1 Corintios 9:16 - Triqui de San Juan Copala

¹⁶ Dan me se aꞌmii natáj ꞌu̱nj nana̱ sa̱ꞌ cheꞌé Cristó, tza̱j ne̱ se̱ caꞌmii xta̱ꞌ ꞌu̱nj cheꞌé suun yoꞌ maꞌ. Ma̱an se suun caꞌneꞌ Yaꞌanj rihaan ꞌu̱nj me suun yoꞌ, ne̱ sese se̱ caꞌmii natáj ꞌu̱nj nana̱ sa̱ꞌ yoꞌ, ga̱a ne̱ qui̱ránꞌ ꞌu̱nj cacunꞌ noco̱o ndoꞌo ga̱a na̱nj ado̱nj.

1 Corintios 9:16 Referans Kwoze

Romanos 1:14

Dan me se cheꞌé se no̱ xcúún ꞌu̱nj nata̱ꞌ ꞌu̱nj rihaan cunuda̱nj nij yuvii̱ yaníj roꞌ, cheꞌé dan nata̱ꞌ ꞌu̱nj rihaan nij síí yaníj aꞌmii xnaꞌánj griego do̱ꞌ, rihaan nij síí yaníj ne aꞌmii xnaꞌánj griego do̱ꞌ, rihaan nij síí avii raa̱ do̱ꞌ, rihaan nij síí ne nica̱j cuentá do̱ꞌ, rihaan cunuda̱nj nij soꞌ natáꞌ ꞌu̱nj a.

Colosenses 4:17

Ne̱ cata̱j soj rihaan síí cuꞌna̱j Arquipo se vaa ꞌo̱ caꞌne̱j nimán soꞌ quiꞌya̱j soꞌ nu̱ꞌ suun caꞌneꞌ Síí ꞌNi̱j Raꞌa man níꞌ rihaan soꞌ á.

San Lucas 9:62

Tza̱j ne̱ cataj Jesús rihaan soꞌ a: ―Síí oro̱ꞌ nee niꞌya̱j rej xco̱ roꞌ, daj chiha̱a̱ míj se̱ cavii nica̱ tucuáán quiꞌya̱j soꞌ maꞌ. Ne̱ síí me rá canoco̱ꞌ manj me se se̱ guun ca̱nica̱j uún soꞌ rej xco̱ soꞌ maꞌ. Ne̱ sese da̱nj quiꞌya̱j soꞌ, ne̱ daj chiha̱a̱ míj se̱ caꞌvee gu̱un chij Yaꞌanj nimán soꞌ maꞌ ―taj Jesús rihaan soꞌ a.

Hechos 4:20

Se̱ caꞌvee caꞌne̱ꞌ rá núj ga̱ suun aꞌmii cheꞌé se vaa queneꞌen núj do̱ꞌ, cheꞌé nana̱ cuno núj do̱ꞌ a̱ maꞌ ―taj ro̱j soꞌ rihaan nij soꞌ a.

Romanos 15:17

Dan me se racuíj ndoꞌo Cristó Jesús manj, ne̱ cheꞌé dan niha̱ꞌ raj cheꞌé nu̱ꞌ se‑su̱u̱n Yaꞌanj ꞌyáá ꞌu̱nj na̱nj á.

Hechos 9:15

Ga̱a ne̱ cataj Síí ꞌNi̱j Raꞌa man níꞌ rihaan soꞌ a: ―Caꞌa̱nj so̱ꞌ cuaj á. ꞌO̱ se a̱j narii ꞌu̱nj man soꞌ cu̱nuû soꞌ rihanj, cheꞌé yan ni̱caj soꞌ se‑chu̱vií ꞌu̱nj caꞌa̱nj soꞌ rihaan nij síí yaníj do̱ꞌ, nij síí nica̱j suun rey do̱ꞌ, maꞌa̱n nij síí israelitá do̱ꞌ ado̱nj.

Hechos 9:6

Tza̱j ne̱ na̱xaga̱a̱ so̱ꞌ caꞌa̱nj so̱ꞌ nda̱a chumanꞌ Damasco, ga̱a ne̱ cata̱j nii rihaan so̱ꞌ da̱j qui̱ꞌyáá so̱ꞌ á ―taj Jesús rihaan Saulo a.

Romanos 4:2

ꞌO̱ se ne nó xcúún Abraham cata̱j Abraham se vaa ma̱an cheꞌé se sa̱ꞌ quiꞌyaj soꞌ, cheꞌé dan cunuu sa̱ꞌ nimán soꞌ quiꞌyaj Yaꞌanj maꞌ. Neꞌen Yaꞌanj se vaa ne ya̱ vaa nana̱ yoꞌ maꞌ.

1 Corintios 4:15

Caꞌve̱e se cuchi̱ꞌ chi̱ꞌ míj síí tu̱cuꞌyón cheꞌé Cristó rihaan soj, tza̱j ne̱ asinoj me síí cataj xnaꞌanj nana̱ sa̱ꞌ cheꞌé soꞌ rihaan soj á. Canocoꞌ soj man Cristó Jesús ga̱ ꞌu̱nj, ne̱ cheꞌé dan ase vaa rej soj vaa ꞌu̱nj ado̱nj.

1 Corintios 9:12

Sese no̱ xcúún ꞌó yuvii̱ cha̱ nij soꞌ se vaa rqué soj rihaan nij soꞌ, ne̱ táá a̱ núj, ne̱ doj a̱ no̱ xcúún núj cha̱ núj se vaa rqué soj rihaan núj, raj a. Tza̱j ne̱ ne achíín núj se chá rihaan soj maꞌ. ꞌO̱ se chuꞌviꞌ núj se vaa gu̱un rá yuvii̱ se vaa aꞌmii natáj núj nana̱ sa̱ꞌ cheꞌé Cristó cheꞌé saꞌanj do̱ꞌ, cheꞌé se chá do̱ꞌ, ne̱ se̱ cuchumán rá nij yuvii̱ cuno̱ nij yuvii̱ nana̱ sa̱ꞌ yoꞌ, rá núj maꞌ. ꞌO̱ se aꞌvej rá núj quira̱nꞌ núj me maꞌa̱n sayuun cheꞌé nana̱ sa̱ꞌ yoꞌ na̱nj ado̱nj.

1 Corintios 9:14

Ne̱ xa̱ꞌ núj si̱j nataꞌ nana̱ sa̱ꞌ cheꞌé Cristó rihaan yuvii̱, tza̱j ne̱ caꞌneꞌ Síí ꞌNi̱j Raꞌa man níꞌ suun se vaa cha̱ núj se vaa rque̱ yuvii̱ rihaan núj cheꞌé se‑su̱u̱n núj suun nataꞌ nana̱ sa̱ꞌ rihaan yuvii̱ a.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,

San Mateo 25:16

’Síj caꞌanj soꞌ, ne̱ cavii síí nica̱j ꞌu̱nꞌ nanj saꞌanj caꞌanj soꞌ, ne̱ quiꞌyaj suun soꞌ, ne̱ quiꞌyaj canaán soꞌ yuꞌunꞌ nanj saꞌanj raa̱ nanj saꞌanj quiriꞌ soꞌ a.