1 Juan 5:8 - Triqui de San Juan Copala

⁸ Dan me se cheꞌé Nimán Yaꞌanj do̱ꞌ, cheꞌé na cataꞌ ne Jesucristó do̱ꞌ, cheꞌé ton cavii man Jesucristó ga̱a caviꞌ soꞌ do̱ꞌ roꞌ, cheꞌé dan xcaj níꞌ cuentá cheꞌé soꞌ, ne̱ cuya̱a̱n aꞌmii vaꞌnu̱j nij rasu̱u̱n yoꞌ a.

1 Juan 5:8 Referans Kwoze

San Juan 15:26

’Dan me se caꞌne̱j ꞌu̱nj Nimán Yaꞌanj cavi̱i̱ soꞌ rej ya̱nj Yaꞌanj caꞌna̱ꞌ soꞌ rihaan soj, ne̱ ra̱cuíj ndoꞌo soꞌ man soj, ne̱ ina̱nj nana̱ ya̱ rque̱ soꞌ man soj a. Asa̱ꞌ caꞌnaꞌ Nimán Yaꞌanj rihaan soj, ga̱a ne̱ cata̱j xnaꞌanj soꞌ rihaan nij yuvii̱ cheꞌej ado̱nj.

1 Pedro 3:21

Ne̱ veé na me se ꞌyaj nanii níꞌ rihaan sayuun yoꞌ ya̱j ado̱nj. Na ataꞌ ne níꞌ me yoꞌ chugua̱nj. Né cheꞌe̱ rej güe̱j nacaj xráá níꞌ cataꞌ ne níꞌ maꞌ. Cheꞌé se cataj níꞌ rihaan Yaꞌanj se vaa guun rá níꞌ se vaa navi̱j chrej chiꞌi̱i̱ uun chij nimán níꞌ ne̱ ina̱nj se sa̱ꞌ guun rá níꞌ quiꞌya̱j níꞌ rej rihaan níꞌ me se cheꞌé dan cataꞌ ne níꞌ ado̱nj. Ne̱ ina̱nj cheꞌé se cunuu iꞌna̱ꞌ uún Jesucristó ga̱a caviꞌ soꞌ roꞌ, cheꞌé dan caꞌve̱e nani̱i̱ níꞌ si̱j cataꞌ ne rihaan sayuun ne̱ cavi̱i̱ sa̱ꞌ níꞌ chugua̱nj.

Romanos 8:16

Dan me se ꞌo̱ aꞌmii Nimán Yaꞌanj ga̱ nimán níꞌ, ne̱ taj Nimán Yaꞌanj se vaa taꞌníí Yaꞌanj me níꞌ a.

San Marcos 14:56

ꞌO̱ se cuchiꞌ uxrá síí ne̱ rihaan nij síí ata̱ suun caꞌmii ne̱ nij soꞌ, tza̱j ne̱ ino̱ vaa nana̱ caꞌmii ꞌo̱ ꞌo̱ nij soꞌ a.

2 Corintios 1:22

Ne̱ soꞌ me síí cataj se vaa ya̱ ya̱ taꞌni̱j soꞌ me níꞌ, ne̱ caꞌnéé soꞌ Nimán soꞌ ca̱yáán nimán níꞌ, ne̱ cheꞌé dan guun ya̱ rá níꞌ se vaa ya̱ rque̱ soꞌ se sa̱ꞌ man níꞌ, vaa güii ado̱nj.

Hechos 15:15

Ne̱ ꞌo̱ cuya̱a̱n vaa snana̱ nij síí nataꞌ snana̱ Yaꞌanj ga̱a naá ga̱ snana̱ tinúꞌ Simón nihánj a. Dan me se vaa nana̱ no̱ rihaan Danj Yaꞌanj taj a:

San Mateo 28:19

Cheꞌé dan caꞌa̱nj soj rihaan ꞌo̱ ꞌo̱ nij xꞌneꞌ yuvii̱ ino̱ vaa stucua̱nj, ne̱ ti̱haa̱n soj man nij soꞌ cheꞌé rej gu̱un nij soꞌ síí tucuꞌyón snana̱j, quiꞌya̱j soj á. Ne̱ cuta̱ꞌ ne soj man nij soꞌ, ne̱ cata̱ꞌ tuꞌva soj se‑chuvi̱i Réé ꞌu̱nj Yaꞌanj do̱ꞌ, se‑chu̱vií ꞌu̱nj Taꞌni̱j Yaꞌanj do̱ꞌ, se‑chuvi̱i Nimán Yaꞌanj do̱ꞌ, ga̱a cuta̱ꞌ ne soj man nij soꞌ á.

Hebreos 13:12

Cheꞌé dan da̱nj quiꞌyaj gue̱e̱ Jesús caviꞌ soꞌ nichru̱nꞌ tuꞌva chumanꞌ rej atúj yuvii̱ chumanꞌ, ga̱a ne̱ cunuu sa̱ꞌ nimán nij yuvii̱ rihaan Yaꞌanj cheꞌé ton cayanj man maꞌa̱n soꞌ na̱nj ado̱nj.

Hebreos 6:4

ꞌO̱ se sese a̱j xcaj níꞌ cuentá cheꞌé snana̱ Yaꞌanj do̱ꞌ, sese a̱j nica̱j níꞌ nu̱ꞌ nij se sa̱ꞌ rqué Yaꞌanj rihaan níꞌ do̱ꞌ, sese a̱j cayáán Nimán Yaꞌanj ga̱ níꞌ do̱ꞌ,

San Juan 19:34

Tza̱j ne̱ ꞌo̱ nij tanuu nica̱j xrúún soꞌ chruun ta̱j agaꞌ siha̱a̱ raa̱, ne̱ choꞌoj soꞌ xꞌnúú Jesús a. Ne̱ nu̱ꞌ quiꞌyaj soꞌ da̱nj, ne̱ nu̱ꞌ cavii ndoꞌo ton do̱ꞌ, na do̱ꞌ, rej catúj agaꞌ siha̱a̱ yoꞌ a.

1 Juan 5:9

Dan me se na̱nj uno níꞌ nana̱ nataꞌ tuviꞌ níꞌ rihaan níꞌ, ne̱ cheꞌé dan vaa cheꞌé doj cuno̱ níꞌ nana̱ nataꞌ Yaꞌanj rihaan níꞌ a. ꞌO̱ se nataꞌ Yaꞌanj nana̱ nihánj rihaan níꞌ cheꞌé Taꞌníí soꞌ a.