1 Corintios 8:7 - Triqui de San Juan Copala

⁷ Tza̱j ne̱ né cunuda̱nj tinúú níꞌ neꞌen nana̱ nihánj maꞌ. Vaa taꞌa̱j nij soꞌ canocoꞌ man yaꞌanj quiꞌyaj maꞌa̱n yuvii̱ ga̱a rque̱, ne̱ taꞌa̱j nij tinúú níꞌ me se ne nucua̱j nimán nij soꞌ, ne̱ ga̱a chá nij soꞌ nee̱ cutaꞌ nii rihaan yaꞌanj quiꞌyaj maꞌa̱n yuvii̱ me se uun vi̱j rá nij soꞌ niꞌya̱j nij soꞌ man nee̱ yoꞌ, cheꞌé se nee̱ cutaꞌ nii rihaan ꞌo̱ yaꞌanj quiꞌyaj maꞌa̱n yuvii̱ me yoꞌ, rá nij soꞌ a. Cacunꞌ me cha̱ꞌ man nee̱ cutaꞌ nii rihaan yoꞌ, rá nij soꞌ, ne̱ cheꞌé dan me sese cha̱ nij tinúú níꞌ síí vaa da̱nj rá man nee̱ yoꞌ, ne̱ quiri̱ꞌ rá nij soꞌ na̱nj ado̱nj.

1 Corintios 8:7 Referans Kwoze

Romanos 14:14

Cheꞌé se noco̱ꞌ ꞌu̱nj man Jesús Si̱j ꞌNi̱j Raꞌa man níꞌ, ne̱ guun ya̱ raj se vaa a̱ ꞌó rasu̱u̱n ne yuꞌva̱ꞌ ta̱ꞌaꞌ maꞌ. Tza̱j ne̱ sese vaa ꞌo̱ soꞌ uun rá se vaa cacu̱nꞌ cha̱ níꞌ ꞌo̱ rasu̱u̱n, ne̱ ya̱ uxrá cacu̱nꞌ cha̱ soꞌ a.

Hechos 15:20

Ma̱an se quiꞌya̱j níꞌ yanj caꞌne̱j níꞌ rihaan nij soꞌ, ne̱ cata̱j xnaꞌanj níꞌ rihaan nij soꞌ se vaa se̱ guun cha̱ nij soꞌ rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Ne̱ snóꞌo do̱ꞌ, chana̱ do̱ꞌ, se̱ cotoj nij soꞌ ga̱ ꞌó yuvii̱ sese né ni̱ca̱ nij soꞌ me yoꞌ maꞌ. Ne̱ se̱ chá nij soꞌ nee̱ xcuu tuguáj nii gaán chihá maꞌ. Ne̱ se̱ chá nij soꞌ ton maꞌ.

Romanos 15:14

Veé dan me se uun ya̱ raj se vaa síí sa̱ꞌ me maꞌa̱n soj, tinu̱j, nocoj. Xcaj ndoꞌo soj cuentá, ne̱ neꞌen soj nago̱ꞌ soj chrej sa̱ꞌ man tinúú soj ado̱nj.

1 Corintios 8:1

Ne̱ cata̱j xnaꞌanj ꞌu̱nj rihaan soj cheꞌé nee̱ a̱j cutaꞌ nii rihaan yaꞌanj quiꞌyaj maꞌa̱n yuvii̱ a. Neꞌen níꞌ se vaa síí acaj cuentá me cunuda̱nj níꞌ, ne̱ né se yaꞌa̱nj tihaꞌ me neꞌen níꞌ, ne̱ caꞌmi̱i̱ xta̱ꞌ níꞌ maꞌ. ꞌO̱ se nij ndoꞌo vaa sese da̱nj quiꞌya̱j níꞌ ado̱nj. Tza̱j ne̱ sese ꞌe̱e̱ rá níꞌ man tinúú níꞌ, ne̱ ra̱cuíj níꞌ man tinúú níꞌ, ga̱a ne̱ doj a̱ cavi̱i̱ sa̱ꞌ níꞌ á.

1 Corintios 8:4

Dan me se cata̱j xnaꞌanj ꞌu̱nj rihaan soj cheꞌé suun cha̱ yuvii̱ nee̱ cutaꞌ nii rihaan yaꞌanj quiꞌyaj maꞌa̱n yuvii̱ a. Ne̱ ya̱ neꞌen níꞌ se vaa taj se guun yaꞌanj quiꞌyaj maꞌa̱n yuvii̱ rihaan chumii̱ nihánj maꞌ. Ne̱ xa̱ꞌ Yaꞌanj, tza̱j ne̱ o̱rúnꞌ ya̱ soꞌ ado̱nj.

1 Corintios 10:25

Caꞌve̱e cha̱ soj na̱j guun nee̱ aneꞌ rihaan yuꞌvee, ne̱ se̱ nanó rá soj sese nee̱ cutaꞌ nii rihaan yaꞌanj quiꞌyaj maꞌa̱n yuvii̱ me nee̱ yoꞌ maꞌ. Ma̱an se cha̱ u̱u̱n soj na̱nj á.

1 Tesalonicenses 5:14

Ne̱ cuano̱ nihánj me rquee̱ núj man soj se vaa nago̱ꞌ soj chrej nucua̱j man nij síí rmi̱i̱ se vaa quiꞌya̱j suun nij soꞌ, tinu̱j, nocoj. Sese vaa síí chuꞌviꞌ nimán, ne̱ caꞌmi̱i̱ soj nana̱ sa̱ꞌ rihaan soꞌ, ne̱ nari̱ꞌ nucuaj nimán soꞌ, quiꞌya̱j soj á. Ra̱cuíj soj man nij yuvii̱ ninaj nimán, ne̱ ga̱a̱ ina̱j nimán soj ni̱ꞌyaj soj man cunuda̱nj yuvii̱ á.