1 Juan 3:23 - Triqui de San Juan Copala

²³ Dan me se nihánj me suun caꞌneꞌ Yaꞌanj cuno̱ níꞌ a. Me rá Yaꞌanj cuchuma̱n rá níꞌ ni̱ꞌyaj níꞌ man Taꞌníí soꞌ Jesucristó, ne̱ me rá Yaꞌanj cunu̱u ꞌe̱e̱ rá níꞌ ni̱ꞌyaj níꞌ man tuviꞌ níꞌ nda̱a vaa caꞌneꞌ Yaꞌanj suun rihaan níꞌ a.

1 Juan 3:23 Referans Kwoze

San Juan 13:34

Ne̱ nihánj me suun naca̱ aꞌnéꞌ ꞌu̱nj rihaan soj, se vaa ꞌo̱ ga̱a̱ ꞌe̱e̱ rá soj man tuviꞌ soj á. Dan me se da̱j se cunuu ꞌe̱e̱ raj niꞌya̱j man soj roꞌ, da̱nj ga̱a̱ quiꞌya̱j soj, ga̱a̱ ꞌe̱e̱ rá soj man tuviꞌ soj a.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

San Juan 15:12

Nihánj me suun sa̱ꞌ ya̱ aꞌnej rihaan soj cuno̱ soj á. Nda̱ꞌ rá se vaa ꞌe̱e̱ raj niꞌya̱j ꞌu̱nj man soj roꞌ, da̱nj ga̱a̱ ꞌe̱e̱ rá soj ni̱ꞌyaj soj tuviꞌ soj na̱nj á.

San Juan 6:29

Ga̱a ne̱ cataj Jesús rihaan nij yuvii̱ a: ―Nihánj me suun me rá Yaꞌanj quiꞌya̱j soj, se vaa cuchuma̱n rá soj ni̱ꞌyaj soj mán ꞌu̱nj si̱j caꞌnéé soꞌ rihaan soj ado̱nj ―taj Jesús rihaan nij yuvii̱ a.

1 Pedro 4:8

Ne̱ suun sa̱ꞌ noco̱o doj quiꞌya̱j soj me nihánj, ne̱ ga̱a̱ ꞌe̱e̱ uxrá rá soj man tuviꞌ soj nij síí noco̱ꞌ man Cristó, ne̱ sese ꞌe̱e̱ rá níꞌ tuviꞌ níꞌ, ga̱a ne̱ caꞌne̱e̱ noco̱o ndoꞌo níꞌ cacunꞌ xráá tuviꞌ níꞌ na̱nj ado̱nj.

1 Juan 3:11

ꞌO̱ se nana̱ nihánj me nana̱ cuno soj asi̱j guun cheꞌe̱ soj canocoꞌ soj man Yaꞌanj, ne̱ nana̱ nihánj taj se vaa no̱ xcúún níꞌ cunu̱u ꞌe̱e̱ rá níꞌ man tuviꞌ níꞌ chugua̱nj.

1 Juan 4:21

Ne̱ nihánj me suun caꞌneꞌ Cristó rihaan níꞌ cuno̱ níꞌ, se vaa síí aráj cochro̱j rihaan Yaꞌanj roꞌ, no̱ xcúún soꞌ ga̱a̱ ꞌe̱e̱ rá soꞌ man tuviꞌ soꞌ uún ado̱nj, taj Cristó a.

1 Tesalonicenses 4:9

Dan me se taj cheꞌé cachro̱n ꞌu̱nj nana̱ rihaan yanj cartá nihánj cata̱j xnaꞌanj ꞌu̱nj rihaan soj se vaa no̱ xcúún soj ga̱a̱ ꞌe̱e̱ rá soj man tinúú soj maꞌ. ꞌO̱ se maꞌa̱n Yaꞌanj me síí tucuꞌyón man soj se vaa quiꞌya̱j soj da̱nj ado̱nj.

Efesios 5:2

ꞌO̱ ga̱a̱ ꞌe̱e̱ rá soj man tinúú soj á. Ina̱nj da̱nj quiꞌyaj Cristó, cunuu ꞌe̱e̱ rá soꞌ man níꞌ, ne̱ caꞌvej soꞌ cavi̱ꞌ soꞌ cheꞌé níꞌ, ne̱ ase vaa rasu̱u̱n rqué yuvii̱ rihaan Yaꞌanj roꞌ, taꞌngaꞌ da̱nj vaa Cristó cheꞌé níꞌ na̱nj chugua̱nj.

San Marcos 9:7

Ga̱a ne̱ caꞌnaꞌ ꞌo̱ ngaa, ne̱ caráán ngaa man ta̱ranꞌ nij soꞌ a. Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me taꞌníj ado̱nj. ꞌE̱e̱ raj niꞌya̱j man soꞌ ado̱nj. Cuno̱ soj rihaan soꞌ na̱nj á ―taj Yaꞌanj cuno nij soꞌ a.

San Mateo 22:39

Ne̱ ase vaa suun yoꞌ, da̱nj vaa ꞌó suun nihánj suun me rá Yaꞌanj cuno̱ uún níꞌ a: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.”

Hechos 16:31

Ga̱a ne̱ cataj ro̱j soꞌ a: ―Cuchuma̱n rá so̱ꞌ ni̱ꞌyaj so̱ꞌ man Jesucristó Si̱j ꞌNi̱j Raꞌa man níꞌ, ga̱a ne̱ nani̱i̱ so̱ꞌ rihaan sayuun ne̱ cavi̱i̱ sa̱ꞌ so̱ꞌ, quiꞌya̱j Yaꞌanj á. Ne̱ da̱nj ina̱nj quiꞌya̱j Yaꞌanj ga̱ nij tucua̱ soj á ―taj ro̱j soꞌ rihaan síí tumé tagaꞌ yoꞌ a.

San Juan 17:3

Ne̱ síí ga̱a̱ iꞌna̱ꞌ nu̱ꞌ cavii nu̱ꞌ caꞌanj me se soꞌ me síí neꞌen mán so̱ꞌ do̱ꞌ, mán ꞌu̱nj do̱ꞌ a. Dan me se o̱rúnꞌ so̱ꞌ me Yaꞌanj ya̱, ne̱ ꞌu̱nj Jesús Si̱j Ti̱nanii man Yuvii̱ rihaan Sayuun me síí caꞌnéé so̱ꞌ ado̱nj.

San Juan 14:1

Ga̱a ne̱ cataj Jesús rihaan ta̱ranꞌ nij soꞌ a: ―Caꞌne̱ꞌ rá soj ga̱ suun ꞌnaꞌ xruꞌ nimán á. Cuchuma̱n rá soj ni̱ꞌyaj soj Yaꞌanj, ne̱ cuchuma̱n rá soj ni̱ꞌyaj soj manj á.

1 Timoteo 1:15

Dan me se ya̱ uxrá vaa nana̱ nihánj, ne̱ ta̱ranꞌ níꞌ no̱ xcúún cuno̱ nana̱ nihánj se vaa me rá Cristó Jesús ti̱nanii soꞌ man nij síí tumé cacunꞌ rihaan chrej chiꞌi̱i̱ do̱ꞌ, rihaan sayuun do̱ꞌ na̱nj ado̱nj. Cheꞌé dan caꞌnaꞌ soꞌ rihaan chumii̱ nihánj ado̱nj. Dan me se noco̱o doj cacunꞌ quiꞌyáá ꞌu̱nj rihaan cacunꞌ quiꞌyaj ta̱ranꞌ ꞌó nij yuvii̱ a.

San Juan 1:12

Tza̱j ne̱ ta̱ranꞌ nij síí aꞌmii sa̱ꞌ ga̱ soꞌ roꞌ, rqué soꞌ se vaa caꞌve̱e gu̱un nij soꞌ taꞌníí maꞌa̱n ya̱ Yaꞌanj a. ꞌO̱ se síí amán rá niꞌya̱j man se‑chuvi̱i soꞌ me nij soꞌ ado̱nj.

San Juan 2:23

Dan me se ga̱a aranꞌ Jesús chumanꞌ Jerusalén ga̱a canuû Chaꞌanj Pascuá, ne̱ queneꞌen queꞌe̱e̱ ndoꞌo yuvii̱ nij suun sa̱ꞌ noco̱o quiꞌyaj Jesús, ne̱ cuchumán rá nij soꞌ niꞌya̱j nij soꞌ se‑chuvi̱i soꞌ a.

San Juan 3:18

Níꞌ si̱j amán rá niꞌya̱j man Taꞌníí Yaꞌanj me se taj va̱j sayuun quira̱nꞌ níꞌ maꞌ. Tza̱j ne̱ síí ne amán rá niꞌya̱j man soꞌ roꞌ, a̱j cataj Yaꞌanj se vaa ya̱ quira̱nꞌ soꞌ sayuun na̱nj á. Cheꞌé se ne cuchuma̱n ya̱ rá soꞌ niꞌya̱j soꞌ o̱rúnꞌ ya̱ Taꞌníí Yaꞌanj roꞌ, cheꞌé dan quira̱nꞌ ya̱ soꞌ sayuun ado̱nj.

1 Juan 2:7

Dan me se ꞌe̱e̱ raj man soj, tinu̱j, nocoj. Ne̱ nihánj me se cachro̱n ꞌu̱nj cheꞌé ꞌo̱ suun aꞌnéꞌ ꞌu̱nj rihaan soj cuno̱ soj chugua̱nj. Tza̱j ne̱ né su̱u̱n aꞌneꞌ naca̱ ꞌu̱nj rihaan soj me nana̱ nihánj maꞌ. Veé nana̱ cuno soj asi̱j guun cheꞌe̱ soj canocoꞌ soj man Cristó me nana̱ nihánj na̱nj ado̱nj.

1 Juan 4:15

Ne̱ síí taj rihaan tuviꞌ se vaa Taꞌníí Yaꞌanj me Jesús roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ chugua̱nj.

1 Juan 5:13

Dan me se a̱j cachronj nana̱ nihánj naya̱a̱ nij soj si̱j amán rá niꞌya̱j se‑chuvi̱i Taꞌníí Yaꞌanj, cheꞌé rej queneꞌe̱n soj se vaa a̱j guun cheꞌe̱ soj yáán soj ga̱ Yaꞌanj nu̱ꞌ cavii nu̱ꞌ caꞌanj ado̱nj.