1 Corintios 8:13 - Triqui de San Juan Copala

¹³ Cheꞌé dan me sese quira̱nꞌ tinúú ꞌu̱nj sayuun cheꞌé nee̱ chá ꞌu̱nj, ne̱ daj chiha̱a̱ míj se̱ chá ꞌu̱nj nee̱, ga̱a ne̱ se̱ gaa na̱nj quira̱nꞌ tinúú ꞌu̱nj sayuun, qui̱ꞌyáá ꞌu̱nj a̱ maꞌ.

1 Corintios 8:13 Referans Kwoze

Romanos 14:21

Sese yuꞌva̱ꞌ cha̱ꞌ ꞌo̱ rasu̱u̱n rá tinúú so̱ꞌ, ne̱ sese se̱ chá so̱ꞌ man yoꞌ, ne̱ cuna̱j qui̱ꞌyáá so̱ꞌ á. Sese yuꞌva̱ꞌ coꞌo̱ꞌ ꞌo̱ na rá tinúú so̱ꞌ, ne̱ sese se̱ coꞌo so̱ꞌ man yoꞌ, ne̱ cuna̱j qui̱ꞌyáá so̱ꞌ á. Ta̱dó so̱ꞌ sese quira̱nꞌ tinúú so̱ꞌ cacunꞌ cheꞌé se vaa qui̱ꞌyáá so̱ꞌ á.

2 Corintios 11:29

Sese ne nucua̱j nimán ꞌo̱ tinúú níꞌ, ne̱ ase vaa ranꞌ nimán soꞌ roꞌ, da̱nj ranꞌ nimanj, ne̱ sese ꞌyaj ꞌo̱ tinúú níꞌ cacunꞌ, ꞌyaj ꞌó yuvii̱, ne̱ aꞌmaan rá ꞌu̱nj ado̱nj.

2 Corintios 6:3

Ne̱ tumé uxrá núj man núj cheꞌé chrej sa̱ꞌ, cheꞌé se naꞌvej rá núj quiꞌya̱j núj se vaa gu̱un yaníj soj rihaan chrej sa̱ꞌ maꞌ. Da̱nj ꞌyaj núj cheꞌé yan se̱ cata̱j nii se vaa nij vaa suun ꞌyaj núj rihaan Yaꞌanj maꞌ.

1 Corintios 13:5

Síí ꞌe̱e̱ rá man tuviꞌ roꞌ, ina̱nj veꞌé ꞌyaj soꞌ rihaan tuviꞌ soꞌ, ne̱ ne aráyaꞌa̱nj soꞌ ina̱nj maꞌa̱n soꞌ maꞌ. ꞌO̱ se aráyaꞌa̱nj soꞌ tuviꞌ soꞌ a. Ne raꞌya̱nj rá soꞌ caꞌma̱an rá soꞌ maꞌ. Ne nuû rá soꞌ sayuun quiꞌyaj yuvii̱ man soꞌ ga̱a rque̱ maꞌ.

1 Corintios 6:12

Dan me se taj ya̱ uún nii a: “Síí vaa yaꞌnúj rihaan mej a. Caꞌve̱e qui̱ꞌyáá ꞌu̱nj na̱j guun rasu̱u̱n me raj qui̱ꞌyáj á.” Tza̱j ne̱ se̱ cavii sa̱ꞌ ꞌu̱nj, quiꞌya̱j na̱j guun rasu̱u̱n me raj qui̱ꞌyáj a̱ maꞌ. Dan me se ya̱ uxrá síí vaa yaꞌnúj rihaan mej, tza̱j ne̱ se̱ caꞌvej raj gu̱un chij a̱ doj rasu̱u̱n rihanj maꞌ.

1 Corintios 10:33

Ina̱nj da̱nj ꞌyaj ma̱ꞌanj, ne̱ nu̱ꞌ se vaa me rá ꞌo̱ ꞌo̱ taꞌa̱j yuvii̱ qui̱ꞌyáá ꞌu̱nj roꞌ, ꞌyáá ꞌu̱nj, ne̱ ne ꞌyáá ꞌu̱nj ina̱nj se me raj ma̱ꞌanj qui̱ꞌyáj maꞌ. ꞌO̱ se ꞌyáá ꞌu̱nj nda̱a vaa me rá nij yuvii̱ na̱nj ado̱nj. ꞌO̱ se nanóꞌ ꞌu̱nj chrej cavi̱i̱ sa̱ꞌ cunuda̱nj nij yuvii̱ doj, ga̱a ne̱ nani̱i̱ nij soꞌ rihaan sayuun cheꞌé se sa̱ꞌ yoꞌ ado̱nj. Ina̱nj da̱nj quiꞌya̱j soj á.

1 Corintios 9:12

Sese no̱ xcúún ꞌó yuvii̱ cha̱ nij soꞌ se vaa rqué soj rihaan nij soꞌ, ne̱ táá a̱ núj, ne̱ doj a̱ no̱ xcúún núj cha̱ núj se vaa rqué soj rihaan núj, raj a. Tza̱j ne̱ ne achíín núj se chá rihaan soj maꞌ. ꞌO̱ se chuꞌviꞌ núj se vaa gu̱un rá yuvii̱ se vaa aꞌmii natáj núj nana̱ sa̱ꞌ cheꞌé Cristó cheꞌé saꞌanj do̱ꞌ, cheꞌé se chá do̱ꞌ, ne̱ se̱ cuchumán rá nij yuvii̱ cuno̱ nij yuvii̱ nana̱ sa̱ꞌ yoꞌ, rá núj maꞌ. ꞌO̱ se aꞌvej rá núj quira̱nꞌ núj me maꞌa̱n sayuun cheꞌé nana̱ sa̱ꞌ yoꞌ na̱nj ado̱nj.

San Mateo 17:27

Tza̱j ne̱ se̱ guun caꞌma̱an rá nij síí aꞌnéj impuestó cheꞌé nuvií noco̱o, quiꞌya̱j níꞌ maꞌ. Cheꞌé dan caꞌa̱nj so̱ꞌ tuꞌva na laguaná, ne̱ ta̱güéj so̱ꞌ ꞌo̱ agaꞌ taꞌaa xcuaj rque na, ne̱ ta̱ꞌaa so̱ꞌ xcuaj cano̱ agaꞌ asino ya̱a̱n á. Ga̱a ne̱ nuxra̱ꞌ so̱ꞌ tuꞌva xcuaj yoꞌ, ne̱ quiri̱ꞌ so̱ꞌ saꞌanj aga̱ꞌ vaa tuꞌvee yuvii̱ ꞌyaj suun caꞌa̱nj güii tuꞌva xcuaj yoꞌ, ne̱ go̱ꞌ so̱ꞌ saꞌanj yoꞌ cheꞌé ro̱ꞌ rihaan nij síí aꞌnéj impuestó á ―taj Jesús a.

Hechos 15:20

Ma̱an se quiꞌya̱j níꞌ yanj caꞌne̱j níꞌ rihaan nij soꞌ, ne̱ cata̱j xnaꞌanj níꞌ rihaan nij soꞌ se vaa se̱ guun cha̱ nij soꞌ rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Ne̱ snóꞌo do̱ꞌ, chana̱ do̱ꞌ, se̱ cotoj nij soꞌ ga̱ ꞌó yuvii̱ sese né ni̱ca̱ nij soꞌ me yoꞌ maꞌ. Ne̱ se̱ chá nij soꞌ nee̱ xcuu tuguáj nii gaán chihá maꞌ. Ne̱ se̱ chá nij soꞌ ton maꞌ.

Romanos 14:13

Cheꞌé dan caꞌne̱ꞌ rá níꞌ ga̱ suun utaꞌ níꞌ cacunꞌ xráá tinúú níꞌ á. Tana̱nj gu̱un ya̱ rá nij soj se vaa se̱ quiꞌyaj tinúú soj cacunꞌ, quiꞌya̱j maꞌa̱n soj a.

1 Corintios 10:32

Da̱nj na̱nj uún, ne̱ se̱ quiꞌyaj soj se vaa gu̱un vi̱j rá nij yuvii̱ israelitá do̱ꞌ, nij yuvii̱ yaníj do̱ꞌ, xꞌneꞌ cunuda̱nj nij síí noco̱ꞌ man Yaꞌanj do̱ꞌ maꞌ.