa̱ꞌ ndoꞌo soj cheꞌé soꞌ a.