1 Corintios 3:23 - Triqui de San Juan Copala

²³ ꞌO̱ se síí noco̱ꞌ man Cristó me soj, ne̱ Taꞌni̱j Yaꞌanj me Cristó uún a.

1 Corintios 3:23 Referans Kwoze

Gálatas 3:29

Cheꞌé se si̱j noco̱ꞌ man Cristó me soj roꞌ, cheꞌé dan maꞌa̱n ya̱ taꞌníí taꞌnij siꞌno̱ síí cuꞌna̱j Abraham me soj rihaan Yaꞌanj, nda̱a vaa cataj Yaꞌanj rihaan Abraham se vaa quiꞌya̱j soꞌ se lu̱j rihaan ta̱ranꞌ nij taꞌníí taꞌnij siꞌno̱ Abraham ado̱nj.

1 Corintios 15:23

Tza̱j ne̱ nda̱a vaa orá quisi̱j ꞌo̱ ꞌo̱ rasu̱u̱n ado̱nj. Dan me se Cristó me síí cunuu iꞌna̱ꞌ asino ya̱a̱n rihaan cunuda̱nj yuvii̱, ga̱a ne̱ güii caꞌna̱ꞌ uún soꞌ rihaan chumii̱ nihánj roꞌ, cunu̱u iꞌna̱ꞌ uún nij síí noco̱ꞌ man soꞌ ado̱nj.

1 Corintios 11:3

Me raj xca̱j soj cuentá se vaa uun chij Cristó rihaan nu̱ꞌ snóꞌo, ne̱ snóꞌo uun chij rihaan chana̱ nica̱ soꞌ, ne̱ uun chij Yaꞌanj rihaan Cristó a.

San Juan 17:18

’Dan me se caꞌnéé ꞌu̱nj man nij soꞌ rihaan chumii̱ nihánj, nda̱a vaa caꞌnéé so̱ꞌ man ma̱ꞌanj rihaan chumii̱ nihánj a.

2 Corintios 10:7

Dan me se ni̱ꞌyaj sa̱ꞌ soj man núj, ne̱ xca̱j soj cuentá da̱j vaa núj, ne̱ sese vaa ꞌo̱ tuviꞌ soj uun rá se vaa ya̱ ya̱ nocoꞌ soꞌ man Cristó, ne̱ xca̱j soꞌ cuentá se vaa ase vaa noco̱ꞌ soꞌ man Cristó roꞌ, taꞌngaꞌ da̱nj vaa noco̱ꞌ maꞌa̱n núj uún man Cristó na̱nj ado̱nj.

Romanos 14:8

ꞌO̱ se sese vaa iꞌna̱ꞌ níꞌ, ne̱ vaa iꞌna̱ꞌ níꞌ quiꞌya̱j níꞌ se‑su̱u̱n Síí ꞌNi̱j Raꞌa man níꞌ, ne̱ caꞌve̱e se cavi̱ꞌ níꞌ, tza̱j ne̱ ꞌo̱ qui̱ꞌnij raꞌa soꞌ man níꞌ na̱nj ado̱nj.

San Juan 17:21

Dan me se, yáán so̱ꞌ ga̱ ꞌu̱nj, Ata̱j Chij, ne̱ yáán ꞌu̱nj ga̱ so̱ꞌ a. Ne̱ ꞌo̱ rcuaꞌa̱a̱n vaa ro̱ꞌ, ne̱ dan me se achíín ni̱ꞌyáá ꞌu̱nj cheꞌé ta̱ranꞌ nij soꞌ se vaa cuya̱a̱n ga̱a̱ rá nimán ta̱ranꞌ nij soꞌ uún, cheꞌé rej cuchuma̱n rá nij síí noco̱ꞌ se‑chre̱j chumii̱ nihánj se vaa caꞌnéé so̱ꞌ manj rihaan chumii̱ nihánj a.

Gálatas 5:24

Dan me se níꞌ si̱j a̱j noco̱ꞌ man Cristó Jesús roꞌ, me se a̱j ticaviꞌ Cristó man nu̱ꞌ se chiꞌi̱i̱ ma̱n nimán níꞌ, ga̱a caviꞌ soꞌ rihaan rcutze̱, ne̱ dan me se quisíj quiꞌyaj nee̱ man níꞌ cacunꞌ, ne̱ daj chiha̱a̱ míj se̱ guun quiꞌya̱j uún níꞌ se chiꞌi̱i̱ me rá nee̱ man níꞌ quiꞌya̱j yoꞌ a̱ maꞌ.

1 Corintios 8:6

Ne̱ xa̱ꞌ níꞌ, tza̱j ne̱ neꞌen níꞌ se vaa o̱rúnꞌ ya̱ Yaꞌanj á. Rej níꞌ Yaꞌanj me soꞌ, ne̱ o̱rúnꞌ soꞌ me síí quiꞌyaj cunuda̱nj rasu̱u̱n ma̱n rihaan chumii̱ nihánj, ne̱ ina̱nj cheꞌé maꞌa̱n soꞌ vaa iꞌna̱ꞌ níꞌ a. Ne̱ vaa o̱rúnꞌ Síí ꞌNi̱j Raꞌa man níꞌ, ne̱ Jesucristó cuꞌna̱j soꞌ, ne̱ cheꞌé soꞌ curuviꞌ nu̱ꞌ rasu̱u̱n ma̱n rihaan chumii̱ nihánj, ne̱ cheꞌé soꞌ ya̱ vaa iꞌna̱ꞌ níꞌ ado̱nj.

Efesios 1:10

asa̱ꞌ quisíj güii caꞌna̱ꞌ uún Cristó rihaan chumii̱ nihánj a. Dan me se güii yoꞌ me se gu̱un chij Cristó rihaan cunuda̱nj rasu̱u̱n, quiꞌya̱j Yaꞌanj, ne̱ gu̱un chij Cristó rihaan cunuda̱nj nij rasu̱u̱n ma̱n rej xta̱ꞌ do̱ꞌ, rihaan cunuda̱nj nij rasu̱u̱n ma̱n rihaan chumii̱ nihánj do̱ꞌ a.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

1 Corintios 15:28

Dan me se asa̱ꞌ guun chij Cristó rihaan nu̱ꞌ rasu̱u̱n quiꞌya̱j Yaꞌanj, ne̱ caꞌve̱j rá maꞌa̱n Cristó Taꞌni̱j Yaꞌanj gu̱un chij Yaꞌanj rihaan soꞌ, ga̱a ne̱ Yaꞌanj me síí gu̱un chij ndoꞌo rihaan cunuda̱nj rasu̱u̱n ado̱nj.