1 Juan 2:1 - Triqui de San Juan Copala

¹ Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

1 Juan 2:1 Referans Kwoze

1 Timoteo 2:5

ꞌO̱ se o̱rúnꞌ Yaꞌanj, ne̱ o̱rúnꞌ ꞌo̱ snóꞌo taj xnaꞌanj rihaan níꞌ da̱j vaa Yaꞌanj, ne̱ soꞌ me síí aꞌmii rihaan Yaꞌanj cheꞌé níꞌ, ne̱ Cristó Jesús me síí ꞌyaj da̱nj ado̱nj.

Romanos 8:34

Taj va̱j yuvii̱ cuta̱ꞌ cacunꞌ xráá níꞌ si̱j narii Yaꞌanj man maꞌ. ꞌO̱ se caviꞌ Cristó cheꞌé níꞌ, ne̱ cunuu iꞌna̱ꞌ uún Cristó, ne̱ cuano̱ nicunꞌ soꞌ xꞌnúú Yaꞌanj rej nuva̱ꞌ Yaꞌanj, ne̱ maꞌa̱n soꞌ me síí achíín niꞌya̱j rihaan Yaꞌanj cheꞌé níꞌ ado̱nj.

San Juan 14:6

Ga̱a ne̱ cataj Jesús rihaan soꞌ a: ―Ma̱ꞌanj me guun chrej rihaan soj, ne̱ ma̱ꞌanj me nana̱ ya̱ cuno̱ soj, ne̱ ma̱ꞌanj me síí quiꞌya̱j ga̱a̱ iꞌna̱ꞌ nimán soj ado̱nj. Sese se̱ caꞌvej rá ꞌo̱ soꞌ canoco̱ꞌ soꞌ manj, ne̱ daj chiha̱a̱ míj se̱ cuchiꞌ soꞌ rihaan Réj Yaꞌanj a̱ maꞌ.

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

1 Juan 4:4

Tza̱j ne̱ ya̱j nihánj me se síí ya̱ noco̱ꞌ man Yaꞌanj me nij soj, tinu̱j, nocoj. Ne̱ a̱j quiꞌyaj canaán soj rihaan nij síí ne̱ cuano̱ ado̱nj. ꞌO̱ se nu̱u̱ Nimán Yaꞌanj nimán soj, ne̱ nucua̱j doj Nimán Yaꞌanj rihaan Síí Chre̱e va̱j rihaan chumii̱ nihánj chugua̱nj.

1 Juan 3:18

Dan me se ase vaa taꞌníj vaa soj chugua̱nj. Dan me se se̱ guun cata̱j u̱u̱n níꞌ nana̱ u̱u̱n se vaa ꞌe̱e̱ rá níꞌ man tuviꞌ níꞌ maꞌ. Tana̱nj quiꞌya̱j níꞌ se sa̱ꞌ nda̱a vaa taj nana̱ ya̱ a.

1 Juan 3:7

Dan me se ase vaa taꞌníj vaa soj rihanj, tinu̱j, nocoj, ne̱ se̱ guun tiha̱ꞌ yuꞌunj a̱ doj yuvii̱ man soj maan chugua̱nj. Síí ꞌyaj sa̱ꞌ roꞌ, síí sa̱ꞌ me soꞌ, ne̱ ase vaa maꞌa̱n Cristó vaa soꞌ ado̱nj.

San Juan 8:11

Ga̱a ne̱ cataj chana̱ yoꞌ a: ―Taj va̱j a̱ ꞌó síí me rá caꞌmi̱i̱ da̱nj a̱ maan, Señor ―taj chana̱ yoꞌ rihaan Jesús a. Ga̱a ne̱ cataj Jesús rihaan noꞌ a: ―A̱ ꞌu̱nj se̱ cataj se vaa quiꞌya̱j nii sayuun mán so̱ꞌ a̱ maꞌ. Dan me se caꞌa̱nj so̱ꞌ, ne̱ se̱ quiꞌyáá so̱ꞌ a̱ doj cacunꞌ rej rihaan so̱ꞌ a̱ maꞌ ―taj Jesús rihaan chana̱ yoꞌ a.

Hebreos 9:24

ꞌO̱ se né nu̱vií cuneꞌ maꞌa̱n yuvii̱ me rej catúj Cristó maꞌ. ꞌO̱ se nuvií mantá yoꞌ roꞌ, ase vaa rej nicu̱nꞌ maꞌa̱n Yaꞌanj rej xta̱ꞌ vaa yoꞌ, tza̱j ne̱ né ya̱ ya̱ rej nicu̱nꞌ Yaꞌanj me yoꞌ maꞌ. Tza̱j ne̱ ya̱j me se catúj maꞌa̱n Cristó rej xta̱ꞌ yoꞌ, ne̱ cuano̱ nicunꞌ soꞌ rihaan maꞌa̱n Yaꞌanj, ne̱ achíín niꞌya̱j soꞌ rihaan Yaꞌanj cheꞌé níꞌ ado̱nj.

1 Juan 3:5

Ne̱ neꞌen nij soj se vaa caꞌnaꞌ Cristó rihaan chumii̱ nihánj, cheꞌé rej caꞌve̱e tinavi̱j soꞌ cacunꞌ tumé yuvii̱, ne̱ a̱ doj cacunꞌ taj tumé soꞌ maꞌ.

Efesios 2:18

ꞌO̱ se cheꞌé Cristó me se racuíj Nimán Yaꞌanj man níꞌ, ne̱ cheꞌé dan vaa yaꞌnúj rihaan ta̱ranꞌ níꞌ cachi̱nj niꞌya̱j maꞌa̱n níꞌ rihaan Rej níꞌ Yaꞌanj ado̱nj.

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.

1 Pedro 3:18

Tza̱j ne̱ Cristó me se nda̱ꞌ se taj cacunꞌ tumé soꞌ, tza̱j ne̱ ga̱a cachéé soꞌ rihaan chumii̱ nihánj, ne̱ quiranꞌ ndoꞌo soꞌ sayuun cheꞌé cacunꞌ tumé níꞌ si̱j tumé cacunꞌ, cheꞌé rej caꞌve̱e cuchi̱ꞌ níꞌ rihaan Yaꞌanj chugua̱nj. Dan me se caviꞌ nee̱ man Cristó, tza̱j ne̱ cunuu iꞌna̱ꞌ nimán soꞌ ado̱nj.

Efesios 4:26

Nda̱ꞌ se aꞌmaan ndoꞌo rá soj, tza̱j ne̱ se̱ quiꞌyaj soj cacunꞌ maꞌ. Ne̱ raꞌya̱nj naꞌma̱a̱n rá uún soj cuaj na̱nj á. Se̱ caꞌvej rá soj ꞌo̱ ga̱a̱ yuva̱a̱ nimán soj cunu̱ꞌ güii maꞌ.

Gálatas 4:19

Dan me se ase vaa taꞌníí ꞌu̱nj neꞌej roꞌ, da̱nj vaa nij soj, tinu̱j, nocoj. Cuano̱ nihánj me se uun cheꞌe̱ uún ꞌu̱nj nanó ndoꞌo rá ꞌu̱nj cheꞌé soj nda̱a vaa nanó rá ꞌu̱nj ga̱a rque̱ a. Dan me se ase vaa nanó rá chana̱ nichrunꞌ cuchru̱j neꞌej roꞌ, da̱nj vaa nanó rá ꞌu̱nj cheꞌé soj cuano̱ chugua̱nj. Ne̱ veé ina̱nj da̱nj nanó ndoꞌo rá uún ꞌu̱nj cheꞌé nij soj nda̱a nari̱ꞌ ya̱ ya̱ soj nda̱a vaa quiꞌyaj maꞌa̱n ya̱ Cristó na̱nj á.

San Juan 10:15

Dan me se neꞌen Réj Yaꞌanj manj, ne̱ neꞌenj man Réj, ne̱ ase vaa ꞌu̱nj ga̱ Réj roꞌ, da̱nj vaa daán ꞌu̱nj matzinj ga̱ ꞌu̱nj chugua̱nj. Ne̱ aꞌnéé nimanj cavi̱j cheꞌé nij xoꞌ ado̱nj.

San Juan 5:36

’Ne̱ xa̱ꞌ ꞌu̱nj nihánj, tza̱j ne̱ sa̱ꞌ doj vaa síí taj xnaꞌanj cheꞌé ꞌu̱nj rihaan síí cuꞌna̱j Juan a. Dan me se vaa suun caꞌneꞌ Réj rihanj se vaa ya̱ quisi̱j suun sa̱ꞌ yoꞌ qui̱ꞌyáj, ne̱ cheꞌé dan me ꞌyáá ꞌu̱nj nij suun sa̱ꞌ yoꞌ a. Cheꞌé maꞌa̱n suun sa̱ꞌ yoꞌ caꞌve̱e xca̱j soj cuentá se vaa si̱j caꞌnéé Réj Yaꞌanj mej ado̱nj.

San Lucas 10:22

Canica̱j Jesús, cataj soꞌ rihaan nij yuvii̱ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. A̱ ꞌó síí ne neꞌen da̱j vaa ꞌu̱nj Taꞌni̱j soꞌ, ma̱an se o̱rúnꞌ Réj neꞌen a. Ne̱ a̱ ꞌó síí ne neꞌen da̱j vaa Réj maꞌ. Ma̱an se o̱rúnꞌ ꞌu̱nj Taꞌni̱j soꞌ neꞌen da̱j vaa soꞌ ado̱nj. Ne̱ sese me rá ꞌu̱nj ti̱haán ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj ―taj Jesús rihaan nij yuvii̱ a.

1 Pedro 2:22

Ne̱ Cristó me se a̱ ꞌó cacunꞌ ne quiꞌya̱j soꞌ ne̱ a̱ doj nana̱ ne̱ ne nari̱ꞌ níꞌ tuꞌva soꞌ a̱ maꞌ.

1 Corintios 15:34

No̱ xcúún soj xca̱j naca̱ soj cuentá, ne̱ caꞌne̱ꞌ rá soj ga̱ suun ꞌyaj cacunꞌ á. ꞌO̱ se taꞌa̱j soj me síí ne neꞌen uxrá da̱j vaa Yaꞌanj, raj a̱ maꞌ. ꞌO̱ se vaa cheꞌé gu̱un naꞌa̱j soj chugua̱nj.

San Juan 5:14

Veé dan, ne̱ nariꞌ Jesús man síí nahuun sa̱ꞌ yoꞌ rej ya̱nj nuvií noco̱o, ne̱ cataj Jesús rihaan soꞌ a: ―Ya̱ nahuun sa̱ꞌ so̱ꞌ á. Ta̱náj so̱ꞌ chrej chiꞌi̱i̱ á. Sese taj, ne̱ caꞌna̱ꞌ rasu̱u̱n qui̱j doj xráá so̱ꞌ, ne̱ doj a̱ qui̱ránꞌ so̱ꞌ na̱nj ado̱nj ―taj Jesús rihaan soꞌ a.

Santiago 1:27

Cata̱j xnaꞌanj ꞌu̱nj rihaan soj me síí me síí noco̱ꞌ ya̱ man Rej níꞌ Yaꞌanj a. Síí racuíj man xnii nique̱ caviꞌ rej do̱ꞌ, síí racuíj man chana̱ nique̱ caviꞌ nica̱ do̱ꞌ, síí ne nocoꞌ man síí chiꞌi̱i̱ ma̱n rihaan chumii̱ nihánj do̱ꞌ roꞌ, soꞌ me síí noco̱ꞌ ya̱ man Yaꞌanj ado̱nj.

1 Juan 5:21

Ase vaa taꞌníj vaa nij soj rihanj, tinu̱j, nocoj. Dan me se cata̱j xnaꞌanj ꞌu̱nj rihaan soj se vaa tu̱mé ndoꞌo soj man soj rihaan yaꞌanj quiꞌyaj maꞌa̱n yuvii̱ á.

Santiago 3:9

Dan me se tuꞌva níꞌ me avii nana̱ sa̱ꞌ aꞌmii níꞌ cheꞌé Rej níꞌ Yaꞌanj Si̱j ꞌNi̱j Raꞌa man níꞌ, ne̱ veé tuꞌva níꞌ avii nana̱ chre̱e cheꞌé tuviꞌ níꞌ, ꞌyaj daa níꞌ uún a. Ne̱ dan me se ase vaa Yaꞌanj roꞌ, da̱nj vaa nij tuvi̱ꞌ níꞌ ga̱a quiꞌyaj Yaꞌanj man ta̱ranꞌ níꞌ a.

Romanos 6:15

Xraj ne̱ cata̱j taꞌa̱j yuvii̱ a: “Sese da̱nj vaa, ne̱ sese se̱ cutaꞌ Yaꞌanj cacunꞌ xráá níꞌ cheꞌé stucua̱nj Moisés, ne̱ sese quiꞌya̱j Yaꞌanj se lu̱j cheꞌé níꞌ, ne̱ caꞌve̱e quiꞌya̱j ndoꞌo níꞌ cacunꞌ na̱nj á.” Tza̱j ne̱ qui̱j ndoꞌo vaa nana̱ yoꞌ nana̱ tuꞌva nij yuvii̱ na̱nj ado̱nj.

San Juan 13:33

Nichrunꞌ navi̱j orá chéé ꞌu̱nj ga̱ soj, na̱nj rej. Dan me se a̱j cataj ꞌu̱nj rihaan nij síí uun chij rihaan nij yuvii̱ israelitá se vaa cavi̱i̱ ꞌu̱nj caꞌa̱nj ꞌu̱nj, ne̱ se̱ guun nucua̱j nij soꞌ cuchi̱ꞌ nij soꞌ rej caꞌa̱nj ꞌu̱nj maꞌ. Ne̱ xa̱ꞌ maꞌa̱n soj, tza̱j ne̱ nano̱ꞌ maꞌa̱n soj manj, ne̱ nihánj me cata̱j xnaꞌanj ꞌu̱nj rihaan soj se vaa se̱ guun nucua̱j maꞌa̱n soj cuchi̱ꞌ maꞌa̱n soj rej caꞌa̱nj ꞌu̱nj a̱ maꞌ.

1 Timoteo 3:14

Dan me se cachrón ꞌu̱nj nana̱ nihánj rihaan yanj nihánj, ne̱ caꞌne̱j ꞌu̱nj rihaan so̱ꞌ á. Tza̱j ne̱ naꞌvi̱j ꞌu̱nj se vaa cuchi̱ꞌ ꞌu̱nj rihaan so̱ꞌ rque do̱j güii ado̱nj.

San Juan 21:5

Dan me se cataj Jesús rihaan nij soꞌ a: ―Tinu̱j, vaa do̱j xcuaj rihaan soj cha̱ níꞌ naꞌ ―taj Jesús, xnáꞌanj soꞌ man nij soꞌ a. ―Taj maꞌ ―taj nij soꞌ a.

San Juan 14:16

Ga̱a ne̱ cachi̱nj niꞌya̱j ma̱ꞌanj rihaan Réj Yaꞌanj, ga̱a ne̱ caꞌne̱j soꞌ ꞌó síí cuchi̱ꞌ rihaan soj, ne̱ ra̱cuíj ndoꞌo soꞌ man soj, ne̱ ca̱yáán soꞌ ga̱ soj nu̱ꞌ cavii nu̱ꞌ caꞌanj a.

Hechos 7:52

Dan me se canocoꞌ xi̱i soj man cunuda̱nj nij síí nataꞌ snana̱ Yaꞌanj, ne̱ guun rá nij soꞌ quiꞌya̱j nij soꞌ sayuun man nij síí nataꞌ snana̱ Yaꞌanj a. Ne̱ nda̱a ticaviꞌ nij soꞌ man nij síí nataꞌ cheꞌé Síí Nica̱ Nimán caꞌne̱j Yaꞌanj rihaan chumii̱ nihánj ti̱nanii man yuvii̱ rihaan sayuun ado̱nj. Ne̱ Síí Nica̱ Nimán yoꞌ me se guun nij soj síí tacuachén man soꞌ rihaan nij síí ta̱j riꞌyunj man níꞌ, ne̱ nda̱a ticaviꞌ nij soj man soꞌ vaa asânj.

Romanos 5:10

Nda̱ꞌ se síí ta̱j riꞌyunj man Yaꞌanj me níꞌ ga̱a rque̱, tza̱j ne̱ caꞌnéé Yaꞌanj Taꞌníí Yaꞌanj cavi̱ꞌ soꞌ cheꞌé yuvii̱, ne̱ guun tuvi̱ꞌ níꞌ ga̱ Yaꞌanj, quiꞌyaj soꞌ a. Ne̱ cunuu iꞌna̱ꞌ uún Cristó, ne̱ cheꞌé dan neꞌen níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ vaa güii ado̱nj.

1 Juan 5:17

Dan me se me maꞌa̱n se nij ꞌyaj níꞌ me cacunꞌ chugua̱nj. Tza̱j ne̱ se̱ caviꞌ nu̱ꞌ níꞌ rihaan Yaꞌanj quiꞌya̱j me maꞌa̱n cacunꞌ yoꞌ maꞌ. ꞌO̱ se caꞌve̱e tinavi̱j Yaꞌanj cacunꞌ yoꞌ ado̱nj.

3 Juan 1:4

Ne̱ taj va̱j ꞌó suun caꞌve̱e quiꞌya̱j gu̱un niha̱ꞌ doj raj a̱ maꞌ. Ma̱an se o̱rúnꞌ nana̱ cunó ꞌu̱nj se vaa veꞌé nocoꞌ nij síí guun taꞌníí ꞌu̱nj man tucuáán ya̱ na̱nj ado̱nj.