1 Juan 5:3 - Triqui de San Juan Copala

³ Ne̱ sese uno níꞌ nij suun caꞌneꞌ Yaꞌanj cuno̱ níꞌ, ne̱ si̱j aráj cochro̱j rihaan Yaꞌanj me níꞌ chugua̱nj. Ne̱ ne sayu̱u̱n vaa cuno̱ níꞌ nij suun caꞌneꞌ Yaꞌanj rihaan níꞌ maꞌ.

1 Juan 5:3 Referans Kwoze

San Juan 14:15

’Sese ya̱ ya̱ aráj cochro̱j soj rihanj, ne̱ quiꞌya̱j soj nda̱a vaa caꞌnéꞌ ꞌu̱nj suun rihaan soj a.

San Juan 15:10

Sese ꞌyaj soj suun aꞌnej rihaan soj, ne̱ ꞌo̱ ga̱a̱ ꞌe̱e̱ raj man soj a. Veé da̱nj ꞌyáá ꞌu̱nj, ne̱ ꞌyáá ꞌu̱nj suun aꞌneꞌ Réj Yaꞌanj rihanj, ne̱ ꞌo̱ ꞌe̱e̱ rá soꞌ manj ado̱nj.

2 Juan 1:6

Sese ꞌo̱ ꞌe̱e̱ rá níꞌ man tuviꞌ níꞌ, ne̱ síí ꞌyaj nda̱a vaa taj suun caꞌneꞌ Yaꞌanj rihaan me níꞌ ado̱nj. Ne̱ yoꞌ me suun caꞌneꞌ soꞌ rihaan níꞌ asi̱j guun cheꞌe̱ níꞌ canocoꞌ níꞌ man soꞌ, ne̱ me rá soꞌ ꞌo̱ quiꞌya̱j níꞌ suun yoꞌ ado̱nj.

1 Juan 2:3

Dan me se nihánj me rej neꞌen níꞌ se vaa si̱j noco̱ꞌ man Cristó me níꞌ a. Dan me se sese uno níꞌ suun caꞌneꞌ Jesucristó rihaan níꞌ, ne̱ si̱j noco̱ꞌ ya̱ man soꞌ me níꞌ ado̱nj.

Romanos 7:22

Neꞌenj se vaa sa̱ꞌ uxrá vaa stucua̱nj Moisés,

San Juan 15:14

Ne̱ nij soj me se tuvij me soj sese cuno̱ soj suun caꞌnéꞌ ꞌu̱nj rihaan soj na̱nj ado̱nj.

Hebreos 8:10

Dan me se ino̱ doj ga̱a̱ nana̱ naca̱ nana̱ tu̱cuꞌyonj rihaan nij taꞌníí taꞌnij siꞌno̱ síí cuꞌna̱j Israel asa̱ꞌ quisíj güii yoꞌ ado̱nj, taj Síí ꞌNi̱j Raꞌa man níꞌ a. ꞌO̱ se caꞌne̱j ꞌu̱nj snana̱j nimán nij soꞌ, ne̱ queneꞌe̱n maꞌa̱n nij soꞌ da̱j me rá ꞌu̱nj quiꞌya̱j nij soꞌ ado̱nj. Ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj ado̱nj.

Romanos 7:12

Dan me se gue̱e̱ uxrá stucua̱nj Moisés, ne̱ gue̱e̱ do̱ꞌ, nica̱ do̱ꞌ, cuna̱j uxrá do̱ꞌ, vaa ꞌo̱ ꞌo̱ suun caꞌneꞌ soꞌ na̱nj á.

San Mateo 23:4

Ne̱ aꞌneꞌ uxrá nij soꞌ suun rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, ne̱ dan me se ase vaa yuvii̱ araa ndoꞌo rasu̱u̱n ꞌe̱e̱ xráá tuviꞌ vaa nij soꞌ, tza̱j ne̱ a̱ doj ne racuíj nij soꞌ man yuvii̱ ca̱ta̱ yuvii̱ rasu̱u̱n ꞌe̱e̱ yoꞌ a̱ maꞌ. A̱ ꞌó raa̱ raꞌa nij soꞌ ne racuíj nij soꞌ man yuvii̱ na̱nj maan ado̱nj.