1 Juan 2:4 - Triqui de San Juan Copala

⁴ Tza̱j ne̱ sese taj ꞌo̱ soꞌ se vaa si̱j noco̱ꞌ man Cristó me soꞌ ne̱ ne uno soꞌ suun caꞌneꞌ Cristó rihaan níꞌ, ne̱ síí ne̱ me soꞌ, ne̱ né si̱j aꞌmii nana̱ ya̱ me soꞌ maꞌ.

1 Juan 2:4 Referans Kwoze

1 Juan 1:6

Cheꞌé dan sese cata̱j níꞌ se vaa si̱j chéé ga̱ Yaꞌanj me níꞌ, ne̱ sese chéé níꞌ rej rmi̱ꞌ, ga̱a ne̱ tuꞌva rmaꞌa̱n níꞌ vaa ga̱a na̱nj ado̱nj. Ne̱ ne nocoꞌ níꞌ nana̱ ya̱ yoꞌ ga̱a a̱ maꞌ.

Tito 1:16

Neꞌen nij soꞌ man Yaꞌanj, taj maꞌa̱n nij soꞌ, tza̱j ne̱ niꞌya̱j níꞌ se vaa ꞌyaj nij soꞌ, ne̱ xcaj níꞌ cuentá se vaa ne neꞌen uxrá nij soꞌ man Yaꞌanj a̱ maꞌ. Tana̱nj síí nachriꞌ yuvii̱ man do̱ꞌ, síí tucuáá do̱ꞌ, me nij soꞌ, ne̱ taj va̱j a̱ doj suun sa̱ꞌ caꞌve̱e quiꞌya̱j nij soꞌ a̱ maꞌ.

1 Juan 1:8

Dan me se sese cata̱j níꞌ se vaa a̱ doj cacunꞌ ne tumé níꞌ, ne̱ dan me se tihaꞌ yuꞌunj níꞌ man maꞌa̱n níꞌ na̱nj ado̱nj. Ne̱ né si̱j aꞌmii nana̱ ya̱ me níꞌ a̱ maꞌ.

1 Juan 4:20

Ne̱ sese cata̱j ꞌo̱ soꞌ se vaa aráj cochro̱j soꞌ rihaan Yaꞌanj, ne̱ sese nachriꞌ soꞌ niꞌya̱j soꞌ tinúú soꞌ, ne̱ síí ne̱ me soꞌ ado̱nj. ꞌO̱ se sese ruviꞌ ya̱ tinúú soꞌ niꞌya̱j soꞌ tza̱j ne̱ ne ꞌe̱e̱ rá soꞌ man tinúú soꞌ, ne̱ asa̱ꞌ caꞌve̱e cara̱a̱ cochro̱j soꞌ rihaan Yaꞌanj, sese ne ruviꞌ Yaꞌanj niꞌya̱j soꞌ ga̱.

1 Juan 2:9

Ne̱ xa̱ꞌ síí taj se vaa va̱j soꞌ rej chuguu̱n ga̱ snana̱ Cristó ne̱ nachriꞌ soꞌ niꞌya̱j soꞌ man tinúú soꞌ, ne̱ si̱j va̱j gue̱e̱ rej rmi̱ꞌ me ya̱ soꞌ na̱nj chugua̱nj.

1 Juan 1:10

Dan me se sese cata̱j níꞌ se vaa a̱ doj ne quiꞌya̱j níꞌ cacunꞌ, ne̱ ꞌyaj níꞌ síí ne̱ man nda̱a maꞌa̱n Yaꞌanj vaa ga̱a na̱nj chugua̱nj. Ne̱ sese caꞌmi̱i̱ níꞌ da̱nj, ne̱ né si̱j uno snana̱ Yaꞌanj me níꞌ ga̱a maꞌ.

San Juan 8:44

ꞌO̱ se taꞌníí Síí Chre̱e me soj, ne̱ me rá soj quiꞌya̱j soj ina̱nj nda̱a vaa me rá rej soj Síí Chre̱e quiꞌya̱j soj ado̱nj. Ne̱ xa̱ꞌ soꞌ, tza̱j ne̱ síí ticaviꞌ man yuvii̱ me soꞌ asi̱j guun cheꞌe̱ chumii̱ nihánj, ne̱ daj chiha̱a̱ míj ne neꞌen soꞌ caꞌmi̱i̱ nica̱ soꞌ nana̱ ya̱ maꞌ. ꞌO̱ se ne aranꞌ rá soꞌ caꞌmi̱i̱ soꞌ nana̱ ya̱ a̱ maan ado̱nj. Da̱nj ina̱nj vaa soꞌ, aꞌmii ne̱ soꞌ, cheꞌé se síí ne̱ ina̱nj me soꞌ, ne̱ síí tucuꞌyón man yuvii̱ caꞌmi̱i̱ ne̱ yuvii̱ me uún soꞌ ado̱nj.

Tito 1:10

Dan me se ma̱n ndoꞌo síí tucuáá do̱ꞌ, síí tuꞌva rmaꞌa̱n do̱ꞌ, síí tihaꞌ yuꞌunj do̱ꞌ, rej Creta a. Ne̱ síí chiꞌi̱i̱ doj rihaan ꞌó nij soꞌ me nij síí taj se vaa no̱ xcúún nij snóꞌo noco̱ꞌ man Cristó canoco̱ꞌ nij soꞌ nu̱ꞌ tucuáán noco̱ꞌ nij yuvii̱ israelitá a.

1 Juan 2:3

Dan me se nihánj me rej neꞌen níꞌ se vaa si̱j noco̱ꞌ man Cristó me níꞌ a. Dan me se sese uno níꞌ suun caꞌneꞌ Jesucristó rihaan níꞌ, ne̱ si̱j noco̱ꞌ ya̱ man soꞌ me níꞌ ado̱nj.

1 Juan 3:6

Ne̱ ta̱ranꞌ nij síí ꞌo̱ nocoꞌ man soꞌ roꞌ, né si̱j noco̱ꞌ cacunꞌ me nij soꞌ maꞌ. Ne̱ nij síí noco̱ꞌ tucuáán ꞌyaj cacunꞌ roꞌ, né si̱j neꞌen man Cristó me nij soꞌ maan ado̱nj.

1 Juan 4:7

Tinu̱j, nocoj, no̱ xcúún níꞌ ga̱a̱ ꞌe̱e̱ rá níꞌ man tuviꞌ níꞌ ado̱nj. ꞌO̱ se Yaꞌanj me síí rqué rej nucua̱j rihaan níꞌ ga̱a̱ ꞌe̱e̱ rá níꞌ man tuviꞌ níꞌ a. Cheꞌé dan nu̱ꞌ síí ꞌe̱e̱ rá man tuviꞌ me se síí caꞌngaa naca̱ nimán quiꞌyaj Yaꞌanj me nij soꞌ ado̱nj. Ne̱ neꞌen nij soꞌ man Yaꞌanj ado̱nj.