1 Corintios 5:9 - Triqui de San Juan Copala

⁹ A̱j caꞌnéé ꞌu̱nj nana̱ rihaan soj rihaan ꞌó yanj se vaa se̱ cunuu chre̱ꞌ soj ga̱ nij síí otoj ga̱ ꞌó yuvii̱ sese né ni̱ca̱ nij soꞌ me maꞌ.

1 Corintios 5:9 Referans Kwoze

Efesios 5:11

Ne̱ se̱ guun gu̱un tuvi̱ꞌ soj ga̱ nij síí chiꞌi̱i̱ ne acaj cuentá, ne̱ se̱ quiꞌyaj soj rasu̱u̱n taj se gúnꞌ ga̱ nij soꞌ a̱ maꞌ. Tana̱nj a̱ ti̱haa̱n soj man nij síí ꞌyaj da̱nj se vaa rasu̱u̱n nij ꞌyaj nij soꞌ á.

2 Tesalonicenses 3:14

Sese ꞌo̱ tuviꞌ soj naꞌvej rá cuno̱ nana̱ cachrón núj rihaan yanj nihánj, ne̱ xca̱j soj cuentá me síí naꞌvej rá cuno̱ nana̱, ne̱ se̱ nica̱j tuviꞌ rcuaꞌa̱a̱n soj ga̱ soꞌ maꞌ. Nda̱a síj, ga̱a ne̱ gu̱un naꞌa̱j soꞌ a.

2 Tesalonicenses 3:6

Cheꞌé se‑chuvi̱i Jesucristó Si̱j ꞌNi̱j Raꞌa man níꞌ, aꞌneꞌ núj ꞌó suun rihaan soj, tinu̱j, nocoj. Dan me se gu̱un yaníj soj rihaan nu̱ꞌ nij tinúú níꞌ nij síí noco̱ꞌ chrej rmi̱i̱ naꞌvej rá quiꞌya̱j suun á. ꞌO̱ se si̱j ne nocoꞌ tucuáán cuchruj núj rihaan me nij soꞌ a̱ maꞌ.

2 Corintios 6:14

Se̱ guun gu̱un tuvi̱ꞌ soj ga̱ nij síí ne nocoꞌ man Cristó maꞌ. Se̱ guun quiꞌya̱j soj nda̱a vaa ꞌyaj nij soꞌ maꞌ. Asa̱ꞌ caꞌve̱e cuya̱a̱n ga̱a̱ rej ranga̱ꞌ ga̱ rej rmi̱ꞌ, rá soj ga̱. Cheꞌé dan, asa̱ꞌ caꞌve̱e gu̱un tuvi̱ꞌ síí me rá quiꞌya̱j sa̱ꞌ ga̱ síí me rá quiꞌya̱j cacunꞌ, rá soj ga̱.

1 Corintios 5:7

Cheꞌé dan me quiri̱i̱ yaníj soj nu̱ꞌ se nij ꞌni̱j scaꞌnúj soj, ga̱a ne̱ ase vaa cunj naca̱ sa̱ꞌ roꞌ, da̱nj ga̱a̱ soj, ne̱ se̱ guun qui̱ꞌnij se nij scaꞌnúj soj a̱ maꞌ. Ya̱ vaa sa̱ꞌ soj, quiꞌyaj Cristó, ne̱ dan me se a̱j caviꞌ soꞌ cheꞌé níꞌ, ne̱ ase vaa caráán matzinj rihaan sayuun cheꞌé nij yuvii̱ israelitá ga̱a naá roꞌ, da̱nj vaa caráán Cristó rihaan nu̱ꞌ sayuun cheꞌé níꞌ, ne̱ se̱ quiranꞌ níꞌ sayuun cheꞌé cacunꞌ tumé níꞌ a̱ maꞌ.

1 Corintios 5:2

Me cheꞌé aꞌmii xta̱ꞌ soj ga̱. Me cheꞌé ne nanó rá soj ga̱. Me cheꞌé ne quiri̱i̱ yaníj soj man síí tumé cacunꞌ ꞌni̱j scaꞌnúj soj ga̱.

2 Corintios 6:17

Ne̱ cataj uún Yaꞌanj rihaan níꞌ si̱j noco̱ꞌ man soꞌ a: Cheꞌé dan gu̱un yaníj soj rihaan nij síí chiꞌi̱i̱ yoꞌ, ne̱ a̱ ꞌó se chiꞌi̱i̱ se̱ quiꞌyaj soj, ga̱a ne̱ naca̱j ꞌu̱nj man soj a.

1 Corintios 5:10

Tza̱j ne̱ ne caꞌmi̱i̱ ꞌu̱nj cheꞌé síí noco̱ꞌ se‑chre̱j chumii̱ nihánj síí ne nocoꞌ man Cristó maꞌ. Dan me se nij soꞌ me síí otoj ga̱ ꞌó yuvii̱ né ni̱ca̱ nij soꞌ me, ne̱ uun ndoꞌo rá nij soꞌ quiꞌya̱j canaán nij soꞌ saꞌanj, ne̱ ꞌyaj itu̱u̱ nij soꞌ siꞌyaj tuviꞌ nij soꞌ, ne̱ aráj gue̱e̱ nij soꞌ rihaan yaꞌanj ne vaa iꞌna̱ꞌ uún a. Tza̱j ne̱ sese me rá soj gu̱un yaníj soj ga̱ nij síí ꞌyaj cacunꞌ ma̱n rihaan chumii̱ nihánj, ne̱ me rej caꞌa̱nj soj ga̱. ꞌO̱ se ma̱n nij soꞌ rihaan nu̱ꞌ cachra̱ꞌ chumii̱ nihánj, ne̱ se̱ caꞌvee cu̱riha̱nj soj rihaan nij soꞌ rihaan chumii̱ nihánj maꞌ.