1 Pedro 1:8 - Triqui de San Juan Copala

⁸ Ne̱ Jesucristó me se nda̱ꞌ se ne queneꞌe̱n rihaan soj man soꞌ, tza̱j ne̱ aráj cochro̱j soj rihaan soꞌ ado̱nj. Ne neꞌen rihaan soj man soꞌ nihánj cuano̱, tza̱j ne̱ cheꞌé se cuchumán ya̱ rá soj niꞌya̱j soj man soꞌ roꞌ, cheꞌé dan niꞌndaj ya̱ guun niha̱ꞌ uxrá ya̱ rá nimán soj ado̱nj.

1 Pedro 1:8 Referans Kwoze

San Juan 20:29

Ga̱a ne̱ cataj Jesús rihaan soꞌ a: ―Cheꞌé se queneꞌen yá so̱ꞌ manj, ga̱a ne̱ amán rá so̱ꞌ niꞌya̱j so̱ꞌ manj na̱nj á. Tza̱j ne̱ vaa cheꞌé gu̱un niha̱ꞌ rá nij síí amán rá niꞌya̱j manj nda̱ꞌ se ne queneꞌe̱n nij soꞌ manj maꞌ. ꞌO̱ se cavi̱i̱ sa̱ꞌ ya̱ nij soꞌ ado̱nj ―taj Jesús rihaan Tomás a.

2 Corintios 5:7

ꞌO̱ se ataa queneꞌe̱n núj se vaa rque̱ Yaꞌanj man núj, tza̱j ne̱ amán rá núj niꞌya̱j núj man Yaꞌanj se vaa ya̱ vaa nana̱ cataꞌ tuꞌva soꞌ rihaan núj, ne̱ cheꞌé dan uno núj rihaan soꞌ na̱nj ado̱nj.

Romanos 15:13

Dan me se nucua̱j rá níꞌ niꞌya̱j níꞌ Yaꞌanj, ne̱ neꞌen níꞌ se vaa vaa güii cavi̱i̱ sa̱ꞌ níꞌ, quiꞌya̱j Yaꞌanj á. Dan me se amán rá nij soj niꞌya̱j soj Yaꞌanj, ne̱ cheꞌé dan me raj gu̱un niha̱ꞌ ndoꞌo rá nimán soj, ne̱ ga̱a̱ xe̱j nimán soj, quiꞌya̱j Yaꞌanj, ga̱a ne̱ doj a̱ gu̱un ya̱ rá soj se vaa cavi̱i̱ sa̱ꞌ soj vaa güii, quiꞌya̱j Nimán Yaꞌanj ado̱nj.

Hebreos 11:1

Sese ya̱ amán rá níꞌ niꞌya̱j níꞌ man Yaꞌanj, ne̱ uun ya̱ rá níꞌ se vaa quisi̱j ya̱ nana̱ cataꞌ tuꞌva soꞌ do̱ꞌ, se vaa ya̱ vaa rasu̱u̱n ne ruviꞌ niꞌya̱j níꞌ do̱ꞌ chugua̱nj.

San Juan 16:22

Ne̱ xa̱ꞌ soj, tza̱j ne̱ cuano̱ nihánj me se nanó rá soj, tza̱j ne̱ vaa güii queneꞌe̱n uún ꞌu̱nj man soj a. Ga̱a ne̱ gu̱un niha̱ꞌ uxrá rá nimán soj, ne̱ taj va̱j a̱ doj síí caꞌne̱e̱ se niha̱ꞌ nimán soj a̱ maꞌ.

2 Corintios 4:18

Cheꞌé dan ne nanó rá núj cheꞌé nij rasu̱u̱n ruviꞌ niꞌya̱j yuvii̱ maꞌ. ꞌO̱ se rasu̱u̱n ruviꞌ niꞌya̱j yuvii̱ roꞌ, vaa güii navi̱j nu̱ꞌ rasu̱u̱n yoꞌ, ne̱ cheꞌé dan ina̱nj cheꞌé nij rasu̱u̱n ne ruviꞌ niꞌya̱j yuvii̱ cuano̱ nanó rá núj, cheꞌé se rasu̱u̱n cuma̱n nu̱ꞌ cavii nu̱ꞌ caꞌanj me rasu̱u̱n yoꞌ ado̱nj.

1 Pedro 1:6

Cheꞌé dan guun niha̱ꞌ uxrá rá soj na̱nj ado̱nj. Dan me se nda̱ꞌ se nanó rá soj cheꞌé da̱j a̱ sayuun ꞌnaꞌ rihaan soj do̱j güii na̱nj rihaan chumii̱ nihánj cuano̱, tza̱j ne̱ a̱j guun niha̱ꞌ ndoꞌo rá soj, cheꞌé se neꞌen soj se vaa cavi̱i̱ sa̱ꞌ soj vaa güii, quiꞌya̱j Yaꞌanj chugua̱nj.

Hebreos 11:27

Cheꞌé se amán rá soꞌ niꞌya̱j soꞌ Yaꞌanj, cheꞌé dan tanáj soꞌ yoꞌóó Egiptó caꞌanj soꞌ, ne̱ ne cuchuꞌvi̱ꞌ soꞌ da̱j quiꞌya̱j síí nica̱j suun rey man soꞌ maꞌ. Nda̱ꞌ se ne ruviꞌ Yaꞌanj niꞌya̱j yuvii̱, tza̱j ne̱ ase ꞌyaj síí ruviꞌ nicu̱nꞌ Yaꞌanj rihaan roꞌ, da̱nj quiꞌyaj Moisés, ꞌo̱ canocoꞌ soꞌ man Yaꞌanj ado̱nj.

1 Pedro 2:7

Vaa yuꞌvee ndoꞌo nó Cristó rihaan soj si̱j amán rá niꞌya̱j man soꞌ, tza̱j ne̱ xa̱ꞌ nij síí ne amán rá niꞌya̱j man Cristó me se quisi̱j ya̱ nda̱a vaa taj nana̱ nihánj nana̱ no̱ rihaan Danj Yaꞌanj ado̱nj: Yuvej quiriꞌíj nij síí cuneꞌ veꞌ roꞌ, guun yuvej vaa se uun doj rihaan ꞌó da̱nj yuvej na̱nj ado̱nj, taj Danj Yaꞌanj a.

Filipenses 4:4

Ga̱a̱ niha̱ꞌ niga̱nj rá nimán soj ni̱ꞌyaj soj man Síí ꞌNi̱j Raꞌa man níꞌ á. Dan me se cata̱j xnaꞌanj uún ꞌu̱nj rihaan soj á: No̱ xcúún soj ga̱a̱ niha̱ꞌ niga̱nj rá nimán soj na̱nj á.

1 Pedro 5:4

Ga̱a ne̱ asa̱ꞌ curiha̱nj Síí Nica̱j Yuꞌunj man ta̱ranꞌ níꞌ si̱j tumé sa̱ꞌ rihaan Yaꞌanj man nij síí noco̱ꞌ man Cristó me se caꞌna̱ꞌ ꞌo̱ cachriin coroná sa̱ꞌ ina̱nj cu̱nuû raa̱ níꞌ, quiꞌya̱j soꞌ, ne̱ dan me se nu̱ꞌ cavii nu̱ꞌ caꞌanj niꞌndaj ya̱ veꞌé ga̱a̱ níꞌ, quiꞌya̱j Cristó chugua̱nj.

Efesios 6:24

Ne̱ me rá ꞌu̱nj quiꞌya̱j ndoꞌo Yaꞌanj se lu̱j cheꞌé ta̱ranꞌ nij soj si̱j ꞌo̱ aráj cochro̱j rihaan Jesucristó Si̱j ꞌNi̱j Raꞌa man níꞌ nu̱ꞌ cavii nu̱ꞌ caꞌanj a.

Filipenses 1:25

ne̱ cheꞌé dan neꞌén ꞌu̱nj se vaa se̱ guun cavi̱ꞌ ꞌu̱nj cuano̱ maꞌ. Ma̱an se quina̱j ꞌu̱nj ga̱ soj doj, ne̱ ra̱cuíj ꞌu̱nj man soj, ne̱ sa̱ꞌ doj canoco̱ꞌ soj Yaꞌanj, qui̱ꞌyáj ado̱nj. Nda̱a síj, ga̱a ne̱ gu̱un niha̱ꞌ ya̱ doj rá nimán soj rihaan Yaꞌanj ado̱nj.

Romanos 14:17

ꞌO̱ se nica̱j yuꞌunj Yaꞌanj man níꞌ, ne̱ cheꞌé dan se̱ nanó rá níꞌ cheꞌé se cha̱ níꞌ do̱ꞌ, cheꞌé se coꞌo̱ níꞌ do̱ꞌ maꞌ. Tza̱j ne̱ xca̱j níꞌ cuentá cheꞌé tinúú níꞌ á. ꞌO̱ se xa̱ꞌ suun uun chij Yaꞌanj nimán níꞌ, tza̱j ne̱ né cheꞌe̱ se chá níꞌ do̱ꞌ, né cheꞌe̱ se coꞌo níꞌ do̱ꞌ, me yoꞌ maꞌ. Ma̱an se cheꞌé rej cunu̱u sa̱ꞌ nimán níꞌ ne̱ cheꞌé rej ga̱a̱ xe̱j nimán níꞌ ne̱ cheꞌé rej gu̱un niha̱ꞌ rá nimán níꞌ quiꞌya̱j Nimán Yaꞌanj me yoꞌ a.

San Juan 14:24

Xa̱ꞌ síí ne aráj cochro̱j rihanj, tza̱j ne̱ ne uno soꞌ snana̱j maꞌ. Ne̱ nana̱ caꞌmij cuno soj me se né ina̱nj snana̱j me yoꞌ maꞌ. Snana̱ Réj síí caꞌnéé manj rihaan chumii̱ nihánj me nana̱ caꞌmij cuno soj na̱nj ado̱nj.

San Juan 8:42

Ga̱a ne̱ cataj Jesús rihaan nij soꞌ a: ―Sese ya̱ Yaꞌanj me Rej soj, ne̱ cara̱a̱ cochro̱j soj rihanj ado̱nj. ꞌO̱ se ꞌu̱nj me síí cavii rej nicu̱nꞌ Yaꞌanj, ne̱ caꞌnáꞌ ꞌu̱nj nihánj chugua̱nj. Dan me se ne caꞌna̱ꞌ ma̱ꞌanj nihánj maꞌ. ꞌO̱ se soꞌ me síí caꞌnéé manj caꞌnaj nihánj ado̱nj.

Filipenses 3:3

Ne̱ xa̱ꞌ níꞌ, tza̱j ne̱ ino̱ ꞌyaj níꞌ a. ꞌO̱ se síí ya̱ cunuu sa̱ꞌ rihaan Yaꞌanj me níꞌ, ne̱ ina̱nj Nimán Yaꞌanj nocoꞌ níꞌ ga̱a ꞌyaj níꞌ se‑su̱u̱n Yaꞌanj ado̱nj. Ne nucua̱j rá níꞌ man maꞌa̱n níꞌ se vaa cavi̱i̱ sa̱ꞌ níꞌ cheꞌé se vaa cutaꞌ nii taꞌngaꞌ nee̱ man níꞌ do̱ꞌ, se vaa ꞌyaj maꞌa̱n níꞌ do̱ꞌ maꞌ. Tana̱nj niha̱ꞌ rá níꞌ nataꞌ níꞌ se vaa Cristó Jesús me síí ꞌyaj caꞌve̱e cavi̱i̱ sa̱ꞌ níꞌ ado̱nj.

Gálatas 5:22

Tza̱j ne̱ sese ina̱nj rihaan Nimán Yaꞌanj cuno̱ níꞌ, ne̱ ga̱a̱ ꞌe̱e̱ rá níꞌ tuviꞌ níꞌ do̱ꞌ, gu̱un niha̱ꞌ ya̱ rá nimán níꞌ do̱ꞌ, ga̱a̱ xe̱j nimán níꞌ do̱ꞌ, ga̱a̱ ina̱j nimán níꞌ do̱ꞌ, veꞌé quiꞌya̱j níꞌ rihaan yuvii̱ do̱ꞌ, ga̱a̱ sa̱ꞌ nimán níꞌ do̱ꞌ, ꞌo̱ cuchuma̱n rá níꞌ do̱ꞌ,

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

2 Corintios 9:15

Cata̱j uxrá níꞌ guun niꞌya̱j níꞌ rihaan Yaꞌanj cheꞌé se veꞌé uxrá quiꞌyaj Yaꞌanj cheꞌé níꞌ, ne̱ daj chiha̱a̱ míj se̱ guun nucua̱j níꞌ cata̱j níꞌ nu̱ꞌ se vaa quiꞌyaj Yaꞌanj cheꞌé níꞌ a̱ maꞌ.

2 Corintios 1:22

Ne̱ soꞌ me síí cataj se vaa ya̱ ya̱ taꞌni̱j soꞌ me níꞌ, ne̱ caꞌnéé soꞌ Nimán soꞌ ca̱yáán nimán níꞌ, ne̱ cheꞌé dan guun ya̱ rá níꞌ se vaa ya̱ rque̱ soꞌ se sa̱ꞌ man níꞌ, vaa güii ado̱nj.

Hechos 16:34

Ga̱a ne̱ caꞌanj nica̱j soꞌ man ro̱j soꞌ rej xra̱j rej ya̱nj maꞌa̱n soꞌ, ne̱ rqué soꞌ se chá cha̱ ro̱j soꞌ a. Ga̱a ne̱ dan me se guun niha̱ꞌ uxrá rá nimán nij tucua̱ soꞌ, cheꞌé se cuchumán rá nij soꞌ niꞌya̱j nij soꞌ man Yaꞌanj a.

San Juan 14:21

Síí nariꞌ nij suun caꞌnéꞌ ꞌu̱nj ne̱ uno nij suun yoꞌ roꞌ, me síí ya̱ ya̱ aráj cochro̱j rihanj chugua̱nj. Ne̱ cunu̱u ꞌe̱e̱ rá Réj Yaꞌanj man síí aráj cochro̱j rihanj, ne̱ ga̱a̱ ꞌe̱e̱ rá ma̱ꞌanj man soꞌ, ne̱ queneꞌe̱n soꞌ manj, qui̱ꞌyáj ado̱nj ―taj Jesús rihaan nij síí tucuꞌyón snana̱ soꞌ a.

San Juan 14:15

’Sese ya̱ ya̱ aráj cochro̱j soj rihanj, ne̱ quiꞌya̱j soj nda̱a vaa caꞌnéꞌ ꞌu̱nj suun rihaan soj a.

San Mateo 10:37

’Sese ꞌe̱e̱ doj rá ꞌo̱ soꞌ niꞌya̱j soꞌ rej soꞌ do̱ꞌ, nii soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ. Ne̱ sese ꞌe̱e̱ doj rá ꞌo̱ soꞌ niꞌya̱j soꞌ taꞌnij sno̱ꞌo soꞌ do̱ꞌ, taꞌnij cha̱na̱ soꞌ do̱ꞌ, rihaan se vaa ꞌe̱e̱ rá soꞌ niꞌya̱j soꞌ mán ꞌu̱nj, ne̱ taj cheꞌé cata̱j soꞌ se vaa si̱j noco̱ꞌ manj me soꞌ maꞌ.

1 Corintios 16:22

Sese vaa ꞌo̱ tuviꞌ soj ne aráj cochro̱j rihaan Síí ꞌNi̱j Raꞌa man níꞌ, ne̱ queneꞌe̱n soj se vaa ya̱ quira̱nꞌ uxrá síí vaa da̱nj sayuun na̱nj chugua̱nj. Ya̱ caꞌna̱ꞌ uún Síí ꞌNi̱j Raꞌa man níꞌ ado̱nj.