1 Juan 3:19 - Triqui de San Juan Copala

¹⁹ Dan me se sese quiꞌya̱j níꞌ da̱nj, ne̱ queneꞌe̱n níꞌ se vaa si̱j noco̱ꞌ ya̱ nana̱ ya̱ me níꞌ, ne̱ dan me se gu̱un ya̱ ya̱ rá nimán níꞌ rihaan Yaꞌanj ado̱nj.

1 Juan 3:19 Referans Kwoze

Hebreos 10:22

Cheꞌé dan vaa yaꞌnúj rihaan níꞌ cuchi̱ꞌ níꞌ rihaan Yaꞌanj, ne̱ cheꞌé se amán rá níꞌ niꞌya̱j níꞌ man Cristó, cheꞌé dan gu̱un ya̱ uxrá rá níꞌ se vaa caꞌve̱e canoco̱ꞌ sa̱ꞌ níꞌ man Yaꞌanj a. Cheꞌé se quisíj nanó rá níꞌ cheꞌé cacunꞌ tumé níꞌ, ne̱ cunuu sa̱ꞌ ya̱ nimán níꞌ, ga̱a canocoꞌ níꞌ man Cristó na̱nj chugua̱nj. Ne̱ síí naruvii rihaan Yaꞌanj me níꞌ, da̱j se vaa yuvii̱ naruvii nu̱ꞌ nee̱ man rque na sa̱ꞌ na̱nj ado̱nj.

1 Juan 3:21

Tinu̱j, nocoj, sese nuviꞌ cacunꞌ tumé níꞌ rá níꞌ, ne̱ se̱ cuchuꞌviꞌ níꞌ caꞌmi̱i̱ níꞌ ga̱ Yaꞌanj maꞌ.

San Juan 18:37

Ga̱a ne̱ xnáꞌanj Pilató man soꞌ, cataj soꞌ a: ―Cheꞌé dan síí nica̱j suun rey mé so̱ꞌ naꞌ. Ya̱ naꞌ ―taj Pilató, xnáꞌanj soꞌ man Jesús a. Ga̱a ne̱ cataj Jesús rihaan soꞌ a: ―Ya̱ uxrá vaa nana̱ caꞌmii ma̱ꞌán so̱ꞌ se vaa si̱j nica̱j suun rey mej á. Ne̱ nihánj me cata̱j xnaꞌanj ꞌu̱nj rihaan so̱ꞌ me cheꞌé caꞌngaa ꞌu̱nj ne̱ me cheꞌé caꞌnáꞌ ꞌu̱nj rihaan chumii̱ nihánj ado̱nj. Dan me se caꞌnáꞌ ꞌu̱nj cata̱j xnaꞌanj ꞌu̱nj nana̱ ya̱ rihaan yuvii̱ a. Ne̱ cunuda̱nj nij síí uno nana̱ ya̱ roꞌ, uno nana̱ aꞌmij ado̱nj ―taj Jesús rihaan Pilató a.

1 Juan 1:8

Dan me se sese cata̱j níꞌ se vaa a̱ doj cacunꞌ ne tumé níꞌ, ne̱ dan me se tihaꞌ yuꞌunj níꞌ man maꞌa̱n níꞌ na̱nj ado̱nj. Ne̱ né si̱j aꞌmii nana̱ ya̱ me níꞌ a̱ maꞌ.

2 Timoteo 1:12

Ma̱an cheꞌé dan ránꞌ ꞌu̱nj sayuun nihánj cuano̱, tza̱j ne̱ ne naꞌa̱j ꞌu̱nj a̱ doj se vaa ránꞌ ꞌu̱nj maꞌ. ꞌO̱ se neꞌén ꞌu̱nj se vaa Yaꞌanj me síí cuchumán raj niꞌya̱j ꞌu̱nj man, ne̱ guun ya̱ raj se vaa uun nucua̱j soꞌ tu̱mé soꞌ manj qui̱ꞌyáj nu̱ꞌ suun caꞌneꞌ soꞌ rihanj a. Ne̱ da̱nj ina̱nj quiꞌya̱j soꞌ, ra̱cuíj soꞌ manj nda̱a güii caꞌna̱ꞌ uún Cristó ado̱nj.

Romanos 4:21

ne̱ amán ya̱ rá soꞌ se vaa gu̱un nucua̱j Yaꞌanj quiꞌya̱j Yaꞌanj cunuda̱nj se vaa cataꞌ tuꞌva Yaꞌanj a.

San Juan 13:35

Sese ga̱a̱ ꞌe̱e̱ rá soj man tuviꞌ soj, ne̱ queneꞌe̱n cunuda̱nj yuvii̱ se vaa si̱j tucuꞌyón snana̱j me soj na̱nj ado̱nj ―taj Jesús rihaan nij síí tucuꞌyón snana̱ soꞌ a.

1 Juan 3:14

ꞌO̱ se cheꞌé se cunuu ꞌe̱e̱ rá níꞌ man tinúú níꞌ roꞌ, cheꞌé dan neꞌen níꞌ se vaa a̱j tanáj xco̱ níꞌ chrej chiꞌi̱i̱ chrej quiꞌya̱j cavi̱ꞌ níꞌ, ne̱ a̱j cunuu sa̱ꞌ nimán níꞌ, ne̱ caꞌve̱e ca̱yáán níꞌ ga̱ Yaꞌanj ado̱nj. Ne̱ síí ne ꞌe̱e̱ rá man tuviꞌ me se adi̱ꞌ se vaa nij síí caviꞌ roꞌ, vaa nij soꞌ na̱nj ado̱nj.

Hebreos 11:13

Dan me se ꞌo̱ amán rá ta̱ranꞌ nij soꞌ niꞌya̱j nij soꞌ Yaꞌanj nda̱a se caviꞌ ta̱ranꞌ nij soꞌ ado̱nj. Ne̱ ne quiri̱ꞌ maꞌa̱n nij soꞌ se vaa cataꞌ tuꞌva Yaꞌanj se vaa rque̱ Yaꞌanj rihaan nij tuvi̱ꞌ nij soꞌ maꞌ. Ma̱an se queneꞌen nij soꞌ se vaa vaa güii quiꞌya̱j Yaꞌanj cunuda̱nj yoꞌ, ne̱ cheꞌé dan guun niha̱ꞌ rá nij soꞌ na̱nj ado̱nj. Ne̱ cataj xnaꞌanj nij soꞌ se vaa né chiha̱nj nij soꞌ me chumii̱ nihánj maꞌ. Ma̱an se va̱j u̱u̱n nij soꞌ do̱j rihaan chumii̱ nihánj na̱nj ado̱nj.

Romanos 8:38

Cheꞌé dan uun ya̱ rá ꞌu̱nj se vaa a̱ ꞌó rasu̱u̱n se̱ caꞌvee naquiꞌya̱j yaníj man níꞌ ga̱ Yaꞌanj maꞌ. Sese aviꞌ níꞌ do̱ꞌ, sese vaa iꞌna̱ꞌ níꞌ do̱ꞌ, nij se‑mo̱zó Yaꞌanj do̱ꞌ, nij nana̱ chre̱e uun chij do̱ꞌ, nij nana̱ chre̱e nucua̱j do̱ꞌ, sayuun ranꞌ níꞌ cuano̱ do̱ꞌ, sayuun quira̱nꞌ níꞌ rej riha̱a̱n do̱ꞌ,

1 Juan 2:21

Né cheꞌe̱ se ne neꞌen soj nana̱ ya̱ me cachrón ꞌu̱nj nana̱ nihánj naya̱a̱ soj maꞌ. Tana̱nj achrón ꞌu̱nj nana̱ nihánj cheꞌé se si̱j neꞌen nij nana̱ ya̱ me soj, ne̱ a̱j neꞌen soj se vaa ino̱ doj vaa nana̱ ne̱ ga̱ nana̱ ya̱ nana̱ noco̱ꞌ níꞌ ado̱nj.

1 Juan 3:20

ꞌO̱ se nda̱ꞌ se caꞌve̱e nano̱ rá níꞌ cheꞌé cacunꞌ tumé níꞌ, tza̱j ne̱ sa̱ꞌ doj vaa Yaꞌanj rihaan nimán níꞌ, ne̱ Yaꞌanj me síí neꞌen cunuda̱nj ado̱nj.